ᓄᓇᕗᒻᒥ ᓱᕈᓯᐊᖀᑦ

ᓄᓇᕗᒻᒥ ᓱᕈᓯᕐᓄᑦ ᐃᑲᔫᑏᑦ (NUCB) ᐊᑐᐃᓐᓇᐅᑎᑦᓯᖃᑦᑕᖅᑐᑦ ᑮᓇᐅᔾᔭᔅᓴᓂᑭᑦᑐᓂᑦ ᐃᓚᒌᓂᑦ ᑕᖅᑭᑕᒫᑦ ᐊᑭᓕᐅᑕᐅᕙᑦᑐᓂᑦ ᐃᑲᔪᕐᓂᕐᒥᑦ ᐊᑭᖏᓐᓂᑦ ᐱᕈᖅᓴᐃᓂᕐᒧᑦ ᓄᑕᖅᑲᕐᓂᑦ.

ᐱᔪᓐᓇᕐᓂᐊᕐᓗᓂ, ᖃᑕᙳᑎᑎᑦ ᑮᓇᐅᔭᓕᐅᖅᓯᒪᔭᕆᐊᓖᑦ $3,750-ᓂᒃ ᐊᕐᕌᒎᓚᐅᖅᑐᒥ. ᐃᓚᐅᔪᓐᓇᖅᑐᑦ ᐱᑎᑕᐅᖃᑦᑕᕐᓂᐊᖅᐳᑦ $275−ᒧᑦ ᑎᑭᓪᓗᒍ ᐊᕐᕌᒍᒧᑦ ᓯᕗᓪᓕᖅᐹᒧᑦ ᓄᑕᖅᑲᒧᑦ ᐊᒻᒪ $75−ᒥ ᐊᐃᑉᐸᖓᓄᑦ ᓄᑕᖅᑲᒧᑦ.

ᖃᔅᓯᐅᓂᖏᑦ ᐱᖃᑦᑕᖅᑕᑎᑦ ᑲᑎᖦᖢᒋᑦ ᑲᓇᑕᒥ ᓄᑕᖅᑲᓄᑦ ᑖᒃᓰᔭᐅᑎᑦ ᐱᕚᓪᓕᕈᑎᑦ ᐊᑕᐅᓯᕐᒧᑦ ᑕᖅᑭᒧᑦ, ᑖᒃᓰᔭᖅᑕᐅᔪᓐᓇᙱᑦᑐᖅ ᐊᑭᓕᐅᑎ ᐱᔪᓐᓇᖅᑐᓄᑦ ᖃᑕᙳᑎᒌᓄᑦ ᕿᑐᕐᖓᓕᖕᓄᑦ ᑐᖔᓂ 18 ᐅᑭᐅᓕᖕᓄᑦ.

ᓄᓇᕗᒻᒥ ᓱᕈᓯᕐᓄᑦ ᐃᑲᔫᑎ ᑮᓇᐅᔭᐅᑎᑕᐅᕗᖅ ᐃᓚᒌᓄᑦ ᑮᓇᐅᔭᓕᐅᖅᑐᓄᑦ $20,921 ᑐᖔᓂᓘᓐᓃᑦ. ᑖᒃᑯᐊ ᐃᓚᒌᑦ $330−ᑖᖃᑦᑕᖅᐳᑦ ᐊᕐᕌᒍᒧᑦ ᑕᒪᐃᓐᓄᑦ ᐊᔪᖅᑎᑕᐅᙱᑦᑐᓄᑦ ᓄᑕᖅᑲᓄᑦ 18 ᑐᖔᓂ ᐅᑭᐅᓕᖕᓄᑦ ᐊᖏᕐᕋᓖᑦ.

ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᐃᑲᔫᑎᑦ (TWS) ᐃᓚᒃᑲᓐᓂᖓ ᑮᓇᐅᔭᑎᒍᑦ ᐱᕚᓪᓕᕈᑎᐅᔪᖅ ᐊᑭᓕᖅᑕᐅᓪᓗᓂ ᐃᖅᑲᓇᐃᔭᖅᑐᓄᑦ ᖃᑕᙳᑎᒌᓄᑦ ᓄᑕᖅᑲᓄᑦ ᑐᖔᓂ 18 ᐅᑭᐅᖃᖅᑐᓄᑦ ᐊᖏᕐᕋᖃᕐᓗᓂ.

ᖃᐅᔨᓇᓱᒃᓗᓂ ᐱᔪᓐᓇᕐᒪᖔᖅᐱᑦ ᑖᒃᑯᓄᖓ ᐃᑲᔫᑎᓄᑦ ᐊᐅᓚᑕᐅᔪᓄᑦ ᑕᐃᑰᓇ ᑲᓇᑕᒥ ᓄᑕᖅᑲᓄᑦ ᑖᒃᓰᔭᐅᑎᓄᑦ ᐃᑲᔫᑎᓄᑦ ᐱᓕᕆᐊᒃᓴᒃᑯᑦ, ᑎᑎᕋᕆᐊᖃᖅᑕᑎᑦ ᐊᕐᕌᒍᑕᒫᑦ ᑖᒃᓰᔭᐅᑎᓄᑦ ᐅᑎᖅᑐᒃᓴᑦ.

ᐃᕐᖐᓐᓈᖅᑕᐅᑦ

ᐊᑐᐃᓐᓇᐅᑎᑦᑎᓗᑎᑦ ᐅᖃᐅᓯᐅᔪᒥᒃ?

ᖁᔭᓐᓇᒦᒃ ᖃᐅᔨᒋᐊᕋᕕᑦ ᓄᓇᕗᒻᒥ ᒐᕙᒪᒃᑯᓐᓄᑦ

ᓇᒃᓯᐅᔾᔨᑦᑕᐃᓕᒋᑦ ᐊᒃᑐᖅᑕᐅᓴᕋᐃᑦᑐᓂᒃ ᓇᖕᒥᓂᕐᓘᓐᓃᑦ ᓇᓗᓇᐃᔭᐅᑎᓂᒃ, ᐃᓚᐅᓗᑎᒃ (ᑭᓯᐊᓂ ᐃᓱᓕᕝᕕᖃᙱᑦᑐᖅ): ᓴᓇᔪᓐᓇᐅᑎᑦ ᓈᓴᐅᑎᖏᑦ, ᐃᓅᕝᕕᖏᑕ, ᓇᓗᓇᐃᔭᐅᑎᖏᑦ ᐊᓯᖏᑕ ᐃᓄᐃᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓘᓐᓃᑦ ᓇᓗᓇᐃᔭᐅᑎᑦ. ᓇᐃᑦᑐᒥᒃ ᐅᓂᒃᑳᖅᓯᒪᔪᒥᒃ ᓇᒃᓯᐅᔾᔨᑐᐃᓐᓇᕐᓂᐊᖅᐳᑎᑦ ᐱᔾᔪᑎᒥᒃ ᐃᓱᒫᓘᑎᒋᔭᕐᓂᒡᓘᓐᓃᑦ ᖃᓄᕐᓗ ᐃᓕᖕᓄᑦ ᖃᐅᔨᒋᐊᕈᓐᓇᕐᒪᖔᑦᑕ. ᖃᐅᔨᒪᒋᐊᕐᓂᐊᖅᐳᒍᑦ ᑕᐃᓐᓇᑦᑎᐊᖅ ᐃᓄᒃ ᖃᐅᔨᒋᐊᕐᕕᒋᓗᓂᑎᑦ ᑐᑭᓯᒃᑲᓐᓂᕆᐊᕆᐊᖃᖅᐸᑕ ᐅᕝᕙᓘᓐᓃᑦ ᑭᐅᔪᓐᓇᕐᒪᖔᑦ ᐊᐱᖅᑯᑎᖕᓂᒃ ᐃᓱᒫᓘᑎᒋᔭᕐᓂᒡᓘᓐᓃᑦ.