ᓄᓇᕗᒻᒥ ᓂᐅᕕᕐᕕᓪᓚᑦᑖᑦ
ᓂᐅᕐᕈᑎᖃᖅᐸᒃᑐᓄᑦ ᑐᕌᖓᔪᑦ
ᓂᐅᕐᕈᑎᖃᖅᐸᒃᑐᓄᑦ ᑐᕌᖓᔪᖅ
ᓄᓇᕗᒻᒥᑦ ᓴᓇᐅᒐᓪᓚᑦᑖᓄᑦ ᓇᓗᓇᐃᒃᑯᑕᖅ ᑕᖅᓴᐃᓪᓗ ᓇᑭᙶᕐᓂᖓᓂ ᓇᓗᓇᐃᖅᓯᔾᔪᑕᐅᖃᑦᑕᖅᐳᑦ ᓄᓇᕘᒥ ᓴᓇᙳᐊᒐᕐᓄᑦ ᒥᖅᓱᒐᕐᓄᓪᓗ ᓴᖅᑭᔮᖅᑎᓐᓇᓱᒃᐸᒃᑕᔅᓯᓐᓂᒃ ᓂᐅᕐᕈᑎᒋᓇᓱᒃᐸᒃᑕᔅᓯᓐᓂᓪᓗ.
ᖃᓄᐃᒻᒪ ᑖᓐᓇ ᑕᐃᒪᐃᑦᑐᖅ ᐃᑲᔪᖅᑐᖅᑕᐅᔭᕆᐊᖃᖅᐸ?
ᐃᑲᔫᑎᒋᓇᓱᖕᓂᐊᖅᐸᐃᑦ ᓄᓇᕗᒻᒥᑦ ᓴᓇᐅᒐᓪᓚᑦᑖᓄᑦ ᓇᓗᓇᐃᒃᑯᑦᑎᖅᓯᓂᐅᔪᖅ. ᐃᓚᐅᔪᒪᒍᕕᑦ ᐊᑭᓖᔭᕆᐊᖃᔾᔮᙱᑦᑐᑎᑦ!
ᓄᓇᕗᒻᒥᑦ ᓴᓇᐅᒐᓪᓚᑦᑖᓄᑦ ᓇᓗᓇᐃᒃᑯᑕᖅ ᐊᑐᕐᓗᒍ ᓄᓇᕘᒥ ᓴᓇᐅᒐᕐᓂ ᒥᖅᓱᒐᕐᓂᓪᓗ ᓴᓇᙳᐊᒐᐃᔭᕐᕕᒋᕙᒃᑕᔅᓯᓐᓂᒃ:
- ᓇᓗᓇᐃᖅᓯᔾᔪᑕᐅᕗᖅ ᓄᓇᕗᒻᒥᑦ ᓴᓇᐅᒐᓪᓚᑦᑖᖑᓂᖓᓂ
- ᐃᓕᓴᖅᓯᔾᔪᑕᐅᔪᓐᓇᖅᐳᖅ ᓄᓇᕘᓕᒫᒥ ᓴᓇᙳᐊᒐᕐᓂ ᒥᖅᓱᒐᕐᓂᓪᓗ
- ᐅᔾᔨᕐᓇᖅᓯᑎᑦᑎᒃᑲᓐᓂᖅᐳᖅ ᓴᓇᙳᐊᒐᐃᑦ ᒥᖅᓱᒐᐃᓪᓗ ᓄᓇᕗᒻᒥᙶᕐᓚᑦᑖᕐᓂᖓᓂᒃ ᑕᒪᒃᑯᓇᙵᑦ ᐃᔾᔪᐊᖅᓯᕙᒃᑐᓂᒃ
- ᓄᓇᕘᒥ ᓴᓇᙳᐊᒐᐃᑦ ᒥᖅᓱᒐᐃᓪᓗ ᐊᔾᔨᒋᔭᐅᙱᓐᓂᖏᓐᓂᒃ ᖃᐅᔨᔾᔪᑕᐅᔪᓐᓇᖅᐳᖅ ᐊᓯᖏᓐᓂᒃ ᐅᑭᐅᖅᑕᖅᑐᒥᐅᑕᓂᒃ
- ᓴᙱᒃᑎᒋᐊᖅᑎᑦᑎᓪᓗᓂ ᐃᑲᔪᖅᑐᐃᓪᓗᓂᓗ ᓄᓇᕘᒥ ᐱᒻᒪᕆᐅᔪᓂᒃ ᓴᓇᙳᐊᖅᑕᐅᕙᒃᑐᑐᖃᕐᓂᒃ, ᐱᐅᓯᑐᖃᕆᔭᐅᔪᒥ
ᓄᓇᕗᒻᒥᑦ ᓴᓇᐅᒐᓪᓚᑦᑖᓄᑦ ᓇᓗᓇᐃᒃᑯᑕᖅ ᐊᒻᒪ ᓄᓇ ᑕᖅᓴᖓ ᓂᐅᕐᕈᑎᖃᖅᐸᒃᑐᓕᒫᓄᑦ ᐊᑐᐃᓐᓇᐅᑎᑕᐅᕗᑦ ᐃᓚᐅᔪᒪᓗᑎᒃ ᑎᑎᕋᖅᓯᒪᔪᓄᑦ. ᓄᓇ ᓂᕕᙵᑖᒥ ᐊᑐᖅᐸᒃᑐᑦ ᓇᓗᓇᐃᖅᓯᕙᒃᐳᑦ ᓄᓇᕗᒻᒥᙶᓪᓚᑦᑖᕐᓂᖓᓂ ᓴᓇᐅᒐᐃᑦ ᒥᖅᓱᒐᐃᓪᓗ ᓄᓇᓕᖕᓂ, ᑲᓇᑕᒥ ᓄᓇᕐᔪᐊᓕᒫᒥᓗ.
ᓄᓇᕗᑦᒥᑦ ᓴᓇᐅᒐᓪᓚᑦᑖᑦ ᓇᓗᓇᐃᒃᑯᑕᖓ ᐱᐅᓯᒋᐊᕈᑕᐅᓂᐊᖅᐳᖅ, ᐊᓯᔾᔨᖅᓯᙱᓪᓗᓂ, ᓂᕕᙵᑖᕆᔭᐅᔪᓂᒃ ᑕᖅᓴᕆᔭᐅᔪᓂᒡᓗ. ᓇᓗᓇᐃᒃᑯᑦᑎᖅᓯᓂᖅ ᓴᖅᑭᑎᑕᐅᓯᒪᕗᖅ ᐊᑐᖅᑕᐅᖃᑦᑕᖁᔭᐅᓪᓗᓂ ᐃᓛᒃᑰᕐᓗᓂ ᐅᕝᕙᓘᓐᓃᑦ ᐊᓯᖏᓐᓂᒃ ᓇᓗᓇᐃᒃᑯᑕᓂᒃ ᐱᖃᑎᖃᕐᓗᓂ, ᓴᓇᙳᐊᖅᑎᓄᑦ ᓂᐅᕕᖅᑎᑦᑎᔪᒧᓪᓘᓐᓃᑦ ᐋᖅᑭᒃᑕᐅᓗᓂ. ᐱᒻᒪᕆᐅᔪᓂᒃ ᓂᕕᙵᑖᖅᑕᖃᖅᐳᖅ ᓇᓗᓇᐃᒃᑯᑕᓂᒡᓗ ᓄᓇᕗᒻᒥ ᓴᓇᐅᒐᑦᑎᐊᕙᖕᓄᑦ ᒥᖅᓱᒐᕐᓄᓪᓗ ᐊᒃᑐᐊᓂᓕᖕᓂᒃ: ᐃᒡᓗ ᓂᕕᙵᑖᖅ; ᑭᙵᕐᒥᐅᑦ ᑕᖅᓴᖓ; ᐸᓐᓂᖅᑑᑉ ᑕᖅᓴᖓ; ᖃᒪᓂ’ᑐᐊᖅ ᑕᖅᓴᖓ. ᑖᒃᑯᐊ ᓇᓗᓇᐃᒃᑯᑕᕆᔭᐅᔪᑦ ᐋᖅᑭᒃᓯᒪᑦᑎᐊᖅᐳᑦ ᑲᑎᑦᑎᕙᒃᑐᓄᑦ ᓇᑭᑐᐃᓐᓇᑦᑎᐊᖅ ᖃᐅᔨᒪᔭᐅᓪᓗᓂ ᐅᒃᐱᕆᔭᐅᔪᓐᓇᖅᖢᓂᓗ. ᑐᙵᕕᖃᑦᑎᐊᕈᑕᐅᕗᖅ ᓄᓇᕘᒥ ᓄᓇᕐᔪᐊᓕᒫᒥ ᓇᓗᓇᐃᒃᑯᑦᑎᖅᓯᔾᔪᑕᐅᕙᒃᑐᒧᑦ ᓄᓇᕐᔪᐊᓕᒫᒥ ᓂᐅᕐᕈᑎᖃᖅᐸᒃᑐᓄᑦ.
ᖃᓄᖅ ᐃᓚᐅᓂᐊᕐᓂᕐᒧᑦ ᓇᓗᓇᐃᔭᕈᓐᓇᖅᐱᑦ
ᓇᓗᓇᐃᒃᑯᑕᕐᒥᒃ ᐊᑐᕈᓐᓇᖅᑎᑕᐅᔪᑦ ᓄᓇᕘᒥ ᓴᓇᙳᐊᒐᕐᓄᑦ ᒥᖅᓱᒐᕐᓄᓪᓗ ᑐᕌᖓᔪᓂᒃ
ᓂᐅᕐᕈᑎᖃᖅᐸᒃᑐᓄᑦ ᓂᐅᕕᖅᐸᒃᑐᓄᓪᓗ ᐊᑐᕈᒪᔭᖃᖅᑐᓄᑦ ᓄᓇᕗᒻᒥᑦ ᓴᓇᐅᒐᓪᓚᑦᑖᓄᑦ ᓇᓗᓇᐃᒃᑯᑕᕐᒥᒃ ᓂᐅᕐᕈᑎᖃᕆᐊᖃᖅᐳᑦ ᓄᓇᕗᒻᒥᑦ ᓴᓇᐅᒐᓪᓚᑦᑖᓂᒃ ᓴᓇᙳᐊᒐᕐᓂᒃ ᒥᖅᓱᒐᕐᓂᒡᓗ ᑲᒪᒋᔭᖃᕆᐊᖃᕐᓂᐊᖅᐳᕐᓗ ᓴᓇᐅᒐᓕᒫᑦ ᓇᓗᓇᐃᒃᑯᑦᑎᖅᑕᐅᖁᓪᓗᒋᑦ ᓂᐅᕕᕐᕕᖏᓐᓂ/ᓴᓇᙳᐊᒐᐃᔭᕐᕕᖏᓐᓂ ᓄᓇᕗᒻᒥᑦ ᓴᓇᐅᒐᓪᓚᑦᑖᖑᓂᖏᓐᓂᒃ ᒥᖅᓱᒐᓪᓚᑦᑖᖑᓂᖏᓐᓂᒡᓗ. See exceptions.
ᐃᓚᒋᔭᐅᔪᒪᔪᓄᑦ ᑎᑎᕋᕆᐊᓕᐅᑉ ᐃᓚᒋᓪᓗᓂᐅᒃ, ᓂᐅᕐᕈᑎᖃᖅᐸᒃᑐᑦ ᓂᐅᕕᖅᐸᒃᑐᓪᓗ ᑐᓂᓯᔭᕆᐊᖃᕆᕗᑦ ᓇᖕᒥᓂᖃᕐᓂᕐᒧᑦ ᓚᐃᓴᓐᔅ ᑕᕐᕋᖓᓂᒃ ᐃᓚᐅᔪᒪᔾᔪᑎᖓᓗ.
ᓂᐅᕐᕈᑎᖃᖅᐸᒃᑐᑦ ᓂᐅᕕᖅᐸᒃᑐᓪᓗ ᐅᑯᓂᖓ ᖃᐅᔨᒋᐊᕈᑎᒃᓴᓂᒃ ᑐᓂᓯᔭᕆᐊᖃᖅᑎᑕᐅᕗᑦ ᐊᐅᓚᓂᕆᔭᖓᑕ ᒥᒃᓵᓄᑦ:
- ᓂᐅᕐᕈᑎᖃᖅᑎᐅᑉ(ᑎᑦ) ᐊᑎᖓ ᓄᓇᕘᒥ ᓴᓇᙳᐊᒐᐃᑦ ᒥᖅᓱᒐᐃᓪᓗ
- % ᓈᓴᖅᑕᐅᓯᒪᔪᑦ ᓄᓇᕘᒥ ᓴᓇᙳᐊᒐᐃᑦ ᒥᖅᓱᒐᐃᓪᓗ
ᑎᑎᕋᕆᐊᓖᑦ ᐱᔭᐅᔭᕆᐊᓖᑦ:
- ᓂᐅᕐᕈᑎᖃᖅᑑᑉ/ᓂᐅᕕᖅᑑᑉ ᐃᓚᒋᔭᐅᔪᒪᔾᔪᑎᖓ ᑎᑎᕋᕆᐊᓕᒃ
- ᑲᒪᒋᔭᖃᕐᓂᕐᒧᑦ ᐊᖏᕈᑎᐅᑉ ᒪᓕᒋᐊᓕᖏᑦ
ᖃᓄᑦ ᑖᓐᓇ ᐊᑐᖅᑕᐅᔪᓐᓇᖅᐸ
ᓂᐅᕐᕈᑎᖃᕐᓂᕐᒧᑦ ᐱᖁᑎᓂᒃ ᓄᓇᕗᒻᒥᑦ ᓴᓇᐅᒐᓪᓚᑦᑖᓄᑦ ᓇᓗᓇᐃᒃᑯᑕᐃᑦ ᐱᔭᐅᔪᓐᓇᖅᓯᕗᑦ. ᓂᕕᙵᑖᑦ ᓂᐱᑎᒐᐃᓪᓗ ᐊᑭᖄᕐᔪᒃᑐᑦ:
- ᓇᓗᓇᐃᒃᑯᑕᐃᑦ ᓂᐱᑎᒐᐅᓪᓗᑎᒃ ᓂᕕᙵᑖᓄᑦ ᐊᑐᖅᑕᐅᔪᓐᓇᖅᖢᑎᒃ ᐃᓕᓯᒪᓪᓗᑎᒃ ᓂᐅᕕᐊᒃᓴᕆᔭᐅᔪᓄᑦ ᓄᓇᕗᒻᒥᑦ ᓴᓇᐅᒐᓪᓚᑦᑖᓄᑦ ᓴᓇᙳᐊᒐᕐᓄᑦ ᒥᖅᓱᒐᕐᓄᓪᓗ. ᐊᑭᖓ: $5.00 ᑲᑎᙵᔪᑦ ᐊᑕᐅᓯᖅ (96-ᖑᓪᓗᑎᒃ ᓂᐱᑎᒐᐃᑦ ᑲᑎᙵᔪᑦ).
- ᓂᕕᙵᑖᑦ (ᓄᓇ ᓂᕕᙵᑖᑦ) ᓄᑖᓄᑦ ᐱᓕᕆᐊᖑᔪᓄᑦ ᐊᑐᕆᐊᓖᑦ. ᐊᑭᖓ $0.15 ᐊᑕᐅᓯᖅ, $15.00 100-ᖑᓪᓗᑎᒃ ᓂᕕᙵᑖᑦ ᐅᕝᕙᓘᓐᓃᑦ $150.00 1000-ᖑᓪᓗᑎᒃ ᓂᕕᙵᑖᑦ.
- ᐊᑭᖃᙱᑦᑐᑦ ᐃᒐᓛᕐᒧᑦ ᓂᐱᑎᑦᑕᕆᐊᓖᑦ ᓄᓇᕗᒻᒥᑦ ᓴᓇᐅᒐᓪᓚᑦᑖᓂᒃ ᐱᑕᖃᕐᓂᖓᓂᒃ ᑕᑯᒃᓴᐅᑎᑦᑎᔪᒥᒃ ᓴᓇᙳᐊᒐᐃᕐᕕᒋᕙᒃᑕᔅᓯᓐᓂ.
- ᐊᑭᖃᙱᑦᑐᓂᒃ ᑕᑯᒃᓴᐅᑎᑦᑎᓐᓇᖅᑐᖅ ᓂᐅᕕᕐᕕᖕᒥᓪᓗ ᓂᐅᕕᐊᒃᓴᕆᔭᐅᔪᓂᒃ, ᒪᑯᐊᖑᓪᓗᑎᒃ ᐸᑦᑕᑯᓗᐃᑦ (ᒪᑭᑦᑕᐃᑦ) ᐅᖃᓕᒫᒐᑯᓗᐃᓪᓗ ᓂᐅᕕᖅᐸᒃᑐᓄᑦ ᑐᑭᓯᒋᐊᕈᑎᒃᓴᐅᓪᓗᑎᒃ.
ᐊᑭᖃᙱᑦᑐᒥ ᐃᓚᒋᔭᐅᔪᒪᔾᔪᑎᒥ ᑎᑎᕋᕈᕕᑦ ᓄᓇᕗᒻᒥᑦ ᓴᓇᐅᒐᓪᓚᑦᑖᓄᑦ ᓇᓗᓇᐃᒃᑯᑦᑎᖅᓯᓂᕐᒧᑦ, ᐊᑐᕈᓐᓇᖅᓯᓂᐊᖅᐳᑎᑦ ᖃᕆᓴᐅᔭᒃᑯᑦ ᓂᐅᕐᕈᑎᖃᕐᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ:
- ᐊᑐᕈᓐᓇᕐᓂᖅ ᓄᓇᕘᒥ ᓴᓇᙳᐊᖅᑎᑦ’ ᖃᕆᓴᐅᔭᒃᑯᑦ ᑲᑎᖅᓱᐃᕝᕕᖓᓂ ᕿᓂᕈᓐᓇᖅᓯᓗᑎᑦ ᓅᑎᑦᑎᔪᓐᓇᖅᓯᓗᑎᓪᓗ ᓴᓇᙳᐊᖅᑕᐅᓯᒪᔪᓂᑦ ᓂᐅᕐᕈᑎᖃᕐᕕᒋᔭᔅᓯᓐᓄᑦ
- ᓴᓇᙳᐊᒐᐃᔭᕐᕕᒋᕙᒃᑕᕕᑦ ᐊᔾᔨᙳᐊᖓᓂ ᓄᓇᕘᒥ ᓴᓇᙳᐊᖅᑎᓄᑦ’ ᖃᕆᓴᐅᔭᒃᑯᑦ ᑲᑎᖅᓱᐃᕝᕕᖕᒥ
- ᐊᓯᖏᓐᓂᒃ ᓄᓇᕘᒥ ᑐᑭᓯᒋᐊᕈᑎᒃᓴᓂᒃ ᑕᑯᔪᓐᓇᕐᓗᓂ pdf-ᒥ ᐋᖅᑭᒃᓯᒪᔪᒥ ᓅᑎᑲᐅᑎᒋᔪᓐᓇᕐᓗᒋᑦ ᑎᑎᖅᑲᓕᐅᕈᓐᓇᕐᓗᒋᓪᓗ
- ᐃᓚᒋᐊᖅᑕᐅᓗᓂ ᓄᓇᕘᒥ ᓴᓇᙳᐊᒐᕐᓂ ᒥᖅᓱᒐᕐᓂᓪᓗ ᐃᑭᐊᖅᑭᕕᒃᑯᑦ ᑐᑭᓯᒋᐊᕐᕕᐅᔪᓐᓇᖅᑐᒥ “ᖃᓂᓐᓂᖅᐹᒥ ᓴᓇᙳᐊᒐᐃᔭᕐᕕᖕᒥ ᓇᓂᓯᓇᓱᒡᓗᓂ” ᕿᓂᕈᑎ
- ᐊᓯᖏᓐᓂᒃ ᓄᓇᕘᒥ ᓴᓇᙳᐊᒐᕐᓂᒃ ᒥᖅᓱᒐᕐᓂᒡᓗ ᑐᑭᓯᒋᐊᕐᕕᖕᓂ ᑕᑯᒋᐊᕈᓐᓇᕐᓂᖅ pdf-ᒧᑦ ᐋᖅᑭᒃᓯᒪᔪᒥ
- ᐊᑭᖃᙱᑦᑐᓂ ᐊᑐᕈᓐᓇᕐᓂᖅ ᐃᑭᐊᖅᑭᕝᕕᔅᓯᓐᓄᑦ ᓂᐅᕕᖅᐸᒃᑐᓂᒡᓗ ᑐᓴᐅᒪᖃᑎᖃᕐᓂᖅ
ᓄᓇᕘᒥ ᓴᓇᙳᐊᒐᓕᕆᔨᓂ ᑎᑭᑕᐅᒍᕕᑦ ᓴᓇᙳᐊᖅᑎᓗ ᓇᓗᓇᐃᖅᑕᐅᓗᓂ ᓴᓇᓯᒪᔭᖏᓐᓂ ᓄᓇ ᓂᕕᙵᑖᖃᕐᓗᓂ, ᓇᓗᓇᐃᒃᑯᑕᖅ ᐃᑲᔪᖅᑐᕐᓂᐊᖅᐸᐃᑦ ᓂᕕᙵᑖ ᐱᓯᒪᑦᑎᐊᕐᓗᒍ ᓴᓇᐅᒐᕆᔭᐅᔪᕐᓗ ᑲᑎᙵᑎᑦᑎᐊᕐᓗᒍ.
ᖃᓄᖅ ᓄᓇ ᓂᕕᙵᑖᖅ ᑐᑭᖃᖅᐸ ᐃᓄᖕᓄᑦ?
ᓄᓇ ᓂᕕᙵᑖᖅ ᑐᕌᖓᔪᓂᒃ, ᐃᓛᒃᑰᖅᑐᓂᒃ ᓇᓗᓇᐃᖅᓯᔾᔪᑕᐅᕗᖅ ᐊᑐᓂ ᐱᓕᕆᐊᖑᔪᓂᑦ ᓄᓇᕘᒥ ᓴᓇᐅᒐᕐᓂᒃ ᒥᖅᓱᒐᕐᓂᓪᓘᓐᓃᑦ.
- ᓄᓇᕗᑦ ᒐᕙᒪᒃᑯᑦ ᐊᒡᒐᒧᑦ ᓴᓇᐅᒐᕐᒥᒃ ᓄᓇᕘᒥ ᓴᓇᙳᐊᖅᑎᒧᑦ ᓴᓇᔭᐅᓂᕋᐃᓪᓚᑦᑖᖅᐳᑦ.
- ᓴᓇᙳᐊᖅᑎᐅᑉ ᐊᑎᖓ ᓴᓇᙳᐊᖅᓯᒪᔪᖅ, ᑎᑎᕋᖅᑕᐅᓯᒪᓪᓗᓂ ᓴᓇᙳᐊᖅᑎᒧᑦ ᓂᐅᕐᕈᑎᓕᖕᒧᓪᓘᓐᓃᑦ. ᐃᓄᒃᑎᑐᑦ ᑎᑎᕋᖅᓯᒪᑐᐃᓐᓇᕆᐊᖃᖅᐳᖅ — ᐃᓄᖕᓄᑦ ᐅᖃᐅᓯᕆᔭᐅᓪᓗᓂ ᓄᓇᕘᒥ.
- ᓴᓇᙳᐊᖅᑎᐅᑉ ᓄᓇᖓᑕ ᐊᑎᖓ. ᐅᓄᖅᑐᑦ ᓄᓇᓖᑦ ᐊᑎᓪᓚᑦᑖᒥᖕᓂᒃ ᐊᓯᔾᔨᖅᓯᓯᒪᕗᑦ ᖃᓪᓗᓈᑎᑑᖓᔪᖅ ᐃᓄᒃᑎᑑᓕᖅᑎᖦᖢᒍ. ᐅᖃᓕᒫᒐᑯᓗᖕᒦᑦᑐᖅ ᓄᓇᙳᐊᖅ ᐅᓪᓗᒥ ᐊᑎᓪᓚᑦᑖᕆᔭᐅᔪᓂᒃ ᐊᑐᖅᐳᖅ.
- ᓴᓇᙳᐊᖅᑕᐅᔪᖅ ᒥᖅᓱᒐᓕᐊᖑᔫᓪᓘᓐᓃᑦ ᓴᓇᔭᐅᕝᕕᖓᑕ ᐊᕐᕌᒍᖓ.
- ᓴᓇᐅᒐᖅ ᓇᓗᓇᐃᖅᓯᒪᓪᓗᓂ ᑭᓱᓐᖑᐊᖑᓂᖓ ᑭᓱᒥᓪᓗ ᓴᓇᔭᐅᓯᒪᓂᖓ: ᐆᒃᑑᑎᒋᓗᒍ, “ᕿᓚᐅᔾᔭᖅᑎ – ᐅᔭᕋᖅ ᐊᒻᒪ ᓇᒡᔪᒃ.”
ᓄᓇ ᓂᕕᙵᑖᑉ ᑐᑭᓯᒋᐊᕈᑎᒃᓴᖏᑦ ᐱᐅᓯᒋᐊᕈᑕᐅᕗᑦ ᓄᓇᕘᒥ ᓴᓇᙳᐊᒐᐃᑦ ᒥᖅᓱᒐᐃᓪᓗ ᐱᒻᒪᕆᐅᓂᖏᓐᓂᒃ ᓂᐅᕕᖅᑕᐅᕙᒃᑐᓂᒃ ᓇᑭᙶᕐᓂᖏᓐᓂᒃ ᓇᓗᓇᐃᖅᓯᒪᑦᑎᐊᖅᖢᑎᒃ. ᓄᓇ ᓂᕕᙵᑖ ᐸᐸᑦᑎᐊᕐᓂᐊᖅᐸᐃᑦ ᖃᐅᔨᒪᔾᔪᑎᒋᔪᓐᓇᕐᓂᐊᕋᕕᐅᒃ ᓇᑭᙶᕐᓂᖓᓂᒡᓗ ᖃᐅᔨᔾᔪᑕᐅᔪᓐᓇᕐᓗᓂ.