ᓂᖃᐃᓲᑎᑦ
ᑖᓐᓇ ᓂᖃᐃᓱᖅᑐᖅᓯᐅᑎᑦ ᓱᒃᑯᐊᕿᔪᖅᓯᐅᑎᑦ ᐱᓕᕆᐊᔅᓴᖅ ᑭᙴᒪᒋᔭᐅᔪᓂᑦ ᐃᑲᔪᖅᑕᐅᔪᓐᓇᖁᓪᓗᒋᑦ ᐃᓚᒌᑦ ᐊᒻᒪ ᐃᓄᐃᑦ ᑭᙴᒪᒋᔭᖏᓐᓂᑦ ᐱᖃᖅᑎᑕᐅᔪᓐᓇᖁᓪᓗᒋᑦ ᐊᔾᔨᒌᙱᑦᑐᓂᑦ ᐱᔾᔪᑎᖃᖅᑎᓪᓗᒋᑦ, ᒪᑯᓂᖓᓗ ᑎᒥᒥᒍᑦ ᐊᔪᕈᑎᖃᕐᓂᖅ, ᐋᓐᓂᐊᕐᓂᖅ, ᑮᓇᐅᔾᔭᔅᓴᓂᑭᑦᑐᑦ ᐅᕙᓗ ᐃᖅᑲᓇᐃᔮᔅᓴᖃᙱᑦᑐᑦ, ᓇᒻᒥᓂᖅ ᐱᔪᓐᓇᐃᓕᑉᐸᑕ.
ᓂᕆᐅᒋᔭᐅᔪᖃᖅᐳᖅ ᐱᓇᓱᐊᖅᑕᐃᓐᓇᕆᓗᒋᑦ ᐊᓯᖏᑦ ᐱᓕᕆᐊᑦ ᐱᔪᓐᓇᑐᐃᓐᓇᕆᐊᖃᖅᑕᑎᑦ ᓲᕐᓗ ᐃᖅᑲᓇᐃᔭᙱᑦᑐᖅᓯᐅᑎᑦ, ᐊᔾᔨᒌᙱᑦᑐᑦ ᓄᖅᑲᕈᓯᐊᔅᓴᓄᑦ ᐱᓕᕆᐊᑦ, ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔩᑦ ᐊᒻᒪ ᓱᕈᓯᕐᓄᑦ ᐋᖅᑭᐅᒪᐃᓐᓇᖅᑎᑦᑎᓂᕐᒧᑦ, ᐊᒻᒪ ᐊᓯᖏᓐᓂᑦ ᑮᓇᐅᔭᓂᒃ ᐊᑐᕈᓐᓇᕐᓗᑎᑦ ᐊᑐᐃᓐᓇᐅᑐᐃᓐᓇᕆᐊᓕᓐᓂᑦ, ᓲᕐᓗ ᑮᓇᐅᔭᒃᑯᕕᓐᓂᑦ ᐊᒻᒪ RRSP-ᓂᒃ, ᑐᔅᓯᕋᓚᐅᙱᓂᕐᓂᑦ ᒐᕙᒪᒃᑯᑦ ᐱᓕᕆᐊᖏᓐᓄᑦ. ᐊᕐᕌᒍᑕᒫᑦ ᑎᑎᕋᖅᑕᐅᖃᑦᑕᕆᐊᖃᕆᕗᖅ ᐊᕐᕌᒍᑕᒫᑦ ᑖᒃᓰᔭᕈᑎᓄᑦ ᐅᑎᖅᑐᒃᓴᑦ.
ᑭᒃᑯᑦ ᐱᓇᔪᒍᓐᓇᖅᐸᑦ:
ᑭᓇᑐᐃᓐᓇᖅ 18-ᓂᒃ ᐅᑭᐅᓕᒃ ᐅᖓᑖᓄᓪᓗ ᑮᓇᐅᔭᓕᕆᓂᕐᒧᑦ ᐱᔭᕆᐊᖃᕐᓗᓂ ᓄᓇᕗᒻᒥᐅᑕᐅᓗᓂ ᐱᓇᔪᒍᓐᓇᖅᑐᖅ ᓂᖃᐃᓲᑎᓄᑦ.
ᖃᐅᔨᓂᖅ ᐃᓚᐅᖃᑕᐅᔪᓐᓇᕐᒪᖔᑦ:
- ᑕᖅᑭᑕᒫᑦ ᑮᓇᐅᔭᓕᕆᓂᕐᒧᑦ ᖃᐅᔨᓴᖅᑕᐅᖃᑦᑕᕆᐊᖃᕐᓂᐊᖅᑐᑎᑦ ᓂᖃᐃᓱᖅᑐᓕᕆᔨᒧᑦ.
- ᐱᕙᓪᓕᐊᑎᑦᑎᔭᕆᐊᖃᕐᓂᐊᖅᑐᑎᑦ ᐱᕙᓪᓕᐊᔾᔪᑎᓄᑦ ᓂᕈᐊᕆᔭᕐᓂᒃ ᓂᖃᐃᓱᖅᑐᓕᕆᔨᒧᑦ ᓇᖕᒥᓂᖅᓱᕈᓐᓇᖅᓯᖁᓪᓗᑎᑦ
- ᐱᕙᓪᓕᐊᔾᔪᑎᓄᑦ ᓂᕈᐊᕆᔭᑦ ᐃᓚᖃᑐᐃᓐᓇᕆᐊᖃᖅᐳᑦ ᐃᓕᓐᓂᐊᒃᑲᓐᓂᕐᓂᕐᒥᒃ, ᐱᓕᒻᒪᒃᓴᕐᓂᕐᒥᒃ, ᐊᖓᔪᖅᑳᖑᓂᕐᒥᒃ ᖃᓄᐃᑦᑐᖃᖅᑎᓪᓗᒍ, ᐃᖅᑲᓇᐃᔮᖃᕐᓂᖅ, ᓄᓇᓕᖕᓂ ᐱᓕᕆᓂᖅ, ᐊᖑᓇᓱᖕᓂᖅ ᐊᒻᒪ/ᐅᕝᕙᓘᓐᓃᑦ ᐃᓄᑑᓗᓂ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖅ ᐅᕝᕙᓘᓐᓃᑦ ᐃᒥᐊᓗᖕᒧᑦ ᐋᖓᔮᕐᓇᖅᑐᓄᓪᓗ ᐃᓅᓯᓕᕆᔭᐅᓂᖅ.
- ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ ᐅᕝᕙᓘᓐᓃᑦ 60 ᐅᖓᑖᓂ ᐅᑭᐅᖃᖅᑐᑦ ᐃᓚᐅᔪᓐᓇᖅᑎᑕᐅᙱᑦᑐᑦ ᐱᕙᓪᓕᐊᑦᑎᐊᕐᓇᖅᑐᒃᑯᑦ ᓂᕈᐊᕆᔭᒥᓂᒃ.
ᑭᓱᒥ ᓇᒃᓴᕆᐊᖃᖅᐱᑦ ᓯᕗᓪᓕᖅᐹᒥ ᑕᑯᔭᐅᕝᕕᒃᓴᕐᓄᑦ:
- ᐊᔾᔨᖏᑦ ᐃᓚᒌᓕᒫᑦ: ᐃᓅᔪᖅᓯᐅᑎ, ᓴᓇᔪᓐᓇᐅᑎᖓᑕ ᓈᓴᐅᑖ ᐊᒻᒪ ᐋᓐᓂᐊᕕᓕᐊᕈᓐᓇᐅᑎᒧᑦ ᓈᓴᐅᑖ.
- ᐊᓯᖏᑦ ᑎᑎᖅᑲᐃᑦ.
ᐃᓂᒃᓴᓕᐅᖅᑕᐅᓯᒪᑎᓪᓗᑎᑦ, ᓂᖃᐃᓱᖅᑐᓕᕆᔨ ᐅᖃᐅᓯᖃᕐᓂᐊᖅᐳᖅ ᖃᐅᔨᓴᖅᓯᓗᓂᓗ ᑕᒪᐃᓐᓂᑦᑎᐊᖅ ᒪᓂᒪᔪᓂᒃ ᐊᑐᖅᑕᐅᔪᓐᓇᖅᑐᓂᒃ ᐊᑐᕈᓐᓇᑐᐃᓐᓇᕆᐊᖃᖅᑕᕐᓂᒃ ᖃᐅᔨᒪᓕᓚᐅᙱᓐᓂᕐᓂᒃ ᐊᔪᖅᑎᑕᐅᓇᔭᙱᒻᒪᖔᖅᐱᑦ.
ᖃᓄᖅ ᐱᓇᔪᒍᓐᓇᕐᒪᖔᑦ:
ᖃᐅᔨᒋᐊᕐᕕᒋᓗᒍ ᓄᓇᓕᔅᓯᓐᓂ ᓂᖃᐃᓱᖅᑐᓕᕆᓂᕐᒧᑦ ᐱᓕᕆᔨᒋᔭᐃᑦ ᐋᖅᑭᒃᓯᔪᒪᓗᑎᑦ ᐃᓂᒃᓴᒥᒃ.
ᐃᑲᔪᖅᑕᐅᔪᒪᓗᓂ ᑐᑭᓯᒋᐊᕈᒪᓗᓂᓗ, ᖃᐅᔨᒋᐊᕐᕕᒋᓗᒍ ᓂᖃᐃᓱᖅᑐᓕᕆᔨᓯ ᐅᕝᕙᓘᓐᓃᑦ ᐃᓄᓕᕆᔨᒃᑯᑦ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᑎᑎᕋᕐᕕᖓ:
ᓂᒋᐊᓂ ᕿᑭᖅᑕᓂ: 867-975-6580 /1-855-975-6580
ᐅᐊᖕᓇᖓᓂ ᕿᑭᖅᑕᓂ: 867- 473-2607 / 1-800-567-1514
ᑭᕙᓪᓕᖅ: 867-645-5040/ 1-800-953-8516
ᕿᑎᕐᒥᐅᑦ: 867-983-4032 /1-800-661-0845