ᐊᐅᓪᓚᕐᓂᐊᕐᓗᓂ ᖃᓄᐃᓐᖏᓐᓂᖅ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᑎᓕᐅᕆᕗᑦ ᓄᓇᕗᒻᒥᐅᓂᑦ ᓄᓇᕗᑦ ᓯᓚᑖᓄᑦ ᐊᐅᓪᓚᕐᓂᐊᖅᑐᓂᒃ ᑲᐱᔭᐅᖃᑦᑕᖁᔨᓪᓗᑎᒃ ᐊᑦᑕᕐᓇᓲᖑᔪᓄᑦ ᓄᓇᓕᐅᔪᑦ ᐊᓯᖏᓐᓂ. ᑕᒪᒃᑯᐊ ᑲᐱᔭᐅᓂᐅᔪᑦ ᒪᓕᒃᑲᔭᖅᑐᑦ ᓇᓕᐊᓐᓄ ᓯᓚᕐᔪᐊᒥ ᓄᓇᓕᕐᔪᐊᒨᕐᓂᐊᕐᒪᖔᖅᐱᑦ. ᖃᐅᔨᒪᓂᐊᕆᕗᓯᓗ ᑕᒪᒃᑯᐊ ᐊᑭᓕᕆᐊᖃᕋᔭᒃᓯᐅᒃ ᑲᐱᔭᐅᓂᐅᔪᑦ ᐊᐅᓪᓚᕐᓂᐊᕐᓗᓂ.
ᐊᑭᖏᑦ ᐊᐅᓪᓚᖅᑐᓄᑦ ᑲᐱᔭᐅᓂᐅᔪᖅ ᐊᑭᓕᖅᑕᐅᕙᓐᖏᑦᑐᑦ ᓄᓇᕗᒻᒥ ᐊᓐᓂᐊᕐᕕᓕᐊᖅᑐᒃᓯᐅᑎᒃᑯᑦ. ᐃᓚᖏᑦ ᐊᐅᓪᓚᕐᓂᐊᕐᓗᓂ ᑲᐱᔭᐅᓂᐅᔪᑦ ᐊᑭᓕᖅᑕᐅᔪᓐᓇᑐᐃᓐᓇᕆᐊᖃᖅᑐᑦ ᐃᖅᑲᓇᐃᕐᕕᒋᔭᐅᔪᒧᑦ ᐅᕝᕙᓗ ᐊᓯᖏᓐᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᓇᓪᓕᐅᒃᑯᒫᖑᔪᓄᑦ.
ᐅᖃᕐᕕᒋᓗᒋ ᓄᓇᒃᓯᓐᓂ ᐋᓐᓂᐊᕐᕕᐅᔪᖅ ᑐᑭᓯᒃᑲᓐᓂᕈᒪᒍᕕᑦ.
ᐅᕘᓇ ᓇᕿᑲᓪᓚᓪᓗᒍ ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓄᖅ ᐅᖃᕈᓐᓇᕐᓂᕐᒧᑦ ᓄᓇᑦᓯᓐᓂ ᐋᓐᓂᐊᕐᕕᐅᔪᒧᑦ.