ᐊᕕᒃᑐᖅᓯᒪᔪᓂᒃ ᐊᐅᓚᑦᑎᔨ, ᐃᑲᔫᓯᐊᓕᕆᔨᒃᑯᑦ
ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᐅᓄᑦ ᐃᓄᖕᓄᑐᐊᖅ ᑐᕌᖓᔪᖅ.
ᐊᖓᔪᖅᑳᓕᒃ ᐊᕕᒃᑐᖅᓯᒪᓂᒃᑯᑦ ᑐᑭᒧᐊᒃᑎᑦᑎᔨᒥᑦ, ᐃᑲᔫᓯᐊᖅᑐᓕᕆᓂᕐᒧᑦ ᐃᖅᑲᓇᐃᔮᓂᒡᓗ ᐱᕚᓪᓕᖅᑎᑦᑎᓂᕐᒧᑦ, ᐊᕕᒃᑐᖅᓯᒪᔪᓂᒃ ᐊᐅᓚᑦᑎᔨ, ᐃᑲᔫᓯᐊᓕᕆᔨᒃᑯᑦ ᑲᒪᒋᔭᒃᓴᓕᒃ ᑕᒪᐃᓐᓄᑦ ᐱᔨᑦᑎᕋᕈᑕᐅᔪᓂᒃ ᐃᑲᔫᓯᐊᖅᑐᓕᕆᓂᕐᒧᑦ ᑎᑎᕋᕐᕕᐊᓂᑦ. ᐃᓂᑖᖅᑎᑕᐅᔪᖅ ᐋᖅᑭᒃᓯᕙᒃᓗᓂ ᖃᐅᔨᓴᐃᓐᓇᖅᐸᒃᓗᓂᓗ ᑮᓇᐅᔭᑦ ᐊᑐᖅᑐᒃᓴᑦ ᑐᓂᔭᐅᓂᖏᓐᓂᑦ ᐊᑭᓕᐅᑎᒃᓴᓕᕆᓂᕐᓂᒃᓗ, ᑲᒪᔨᐅᓗᓂ ᐃᖅᑲᓇᐃᔭᖅᑎᓄᑦ, ᖃᐅᔨᓴᖅᐸᒃᓗᓂ ᓄᓇᓕᖕᓂ ᓂᖃᐃᓲᑎᑦ ᐊᑐᖅᑎᑕᐅᓂᖏᓐᓂ ᐱᓕᕆᐊᒃᓴᒥ, ᐱᑎᑦᑎᕙᒃᓗᓂ ᐱᓕᒻᒪᒃᓴᐃᓂᕐᓂ ᐃᖅᑲᓇᐃᔭᕐᕕᖕᓄᑦ ᓄᓇᓕᖕᓄᓪᓗ ᐃᖅᑲᓇᐃᔭᖅᑎᓄᑦ ᐃᓚᐅᕙᒃᓗᓂᓗ ᐃᓚᒋᔭᐅᓗᓂ ᐃᓄᓕᕆᔨᒃᑯᑦ ᐱᓕᕆᖃᑎᖏᓐᓂ. ᐃᖅᑲᓇᐃᔭᖅᑎ ᑲᒪᒋᔭᖃᕐᓂᐊᖅᑐᖅ ᓄᓇᓕᖕᓂ ᐅᖃᐅᔾᔨᒋᐊᓪᓚᕆᒃᐸᒡᓗᓂᑦ ᑐᑭᒧᐊᒃᓯᕙᒡᓗᓂᓗ ᐃᑲᔫᓯᐊᖅᑐᓕᕆᓂᕐᒧᑦ ᐊᑐᐊᒐᕐᒥᑦ ᒪᓕᒋᐊᓕᖕᓂᓗ, ᐃᑲᔫᓯᐊᖅᑐᓕᕆᓂᕐᒧᑦ ᐱᓕᕆᐊᒃᓴᑦ ᒫᓐᓇ ᐱᖃᓯᐅᔾᔨᕗᑦ ᓂᖃᐃᓲᑎᑦ, ᐸᐃᕆᕕᖕᓄ ᐃᑲᔫᑎᑦ, ᐃᓐᓇᕐᓄᑦ ᐃᑲᔫᑎᑦ, ᐃᓐᓇᕐᓄᓪᓗ ᐅᖅᓱᖅᑖᕈᑎᑦ.
ᐊᕕᒃᑐᖅᓯᒪᓂᒃᑯᑦ ᐊᐅᓚᑦᑎᔨ ᐃᑲᔫᓯᐊᖅᑐᓕᕆᓂᕐᒧᑦ ᐊᖓᔪᖅᑳᖑᕗᖅ ᐃᑲᔫᓯᐊᖅᑐᓕᕆᔨᓄᑦ, ᐊᓪᓚᕝᕕᓕᕆᓂᕐᒧᑦ ᐃᑲᔪᖅᑎᓄᑦ, ᐃᖅᑲᓇᐃᔭᑲᐃᓐᓇᖅᑐᓄᑦ ᐊᒻᒪᓗ ᑲᒪᒋᕙᒃᖢᒋᑦ ᑳᓐᑐᕌᒃᑕᐅᓯᒪᔪᑦ ᕼᐋᒻᒪᓚᒥ ᐃᖅᑲᓇᐃᔭᖅᑏᑦ. ᑮᓇᐅᔭᖅᑐᕐᓂᕐᒧᑦ ᐊᒃᑐᖅᓯᓂᕆᔭᖏᑦ ᑕᒪᑐᒪ ᐱᓕᕆᐊᖑᕙᒃᑑᑉ ᐊᒃᑐᖅᓯᓯᑲᐅᑎᒋᔪᓐᓇᖅᐳᑦ ᐱᓕᕆᕝᕕᒋᔭᐅᔪᓂᒃ. ᐃᓂᑖᖅᑎᑕᐅᔪᖅ ᐱᓕᕆᖃᑎᖃᖃᑦᑕᕆᐊᖃᕋᔭᖅᐳᖅ ᐊᓯᖏᓐᓄᑦ ᒐᕙᒪᒃᑯᓐᓂ ᐱᓕᕆᕝᕕᒋᔭᐅᔪᓄᑦ, ᐊᒻᒪᓗᑦᑕᐅᖅ ᓄᓇᓕᖕᓂ ᒐᕙᒪᒋᔭᐅᔪᓂ ᑐᑦᑕᕐᕕᒋᔭᐅᔪᓂᓗ. ᐱᓕᕆᐊᒃᓴᐅᑉ ᐋᖅᑭᒃᓯᒪᓂᖓ ᐊᒻᒪ ᑲᔪᓯᑎᑕᐅᓂᖓ ᐊᒃᑐᐃᕐᔪᐊᕈᓐᓇᖅᐳᑦ ᓂᖃᐃᓱᖅᑎᑦ ᖃᓄᐃᙱᑦᑎᐊᕐᓂᖏᓐᓂᒃ.
ᖃᐅᔨᒪᓂᕆᔭᐅᔪᑦ, ᐊᔪᕈᓐᓃᖅᑕᐅᓯᒪᔪᑦ, ᐊᔪᙱᓐᓂᕆᔭᐅᔪᓪᓗ ᐱᔭᐅᓯᒪᔭᕆᐊᓖᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᐸᒃᐳᑦ ᐅᑯᑎᒎᓇᖅ, Bachelor−ᖃᕐᓗᓂ ᓇᓗᓇᐃᒃᑯᑕᖅᒥᒃ ᐊᐅᓚᑦᑎᔪᓐᓇᕐᓂᕐᒥᒃ ᓇᖕᒥᓂᕆᔭᐅᔪᒥᒃ, ᑮᓇᐅᔭᓕᐅᕋᓱᖕᓂᐅᕙᒃᑐᓂᒃ, ᑮᓇᐅᔭᓕᐅᓂᕐᒧᓪᓗ ᐱᓕᕆᓂᐅᕙᒃᑐᓂᒃ ᐅᕝᕙᓘᓐᓃᑦ ᐊᒃᑐᐊᓂᓕᖕᓂᒃ ᐱᓕᕆᓂᑯᓂᒃ ᓲᕐᓗ, Bachelor of Arts, ᓇᓗᓇᐃᒃᑯᑕᖅᑖᖅᓯᒪᓗᓂ ᐃᓄᓕᕆᓂᕐᒥᒃ ᐱᓕᕆᐊᖃᕈᓐᓇᕐᓂᕐᒥᒃ ᐃᓕᓐᓂᐊᖅᑐᓕᕆᓂᕐᒥᒡᓘᓐᓃᑦ; ᒪᕐᕉᖕᓂᒃ ᐊᕐᕌᒎᖕᓂᒃ ᐊᒃᑐᐊᓂᓕᖕᒥᒃ ᐱᓕᕆᖃᑦᑕᖅᓯᒪᓂᑰᓂᖅ ᐱᔭᐅᓯᒪᔭᕆᐊᖃᖅᐳᖅ ᐃᓚᖃᕐᓗᓂ ᐊᑕᐅᓯᕐᒥᒃ ᐊᕐᕌᒍᒥᒃ ᐱᓕᕆᖃᖅᑕᖅᓯᒪᓂᑰᓂᕐᒥᒃ ᑲᒪᔨᐅᓂᕐᒥᒃ ᐊᐅᓚᑦᑎᓂᕐᒥᒡᓗ ᐃᖅᑲᓇᐃᔭᖅᑎᓂᒃ. ᑭᖑᓂᑦᑎᓐᓂ ᐱᓕᕆᖃᑦᑕᖅᓯᒪᓗᓂ ᐃᖅᑲᓇᐃᔮᕆᔭᐅᔪᒪᔪᓕᕆᓂᕐᒥᒃ ᐊᒻᒪ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐃᑲᔪᕐᓂᖃᕋᔭᖅᐳᖅ.
ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.
ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᐊᑐᕐᓗᑎᒃ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.
ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.
ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᒧᑦ ᐱᔪᒥᓴᐅᑦ ᓇᒃᓯᐅᑎᓗᒍ ᐅᕗᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.
- ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᔨᓂᒃ ᐃᖅᑲᓇᐃᔭᖅᑎᓂᒃ; ᑕᐃᒪᐃᒻᒪᑦ, ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᖅ ᒪᓕᒡᓗᒍ.
- ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔪᑦ ᐱᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᖅᑎᑕᐅᓂᕐᒧᑦ ᑎᑎᖅᑲᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᒥᒃ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐃᓚᓕᐅᑎᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ.
- ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐊᑐᕆᐊᖃᖅᐳᖅ ᑭᓯᐊᓂ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ.
- ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
- ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
- ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᓴᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ. ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᖅᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.