ᐊᕕᒃᑐᖅᓯᒪᔪᓂ ᓄᓇᓕᖕᓂ ᑭᒍᑎᑦᑎᐊᕙᓕᕆᓂᕐᒧᑦ ᑲᒪᔨ ᕿᑭᖅᑖᓘᑉ ᐅᐊᖕᓇᖓᓂ

ᐅᓇ ᐃᖅᑲᓇᐃᔮᒃᓴᖅ ᐃᖃᓗᒻᒥᐅᑕᑐᐊᓄᑦ ᒪᑐᐃᖓᔪᖅ.

ᐊᐅᓚᑦᓯᔨᒧᑦ ᑐᓴᖅᑎᑦᑎᕙᒡᓗᓂ - ᑭᒍᑎᑦᑎᐊᕙᓕᕆᓂᕐᒧᑦ ᐱᓕᕆᐊᒃᓴᑦ ᐱᓕᕆᖃᑎᖃᕐᓗᓂᓗ ᑭᒍᑎᓕᕆᔨᓂᑦ, ᓄᓇᕗᒻᒥ ᑭᒍᑎᓕᕆᔨᑦ ᐊᒡᓚᕝᕕᖓᓂ, ᐊᖓᔪᖅᑳᖓ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᐊᓂᑦ ᐊᓯᖏᓐᓂᓪᓗ, ᐊᕕᒃᑐᖅᓯᒪᔪᓂ ᓄᓇᓕᖕᓂ ᑭᒍᑎᑦᑎᐊᕙᓕᕆᓂᕐᒧᑦ ᑲᒪᔨ ᑲᒪᖃᑦᑕᕐᓂᐊᖅᐳᖅ ᐊᑐᐃᓐᓇᐅᑎᑦᓯᓗᓂᓗ ᓯᕗᓕᖅᑎᐅᓂᕐᒥᑦ ᓄᓇᓕᖕᓄᑦ ᑭᒍᑎᑦᑎᐊᕙᓕᕆᓂᕐᒧᑦ ᑲᒪᔨᓄᑦ ᑲᒪᒋᔭᓕᖕᓂᑦ ᐊᑐᐃᓐᓇᐅᑎᑦᓯᓂᕐᒥᑦ ᓄᓇᓕᓕᒪᓂᑦ ᑭᒍᑎᑦᑎᐊᕆᖕᓂᕐᒧᑦ ᓴᖅᑭᔮᖅᑎᑦᓯᓂᕐᒥᑦ, ᐃᓕᓐᓂᐊᕐᓂᕐᒥᑦ ᑭᒍᓪᓗᓕᖅᑎᑦᑎᑦᑕᐃᓕᒪᓂᕐᒥᓪᓗ ᑭᒍᑎᑦᑎᐊᕙᓕᕆᓂᕐᒧᑦ ᐱᔨᑦᓯᕋᖅᐸᒡᓗᓂ ᐱᓗᐊᖅᑐᒥ ᓄᑕᖅᑲᓄᑦ ᐊᕐᕌᒍᓕᖕᓄᑦ 12−ᒥ ᐊᑖᓂᓪᓗ ᖁᕝᕙᓯᖕᓂᓕᖕᓄᓪᓘᓐᓃᑦ. 7. 

ᐱᓇᓱᖕᓂᕐᒧᑦ ᐱᐅᓯᕚᓪᓕᖅᑎᓪᓗᒋᑦ ᖃᓂᒃᑯᑦ ᖃᓄᐃᙱᑦᑎᐊᕐᓂᖅ ᓄᑕᕋᓕᒫᓄᑦ 12 ᐅᑭᐅᓕᖕᓄᑦ ᑐᖔᓂᓗ, ᐊᕕᒃᑐᖅᓯᒪᔪᓂ ᓄᓇᓕᖕᓂ ᑭᒍᑎᑦᑎᐊᕙᓕᕆᓂᕐᒧᑦ ᑲᒪᔨ ᐃᖅᑲᓇᐃᔭᖃᑎᖃᕐᓗᓂ ᓄᓇᓕᖕᓂ ᑭᒍᑎᑦᑎᐊᕙᓕᕆᓂᕐᒧᑦ ᑲᒪᔨᓂᑦ ᐊᔾᔨᒌᖏᑦᑐᓂᒃᓗ ᐋᓐᓂᐊᕕᖕᒥ ᐱᓕᕆᔨᒻᒪᕆᖕᓂᑦ, ᐱᓗᐊᖅᑐᒥᒃ ᖃᓂᒃᑯᑦ ᖃᓄᐃᙱᑦᑎᐊᖅᑐᓕᕆᔨᒻᒪᕆᖕᓂᑦ, ᖁᕝᕙᕆᐊᖅᑎᓪᓗᒍ ᖃᓂᒃᑯᑦ ᖃᓄᐃᙱᑦᑎᐊᖅᑐᓕᕆᓂᖅ.  ᐊᕕᑦᑐᖅᓯᒪᔪᓂ ᓄᓇᓕᓐᓄ ᑭᒍᑎᑦᓯᐊᕙᓕᕆᓂᕐᒧᑦ ᑲᒪᔨ ᐊᑐᐃᓐᓇᐅᑎᑦᓯᔪᑦ ᐃᑲᔪᖅᑐᐃᓂᕐᒧᑦ ᓱᕈᓯᕐᓄᑦ ᑭᒍᑎᓕᕆᓂᕐᒧᑦ ᑲᒪᔨᓂᑦ ᑲᔪᓯᑎᑦᓯᑎᓪᓗᒋᑦ ᖃᓂᒃᑯᑦ ᖃᓄᐃᙱᑦᓯᐊᕐᓂᕐᒧᑦ ᐃᓕᓐᓂᐊᑎᑦᓯᑎᓪᓗᒋᑦ ᐱᑎᑦᑎᑦᑕᐃᓕᒪᓂᕐᒧᑦ ᓱᓕᕆᓂᐅᔪᓂᑦ ᐊᒻᒪ ᐱᓕᒻᒪᑦᓴᖅᑎᑦᓯᓂᕐᒧᑦ ᓄᓇᓕᓐᓄ ᑭᒍᑎᑦᓯᐊᕙᓕᕆᓂᕐᒧᑦ ᑲᒪᔨᓂᑦ ᓇᓗᓇᐃᖅᓯᓂᕐᒧᑦ ᑲᒪᒋᔭᖃᑦᓯᐊᕐᓂᕐᒧᑦ ᐱᓕᕆᐊᑦᓴᖏᓐᓂᑦ. ᐊᓯᖏᑦ ᐱᓕᕆᐊᑦᓴᖏᑦ ᐃᓚᖃᕐᒥᔪᑦ ᐊᐅᓪᓚᖃᑦᑕᕐᓂᕐᒧᑦ ᓄᓇᓕᐅᔪᓄᑦ ᐋᖅᑭᑦᑕᐃᓯᒪᔪᓕᓐᓄᑦ ᖃᐅᔨᓴᖅᑕᐅᔾᔪᑎᓄᑦ ᑭᒍᑎᓕᕆᔨ ᓄᓇᓕᓐᓅᓚᐅᖅᑎᓐᓇᒍ ᑐᑦᑕᕐᕕᒋᔭᐅᔪᓂᓗ ᓄᓇᓕᓐᓄ ᑭᒍᑎᑦᓯᐊᕙᓕᕆᓂᕐᒧᑦ ᑲᒪᔨᓄᑦ, ᓄᓇᓕᓐᓂᑦ, ᐊᕕᑦᑐᖅᓯᒪᔪᓂᑦ ᓄᓇᕗᒻᒥᓪᓗ ᐋᓐᓂᐊᖃᕐᓇᙱᑦᑐᓕᕆᔾᔪᑎᓄᑦ ᐊᑐᖅᑕᐅᕙᑦᑐᓂ ᖃᓂᒃᑯᑦ ᖃᓄᐃᖏᑦᓯᐊᕐᓂᕐᒧᑦ.  ᐃᓕᓐᓂᐊᖅᓯᒪᑦᑎᐊᖅᑐᑦ ᑭᒍᑎᓕᕆᔨᑦ ᐊᒻᒪ ᑭᒍᑎᓂᒃ ᓴᓗᒻᒪᖅᓴᐃᔨᑦ ᐋᓐᓂᐊᕐᕕᖕᒥ ᑭᒍᑎᓕᕆᔨᐅᔪᓐᓇᑐᐃᓐᓇᕆᐊᓕᑦ.

ᖃᐅᔨᒪᔭᕆᐊᓖᑦ, ᐊᔪᙱᑦᑕᕆᐊᓖᑦ ᐱᔪᓐᓇᕐᓂᕆᔭᕆᐊᓖᑦ ᐱᔭᕆᐊᖃᖅᑎᑕᐅᔪᑦ ᐃᓕᓐᓂᐊᕌᓂᒍᓯᐊᖃᕐᓗᓂ ᑎᑎᕋᕐᕕᖕᒥᐅᑕᓕᕆᔾᔪᑎᓂᒃ, ᑭᒍᑎᓕᕆᔨᓕᕆᔾᔪᑎᓂᒃ ᐊᔾᔨᕐᓚᖏᓐᓂᓪᓘᓐᓃᑦ ᐃᖅᑲᓇᐃᔮᒥᒃ ᐊᒻᒪᓗᑦᑕᐅᖅ ᒪᕐᕉᖕᓂᒃ ᐅᑭᐅᓂᒃ ᑎᑎᕋᕐᕕᖕᒦᖃᑦᑕᖅᓯᒪᓗᓂ, ᑭᒍᑎᓕᕆᔨᓂᑦ ᐅᕝᕙᓘᓐᓃᑦ ᐊᔾᔨᕐᓚᖏᓐᓂᑦ ᐃᖅᑲᓇᐃᔮᒥᒃ.  ᐅᑭᐅᕐᒥᒃ ᐊᑕᐅᓯᕐᒥᒃ ᐊᖓᔪᖅᑳᖑᓂᑰᓗᓂ ᐱᐅᒋᔭᐅᓇᔭᖅᑐᖅ. ᐊᑎᓕᐅᖅᑕᐅᓯᒪᒍᓂ ᑭᒍᑎᓕᕆᔨᐅᓂᕐᒧᑦ ᑭᒍᑎᑦᑎᐊᕙᓕᕆᔨᐅᓂᕐᒧᓪᓘᓐᓃᑦ ᐃᑲᔪᕐᓂᖃᕋᔭᖅᐳᖅ.  ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᓂᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂᒃ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᑦ ᑖᔅᓱᒧᖓ ᐃᖅᑲᓇᐃᔮᕐᒧᑦ. ᑎᓕᐅᕆᒃᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᑕᐃᒫᓪᓗᐊᖅ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᒍᕕᑦ ᐃᓕᓐᓂᐊᖅᓯᒪᔭᕕᑦ ᐱᓕᕆᐊᕆᖃᑦᑕᖅᓯᒪᔭᕆᐊᓕᖏᑕᓗ ᐊᔾᔨᓪᓗᐊᖓᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐃᖅᑲᓇᐃᔮᖅᑖᕋᓱᒃᑐᓄᑦ ᐊᑏᑦ ᐃᓚᔭᐅᑐᐃᓐᓇᕆᐊᓕᒃ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᐃᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᖃᑕᐅᓛᕐᒪᑦ.

ᑖᔅᓱᒥᖓ ᐃᖅᑲᓇᐃᔮᒃᓴᒥᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᕗᖓ @email. ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᑎᖕᓂ.

• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
• ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᔪᒃᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.  

Contact: 

ᐃᖅᑲᓇᐃᔭᖅᑐᓕᕆᔨᒃᑯᑦ (Department of Human Resources, Iqaluit)

ᓄᓇᕗᑦ ᒐᕙᒪᒃᑯᑦ
P.O. Box 1000, Station 430 Iqaluit, Nunavut  X0A 0H0
ᐅᖃᓘᑖ: 867-975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: 867-975-6220
ᐃᕐᖐᓐᓇᖅ: IqaluitApplications@gov.nu.ca
www.gnu.outcrop.com/iu/public-jobs