ᐊᐅᓚᑦᓯᔨ, ᓄᓇᓕᓐᓂᑦ ᐃᓕᓐᓂᐊᕈᑎᑦᓴᓕᕆᔨ, ᐅᐊᓐᓇᖓᓂᑦ ᕿᑭᖅᑖᓘᑉ

ᑖᓐᓇ ᐃᖅᑲᓇᐃᔭᑦᓴᖅ ᒪᑐᐃᖓᔪᖅ ᐃᓘᓐᓇᖏᓐᓄᑦ ᐃᖅᑲᓇᐃᔮᖅᑖᕋᓱᐊᖅᑐᓄᑦ.

ᐊᖓᔪᖅᑳᖃᕐᓗᓂ ᑐᑭᒧᐊᑦᑎᓯᔨᖓᓂᑦ, ᓄᓇᓕᓐᓂᑦ ᐅᖓᓯᑦᑐᒥᓪᓗ ᐃᓕᓐᓂᐊᕐᓂᕐᒥᑦ ᐃᓕᓐᓂᐊᕋᑦᓴᓄᑦ, ᐃᖅᑲᓇᐃᔮᖅᑖᖅᑐᖅ ᑲᒪᒋᔭᖃᕐᓂᐊᖅᑐᖅ ᓄᓇᓕᓐᓂᑦ ᐃᓐᓇᕐᓂᑦ ᐃᓕᓐᓂᐊᑎᑦᓯᔨᓂᑦ, ᐊᐅᓚᑦᓯᓂᕐᒥᓪᓗ ᖃᓄᐃᑦᑐᑐᐃᓐᓇᕐᓄᑦ ᐃᓕᓐᓂᐊᕐᑐᓕᕆᓂᕐᒧᑦ ᐱᓕᕆᐊᓂᑦ ᓄᓇᓕᓐᓂᑦ ᐃᓕᓐᓂᐊᕐᕕᐅᔪᓂᑦ ᐅᐊᓐᓇᖓᓂᑦ ᕿᑭᖅᑕᓘᑉ: ᐃᑉᐱᐊᕐᔪᒻᒥᑦ, ᐃᒡᓗᓕᒻᒥᑦ, ᓴᓂᕋᔭᒻᒥᑦ, ᑲᖏᖅᑐᒑᐱᒻᒥᑦ, ᖃᐅᓱᐃᑦᑐᒥᑦ, ᒥᑦᑎᒪᑕᓕᒻᒥᑦ, ᐊᐅᓱᐃᖅᑐᒥᓪᓗ. ᐱᓕᕆᐊᑦ ᐃᓚᒋᔭᖃᕐᓂᐊᖅᑐᑦ ᐃᓕᓐᓂᐊᕐᓂᕐᒥᑦ, ᐅᖃᓕᒫᕐᓂᕐᒥᑦ/ᑎᑎᕋᕐᓂᕐᒥᑦ, ᐃᖅᑲᓇᐃᔭᕐᕕᐅᔪᓐᓇᖅᑐᓂᑦ ᐊᒻᒪ ᓇᓗᓇᐃᒃᑯᑕᕐᓂᑦ ᐃᓕᓐᓂᐊᕌᓂᒍᓯᐊᕐᒧᓪᓗ ᐱᓕᕆᐊᓂᑦ. ᐃᖅᑲᓇᐃᔮᖅᑖᖅᑐᖅ ᓇᓗᓇᐃᖅᓯᓂᐊᖅᑐᖅ ᐅᐊᓐᓇᖓᓂᑦ ᕿᑭᖅᑖᓗᒃ ᐅᔾᔨᕈᓱᓐᓂᕐᒥᑦ ᓄᓇᕗᒻᒥᑦ ᐅᑭᐅᖅᑕᖅᑐᒥᑦ ᓯᓚᑦᑐᓴᕐᕕᐅᑉ ᐊᖏᖅᓯᒪᓂᖓᑕ ᑕᐅᑦᑐᖓᓂᑦ ᐃᓕᓐᓂᐊᖏᓐᓇᕐᓂᕐᒥᑦ ᐱᐅᓂᖅᐹᓂᓪᓗ ᐊᑐᖅᑕᐅᔪᓐᓇᖅᑐᓂᑦ ᐃᓐᓇᕐᓄᑦ ᐃᓕᓐᓂᐊᕐᓂᕐᒥᑦ ᐃᓕᓐᓂᐊᑎᑦᓯᓂᕐᒥᓪᓗ.  

ᐊᐅᓚᑦᓯᔨ, ᓄᓇᓕᓐᓂᑦ ᐃᓕᓐᓂᐊᕈᑎᑦᓴᓕᕆᔨ, ᐅᐊᓐᓇᖓᓂᑦ ᕿᑭᖅᑖᓘᑉ ᐊᐅᓚᑦᓯᓂᐊᖅᑐᖅ ᐃᓘᓐᓇᖏᓐᓂᑦ ᑳᓐᑐᕌᓂᑦ ᑐᙵᕕᖃᖅᑐᓂᓪᓗ ᑮᓇᐅᔭᖃᖅᑎᑕᐅᓂᕐᒧᑦ ᐱᓕᕆᐊᓂᑦ ᐱᓕᕆᖃᑎᖃᕐᓂᐊᖅᓱᓂᓗ ᐊᔾᔨᒌᖏᑦᑐᓂᑦ ᐱᓕᕆᔾᔪᑎᑦᓴᓂᒃ ᐱᓕᕆᖃᑎᒌᓐᓂᕐᒥᑦ ᐃᖅᑲᓇᐃᔭᖅᑎᖏᓐᓂᓪᓗ ᐊᙳᒪᑎᑦᓯᓂᕐᒥᑦ ᐃᓕᓐᓂᐊᕐᓂᕐᒧᑦ ᐱᔭᕆᐊᓕᓐᓂᑦ ᐃᓐᓇᕐᓂᑦ ᐃᓕᓐᓂᐊᖅᑐᓂᑦ 7-ᓂ ᕿᑭᖅᑖᓗᒻᒥᑦ ᓄᓇᓕᓐᓂᑦ. ᑖᓐᓇ ᐃᓚᒋᔭᖃᕐᓂᐊᖅᑐᖅ ᑖᓐᓇ ᐸᕐᓇᐃᖃᑦᑕᕆᐊᓕᒃ ᐃᓕᓐᓂᐊᕈᑎᓂᒃ, ᐊᐅᓚᑦᑎᓂᒃ ᑮᓇᐅᔭᓂᒃ ᐊᑐᖅᑐᒃᓴᓂᒃ, ᐊᑐᐃᓐᓇᐅᔪᓂᒡᓗ ᐃᓱᒪᒃᓴᖅᓯᐅᕐᓂᖅ ᐋᖅᑭᒃᓱᐃᓂᒡᓗ ᐊᒻᒪ ᐃᖅᑲᓇᐃᔭᖅᑎᓂᒃ ᐃᓕᓐᓂᐊᖅᑎᐸᒡᓗᓂᒋᑦ. ᐃᖅᑲᓇᐃᔭᒃᓵᖅ ᐃᓕᓐᓂᐊᖅᑐᓕᕆᓂᕐᒧᑦ ᑭᒡᒐᖅᑐᐃᒐᔭᖅᑐᖅ ᐊᑐᐃᓐᓇᐅᑎᑦᑎᕙᒡᓗᓂᓗ ᐃᓐᓇᕐᓂᒃ ᓄᓇᓕᖕᓂᖓᖓᔪᓂᒡᓗ ᓇᓗᓇᐃᖅᓯᕙᒡᓗᓂ ᐋᖅᑭᒃᓱᐃᓗᓂ ᐊᒻᒪ ᐃᓕᓐᓂᐊᕈᑎᐅᔭᕆᐊᖃᖅᑐᓂᒃ ᐱᓕᕆᐊᒃᓴᓂᒡᓗ. ᑖᓐᓇ ᑲᑐᔾᔨᖃᑎᒌᖕᓂᒃᑯᑦ ᐱᓇᓱᐊᕆᓕᒃ ᐃᖅᑲᓇᐃᔭᕐᕕᖓᓂᒃ ᐊᓯᖏᓐᓂᒡᓗ ᒐᕙᒪᒃᑯᓂᖔᖅᑐᓂᒃ ᑭᒃᑯᑐᐃᓐᓇᕐᓂᒡᓗ ᑭᒡᒐᖅᑐᐃᔪᓂᒃ ᐱᖃᓯᐅᔾᔨᓗᓂ ᓄᓇᓕᖕᓂᖔᖅᑐᓂᒃ ᐱᖃᖃᑕᐅᔪᓂᓪᓗ.

ᐃᖅᑲᓇᐃᔮᖅᑖᖅᑐᖅ ᐃᓕᓐᓂᐊᕐᓯᒪᓂᖃᕆᐊᓕᒃ ᐃᓕᓐᓂᐊᖅᑐᓕᕆᓂᕐᒧᑦ, ᐃᓐᓇᕐᓂᑦ ᐃᓕᓐᓂᐊᑎᑦᓯᓂᕐᒧᑦ ᖁᑦᓯᓛᖓᓂᑦ ᓴᓇᙳᐊᕐᓂᕐᒥᑦ ᐃᓕᓐᓂᐊᕐᓯᒪᓂᑰᓗᓂ ᐊᐅᓚᑦᓯᓂᕐᒧᑦ (ᓯᓚᑦᑐᓴᕐᕕᒻᒥᑦ), ᐊᕐᕌᒍᓐᓄᑦ 2 ᖃᐅᔨᒪᓂᖃᕆᐊᓕᒃ ᓄᓇᓕᓐᓂᑦ-ᑐᙵᕕᖃᕐᓗᓂ ᐃᓕᓐᓂᐊᖅᑐᓕᕆᓂᕐᒥᑦ. ᐊᕐᕌᒍᓐᓄᑦ 2 ᖃᐅᔨᒪᓂᖃᕐᓂᕐᒥᑦ ᓯᕗᓕᖅᑎᐅᓂᕐᒥᑦ ᐃᓚᒋᔭᖃᖅᑐᓂᑦ ᖃᐅᔨᓴᕐᓂᕐᒥᑦ ᐃᖅᑲᓇᐃᔭᖅᑎᓂᑦ ᐱᓕᕆᐊᓂᓪᓗ ᐱᕙᓪᓕᐊᑎᑦᓯᓂᕐᒥᑦ ᐱᔭᕆᐊᖃᕐᒥᔪᖅ. ᐃᖅᑲᓇᐃᔮᖅᑖᖅᑐᖅ ᐅᖃᕈᓐᓇᕐᓗᓂ, ᐅᖃᓕᒫᕈᓐᓇᕐᓗᓂ ᑎᑎᕋᕈᓐᓇᕐᓗᓂᓘᓐᓃᑦ ᓇᓪᓕᐊᓂᑦ ᐃᓄᐃᑦ ᐅᖃᐅᓯᖏᓐᓂᑦ ᐊᑲᐅᓗᐊᕋᔭᕐᒥᔪᖅ ᐊᒻᒪ ᐃᓕᖅᑯᓯᖃᖃᑎᒌᖏᓐᓂᕐᒥᓪᓗ ᖃᐅᔨᒪᓂᖃᓗᓂ, ᐱᒍᒪᓂᖅᓴᕗᑦ ᐅᑭᐅᖅᑕᖅᑐᒥᑦ.

ᐊᔾᔨᓪᓗᐊᑕᖏᓐᓂᑦ ᓈᒻᒪᒋᔭᐅᔪᓂᑦ ᐃᓕᓐᓂᐊᕐᓂᓖᑦ, ᐱᓕᕆᓯᒪᓂᑯᓖᑦ, ᖃᐅᔨᒪᓂᓖᑦ, ᐊᔪᙱᓐᓂᓖᑦ ᐱᔪᓐᓇᕐᑐᓪᓗ ᐃᓱᒪᒋᔭᐅᓂᐊᖅᑐᑦ.

ᖃᐅᔨᒪᓂᖃᕈᓂ ᐃᓄᐃᑦ ᐅᖃᐅᓯᖏᓐᓂᑦ, ᓄᓇᓕᖏᓐᓂᑦ, ᐃᓕᖅᑯᓯᖏᓐᓂᒃ, ᓄᓇᒥᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒡᓗ ᐊᑲᐅᓇᔭᖅᑐᖅ. 

ᐃᖅᑲᓇᐃᔭᕈᒪᓐᓂᕈᕕᑦ, ᓇᒃᓯᐅᑎᓗᒍ ᐃᖅᑲᓇᐃᔭᕈᒪᒍᑎᒧᑦ ᐅᓂᒃᑳᓕᐊᖓᓂᒃ ᒪᐅᖓ @email  ᓇᓗᓇᐃᒃᑯᑕ ᐱᖃᓯᐅᑎᓗᒍ ᐃᕐᖏᓇᖅᓯᐅᑎᓐᓄᑦ.

• ᓄᓇᕗᑦ ᒐᕙᒪᖓᑦ ᑭᒡᒐᖅᑐᖅᑎᐅᑦᑎᐊᕈᓐᓇᖅᑐᓂᒃ ᐃᖅᑲᓇᐃᔭᕐᕕᖕᒥᑦ ᑐᑭᓯᐅᒪᑦᑎᐊᕈᓐᓇᖁᓗᒍ ᐱᔨᑦᑎᕐᓂᕐᓗ ᓄᓇᕗᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒥᑦ ᓄᓇᑕᕈᑖᓂᒃ ᐊᑎᖃᖃᑕᐅᔪᓄᑦ ᓯᕗᓪᓕᐅᔾᔭᐅᒐᔭᖅᑐᖅ.
• ᐱᓇᓱᐊᖅᑐᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᕐᓂᒥᓂᒃ ᓯᕗᓪᓕᐅᔾᔭᐅᔪᓐᓇᖁᓗᒋᑦ ᑕᐃᑯᓂᖔᖅᑐᓂᒃ ᒪᓕᒡᓗᒍ ᓄᓇᕗᒥᑦ ᓯᕗᓪᓕᐅᔾᔨᓂᕐᒧᑦ ᐊᑐᐊᒐᓂᒃ ᓂᕈᐊᒐᒃᓴᐅᔪᓐᓇᑲᐅᑎᒋᒐᔭᖅᑐᖅ.
• ᐃᖅᑲᓇᐃᔮᑦ ᐃᓚᖏᑦ ᒪᒃᐱᖓᔪᑦ ᐱᖃᕆᐊᖃᓲᖑᕗᑦ ᐱᕋᔭᖕᓂᕐᒧᑦ ᖃᐅᔨᓴᖅᑕᐅᓂᕐᒧᑦ ᑎᑎᖅᑲᖁᑖᓂᒃ. ᐱᕋᔭᖕᓂᕐᒧᑦ ᑎᑎᖅᑲᖁᑎᖃᕐᓂᖅᐸᑦ ᓂᕈᐊᒐᒃᓴᐅᔪᓐᓂᑲᐅᑎᒋᒐᔭᖅᑐᖅ.
• ᐃᖅᑲᓇᐃᔮᓄᑦ ᐱᔭᒃᓴᖏᑦ ᐱᔪᓐᓇᖅᐳᑎᑦ ᓱᒃᑲᔪᒃᑯᑦ, ᐃᕐᖏᓇᖅᓯᐅᑎᒃᑯᑦ ᐅᕝᕙᓘᓐᓃᑦ ᐃᑭᐊᕿᕕᐊᓂᒃ.
• ᑭᓯᐊᓂ ᓂᕈᐊᖅᑕᐅᔪᑦ ᖃᐅᔨᓴᖅᑕᐅᓂᐊᖅᑎᓪᓗᒋᑦ ᑐᓴᖅᑎᑕᐅᔭᖅᑐᑦ.