ᐊᖏᔪᖅᑳᖅ ᐊᑐᐊᒐᕐᓂᑦ ᖃᐅᔨᓴᖅᑎ - ᓴᖅᑭᔮᖅᑎᑕᐅᒃᑲᓐᓂᖅᑐᖅ

ᐅᓇ ᐃᖅᑲᓇᐃᔮᒃᓴᖅ ᐅᑯᓄᖓᑐᐊᖅ ᑐᕌᖓᔪᖅ ᓄᓇᖃᖅᑐᓄᑦ ᐃᖃᓗᖕᓂᑦ ᑭᓯᐊᓂ.

ᐊᖏᒧᖄᖃᕐᓂᖅ, ᐊᑐᐊᒐᕐᓂᑦ ᐸᕐᓇᐃᓂᕐᒧᓗ (ᐊᖏᔪᖄᖅ. ᐊᑐᐊᒐᕐᓂᑦ ᖃᐅᔨᓴᖅᑎᒻᒪᕆᒃ (ᖃᐅᔨᓴᖅᑎ) ᐱᓕᕆᖃᑎᖃᓲᖅ ᐊᑐᐊᒐᕐᓂᑦ ᐸᕐᓇᐃᓂᐃᒧᓪᓗ ᐱᓕᕆᖃᑎᒌᓂᑦ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᐊᐅᓚᑦᑎᓂᕐᒧᑦ ᐊᑕᖐᑦᑎᐊᖅᑐᓂᒃ ᖃᐅᔨᓴᕐᓂᕐᒥᑦ, ᑭᒃᑯᑐᐃᓐᓇᕐᓄᑦ ᑐᓴᐅᒪᑎᑦᑎᔨ ᐊᒻᒪ ᑐᓴᐅᒪᖃᑦᑕᐅᑎᓂᕐᒧᑦ ᐱᓕᕆᐊᒃᓴᑦ ᐱᖁᑏᓪᓗ. ᑖᓐᓇ ᐃᖅᑲᓇᐃᔮᔅᓴᖅ ᐱᓕᕆᐊᓪᓗᐊᑕᖃᖅᑐᖅ ᐸᕐᓇᐃᓂᕐᒥᑦ ᐊᒻᒪ ᐱᕙᓪᓕᐊᑎᑕᐅᓂᖏᓐᓄᑦ ᐊᒻᒪ ᖃᐅᔨᓴᖅᑕᐅᓂᖏᓐᓄᑦ ᐊᑐᐊᒐᐃᑦ, ᒪᓕᑦᑕᐅᔭᕆᐊᓖᑦ, ᐱᓕᕆᐊᑦ ᐊᒻᒪ ᒪᓕᒐᐃᑦ. ᐊᖏᔪᖅᑳᖅ ᐊᑐᐊᒐᕐᓂᑦ ᖃᐅᔨᓴᖅᑎ ᐃᑲᔪᖃᑦᑕᖅᑐᖅ ᐱᓇᓱᐊᖅᑕᐅᔪᓂᑦ ᐃᖅᑲᓇᐃᔭᖅᑎᓂᑦ ᐱᓕᕆᕕᒻᒥᑦ, ᐱᓯᒪᑦᑎᓪᓗᓂ ᖃᐅᔨᒪᓇᓱᑦᑎᐊᓂᕐᒥᑦ ᐊᒻᒪ ᐱᓕᕆᓗᓂ ᐋᖅᑭᔾ;ᒋᑦ ᐊᑲᐅᖏᓕᐅᕈᑕᐅᔪᑦ ᐊᒻᒪ ᑭᒡᒐᑐᕐᓗᒍ ᐱᓕᕆᕕᒃ ᐱᓕᕆᕕᐅᔪᓂᑦ ᑲᑎᒪᓂᖏᓐᓄᑦ ᐊᒻᒪ ᐱᓕᕆᔨᓄᑦ.

ᐊᖏᔪᖄᖅ ᐊᑐᐊᒐᓂᑦ ᖃᐅᔨᓴᖅᑎ ᑐᑭᒧᐊᖅᑎᑦᑎᔪᖅ ᐱᕙᓪᓕᐊᑎᑦᑎᓂᕐᒧᑦ, ᐊᐅᓚᑦᑎᓂᕐᒧᑦ ᐊᒻᒪ ᐊᐅᓚᑦᑎᓂᖅ ᐱᕙᓪᓕᐊᑎᑕᐅᔪᓂ ᐸᕐᓇᐃᓂᐃᒧᑦ, ᒪᓕᒐᓂᑦ, ᐊᑐᐊᒐᓂᑦ ᐊᒻᒪ ᐱᓕᕆᔾᔪᓯᕐᓂᑦ. ᐃᖅᑲᓇᐃᔮᑖᖅᑐᖅ ᐱᓕᕆᐊᖃᓂᐊᖅᑐᖅ ᐊᑐᓕᖁᔭᓕᐅᓂᕐᒥᑦ, ᐃᑲᔪᓱᖅᑕᐅᔪᑦ ᖃᐅᔨᓴᐃᓂᒃᑯᑦ, ᓴᖅᑭᑎᑦᑎᓗᑎ ᐅᕝᕙᓘᓐᓃᑦ ᐋᖅᑭᒋᐊᖅᓯᓗᑎ ᒪᓕᒐᕐᓂᑦ ᐊᒻᒪ ᓴᖅᑭᑎᑦᑎᓗᑎ ᓄᑖᓂᑦ ᐊᑐᐊᒐᕐᓂᑦ ᐅᕝᕙᓘᓐᓃᑦ ᐊᑐᖅᑕᐅᔭᕆᐊᓕᓐᓂᑦ. ᐱᓕᕆᖃᑎᖃᖅᑐᓂ ᐊᐅᓚᑦᑎᔨᒥᑦ, ᐃᖅᑲᓇᐃᔮᑖᖅᑐᖅ ᑖᔅᓱᒥᖓ ᐃᖅᑲᓇᐃᔮᔅᓴᒥᑦ ᓴᖅᑭᑎᑦᑎᓂᐊᖅᑐᖅ ᑐᓂᔭᐅᓪᓚᑖᖅᑐᓂᑦ, ᐱᖃᓯᐅᑎᓪᓗᑎ ᖃᐅᔨᓴᓂᕐᒧᑦ ᐅᓂᒃᑳᑦ, ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᑲᑎᒪᔨᓄᑦ ᑐᓂᔭᐅᔪᑦ, ᒥᓂᔅᑕᐅᑎᓂᑦ ᑐᔅᓯᕋᕐᓂᖅ ᐃᓱᒪᓕᐅᓂᕐᒧᑦ, ᒪᓕᒐᕐᓄᑦ ᑐᔅᓯᕋᐅᑏᑦ, ᐅᖃᐅᓯᕆᔭᔅᓴᐅᔪᑦ ᐸᐃᑉᐹᑦ, ᑐᕿᑭᓯᒋᐊᕈᑏᑦ, ᓇᓖᕌᕋᔅᓴᐃᑦ ᐸᐃᑉᐹᑦ ᐊᒻᒪ ᐃᓱᒪᓕᐅᓂᕐᒧᑦ ᐸᐃᑉᐹᑦ. ᐊᖏᔪᖅᑳᖅ ᐊᑐᐊᒐᕐᓂᑦ ᖃᐅᔨᓴᖅᑎ ᖃᐅᔨᒋᐊᕐᕕᖃᓂᐊᖅᑐᖅ ᐱᓕᕆᕕᒻᒥ ᐃᖅᑲᓇᐃᔭᖅᑎᓂᑦ ᐊᒻᒪᓗᑦᑕᐅᖅ ᓄᓇᕗᑦ ᒐᕙᒪᒃᑯᑦ ᐱᓕᕆᕕᖏᑦ ᐊᒻᒪ ᐊᓯᖏᑦ ᑎᒍᒥᐊᖅᑎᐅᖃᑕᐅᔪᑦ ᐊᐅᓚᑦᑎᓗᓂ ᐃᓗᓕᖏᓐᓂ ᐊᒻᒪ ᐱᓕᕆᔭᐅᔪᓂᑦ ᐊᑦᑐᐊᓂᓖᑦ ᒥᓂᔅᑕᓄᑦ ᓇᓗᓇᐃᔭᐃᓂᕐᒧᑦ ᐊᒻᒪ ᒪᓕᒐᓕᐅᕐᕕᒻᒥ ᑎᑎᕋᖅᓯᒪᔪᖏᑦ. ᖃᐅᔨᓴᖅᑕᐅᓂᖏᑦ ᐋᖅᑭᒋᐊᖅᑕᐅᓂᖏᓐᓄᑦ ᒫᓐᓇᐅᔪᒥᑦ ᓄᓇᕗᑦ ᒐᕙᒪᒃᑯᑦ (GN) ᐊᑐᐊᒐᖏᑦ ᐊᒻᒪ ᐱᓕᕆᐊᑦ ᐊᐅᓚᓂᖃᑦᑎᐊᖁᓪᓗᒍ, ᐊᔾᔨᒌᓐᓂᖃᕐᓗᓂ ᐊᒻᒪ ᐊᑦᑐᐊᓂᖃᕐᓗᓂ ᓯᕗᓪᓕᐅᔾᔭᐅᖏᓐᓇᕆᐊᓕᒃ ᑖᔅᓱᒧᖓ ᐃᖅᑲᓇᐃᔮᒧᑦ.

ᖃᐅᔨᒪᓂᖏᑦ, ᐊᔪᖏᓐᓂᖏᑦ, ᐊᒻᒪ ᐱᔪᓐᓇᕐᓂᖏᑦ ᐱᑕᖃᕆᐊᖃᖅᑎᑕᐅᔪᑦ ᑖᔅᓱᒧᖓ ᐃᖅᑲᓇᐃᔮᒧᑦ  ᐱᔭᐅᒐᔪᑦᑐᑦ ᐅᑯᑎᒎᓇ ᓇᓗᓴᐃᒃᑯᑕᖃᕐᓂᖅ ᐃᓄᓐᓂᑦ ᐊᑐᐊᒐᕐᓂ/ᐊᐅᓚᑦᑎᓂᕐᒧᑦ, ᐃᓅᖃᑎᒌᓐᓂᕐᒧᑦ ᖃᐅᔨᓴᓂᕐᒧᑦ, ᓇᒻᒥᓂᐅᔪᒥᑦ ᐊᐅᓚᑦᑎᓂᕐᒥᑦ, ᒪᓕᒐᐃᑦ ᐅᕝᕙᓘᓐᓃᑦ ᐊᓯᖏᑦ ᐊᑦᑐᐊᓂᓖᑦ ᐃᖅᑲᓇᐃᔮᒧᑦ ᐃᓕᓴᕆᔭᐅᓯᒪᔪᒥᑦ ᐃᓕᓐᓂᐊᕆᐊᒃᑲᓂᓂᕐᒧᑦ ᐃᓕᓐᓂᐊᕕᒻᒧᑦ, ᐊᒻᒪᓗ ᐱᖓᓱᓂᑦ (3) ᐊᕐᕌᒍᓂ ᐃᖅᑲᓇᐃᔭᖃᑦᑕᖅᓯᒪᓗᓂ ᓴᖅᑭᑎᑦᑎᓂᕐᒥᑦ ᐊᒻᒪ ᖃᐅᔨᓴᓂᕐᒥᑦ ᐃᓄᓐᓄᑦ ᐊᑐᐊᒐᐃᑦ, ᐱᓕᕆᐊᑦ, ᐊᒻᒪ ᐊᑐᖅᑕᐅᕙᑦᑐᑦ ᐊᖏᔪᓂᑦ ᑲᑐᔾᔨᖃᑎᒌᓂᑦ ᐅᕝᕙᓘᓐᓃᑦ ᒐᕙᒪᒃᑯᓐᓂᑦ. ᐊᔪᙱᓐᓂᖃᕐᓗᓂ ᑐᓴᐅᒪᑎᑦᑎᑦᑎᐊᕈᓐᓇᕐᓂᕐᒥᒃ ᐅᖃᐅᓯᒃᑯᑦ ᑎᑎᕋᖅᓯᒪᔪᑎᒍᓪᓗ ᐊᔪᙱᑕᐅᔭᕆᐊᖃᖅᐳᖅ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᐊᑐᕐᓗᑎᒃ. ᐅᖃᕈᓐᓇᖅᐸᑦ

ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᐸᑎᑦ ᑎᑎᕋᖅᑕᕕᑦ ᖄᖓ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᐅᕗᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑕᖓᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᔨᓂᒃ ᐃᖅᑲᓇᐃᔭᖅᑎᓂᒃ; ᑕᐃᒪᐃᒻᒪᑦ, ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᖅ ᒪᓕᒡᓗᒍ.
• ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔪᑦ ᐱᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᖅᑎᑕᐅᓂᕐᒧᑦ ᑎᑎᖅᑲᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᒥᒃ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐃᓚᓕᐅᑎᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐊᑐᕆᐊᖃᖅᐳᖅ ᑭᓯᐊᓂ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᖅᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ. 

Contact: 

ᐃᖅᑲᓇᐃᔭᖅᑐᓕᕆᔨᒃᑯᑦ (Department of Human Resources, Iqaluit)

ᓄᓇᕗᑦ ᒐᕙᒪᒃᑯᑦ
P.O. Box 1000, Station 430 Iqaluit, Nunavut  X0A 0H0
ᐅᖃᓘᑖ: 867-975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: 867-975-6220
ᐃᕐᖐᓐᓇᖅ: [email protected]