ᐋᓐᓂᐊᕕᓕᐊᖅᑐᓅᖓᔪᑦ
ᑭᒃᑰᓂᕗᑦ
ᑎᑎᕋᕐᕕᐊ ᐋᓐᓂᐊᕕᓕᐊᖅᓯᒪᔪᓕᕆᔨᒃᑯᓐᓂᑦ ᑲᒪᒋᔭᓖᑦ ᖃᐅᔨᓴᖕᓂᖕᓂᑦ ᐋᖅᑮᖃᑎᒌᒃᑎᑦᑎᓂᖕᓂᓪᓗ ᓈᒻᒪᙱᓕᐅᕈᑕᐅᔪᓂ ᑖᒃᑯᖕᓇᖓ ᐋᓐᓂᐊᕕᓕᐊᖅᓯᒪᔪᓂᑦ ᐋᓐᓂᐊᓯᐅᑎᓕᕆᔨᒃᑯᖏᓐᓂᒡᓗ ᐊᒻᒪᓗᑦᑕᐅᖅ ᑐᓴᐅᒪᑎᑦᑎᓂᖅ ᐱᐅᔪᓂᑦ ᐋᓐᓂᐊᕕᓕᐊᖅᓯᒪᔪᓂᑦ ᐊᑐᕐᑕᕕᓂᖕᓂᑦ ᓈᒻᒪᓛᓂᑦ ᐃᓚᒋᔭᓂᑦ ᐋᓐᓂᐊᓯᐅᑎᓕᕆᔨᐅᖃᑕᐅᔪᓂᑦ.
ᐱᒻᒪᕆᐅᒋᕙᕗᑦ ᐅᖃᐅᓯᒃᓴᓯ
ᐋᓐᓂᐊᕕᓕᐊᖅᓯᒪᔪᓕᕆᔨᐅᓪᓗᑕ, ᐃᓕᓐᓂᐊᕐᑎᑦᑎᓇᓱᐊᖅᐸᒃᐳᒍᑦ ᑭᒃᑯᓕᒫᓂᑦ ᐱᑐᐃᓐᓇᐅᙱᑦᑐᓂᑦ ᓄᓇᕘᑉ ᐋᓐᓂᐊᓯᐅᑎᓕᕆᔾᔪᓯᖏᓐᓂᑦ ᑲᒪᓇᓱᐊᖅᑳᖅᐸᒃᖢᑕᓗ ᐊᑲᐅᓪᓕᐅᕈᑎᖃᓚᐅᖅᑳᕋᓂ, ᐃᓱᒫᓘᑎᓂᒃᓗ ᐊᐱᖅᑯᑎᓂᒡᓗ ᓴᖅᑭᑉᐸᒃᑐᓂᑦ. ᐱᓇᓱᐊᖅᑕᕗᑦ ᐱᐅᓯᓇᓱᐊᖅᖢᒋᑦ ᐋᓐᓂᐊᕕᓕᐊᖅᐸᒃᑐᑦ ᐊᑐᖅᐸᒃᑕᖏᑦ ᐃᓅᓕᓴᖅᑕᐅᓂᖓᓂ ᑕᒪᑦᑕ ᐊᑐᖅᐸᒃᑕᕗᑦ.
ᑐᙵᓱᑦᑎᑦᑎᑦᑎᐊᖅᑐᒍᑦ ᖃᓄᖅ ᑲᒪᒃᑲᓐᓂᕈᓐᓇᕐᒪᖔᑕ ᐅᖃᐅᔾᔨᔪᒪᔪᖃᕐᓂᖅᑲᑦ ᖃᓄᕐᓗ ᐊᑲᐅᑦᑎᐊᖅᑐᒦᓐᓂᖅᓴᐅᒍᓐᓇᕋᔭᕐᒪᖔᑕ ᓂᓪᓕᕈᒪᑉᐸᑕ. ᑐᓴᖅᑕᕗᑦ ᑕᒪᓐᓇ ᐊᑐᕐᐸᒃᐸᕗᑦ ᐱᐅᓯᒋᐊᕈᑎᒋᓇᓱᒃᓗᒋᑦ ᑐᓴᐅᒪᖃᑎᒌᖕᓂᕆᔭᕗᑦ ᑲᒪᒋᔭᐅᑦᑎᐊᖕᓂᓗ ᓯᕗᓂᑦᑎᓐᓂᓪᓗ ᐋᓐᓂᐊᕕᓕᐊᖃᑦᑕᓛᖅᑐᓄᑦ. ᐅᖃᖃᑎᖃᕈᓐᓇᑦᑎᐊᖅᑐᑎᑦ ᐸᖅᑭᔨᓂᑦ, ᐅᕝᕙᓘᓐᓃᑦ ᖃᐅᔨᒋᐊᕐᓗᑎᑦ ᐋᓐᓂᐊᕕᓕᐊᖅᐸᑦᑐᓄᑦ ᑲᒪᖃᑦᑕᖅᑐᓂᑦ. ᑐᓴᕈᒪᑐᐃᓐᓇᑦᑎᐊᖅᑐᒍᑦ ᐃᓕᖕᓂᑦ.
ᑭᒃᑯᑦ ᐋᓐᓂᐊᕕᓕᐊᖅᑐᖁᑎᒋᖃᑦᑕᕋᑦᑎᒍᑦ?
ᐊᓐᓂᐊᕕᓕᐊᖅᑐᖁᑎᒋᕙᒃᑕᕗᑦ ᑭᒃᑯᑐᐃᓐᓇᐃᑦ ᑲᒪᒋᔭᐅᔪᑦ, ᐅᖃᐅᔾᔪᖅᑕᐅᔪᑦ ᐱᔨᑦᑎᕋᖅᑕᐅᔪᓪᓗ ᐃᖅᑲᓇᐃᔭᖅᑎᒥᑦ ᐱᓕᕆᐊᖃᖅᑎᑕᐅᔪᒥᓪᓘᓐᓃᑦ ᐊᓐᓂᐊᖃᖕᓇᙱᑦᑐᓕᕆᔨᒃᑯᓐᓂᑦ.
ᖃᓄᐃᓕᐅᕐᐸᖕᓂᕗᑦ
- ᑐᓴᐅᒪᔭᐅᔭᕆᐊᖃᙱᑦᑐᓂᑦ ᐃᓂᖃᖅᑎᑦᑎᕙᒃᐳᒍᑦ ᐃᓕᖕᓂᑦ ᐃᓚᖕᓂᒡᓗ ᐅᖃᐅᓯᖃᖕᓂᐊᕐᓗᓯ ᐋᓐᓂᐊᕕᓕᐊᖅᓯᒪᓂᕕᓂᔅᓯᓐᓂᑦ
- ᓈᓚᑦᑎᐊᕐᐸᒃᐳᒍᑦ ᐅᖃᐅᓯᒃᓴᖕᓂᑦ ᐋᓐᓂᐊᕕᓕᐊᖅᓯᒪᓂᕆᓚᐅᖅᑕᖕᓂᑦ
- ᑐᓴᐅᒪᑎᑦᑎᕙᒃᐳᒍᑦ ᐃᑲᔪᖅᐸᒃᖢᑕᓗ ᐋᓐᓂᐊᕕᓕᐊᖅᓯᒪᔪᓂᑦ ᐃᓚᖏᓐᓂᑦ ᐋᓐᓂᐊᕕᓕᕆᓂᖕᑰᖅᑎᓪᓗᒋᑦ
- ᐃᑲᔪᓲᖑᕗᑦ ᑕᒪᒃᑯᓄᖓ ᐊᐱᖅᑯᑕᐅᓲᓄᑦ ᐱᔪᓐᓇᖕᓂᕆᔭᓄᑦ ᐋᓐᓂᐊᕕᓕᐊᖅᓯᒪᔪᓂᑦ, ᐃᓱᒫᓘᑎᓂᓪᓘᓐᓃᑦ ᑲᒪᒋᔭᐅᓂᖕᒧᑦ ᐱᔨᑦᑎᕋᖕᓂᖕᒧᓪᓘᓐᓃᑦ
- ᐅᖃᐅᔾᔪᐃᕙᒃᖢᑕ ᓈᒻᒪᙱᓕᐅᕈᑕᐅᔪᓂᑦ ᐋᓐᓂᐊᕕᓕᐊᖅᓯᒪᔪᓂᑦ, ᐃᓚᖏᓐᓂᒡᓗ ᐋᓐᓂᐊᕕᖕᒥᓪᓗ ᐃᖅᑲᓇᐃᔭᖅᑎᓂᑦ
- ᑐᓴᖅᑕᐅᑎᒃᑭᑦ ᐋᓐᓂᐊᕕᓕᐊᕐᓯᒪᓂᑯᒋᔭᐅᑦ ᓈᒻᒪᓛᒧᑦ ᐋᓐᓂᐊᓯᐅᑎᔅᓯᓐᓄᑦ
- ᖃᐅᔨᓴᖅᐸᒃᑐᑦ ᐋᓐᓂᐊᕕᓕᐊᖅᐸᒃᑐᓄᑦ ᐃᓱᒫᓗᑎᖏᓐᓂᒃ ᐅᖃᐅᓯᒃᓴᖏᓐᓄᓪᓗ ᑭᐅᑦᑎᐊᕋᓱᐊᖅᐸᒡᓗᑎᒃᓗ
- ᖃᓄᐃᓕᐅᕆᐊᖁᔨᕙᒃᖢᑕᓗ ᐱᐅᓯᕚᓪᓕᕈᑎᒃᓴᒧᑦ ᐋᓐᓂᐊᕕᓕᐊᖅᑐᓂᑦ ᑲᒪᑦᑎᐊᖕᓂᖕᒧᑦ ᖃᐅᔨᓴᓚᐅᖅᑖᖅᑎᓪᓗᑕ ᐃᓱᒫᓘᑕᐅᔪᒥᑦ
ᐊᖏᕈᑎᒋᓯᒪᔭᕗᑦ
ᐅᕙᑦᑎᓐᓂᑦ ᓂᕆᐅᒍᓐᓇᖅᑐᓯ:
- ᓈᓚᒃᑕᐅᔪᒪᓗᓯ ᐃᒃᐱᒋᑦᑎᐊᕐᓗᒋᓪᓗ ᐅᖃᐅᓯᒃᓴᓯ, ᖃᓄᐃᖁᔭᓯ, ᐃᓱᒫᓘᑎᓯᓗ ᐋᓐᓂᐊᕕᓕᐊᖅᓯᒪᔪᓂᑦ, ᐃᓚᖏᓐᓂᑦ ᐋᓐᓂᐊᓯᐅᑎᓕᕆᔨᐅᖃᑎᒌᓂᒡᓗ
- ᑐᓴᖅᑕᐅᑎᓪᓗᒋᑦ ᐋᓐᓂᐊᕕᓕᐊᖅᓯᒪᔪᑦ ᐅᖃᐅᓯᒃᓴᖏᑦ, ᖃᓄᐃᖁᔭᖏᑦ, ᐃᓱᒫᓘᑎᖏᓪᓗ ᓈᒻᒪᓛᓄᑦ ᐋᓐᓂᐊᓯᐅᑎᓕᕆᓕᕆᔨᐅᖃᑎᒌᓄᑦ
- ᑭᐅᕙᒡᓗᑕ ᐊᐱᖅᑯᑕᐅᔪᓂᑦ ᐱᔨᑦᑎᕋᖕᓂᖕᒧᑦ, ᐊᑐᐊᒐᓂᑦ ᐱᓕᕆᔾᔪᑕᐅᕙᒃᑐᓂᒡᓗ
- ᐃᑲᔪᖅᑐᐃᓗᑕ ᑕᖅᑲᐅᖓᑐᐃᓐᓈᙱᓐᓂᒃᑯᑦ, ᐱᑦᑎᐊᓕᓂᒃᑯᑦ ᐃᒃᐱᒍᓱᑦᑎᐊᕐᓂᒃᑯᓪᓗ ᐃᓂᖃᕐᑎᑦᑎᓗᑕ
ᑎᑎᕋᖅᑐᐃᓂᖅ ᐃᓱᒫᓘᑎᒥᑦ
ᑭᓲᖕᒪᑦ ᐃᓱᒫᓘᑎ?
ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᐱᐅᓛᓂᑦ ᑲᒪᓇᓱᐊᖅᐸᒃᑎᒡᓗᒋᑦ, ᐅᒃᐱᕈᓱᑐᐃᓐᓇᕆᐊᖃᖅᐳᑎᑦ:
- ᐱᔨᑦᑎᖅᑕᐅᓯᒪᙱᓐᓂᖕᓂᑦ ᐱᔪᒪᔭᖕᓂᑦ ᐱᔭᕆᐊᓕᖕᓂᓪᓘᓐᓃᑦ
- ᓈᓚᒃᑕᐅᓚᐅᙱᓐᓇᕕᑦ
- ᐃᒃᐱᒋᔭᐅᑦᑎᐊᓚᐅᙱᓐᓇᕕᑦ
ᐅᖃᐱᓘᑎᑦ ᐸᖅᑭᓂᖕᒨᖓᑐᐃᓐᓇᕆᐊᓖᑦ ᐱᔨᑦᑎᕈᑕᐅᔪᒧᓪᓘᓐᓃᑦ ᐃᓗᐊᓂᑦ ᓯᓚᑖᓂᓪᓘᓐᓃᑦ ᓄᓇᕘᑉ ᐃᖅᑲᓇᐃᔭᖅᑎᒧᑦ ᐱᓕᕆᐊᖃᖅᑎᑕᐅᔪᒧᓪᓘᓐᓃᑦ ᐋᓐᓂᐊᓯᐅᑎᓕᕆᔨᒧᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᓐᓄᑦ. ᐸᖅᑭᔭᐅᓂᐊ ᐱᔨᑦᑎᖅᑕᐅᓂᕐᓘᓐᓃᑦ ᐋᓐᓂᐊᕕᖕᒥᐅᑐᐃᓐᓇᕆᐊᖃᖅᐳᖅ, ᐋᓐᓂᐊᕕᐊᓗᖕᒥᑦ, ᐸᖅᑭᔭᐅᕕᖕᒥᑦ, ᑐᔪᖕᒥᕕᖕᒥᑦ, ᓇᓪᓕᐅᒃᑯᒻᒫᖃᙱᑦᑐᓄᑦ ᐋᓐᓂᐊᓯᐅᑎᓄᑦ ᐃᑲᔫᑎᓕᕆᕝᕕᐊᓂᑦ ᑭᒍᑎᓕᕆᔨᒃᑯᑦ ᑎᑎᕋᕐᕕᐊᓂᑦ, ᐅᕝᕙᓘᓐᓃᑦ ᓇᓕᐊᓐᓂᑐᐃᓐᓇᖅ ᐋᓐᓂᐊᓯᐅᑎᓕᕆᓂᖕᒧᑦ ᐱᔨᑦᑎᕋᐅᑎᑦᑎᓐᓂᑦ.
ᖃᐅᔨᓴᐃᓃᑦ ᓴᖅᑭᑦᑎᔭᕆᐊᖃᑐᐃᓐᓇᕆᐊᖃᕋᔭᖅᑐᑦ ᐃᓅᑉ ᓇᓗᓇᐃᒃᑯᑕᖏᓐᓂᑦ ᐱᔾᔪᑎᓖᑦ ᐋᓐᓂᐊᕕᓕᐊᖕᓂᖕᒧᑦ ᑎᑎᖅᑲᖕᓂᑦ. ᐱᓕᕆᐊᖑᓂᖓ ᐊᔾᔨᒌᙱᓚᖅ ᖃᓄᑐᒋᐅᓂᖓ ᓈᒻᒪᙱᓕᐅᕈᑎᔪᖅ ᒪᓕᒡᓗᒍ.
ᑕᒡᕙᓕ ᐱᐅᔪᒥᑦ ᐅᖃᐅᓯᖃᕈᒪᒍᒪ ᑐᓴᖕᓂᖅᑐᒥᒡᓘᓐᓃᑦ ᐅᓂᒃᑳᕈᒪᒍᒪ?
ᑐᓴᕈᒪᔪᒍᑦ ᐊᑲᐅᔪᓂᒃᑕᐅᖅ ᐊᑐᕐᑕᕕᖕᓂᓂᑦ! ᐊᑐᕋᔭᖅᑕᕗᑦ ᑕᒪᓐᓇ ᑐᓴᖅᑕᕗᑦ ᓴᖅᑭᓪᓗᒍ ᐱᓕᕆᐊᖑᕙᒃᑐᑦ ᐸᖅᑭᔨᓄᑦ ᑐᓴᖅᑕᐅᑎᓪᓗᑎᒍᓪᓗ ᓈᒻᒪᓛᓄᑦ ᐃᓄᖕᓄᑦ.
ᑎᑎᕋᖕᓂᖅ ᐃᓱᒫᓘᑎᒥᑦ − ᐱᖓᓱᐃᓕᖓᔪᑎᒍᑦ ᐱᓕᕆᔭᕆᐊᓕᒃ
ᓯᕗᓪᓕᖕᒥᑦ ᓴᖅᑭᓪᓗᒍ ᐊᑲᐅᓪᓕᐅᕈᑕᐅᔪᖅ ᖃᓂᓛᖑᔪᓂᑦ ᐸᖅᑭᔨᒋᔭᓄᑦ−ᐋᓐᓂᐊᓯᐅᑎᒧᑦ, ᓘᒃᑖᒧᑦ, ᐊᓯᐊᓄᓪᓘᓐᓃᑦ ᐃᖅᑲᓇᐃᔭᖅᑎᒧᑦ ᐃᓕᖕᓂᑦ ᐸᖅᑭᔨᐅᔪᒧᑦ. ᐊᒥᓱᓪᓕ, ᐅᑯᐊ ᐱᓕᕆᔩᑦ ᖃᐅᔨᒪᓛᖑᓲᑦ ᖃᓄᐃᓐᓂᕆᔭᖕᓂᑦ ᑭᐅᑲᐅᑎᒋᔪᓐᓇᖅᖢᑎᒡᓗ ᐃᓱᒫᓘᑎᒋᔭᖕᓂᑦ ᕿᓚᒻᒥᐅᔪᒃᑯᑦ ᓈᒻᒪᒃᑐᒃᑯᓪᓗ.
ᐊᐃᑉᐸᖓᓂᑦ ᐋᖅᑭᙱᑉᐸᑦ ᐃᓱᒫᓘᑎᒋᔭᑦ ᐸᖅᑭᔨᓂᑦ, ᐅᖃᖃᑎᖃᕈᒪᓗᑎᒃ ᐊᐅᓚᑦᑎᔨᒧᑦ ᐋᓐᓂᐊᕕᖕᒥᑦ ᐱᔨᑦᑎᕋᖕᕕᖕᒥᓪᓘᓐᓃᑦ ᓄᓇᒋᔭᖕᓂᑦ. ᐊᐅᓚᑦᑎᔨᐅᑉ ᖃᐅᔨᒋᐊᕐᕕᒋᓂᐊᖅᐹᑎᑦ ᐃᓂᒃᓴᓕᐅᕐᓗᓂᑎᓪᓗ ᓈᒻᒪᓛᒃᑯᑦ ᐅᖃᐅᓯᕆᓂᐊᕐᓗᒋᑦ ᐃᓱᒫᓘᑎᑎᑦ.
ᐱᖓᔪᖓᓐᓂᑦ ᓈᒻᒪᒋᙲᓐᓇᕈᕕᐅᒃ ᐅᖃᖃᑎᖃᓚᐅᖅᑎᓪᓗᑎᑦ ᐋᓐᓂᐊᕕᐅᑉ ᐊᐅᓚᑦᑎᔨᐊᓄᑦ, ᐅᕙᑦᑎᓐᓄᑦ ᖃᐅᔨᒋᐊᕆᑦ ᑎᑎᕋᕐᕕᐊᓄᑦ ᐋᓐᓂᕕᓕᐊᖅᑐᓕᕆᔨᓄᑦ ᖁᕕᐊᓱᑐᐃᓐᓇᖕᓂᐊᖅᑐᒍᑦ ᐃᑲᔪᕆᐊᒃᓴᖅ ᐃᓱᒫᓘᑎᖕᓂᑦ.
ᐃᓱᒫᓘᑎᑎᑦ ᐅᖃᓘᑎᒃᑰᕈᓐᓇᖅᑐᑦ, ᐃᕐᖐᓐᓇᒃᑰᕈᑎᒃᑯᑦ, ᑎᑎᖅᑲᑎᒍᑦ, ᐃᓄᒃᑎᒍᑦ ᑎᑎᕋᕐᓗᑎᓪᓘᓐᓃᑦ ᐋᖅᑭᐅᒪᔪᒥᑦ ᒥᓇᕆᓗᒍᓘᓐᓃᑦ ᐅᓇᓂ ᑕᑯᔪᓐᓇᖕᓂᐊᖅᑕᑦ, ᓇᒃᓯᐅᑎᓗᒍᓗ ᐅᕙᑦᑎᓐᓄᑦ ᓇᓕᐊᒃᑯᑐᐃᓐᓇᖅ ᐃᓕᖕᓄᑦ ᓈᒻᒪᓛᒃᑯᑦ. ᐃᓱᒫᓘᑎᓕᒫᑦ ᑐᕌᖅᑎᓪᓗᒋᑦ ᐅᕗᖓ:
ᐅᑭᐅᖅᑕᖅᑐᒥ ᐊᐅᓚᑦᑎᔩᑦ ᐋᓐᓂᐊᕕᓕᐊᖅᓯᒪᔪᓄᑦ, ᐊᓪᓚᕕᖓ ᐋᓐᓂᐊᕕᓕᐊᖅᓯᒪᔪᓄᑦ
ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ
ᑎᑎᖅᑲᒃᑯᕕᐊ 1000, ᐃᓂᖓ 1050
ᐃᖃᓗᐃᑦ, ᓄᓇᕗᑦ
X0A 0H0 ᐅᖄᓚᐅᑖ: 867-975-5703
ᐊᑭᖃᖏᑦᑐᒃᑯᑦ: 1-855-438-3003
ᓱᑲᑦᑐᒃᑯᑦ: 867-975-5388
ᐃᕐᖐᓐᓇᒃᑰᕈᑖ: @email
ᐊᑦᑕᑕᕐᕕᐅᔪᓐᓇᖅᑐᑦ
2021 ᐋᓐᓂᐊᕕᓕᐊᖅᑐᓕᕆᔨᒃᑯᑦ ᑎᑎᕋᕐᕕᐊ
ᑭᐅᔾᔪᑎᓄᑦ ᑕᑕᑎᒐᒃᓴᖅ
ᑎᑎᕋᕐᕕᒃ ᐋᓐᓂᐊᕕᓕᐊᖅᑐᓄᑦ ᐱᓕᕆᖃᑎᒌᒃᐸᖕᓂᖏᑦ
ᐋᓐᓂᐊᕕᓕᐊᖅᑐᓅᖓᔪᑦ