ᐊᑐᐊᒐᓕᕆᔨ
ᐅᓇ ᐃᖅᑲᓇᐃᔮᒃᓴᖅ ᐃᖃᓗᒻᒥᐅᑕᑐᐊᓄᑦ ᒪᑐᐃᖓᔪᖅ ᑭᓯᐊᓂ.
ᐊᖓᔪᖅᑳᖃᕐᓗᓂ ᐊᐅᓚᑦᓯᔨᖓᓂᑦ, ᐊᑐᐊᒐᕐᓂᑦ ᐱᕙᒌᔭᕐᓂᕐᒧᓪᓗ, ᑖᓐᓇ ᐃᖅᑲᓇᐃᔮᖅ ᑲᒪᒋᔭᖃᕐᓂᐊᖅᑐᖅ ᖃᐅᔨᓴᕐᓂᕐᒥᑦ ᐱᕙᓪᓕᐊᑎᑦᓯᓂᕐᒥᓪᓗ ᐊᑐᐊᒐᕐᓂᑦ ᒪᓕᒐᕐᓂᓪᓗ ᐱᓕᕆᐊᖑᕙᓪᓕᐊᔪᒪᔪᓂᑦ ᐅᖃᐅᓯᖃᕐᓂᕐᒥᑦ ᓯᕗᓪᓕᐅᔾᔨᒋᐊᓕᓐᓂᑦ ᐱᓕᕆᐊᖑᔪᒪᔪᒧᑦ ᑐᕌᒐᕐᓂᑦ ᐱᓕᕆᕝᕕᒻᒥᑦ, ᐋᖅᑭᑦᓯᓂᕐᒥᑦ ᒐᕙᒪᒃᑯᑦ ᐱᓕᕆᐊᑦᓴᖏᓐᓂᑦ, ᓇᓗᓇᐃᖅᓯᓂᕐᒥᓪᓗ ᐃᓗᐊᓂ ᓯᓚᑖᓂᓪᓗ ᐅᖃᖃᑎᖃᖃᑦᑕᕐᓂᕐᒥᑦ ᐱᖃᖃᑕᐅᔪᓂᑦ ᐱᕙᓪᓕᐊᑎᑦᓯᓂᒃᑯᑦ ᐊᑐᓕᖅᑎᑦᓯᓂᕐᒧᓪᓗ ᐱᓕᕆᔾᔪᓯᓂᑦ.
ᐊᑐᐊᒐᕐᓂᑦ ᖃᐅᔨᓴᖅᑎ ᑲᑎᖅᓱᐃᓪᓗᓂᓗ ᐊᒻᒪ ᖃᐅᔨᓴᖃᑦᑕᖅᐳᖅ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᖃᓄᐃᓕᐅᕆᐊᕈᑎᒋᕙᓪᓕᐊᔭᖏᓐᓂᑦ ᐅᓂᒃᑳᓕᐅᕆᐊᓕᓐᓂᑦ ᒥᓂᔅᑕᒧᑦ ᐃᑲᔪᖅᑕᐅᖁᔭᐅᔪᓂ ᐊᐅᓚᑦᑎᔨᐊᓄᑦ, ᑐᑭᒧᐊᒃᑎᑦᑎᔨᖓᑦ ᐊᑐᐊᓕᕆᓂᕐᒧᑦ ᐸᕐᓇᐃᓂᕐᒧᓪᓗ ᐊᒻᒪ ᐱᔭᕆᐊᖃᓪᓚᕆᑦᑐᑦ ᑎᑎᖅᑲᑦ ᓲᕐᓗ ᒥᓂᔅᑕᒨᖓᔪᑦ, ᐅᓂᒃᑳᑦ, ᑎᓕᓯᔾᔪᑕᐅᔪᑦ, ᐱᖁᔭᒃᓴᓂ ᑐᒃᓯᕋᖅᑕᐅᔪᓂ ᐊᒻᒪ ᐅᖃᐅᔅᓴᐅᓂᐊᖅᑐᓂᑦ ᖃᓄᐃᓕᐅᕈᑕᐅᔪᓄᑦ. ᐱᓕᕆᐊᔅᓴᓪᓗᐊᑕᕆᔭᖏᑦ ᐃᖅᑲᓇᐃᔭᖅᑎᐅᑉ ᐃᓚᖃᖅᑐᑦ ᑲᒪᔨᐅᓂᕐᒥᑦ ᐊᒻᒪ ᖃᐅᔨᒪᔨᐅᓂᕐᒥᑦ ᐱᓕᕆᕝᕕᒻᒦᑦᑐᓄᑦ ᐱᔭᐅᔭᕆᐊᓕᓐᓂᑦ, ᑲᒪᒋᔭᐅᓂᖏᑦ ᐱᓕᕆᕝᕕᒻᒥᑦ ᐱᖁᔭᖅᑎᒍᑦ ᐱᒋᐊᖅᑎᑕᐅᔪᑦ ᐊᒻᒪ ᐊᑐᕈᓐᓃᖅᑎᑕᐅᔪᑦ, ᐊᒻᒪᓗ ᐃᑲᔪᕐᓂᕐᒥᑦ ᐱᓕᕆᕝᕕᒻᒥᑦ ᐱᕙᓪᓕᐊᑎᑕᐅᔪᑦ ᖃᓄᐃᓕᐅᕈᑕᐅᒪᔪᑦ/ᐸᕐᓇᐅᑏᓕᐅᖅᑎᓪᓗᒋᑦ ᑮᓇᐅᔭᓕᕆᓂᕐᒧᑦ. ᑖᔅᓱᒨᓐᓇ ᐃᖅᑲᓇᐃᔮᒃᑯᑦ ᐊᑐᐃᓐᓇᕈᖅᓴᐃᔭᕆᐊᖃᑐᐃᓐᓇᕆᐊᖃᕐᒥᔪᖅ ᐅᓂᒃᑳᓕᐅᓂᕐᒥᑦ ᒐᕙᒪᑐᖃᒃᑯᓐᓄᑦ/ᒐᕙᒪᐃᑦ ᐊᕕᑦᑐᖅᓯᒪᔪᓄᑦ ᓄᓇᕗᒻᒥᑦ ᐱᓕᕆᐊᖑᔪᓄᑦ. ᐃᖅᑲᓇᐃᔮᖅᑖᖅᑐᖅ ᐃᑲᔪᖃᑦᑕᕐᓂᐊᖅᑐᖅ ᑕᒪᐃᓐᓄᑦ ᐱᓕᕆᖃᑎᒌᓐᓂᕐᒧᑦ ᐱᓕᕆᕝᕕᖓᓂᑦ ᐃᑲᔪᖅᑐᕐᓂᕐᒥᑦ ᐅᓂᒃᑳᖃᕐᓂᕐᒥᑦ ᐱᓕᕆᐊᓂᑦ ᐱᔨᑦᓯᕋᕐᓂᐅᔪᓂᓪᓗ ᒥᓂᔅᑕᒧᑦ ᑐᓪᓕᐊᓄᓪᓗ ᒥᓂᔅᑕᐅᑉ ᒥᓂᔅᑕᐃᑦ ᑲᑎᒪᔨᖏᓐᓄᑦ, ᒪᓕᒐᓕᐅᖅᑎᓄᑦ ᓯᓚᑖᓂᓗ ᐱᓕᕆᐊᖃᖃᑕᐅᔪᓄᑦ.
ᖃᐅᔨᒪᓂᖅ, ᐊᔪᙱᑕᖃᕐᓂᖅ, ᐱᔪᓐᓇᕐᓂᖃᑦᑎᐊᕆᐊᓕᒃ ᐱᔭᕆᐊᖃᖅᑐᑦ ᑖᑦᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᑦᑐᑦ ᐃᓕᑕᕆᔭᐅᓯᒪᔪᒧᑦ ᐱᔭᕇᕈᓯᐊᕐᒥᑦ, ᒐᕙᒪᓕᕆᓂᕐᒧᑦ ᖃᐅᔨᓴᕐᓂᕐᒥᑦ, ᐃᓅᖃᑎᒌᓐᓂᕐᒧᑦ ᖃᐅᔨᓴᕐᓂᕐᒥᑦ, ᒪᓕᒐᕐᓂᑦ, ᒐᕙᒪᒃᑯᓐᓂᑦ ᐊᑐᓕᖁᔭᐅᔪᓂᑦ ᐊᑐᐊᒐᓕᐅᓂᖅ ᐊᑦᑐᐊᓂᓕᓐᓂᓪᓘᓐᓃᑦ ᐱᓕᕆᐊᓂᑦ, ᐊᕐᕌᒍᓐᓄᓪᓗ ᒪᕐᕉᓐᓄᑦ ᐱᓕᕆᖃᑦᑕᖅᓯᒪᓗᓂ ᐱᖁᔭᔅᓴᓕᐅᓂᕐᒥᑦ ᐊᒻᒪ ᐊᑐᐊᒐᓕᕆᓂᕐᒧᑦ ᑐᑭᓯᓇᓱᐊᖃᑦᑕᕐᓂᕐᒥᑦ, ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᖃᐅᔨᓴᕈᑎᖃᓂᕐᒥᑦ.
ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᓂᑦ ᐃᑲᔫᑎᖃᑦᑎᐊᕋᔭᖅᑐᖅ. ᖃᐅᔨᒪᒃᐸᑦ ᐃᓄᐃᑦ ᓄᓇᓕᓐᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓪᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.
ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᑦ ᑖᑦᓱᒧᖓ ᐃᖅᑲᓇᐃᔮᖅᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᓱᐊᖁᔨᑦᓱᑕ ᐃᓕᓐᓂᑦ ᓇᓕᒧᓱᑦᑐᓂᑦ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᓂᕐᒧᑦ ᐃᓕᓐᓂᐊᖅᓯᒪᓂᕐᒧᑦ ᐱᓕᕆᖃᑦᑕᖅᓯᒪᓂᕐᒧᓪᓗ ᐱᔭᕆᐊᖃᖅᑐᓂᑦ ᖁᓛᓂᑦ ᑎᑎᕋᖅᓯᒪᔪᓂᑦ.
ᑖᓐᓇ ᐃᓱᓕᕝᕕᒃᓴᖃᕐᓂᖓᓄᑦ ᓄᕕᐱᕆ 1, 2024−ᒥ, ᒫᓐᓇᐅᔪᖅ ᐃᖅᑲᓇᐃᔭᐃᓐᓇᖅᑐᑦ ᓄᓇᕗᑦ ᒐᕙᒪᖓᓐᓄᑦ ᐃᖅᑲᓇᐃᔭᖅᑏᑦ ᒪᓂᒪᑎᑕᐅᑐᐃᓐᓇᕆᐊᓖᑦ ᓅᑕᐅᕝᕕᐅᔪᓐᓇᖅᑐᒧᑦ ᐃᖅᑲᓇᐃᔮᒧᑦ ᐃᓱᓕᕝᕕᒃᓴᖓᓄᑦ ᑎᑭᓪᓗᒍ ᐃᓱᒪᒋᔭᐅᑦᑎᐊᕆᐊᖃᕐᓂᖓᓄᑦ ᓂᕈᐊᖅᑕᐅᔪᒧᑦ, ᑭᓯᐊᓂ ᑕᒪᓐᓇ ᐱᔾᔪᑎᖃᖅᑐᖅ ᐊᐅᓚᑦᑎᔨᒧᑦ ᐊᖏᖅᑕᐅᔭᕆᐊᖃᕐᓂᖓᓄᑦ.
ᐃᖅᑲᓇᐃᔮᖅᑖᕋᓱᒃᑐᓄᑦ ᐊᑏᑦ ᐃᓚᔭᐅᑐᐃᓐᓇᕆᐊᓕᒃ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᐃᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᖃᑕᐅᓛᕐᒪᑦ.
ᑕᔅᓱᒥᖓ ᐃᖅᑲᓇᐃᔮᒃᓴᒧᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.
- ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
- ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ.
- ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ.
- ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
- ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
- ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ. ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᕈᑏᑦ ᐋᒡᒑᖅᑕᐅᑐᐃᓐᓇᕆᐊᓕᒃ.