ᒥᓂᔅᑕᐅᑉ ᑐᒡᓕᐊ
ᒥᓂᔅᑕᐅᑉ ᑐᒡᓕᐊ
ᒥᓂᔅᑕᐅᑉ ᑐᒡᓕᐊ ᑲᒪᒋᔭᓕᒃ ᐊᑑᑎᖃᑦᓯᐊᖅᑐᒥᑦ ᐃᓘᓐᓇᖏᓐᓂ ᑐᑭᒧᐊᑦᑎᑦᓯᓂᕐᒥᑦ ᐱᓕᕆᕝᕕᓕᒫᓄᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᑮᓇᐅᔭᓕᕆᓂᕐᒧᓪᓗ ᐃᑲᔫᑎᓂᑦ, ᖃᐅᔨᓴᕐᓂᕐᒥᑦ ᑲᔪᓯᑎᑕᐅᑦᓯᐊᕐᓂᖏᓐᓂᑦ ᐊᑐᓕᖅᑎᑕᐅᔪᑦ ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᐸᕐᓇᐅᑎᓂᑦ ᑎᑎᕋᖅᓯᒪᓂᖓ 23 ᓄᓇᕗᒻᒥ ᐊᖏᖃᑎᒌᒍᑎᒥ, ᑐᑭᒧᐊᑦᑎᑦᓯᓂᕐᒥᓪᓗ ᐱᕙᓪᓕᐊᑎᑦᓯᓂᕐᒥᑦ ᒪᓕᑦᓯᐊᕐᓂᕐᒥᓪᓗ ᐊᑐᖅᑕᐅᓂᖏᓐᓂᑦ ᐱᓕᕆᕝᕕᐅᑉ ᐊᑐᐊᒐᖏᓐᓂᑦ, ᓯᕗᓪᓕᐅᔾᔨᓂᕐᒥᑦ,
ᒪᓕᑦᑕᐅᒋᐊᖃᖅᑐᓂᑦ ᐱᓕᕆᔾᔪᓯᕐᓂᓪᓗ ᑲᔪᓯᑎᑦᓯᓂᕐᒥᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᓕᕆᐊᓂᑦ ᐱᔨᑦᓯᕋᕐᓂᕐᒥᓪᓗ ᒐᕙᒪᒃᑯᓐᓂᑦ ᓄᓇᕗᒻᒥ. ᐊᐅᓚᑦᓯᓂᕐᒧᑦ ᑮᓇᐅᔭᓂᑦ ᐊᑐᖅᑐᑦᓴᓂᑦ ᐋᖅᑭᐅᒪᑎᑦᓯᔨᒧᑦ ᐃᓚᒋᔭᐅᔪᖅ ᐃᓗᐊᓂ ᒥᓂᔅᑕᐅᑉ ᑐᒡᓕᐊᑕ ᑮᓇᐅᔭᐃᑦ ᐊᑐᖅᑐᒃᓴᖏᓐᓂᑦ, ᑭᓯᐊᓂ ᐋᖅᑭᐅᒪᑎᑦᓯᔨ ᐃᒻᒥᒃᑰᖅᑐᖅ, ᐅᓂᒃᑳᖃᑦᑕᕆᐊᖃᖅᖢᓂᓗ ᒥᓂᔅᑕᒧᑦ ᑲᒪᒋᔭᓕᒻᒧᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐱᖁᔭᖓᓂᒃ.