ᐊᐅᓚᑦᑎᔨ, ᑐᓴᒐᒃᓴᓕᕆᓂᕐᒧᑦ

ᐅᓇ ᐃᖅᑲᓇᐃᔮᒃᓴᖅ ᐃᖃᓗᖕᒥᐅᑕᑐᐊᓄᑦ ᒪᑐᐃᖓᔪᖅ.

ᐅᖃᕐᕕᖃᖅᐸᒡᓗᓂ ᑐᑭᒧᐊᖅᑎᑦᑎᔨᒋᔭᐅᔪᒧᑦ ᐊᑐᐊᒐᓕᕆᓂᕐᒧᑦ, ᐊᐅᓚᑦᑎᔨ, ᑐᓴᐅᒪᑎᑦᑎᓂᕐᒧᑦ (ᐊᐅᓚᑦᑎᔨ) ᐱᔭᒃᓴᖃᖅᑎᑕᐅᕗᖅ ᖃᓄᐃᓕᐅᖅᐸᓪᓕᐊᓂᐊᕐᓂᕐᒧᑦ ᓯᕗᓕᖅᑎᐅᓂᕐᒥᒃ, ᐊᐅᓚᑦᑎᕙᖕᓂᕐᒥᒃ, ᐊᐅᓚᑦᑎᕝᕕᖃᕐᓂᕐᒥᒡᓗ ᐱᓕᕆᕝᕕᒋᔭᐅᔫᑉ ᑐᓴᐅᒪᑎᑦᑎᕙᖕᓂᕐᒧᑦ ᐱᔨᑦᑎᕋᕐᓂᕆᕙᒃᑕᖏᓐᓂᒃ, ᒪᓕᒡᓗᓂ ᐱᔭᒃᓴᕆᔭᒥᓂᒃ. ᑕᐃᒪᐃᑎᓪᓗᒍ, ᑖᓐᓇ ᓂᕈᐊᖅᑕᐅᔪᖅ ᑕᑎᒋᔭᐅᔪᖅ ᐊᐅᓚᑦᑎᓂᕐᒥᒃ ᐃᖅᑲᓇᐃᔭᕐᕕᐅᑉ ᑐᓴᖅᑎᑦᑎᔾᔪᑎᖏᓐᓂᒃ ᐊᒻᒪ ᖃᓄᐃᓕᖓᓂᖓᓂᒃ/ᐊᔾᔨᙳᐊᖏᓐᓂᒃ (ᑐᓴᐅᒪᖃᑦᑕᐅᑎᓂᒃᑯᑦ) ᑕᒪᐃᓐᓄᑦ ᐱᓕᕆᕝᕕᖕᒥᐅᓄᑦ ᐊᒻᒪ ᓯᓚᑖᓃᑦᑐᓄᑦ ᓈᓚᒃᑎᓄᑦ. ᑕᐃᒪᐃᓐᓂᖓᓄᑦ, ᐃᖅᑲᓇᐃᔭᓕᕐᓂᐊᖅᑐᖅ ᐱᕐᔪᐊᓂᒃ ᐱᓕᕆᐊᒃᓴᖃᖃᑦᑕᕐᓂᐊᖅᐳᖅ ᖃᐅᔨᒪᓇᓱᒡᓗᓂᒋᑦ ᑐᓴᐅᒪᔪᓕᕆᔾᔪᑎᑦ ᐊᒻᒪ ᐱᔨᑦᑎᕋᐅᑎᑦ ᐱᐅᑦᑎᐊᕋᓗᐊᕐᒪᖔᑕ, ᒪᓕᑦᑎᐊᕋᓗᐊᕐᒪᖔᑕᓗ ᒪᓕᒐᖅᑎᒍᑦ ᒪᓕᒃᑕᐅᒋᐊᓕᖕᓂᒃ, ᐋᖅᑭᒃᑕᐅᓯᒪᔪᓂᒃ ᐊᒻᒪ ᐱᓕᕆᐊᖑᔪᓂᒃ ᐱᐅᓯᖃᕐᓗᑎᒃ ᐃᑲᔪᖅᓱᐃᔪᓂᒃ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦᑕ ᐊᑐᐊᒐᖏᓐᓂᒃ ᓯᕗᓪᓕᐅᑎᔪᒪᔭᖏᓐᓂᒡᓗ. ᐊᐅᓚᑦᑎᔨ ᐊᖅᑯᑕᐅᕗᖅ ᐱᓕᕆᕝᕕᐅᑉ ᑐᓴᐅᒪᔪᓕᕆᔾᔪᑎᖏᓐᓂᑦ/ᐱᖁᑎᓂᑦ.

ᐊᐅᓚᑦᑎᔨ, ᐱᓕᕆᐊᒥᓂᒃ, ᑲᒪᒋᔭᖃᖅᐸᒃᐳᖅ ᑕᒪᐃᓐᓂᑦᑎᐊᖅ ᑐᓴᐅᒪᑎᑦᑎᓂᕐᒧᑦ ᐱᓕᕆᐊᖑᕙᒃᑐᓂᒃ ᑕᒪᐃᓐᓄᑦ ᐱᓕᕆᕝᕕᒋᔭᐅᔪᓕᒫᓄᑦ ᓇᓗᙱᑦᑎᐊᕈᒪᓂᕐᒧᑦ ᑕᒪᕐᒥᑦᑎᐊᖅ ᑐᓴᖅᑎᑦᑎᔾᔪᑏᑦ ᐱᐅᓛᖑᒐᓗᐊᕐᒪᖔᑕ ᐅᓂᒃᑲᐅᓯᐅᑦᑎᐊᖅᓯᒪᒐᓗᐊᕐᒪᖔᑕᓗ ᑐᑭᓯᓇᑦᑎᐊᕐᓗᑎᒃ, ᑕᒻᒪᖅᑕᖅᓯᒪᙱᓪᓗᑎᒃ, ᓈᒻᒪᒃᑐᒃᑯᓪᓗ. ᐊᐅᓚᑦᑎᔨ ᐱᑎᑦᑎᕙᒃᓗᓂ ᑐᑭᒧᐊᕈᑎᒃᓴᓂᑦ ᐱᔭᕆᐊᖃᖅᑐᓂᒡᓗ ᑐᓴᐅᒪᔪᓕᕆᓂᕐᒧᑦ ᐱᕙᒌᔭᐃᓂᕐᓂ, ᐃᓅᓯᓕᕆᓂᕐᓂ ᐅᖃᐅᔾᔨᒋᐊᕈᑎᓂᒃᓗ, ᐃᓚᐅᓗᑎᒃ ᑐᓴᖅᑎᑦᑎᔾᔪᑎᓪᓗᐊᑕᑦ, ᐱᔾᔪᑎᑦ / ᐊᑦᑕᕐᓇᖅᑐᓄᑦ ᐊᐅᓚᑦᑎᓂᖅ, ᐱᕙᓪᓕᐊᔪᓄᓪᓗ ᐱᓕᕆᖃᑎᖃᕐᓂᕐᓂ ᐃᑲᔪᕐᓂᕐᓂ ᒥᓂᔅᑕᐅᑉ ᑎᑎᕋᕐᕕᖓᓄᑦ; ᒥᓂᔅᑕᐅᑉ ᑐᖏᓕᖓᓄᑦ; ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᖓᓄᑦ, ᐊᕕᒃᑐᖅᓯᒪᔪᓂ ᐊᒻᒪ ᐱᓕᕆᕝᕕᖕᒥ ᓯᕗᓕᖅᑎᒋᔭᐅᔪᓄᑦ, ᐊᓯᖏᓐᓂᒡᓗ ᐱᓕᕆᕝᕕᖕᒥ ᐃᖅᑲᓇᐃᔭᖅᑎᓄᑦ ᐱᔭᕆᐊᖃᕌᖓᑦ.

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ, ᐱᓕᕆᔪᓐᓇᕆᐊᓕᖏᓪᓗ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᑐᑦ ᐃᓕᓴᕆᔭᐅᓯᒪᔪᒃᑯᑦ ᐃᓕᓐᓂᐊᕌᓂᒍᓯᐊᖃᕐᓗᓂ ᐅᕝᕙᓘᓐᓃᑦ ᑐᓴᐅᒪᔪᓕᕆᓂᕐᒥ, ᐱᕙᓪᓕᐊᔪᓕᕆᓂᕐᒥᒃ, ᓇᖕᒥᓂᖃᕐᓂᕐᒥᒃ, ᒐᕙᒪᒃᑯᓐᓂ ᑎᑎᕋᕐᕕᓕᕆᓂᕐᒥᒃ ᐊᔾᔨᑲᓴᖓᓂᒃᓘᓐᓃᑦ ᐃᓂᖃᖅᑐᓂ, ᐃᓚᖃᕐᓗᓂ ᐊᕐᕌᒍᓂ ᐱᖓᓱᓂ (3) ᐱᓕᕆᖃᑦᑕᖅᓯᒪᓂᑰᓗᓂ ᑐᓴᒐᒃᓴᓕᕆᓂᕐᒥ, ᐱᔭᐅᔪᒪᓂᖅᓴᐅᓪᓗᓂ ᐅᑭᐅᖅᑕᖅᑐᒥ/ᒐᕙᒪᓕᕆᔨᒃᑯᓐᓂ. ᐅᑭᐅᖕᓄᑦ ᒪᕐᕉᖕᓄᑦ ᐊᖓᔪᖅᑳᖑᓂᑰᔭᕆᐊᖃᕆᕗᖅ. ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᐊᑐᕐᓗᑎᒃ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᐸᑎᑦ ᑎᑎᕋᖅᑕᕕᑦ ᖄᖓ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᐅᕗᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑕᖓᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᔨᓂᒃ ᐃᖅᑲᓇᐃᔭᖅᑎᓂᒃ; ᑕᐃᒪᐃᒻᒪᑦ, ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᖅ ᒪᓕᒡᓗᒍ.
• ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔪᑦ ᐱᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᖅᑎᑕᐅᓂᕐᒧᑦ ᑎᑎᖅᑲᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᒥᒃ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐃᓚᓕᐅᑎᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐊᑐᕆᐊᖃᖅᐳᖅ ᑭᓯᐊᓂ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᓴᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᖅᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.