ᐊᖏᔪᖅᑳᖅ ᐊᑐᐊᒐᕐᓂᑦ ᖃᐅᔨᓴᖅᑎ

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᓄᓇᕗᑦ ᒐᕙᒪᒃᑯᖏᓐᓂ ᐃᖅᑲᓇᐃᔭᖅᑎᑐᐊᓄᑦ .

ᓄᓇᕗᑦ ᒐᕙᒪᒃᑯᑦ ᓂᕈᐋᖅᑕᐅᓚᕐᒪᑕ ᐃᓚᒋᔭᐅᑎᑕᐅᓪᓗᑎᒃ ᑲᓇᑕᒥ ᐱᐅᓛᑦ ᐊᔾᔨᒌᖏᑦᑐᑎᑦ ᐃᖃᓇᐃᔭᖅᑎᑦᑎᔨᓂᖏᓐᓄᑦ, ᐃᖃᓇᐃᔭᖅᑎᑦᑎᓂᖅᐹᖑᓪᓗᑎᒃ ᒪᒃᑯᒃᑐᑦ ᐃᓅᖃᑎᒌᓐᓂᑦ ᐊᒻᒪᓗ ᐃᓕᓐᓂᐋᖅᓯᒪᓂᕐᒥᑦ ᐱᔭᕇᒃᓯᕋᑖᓚᐅᖅᑐᓂᑦ ᑕᒪᓂ 2023−ᒥ. ᓄᓇᕗᑦ ᐱᕙᓪᓕᐋᑎᑦᑎᓂᖅᐹᖑᖕᒪᑦ, ᐆᒻᒪᕆᒃᑑᓪᓗᓂ ᓄᓇᓕᖃᕐᕕᒃ, ᐃᒪᓐᓇᐅᔪᒪᓪᓗᓂ ᐱᐅᓂᖅᐹᖑᓕᕈᒪᓪᓗᓂ ᐃᓂᒋᔭᐅᔪᓐᓇᕋᔭᕐᓂᕐᒥ ᓯᕗᓂᒃᓴᒥ ᑭᖑᕚᕆᔭᐅᓂᐊᖅᑐᓄᑦ. ᒐᕙᒪᐅᓂᑦᑎᓐᓄᑦ, ᓴᙱᓂᖅᓴᐅᓕᖅᑎᑦᑎᕙᓪᓕᐊᒐᑦᑕ ᐊᔾᔨᐅᖏᑦᑐᖁᑎᑕ ᐋᖅᑭᒃᓯᒪᓂᖓᓂᑦ ᐊᐅᓚᑦᑎᓂᕐᒥ – ᐃᓚᓕᐅᔾᔨᓪᓗᓂᓗ ᐃᓄᐃᑦ ᐃᓅᖃᑎᒋᖕᓂᕐᒧᑦ ᐱᕕᐋᕐᓇᖅᑐᖁᑎᖏᓐᓂᑦ, ᐊᑐᖅᑕᐅᓂᖅᓴᐅᑎᑦᑎᓪᓗᓂ ᐃᓄᐃᑦ ᐅᖃᓪᓚᒍᓯᖓᓂᑦ, ᐱᕙᒡᓗᓂ ᑭᒡᒐᖅᑐᐃᔪᒥᒃ ᒐᕙᒪᒃᑯᓐᓂ ᐱᔨᑦᓯᕈᑎᒥᒃ, ᐊᒻᒪᓗ ᐃᖃᓇᐃᔭᖃᑎᖃᓲᖑᓪᓗᑕ ᐱᓕᕆᖃᑎᒋᔭᑦᑎᓐᓂᑦ ᐱᔪᓐᓇᖅᓯᖁᓪᓗᒋᑦ ᐱᔭᐅᓂᐋᕐᓂᕋᒃᑕᐅᓯᒪᔪᓂᒃ ᓄᓇᕗᕐᒧᑦ. ᑲᔪᓯᑎᑕᐅᔪᑦ ᐃᖃᓇᐃᔭᖅᑖᕋᓱᐊᖅᑐᑦ ᖁᕕᐋᒋᔭᖃᕋᔭᖅᑐᑦ ᐱᐅᓚᒥᒃ ᑮᓐᓇᐅᔭᒃᓴᓂᕐᒥᑦ, ᐃᓅᓕᓴᐅᑎᓂ ᐊᒻᒪᓗ ᑭᒍᓐᓂᐋᖅᑕᐅᓂᕐᒧᑦ ᐃᑲᔪᖅᑕᐅᔾᔪᑎᓂᒃ, ᓇᓗᓇᐃᖅᑕᐅᓯᒪᓗᓂ ᐃᑲᔪᖅᑕᐅᔾᔪᑎ ᐃᑦᑐᐋᕿᓂᕐᒧᑦ ᐸᕐᓇᒍᑎ, ᓅᑦᑕᕆᐊᖃᑐᖃᑉᐸᑦ ᐱᔪᓐᓇᖅᑎᑕᐅᔾᔪᑎᓂᑦ ᐊᒻᒪᓗ ᐱᔪᓐᓇᖅᑎᑕᐅᓗᑎᒃ ᐊᔪᕈᓐᓃᖅᓴᓂᕐᒥᑦ ᐊᒻᒪᓗ ᐃᖃᓇᐃᔮᒥ ᐊᔪᖏᓐᓂᖅᓴᐅᓕᖅᐸᓪᓕᐋᓂᕐᒥᑦ

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᕝᕕᐅᕗᖅ ᓄᓇᕗᑦ ᒐᕙᒪᖓᓂ ᐱᔨᑦᑎᖅᖢᑎᒃ ᐃᒡᓗᓕᕆᓂᕐᒥᒃ ᐃᓄᒋᐊᒃᓯᕙᓪᓕᓂᖅᐹᖑᓪᓗᓂ ᑲᓇᑕᒥ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᐊᖓ ᓴᖅᑭᑎᑦᑎᓗᑎᒃ, ᐱᓕᕆᐊᖃᑎᖃᕐᓗᑎᒃ, ᐊᒻᒪᓗ ᐊᐅᓚᑦᑎᓗᑎᒃ ᓴᖅᑭᑕᐅᓯᒪᔪᓂᒃ ᓈᒻᒪᒃᑐᓂᒃ ᐊᑐᐃᓐᓇᐅᑎᑕᐅᔪᓂᒃ ᐃᒡᓗᒥᒃ ᐊᑐᖅᑐᐊᖅᑕᒥᓂᒃ ᐊᑭᓕᖅᓱᒐᒃᓴᐅᓂᖅᓴᐅᓗᑎᒃ ᐃᓚᒌᓄᑦ ᑭᓇᑐᐃᓐᓇᕐᒧᓪᓗ ᓄᓇᕗᒻᒥ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᖃᖓᑦᑎᐊᖅ ᓄᓇᕗᒻᒧᑦ 3000 ᐸᕐᓇᒍᑎ, (www.igluliuqatigiingniq.ca) ᐱᓕᕆᖃᑎᒌᖕᓂᒃᑯᑦ ᒐᕙᒪᒃᑯᑎᒍᑦ ᐱᓕᕆᖃᑎᖏᓪᓗ ᓴᖅᑭᑎᑦᑎᓗᑎᒃ 3,000−ᓂᒃ ᓄᑖᓂᒃ ᐃᒡᓗᒋᔭᐅᔪᒃᓴᓂᒃ ᐱᓕᕆᐊᖑᐃᓐᓇᕋᔭᖅᖢᓂ 2030−ᒨᖓᓗᒍ.

ᐃᖃᓇᐃᔭᖅᑎ ᐃᖃᓇᐃᔮᒃᓴᒧᑦ ᑲᒪᒋᔭᖃᕐᐸᒃᑐᖅ ᐱᕙᓪᓕᐊᑎᑦᑎᓂᕐᒥᑦ ᐊᒻᒪᓗ ᕿᒥᕐᕈᓂᕐᒥᑦ ᖃᐅᔨᒪᔾᔪᑎᒃᓴᓂᑦ, ᐊᑐᐊᒐᓂᑦ, ᐊᒻᒪᓗ ᒪᓕᒐᓂ ᐱᖃᓯᐅᑎᓗᒋᑦ ᐱᕙᓪᓕᐊᑎᑦᑎᓂᖅ ᐱᐅᓛᒥᑦ ᓇᐃᓈᖅᓯᒪᔪᓂ ᐅᖃᓕᒫᒐᒃᓴᓂᑦ ᐊᐅᓚᑦᑎᕕᖕᒥᑦ ᓯᕗᓕᖅᑎᖏᑕ ᑲᑎᒪᔨᖏᑦ, ᓄᓇᕗᒻᒥᑦ ᐃᒡᓗᓕᕆᔨᕐᔪᐊᒃᑯᑦ ᐊᖏᔪᖃᐅᑎᒃᑯᑦ ᑲᑎᒪᔨᖏᑦ, ᓯᕗᓕᖅᑏᑦ ᑲᑎᒪᔨᖏᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔩᑦ ᑲᑎᒪᔨᖏᑦ. ᐃᑲᔪᖅᓱᕐᓗᑎᒃ ᑐᑭᒧᐊᖅᑎ, ᐊᑐᐊᒐᓕᕆᓂᕐᒧᑦ ᐊᒻᒪᓗ ᖃᓄᖅᑑᕈᑎᒃᓴᓂᑦ ᐊᑐᐊᒐᓕᕆᓂᕐᒧᑦ ᐱᓕᕆᐊᖃᕐᐸᒡᓗᓂ ᐊᑕᖐᑦᑎᐊᖅᑐᓂ ᖃᐅᔨᓴᖅᑕᐅᖁᔨᔾᔪᑎᓂ ᑐᒃᓯᕋᖅᑕᐅᔪᓂ ᐊᑐᐊᒐᓂ ᐱᓕᕆᐊᒃᓴᓂᒡᓗ, ᓇᓗᓇᐃᔭᕐᓗᒋᑦ ᒪᓕᒐᓕᐊᕆᔭᐅᔪᓂ, ᒪᓕᒐᓂ, ᐃᓅᖃᑎᒌᓂᑦ, ᐱᕙᓪᓕᐊᔾᔪᑎᒃᓴᓂᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐊᒃᑐᐊᓂᕆᔭᐅᔪᑦ ᐊᒻᒪᓗ ᖃᓄᐃᓕᐅᖅᑕᐅᔭᕆᐊᓕᖕᓂᑦ ᐱᕙᓪᓕᐊᓂᕆᔭᐅᔪᑦ ᓴᓗᓇᐃᔭᐃᔾᔪᑎᓂᑦ ᐊᒻᒪᓗ ᐊᑐᓕᖁᔨᔾᔪᑏᑦ ᓄᑖᙳᕆᐊᕈᑎᒃᓴᑦ. ᐃᖃᓇᐃᔭᖅᑎ ᑲᒪᒋᔭᖃᕐᓂᐊᕐᒥᔪᖅ ᐱᓕᕆᖃᑎᖃᕐᓂᕐᒥᑦ ᑲᓇᑕᒥᑦ/ᑲᓇᑕᒥᑦ ᓯᓚᑖᓂᓗ, ᓄᓇᕗᒻᒥᑦ ᐊᒻᒪᓗ ᐊᕕᒃᑐᖅᓯᒪᓂᓕᖕᓂᑦ ᒐᕙᒪᖏᓐᓂᑦ, ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐊᓯᖏᑦ ᐃᒡᓗᖃᖅᑎᐅᔪᓂᑦ; ᓇᓃᓕᕐᓂᖏᑦ ᐊᕕᒃᑐᖅᓯᒪᔪᑦ ᐃᓚᐅᖃᑕᐅᔪᑦ ᓄᓇᕗᑦ ᒐᕙᒪᒃᑯᓐᓂᑦ ᐱᓕᕆᕝᕕᖏᓐᓂᑦ ᐊᒻᒪᓗ ᐊᓯᖏᑦ ᐱᒡᒍᔾᔨᔨᔪᑦ ᐱᕙᓪᓕᐊᑎᑦᑎᔪᑦ ᐱᓕᕆᕝᕕᐅᖃᑎᒌᑦ ᐱᓕᕆᐊᖑᔪᑦ.

ᖃᐅᔨᒪᓂᖅ, ᐊᔪᙱᑕᖃᕐᓂᖅ, ᐊᒻᒪᓗ ᐱᔪᓐᓇᕐᓂᖃᕆᐊᓕᒃ ᑖᔅᓱᒧᖓ ᐃᖃᓇᐃᔮᕐᒧᑦ ᐱᔭᐅᒐᔪᒃᑐᖅ ᐱᔭᕇᕈᓯᐊᓕᖕᓄᑦ ᐃᓄᓕᕆᓂᕐᒧᑦ ᖃᐅᔨᓴᖅᑐᓕᕆᓂᕐᒧᑦ, ᑐᓴᐅᒪᖃᑦᑕᐅᑎᓂᕐᒧᑦ, ᑮᓇᐅᔭᓕᐅᕋᓱᖕᓂᕐᒧᑦ ᐱᕙᓪᓕᐊᓂᕐᒧᑦ, ᓇᖕᒥᓂᖃᖅᑎᐅᓂᕐᒧᑦ ᐅᕝᕙᓘᓐᓃᑦ ᑭᒃᑯᑐᐃᓐᓇᕐᓄᑦ ᐊᒡᓚᒡᕕᓕᕆᔨᐅᓂᕐᒧᑦ ᐃᓕᓴᕆᔭᐅᓯᒪᔪᒥᑦ ᐃᓕᓐᓕᓂᐊᕐᕕᖕᒥᑦ ᒥᑭᓛᒥᑦ ᐱᖓᓱᓄᑦ (3) ᐅᑭᐅᓄᑦ ᐱᓕᕆᓯᒪᓂᑰᓗᓂ ᐱᕙᓪᓕᐊᑎᑦᑎᓂᕐᒧᑦ ᐊᒻᒪᓗ ᖃᐅᔨᓴᕐᓂᕐᒧᑦ ᑭᒃᑯᑐᐃᓐᓇᕐᓄᑦ ᐊᑐᐊᒐᓕᕆᓂᕐᒧᑦ ᐱᓕᕆᐊᒃᓴᓕᕆᓂᕐᒧᓗ. ᐱᓕᕆᓯᒪᓂᑰᓗᓂ ᐊᖏᔪᓂ ᑲᑐᔾᔨᖃᑎᒌᓂᑦ ᐅᕝᕙᓘᓐᓃᑦ ᒐᕙᒪᖃᕐᕕᐅᔪᒥᑦ ᐱᖃᓯᐅᑎᓗᒍ ᐱᓕᕆᓯᒪᓂᑰᓗᓂ ᓇᐅᑦᑎᖅᓱᑎᐅᓂᕐᒥᑦ ᐊᒻᒪᓗ ᐊᐅᓚᑦᑎᔨᐅᓂᕐᒥᑦ ᐃᖃᓇᐃᔭᖅᑎᓄᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᓯᒪᓂᑰᓗᓂ ᐱᓕᕆᐊᒃᓴᐅᔪᓂᑦ ᓂᕈᐊᕆᔭᐅᓂᖅᓴᐅᔪᖅ. ᐱᓕᕆᓯᒪᓂᑰᓗᓂ ᐅᕝᕙᓘᓐᓃᑦ ᐃᓕᓐᓂᐊᖅᓯᒪᓂᑰᓗᓂ ᖃᐅᔨᓴᖅᑎᐅᓂᕐᒧᑦ ᐃᒡᓗᓂ ᓂᐅᕕᐊᒃᓴᖃᕐᓂᕐᒧᑦ ᓂᕈᐊᕆᔭᐅᓂᖅᓴᐅᖕᒥᔪᑦ.

ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓃᑦ ᓄᓇᕗᕐᒥ ᒪᑯᐊᖑᖕᒪᑕ ᐃᓄᒃᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᕕᒃᑯᑎᑐᑦ. ᐃᖃᓇᐃᔭᖅᑖᕋᓱᐋᖅᑐᑦ ᑐᓂᓯᔪᓐᓇᖅᐳᑦ ᐃᖃᓇᐃᔮᖅᑕᕋᓱᐊᕈᑎᒥᖕᓂᑦ ᓇᓪᓕᐋᓄᑐᐃᓐᓇᖅ ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓂᕐᒧᑦ ᓄᓇᕗᕐᒥ. ᐅᖃᕈᓐᓇᑦᑎᐊᕐᓗᓂ ᑎᑎᕋᕈᓐᓇᑦᑎᐊᕐᓗᓂᓗ ᐅᓄᕐᓂᖅᓴᐅᔪᒥ ᐊᑕᐅᓯᕐᒥ ᓄᓇᕘᑉ ᒪᓕᒐᑎᒍᑦ ᐊᑐᖅᑕᐅᖁᔭᐅᓯᒪᔪᑦ ᐅᖃᐅᓯᓂᑦ ᐃᓱᒪᒋᔭᐅᓇᔭᖅᐳᖅ ᐱᒻᒪᕆᐅᓂᖓᓂ. ᖃᐅᔨᒪᓗᓂ ᐃᓄᖕᓄᑦ ᓄᓇᓕᖕᓂᑦ, ᐃᓕᖅᑯᓯᖏᓐᓂᑦ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᐊᒻᒪᓗ ᐃᖃᓇᐃᔭᖅᓯᒪᓗᓂ ᐃᖃᓇᔭᓪᓗᓂ ᐅᑭᐅᖅᑕᖅᑐᕐᒥ ᐊᔾᔨᒌᖏᑦᑐᓂᒃ−ᐃᓕᖅᑯᓯᓕᖕᓄᑦ ᐃᖃᓇᐃᔭᕐᕕᖕᒥ ᐃᓱᒪᒋᔭᐅᖃᓯᐅᑎᖕᒪᑕ ᐊᑑᑎᖃᓂᖏᓐᓂᑦ.

ᓈᒻᒪᒋᔭᐅᒐᔭᕐᒪᑕ ᐊᑕᐅᑦᑎᒃᑰᖅᓯᒪᒃᐸᑕ ᐃᓕᓐᓂᐊᖅᓯᒪᓂᖅ ᐊᒻᒪᓗ ᐃᖃᓇᐃᔭᖅᓯᒪᓂᑦ ᐃᓱᒪᒋᔭᐅᖃᓯᐅᑎᔪᓐᓇᕋᔭᕐᒥᔪᑦ ᑖᔅᓱᒧᖓ ᐃᖃᓇᐃᔭᒧᑦ. ᐃᓕᖕᓂᑦ ᑲᔪᖏᖅᓴᐃᕗᒍᑦ ᐃᖃᓇᐃᔭᖅᑖᕋᓱᐋᖁᓪᓗᑎᑦ ᐱᖃᑐᐋᕈᕕᑦ ᑕᐃᒪᓗᐊᐸᓘᖃᑎᖏᓐᓂᑦ ᐊᕐᕌᒍᓂ ᐃᓕᓐᓂᐊᖅᓯᒪᓂᖃᕈᕕᑦ ᐊᒻᒪᓗ/ᐅᕝᕙᓘᓐᓃᑦ ᐃᖃᓇᐃᔭᖅᓯᒪᓗᑎᑦ ᑕᐃᒫᓪᓗᐊᖃᑕᐅᓗᑎᒃ ᐃᓕᓐᓂᐊᖅᓯᒪᓂᕐᒧᑦ ᐊᒻᒪᓗ ᐃᖃᓇᐃᔭᖅᓯᒪᓂᕐᒧᑦ ᐱᔭᐅᓯᒪᖁᔭᐅᓪᓗᑎᒃ ᑎᑎᖅᑕᐅᓯᒪᔪᓂᑦ ᑕᑉᐸᒃᑯᓇᓃᑦᑐᓂᑦ.

ᐱᔪᓐᓇᖅᑎᑕᐅᓂᕐᒨᖓᔪᑦ ᑎᑎᖅᓯᒪᔪᑦ ᓴᖅᑭᑦᑎᑦᑎᔪᓐᓇᕐᒪᑕ ᐃᓐᓄᒃᑕᐅᖁᓪᓗᒋᑦ ᒫᓐᓇ ᐊᒻᒪᓗ ᓯᕗᓂᒃᓴᒥ ᐃᖃᓇᐃᔭᖅᑎᖃᖏᑦᑐᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑎᒥᖁᑖᓂ ᓇᓪᓕᐋᖕᓂᑐᐃᓐᓇᖅ ᓄᓇᓕᖕᓂ ᐃᓂᖃᒃᑐᓂ ᐃᓘᓐᓇᓕᒫᖓᓂ ᓄᓇᕗᑦ.

ᑖᔅᓱᒥᖓ ᐃᖅᑲᓇᐃᔮᖅᑖᕈᒪᓐᓂᕈᕕᑦ, ᖃᕆᑕᐅᔭᒃᑯᑦ ᐃᕐᖐᓐᓈᕈᑎᒃᑯᑦ ᓇᒃᓯᐅᑎᔪᓐᓇᖅᑕᑦ ᑎᑎᖅᑲᓕᐊᑦ ᐃᖅᑲᓇᐃᔭᖅᑖᕋᓱᐊᕈᑎᒥᒡᓗ ᐅᕗᖓ @email. ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᖃᕆᑕᐅᔭᒃᑯᑦ ᐃᕐᖐᓐᓈᕈᑎᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᔪᒪᖕᒪᑦ ᓴᕿᑎᑦᑎᔪᒪᓪᓗᓂ ᑭᒡᒐᖅᑐᐃᓂᕐᒧᑦ ᐃᖃᓇᐃᔭᖅᑎᐅᖃᑎᒌᓂᑦ; ᑕᐃᒪᐃᒻᒪᑦ, ᓯᕗᓪᓕᐅᑎᑕᐅᓇᓱᖕᓂᐋᖅᑐᑦ ᓄᓇᕗᑦ ᐃᓄᖏᑦ ᑕᐃᒃᑯᐊ ᓇᖕᒥᓂᖅ−ᓇᓗᓇᐃᖅᑐᑦ ᐊᑎᓕᐅᖅᑕᐅᓯᒪᓂᕋᕐᓗᑎᒃ ᓄᓇᕗᑦᑖᕈᑎᑦ ᐊᖏᖃᑎᒋᒍᑎᖏᓐᓂ ᒪᓕᒡᓗᒍ ᓯᕗᓪᓕᐅᑎᑕᐅᔭᕆᐊᖃᕐᓂᖏᓐᓄᑦ ᐃᖃᓇᐃᔭᓕᖅᑎᑦᑎᓂᕐᒧᑦ ᐊᑐᐊᒐᕐᒧᑦ.
• ᓄᓇᕗᑦ ᒐᕙᒪᒃᑯᑦ ᐃᖃᓇᐃᔭᖅᑎᖏᑦ ᐃᖃᓇᐃᔭᖅᑐᑦ ᖃᐅᔨᓴᖅᑕᐅᓗᑎᒃ ᐃᖃᓇᐃᔭᖅᑎᑕᐅᔪᑦ ᐱᔭᕆᐊᖃᒃᑎᑕᐅᕗᑦ ᐊᒻᒪᓗ ᑐᓂᓯᓗᑎᒃ ᑎᑎᕋᒃᓯᒪᔪᓂᒃ ᐱᓕᕆᔪᓐᓇᖅᑎᑦᑎᔾᔪᑎᓂᒃ ᑐᖓᓂᖅ ᓂᐊᖁᕆᔭᐅᔪᒦᙵᕐᓗᑎᒃ ᐃᖃᓇᐃᔭᖅᑎᑦᑎᔨᒋᔭᖏᓐᓅᕐᓗᑎᒃ ᐱᓕᕆᕕᖕᒧᑦ. ᐱᓕᕆᔪᓐᓇᖅᓯᑎᑦᑎᔪᑦ ᑐᖓᓕᖅ ᓂᐊᖁᕆᔭᐅᔪᒦᖓᖅᑐᑦ ᐱᖃᓯᐅᔾᔨᓯᒪᔭᕆᐋᓕᑦ ᐃᖃᓇᐃᔮᖅᑖᕋᓱᐋᕈᑎᖕᓂᑦ ᑐᒃᓯᕋᐅᑎᒋᔭᑎᑦ ᐃᓱᒪᒃᓴᖅᓯᐅᕈᑕᐅᔪᓐᓇᖅᓯᖁᓪᓗᒍ.
• ᐃᖅᑲᖅᑐᐃᕕᒃᑯᑦ ᐸᓯᔭᒃᓴᕕᓃᑦ ᐃᖅᑲᓇᐃᔮᖅᑖᕋᓱᒃᑐᓄᑦ ᐃᓱᒪᒃᓴᖅᓯᐅᔾᔪᑕᐅᒐᔭᖅᐳᑦ. ᖃᐅᔨᓴᖅᓯᓂᖅ ᐱᕋᔭᒃᓯᒪᓂᕐᒧᑦ ᐅᓂᑳᓕᐊᖑᓯᒪᔪᓂᒃ ᖃᐅᔨᓴᖅᑕᐅᒐᔭᕐᒪᑕ ᖃᐅᔨᒋᐋᕈᑕᐅᓗᑎᒃ ᑎᑭᐅᒪᔭᖏᑦ ᐊᒻᒪᓗ ᐃᖃᓇᐃᔮᕆᔭᐅᒐᔭᖅᑐᓂᑦ ᐃᖃᓇᐃᔮᒧᑦ. ᑕᒪᓐᓇ ᒪᑯᓂᖓᑐᐋᖅ ᐱᓕᕆᐋᖑᔭᕆᐊᖃᒃᑎᑦᑎᖕᒪᑦ ᐃᖃᓇᐃᔭᑦ ᑕᐃᒃᑯᐊ ᓈᒻᒪᒋᔭᐅᔭᕆᐊᖃᒃᑎᑦᑎᔪᑦ ᐱᕋᔭᒃᓯᒪᔪᖅᓯᐅᑎᑦ ᐅᓂᑳᓕᐊᖑᓯᒪᓂᖏᓐᓂᑦ ᐅᕝᕙᓘᓐᓃᑦ ᐱᓂᕐᓗᒃᑕᐅᑐᐃᓐᓇᕆᐊᖃᓂᖓᓄᑦ ᐃᖃᓇᐃᔭᕐᕕᖁᑎ ᖃᐅᔨᓴᖅᑕᐅᓗᓂ.
• ᐃᖃᓇᐃᔭᖅᑖᕋᓱᐋᖅᑐᑦ ᑐᓂᓯᔪᓐᓇᖅᐳᑦ ᐃᖃᓇᐃᔮᖅᑕᕋᓱᐊᕈᑎᒥᖕᓂᑦ ᓇᓪᓕᐋᓄᑐᐃᓐᓇᖅ ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓂᕐᒧᑦ ᓄᓇᕗᕐᒥ.
• ᐃᖅᑲᓇᐃᔮᖅᑖᕋᓱᒃᑐᑦ ᓈᒻᒪᒋᔭᐅᒍᑎᒃ ᐊᐱᖅᓱᖅᑕᐅᒐᔭᖅᑐᑐᐊᑦ.
• ᐃᖅᑲᓇᐃᔮᖅᑖᕋᓱᒃᑐᖅ ᑲᒪᒋᔭᕆᐊᖃᖅᐸᐅᒃ ᐃᓕᓐᓂᐊᒃᑲᓐᓂᕐᓂᕆᓯᒪᔭᖓᓂᒃ ᓇᓗᓇᐃᒃᑯᑕᕐᓂᒃ ᑕᕆᐅᑉ ᐊᑭᐊᓂᕐᒥᐅᓂᒃ ᐱᔪᓐᓇᕐᓂᕋᖅᑕᐅᓯᒪᔪᓂᒃ ᖃᐅᔨᓴᖅᑕᐅᔭᕆᐊᖃᖅᑐᓂᒃ ᐃᓕᓴᕆᔭᐅᓯᒪᔪᒥᒃ ᑲᓇᑕᐅᑉ ᐃᓕᓐᓂᐊᖅᑐᓕᕆᔨᒃᑯᖏᑎᒍᑦ. ᑖᓐᓇ ᐱᓕᕆᐊᖑᖏᑉᐸᑦ ᐃᖅᑲᓇᐃᔮᖅᑖᕋᓱᒃᑐᖅ ᑕᑯᓇᒃᑕᐅᙱᑐᐃᓐᓇᕆᐊᓕᒃ ᖁᔭᓈᖅᑕᐅᓗᓂ.