ᐃᓪᓗᓄᑦ ᓴᓇᓯᒪᓂᖏᓐᓄᑦ ᖃᐅᔨᓴᖅᑎ

ᑖᓐᓇ ᐃᖅᑲᓇᐃᔮᔅᓴᖅ ᑭᒃᑯᓕᒫᓄᑦ ᒪᑐᐃᖓᔪᖅ.

ᐃᖅᑲᓇᐃᔮᔅᓴᐃᑦ ᐊᑐᐃᓐᓇᐅᔪᑦ ᑲᖏᕐᖠᓂᖅ (1), ᐊᒻᒪ ᐃᖃᓗᑦᑑᑦᑎᐊᖅ (2), ᓄᓇᕗᑦ. ᓇᓗᓇᐃᕐᓗᒍ ᓇᒦᓐᓂᖓ ᐃᕝᕕᑦ ᐃᖅᑲᓇᐃᔮᖅᑖᕋᓱᐊᕈᑎᖓᓂᑦ.

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ ᒪᒃᑯᒃᑐᓂᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓚᐅᖅᑐᓂᒃ 2024-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᑦᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᑦ ᐆᒻᒪᕆᒃᑐᖅ, ᐱᔪᒪᓂᖃᑦᑎᐊᖅᑐᖅ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ.  ᒐᕙᒪᐅᑎᓪᓗᒋᑦ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᓴᖅᑭᔮᖅᑎᑦᑎᓂᕐᒧᑦ ᐃᓄᒃᑐᑦ ᐅᖃᐅᓯᖓᓐᓂᑦ, ᑭᒡᒐᖅᑐᐃᑦᑎᐊᕐᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓂᑦ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᑲᔪᓯᑎᑦᑎᓂᕐᒧᑦ ᐊᖏᖅᓯᒪᓂᕆᔭᖓᓂᑦ ᓄᓇᕗᒻᒧᑦ. ᑲᔪᓯᓂᖃᑦᓯᐊᖅᑐᑦ ᐃᖅᑲᓇᐃᔮᖅᑖᖅᑐᑦ ᖁᕕᐊᒋᔭᖃᕐᓂᐊᖅᑐᑦ ᐊᑭᓕᖅᑐᖅᑕᐅᑦᓯᐊᕐᓂᕐᒧᑦ, ᐋᓐᓂᐊᕐᕕᓕᐊᕐᓂᕐᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᓂᑦ, ᓇᓗᓇᐃᖅᔭᖅᑕᐅᓯᒪᔪᓂᑦ ᐃᓐᓇᑐᖃᐅᔪᓯᐊᑦᓴᓄᑦ ᐸᕐᓇᐅᑎᓂᑦ, ᓅᑕᐅᓂᕐᒧᑦ ᐱᕕᖃᕐᓂᕐᒧᑦ ᐱᕕᖃᕐᓂᕐᒧᓪᓗ ᐱᓕᒻᒪᑦᓴᕐᓂᕐᒧᑦ ᐃᖅᑲᓇᐃᔮᒥᓪᓗ ᖁᕝᕙᖅᐸᓪᓕᐊᓂᕐᒧᑦ.  

ᐊᖏᔪᖅᑳᖃᖅᑐᓂ ᐊᖏᔪᖅᑳᖓᓂ ᐃᓪᓗᓄᑦ ᖃᐅᔨᓴᖅᑎᒥᑦ (CBO), ᐃᖅᑲᓇᐃᔮᖅᑖᕆᓂᐊᕐᓗᒍ ᐃᓚᒋᔭᐅᓂᐊᖅᑐᑎᑦ ᐃᖅᑲᓇᐃᔭᖅᑎᓂᑦ ᓄᓇᕗᒻᒥ ᒪᓕᑦᑕᐅᔭᕆᐊᓕᕆᔨᓂᑦ ᑲᒪᒋᔭᖃᖅᑐᑦ ᓴᓇᓯᒪᓂᖓᓄᑦ ᐊᒻᒪ ᐱᔨᑦᑎᖅᑕᐅᓂᖓᓄᑦ ᒪᓕᓐᓂᕐᒧᑦ ᐱᓕᕆᐊᓕᐅᓂᕐᒥᑦ ᑲᓇᑕᒥ ᐃᓪᓗᓄᑦ ᒪᓕᒐᕐᓄᑦ ᑲᓇᑕᒥ (NBC), ᑲᓇᑕᒥ ᓱᓪᓗᓕᓄᑦ ᓴᓇᓯᒪᓂᖏᓐᓄᑦ ᒪᓕᒐᐃᑦ (NPC) ᐊᒻᒪ ᐊᓯᖏᑦ ᐊᖏᖅᑕᐅᓯᒪᔪᑦ ᒪᓕᒐᐃᑦ ᐊᒻᒪ ᒪᓕᑦᑕᐅᔭᕆᐊᓖᑦ ᓄᓇᕗᒻᒥ ᐃᓪᓗᓄᑦ ᒪᓕᒐᕐᓄᑦ ᐱᖁᔭᖅ (BCA). ᑖᓐᓇ ᐃᖅᑲᓇᐃᔮᔅᓴᖅ ᐃᓄᑑᓗᓂ ᐃᖅᑲᓇᐃᔭᖅᑐᖅ ᐊᒻᒪ ᐃᖅᑲᓇᐃᔭᖃᑕᐅᔭᕿᐊᓕ ᐊᑖᓂ ᐊᖏᔪᖅᑳᖃᖅᑐᓂ CBO. ᐃᔾᓗᐃᑦ ᐱᖃᓯᐅᔾᔭᐅᔪᑦ ᐊᑐᖅᑕᐅᒐᔪᑦᑐᑦ ᑲᑎᕝᕕᐅᓪᓗᑎ, ᐱᓕᕆᑯᐅᓪᓗᑎ, ᓇᒻᒥᓂᕆᔭᐅᔪᓄᑦ, ᐊᒻᒪ ᐱᓕᕆᕕᓐᓄᑦ ᓇᔪᖅᑕᐅᔪᓄᑦ. ᐊᒻᒪ ᐱᒡᒐᓴᖏᑦᑐᓂᑦ ᐱᒡᒐᓇᖅᑐᓄᑦ ᓇᓗᓇᕐᓂᖏᑦ ᐊᖏᓂᖏᓐᒧᓄᑦ ᐊᒻᒪ ᓴᓇᓯᒪᓂᖏᓐᓄᑦ.

ᒪᓕᑦᑕᐅᔭᕆᐊᓕᕆᔨᐅᓪᓗᓂ ᑖᓐᓇ ᐃᖅᑲᓇᐃᔮᔅᓴᖅ ᑲᒪᒋᔭᖃᖅᑐᖅ ᐊᐅᓚᑦᑎᓂᕐᒥᑦ ᑐᕌᒐᖏᓐᓂᑦ BCA, ᐅᔾᔨᕆᑦᑎᐊᖅᑐᓂᒋᑦ ᓄᑖᓕᒫᑦ ᐃᓪᓗᐃᑦ ᐊᑦᑕᓇᖏᓪᓗᑎ ᐊᒻᒪ ᒪᓕᓐᓂᖃᕐᓗᑎ NBC, NPC, ᐊᒻᒪᓗᑦᑕᐅᖅ ᐊᓯᖏᑦ ᒪᓕᒐᐃᑦ ᐅᕝᕙᓘᓐᓃᑦ ᒪᓕᑦᑕᐅᒋᐊᓖᑦ ᐊᖏᖅᑕᐅᓯᒪᔪᑦ ᓄᓇᕗᒻᒧᑦ. ᐃᓪᓗᓄᑦ ᖃᐅᔨᓴᖅᑎᐅᓪᓗᑎ ᐅᖃᐅᔾᔨᒋᐊᖃᑦᑕᓂᐊᖅᑐᑎᑦ ᐊᒻᒪ ᐊᑐᓕᖁᔭᓕᐅᕐᓗᑎ ᐊᑐᐊᒐᕐᓂᑦ ᐊᒻᒪ ᐱᓕᕆᐊᓂᑦ ᐱᕙᓪᓕᐊᑎᑕᐅᔪᓂᑦ. ᑎᒍᒥᐊᖅᑎᐅᖃᑕᐅᔪᑦ ᐃᓚᐅᑎᑕᐅᓂᖏᑦ ᐊᒻᒪ ᐋᖅᑭᒍᑎᓕᐅᕐᓗᑎ. ᐃᖅᑲᓇᐃᔮᖅᑖᕆᓂᐊᕐᓗᒍ, ᑐᓂᓯᓂᐊᖅᑐᑎᑦ ᐱᕙᓪᓕᐊᑎᑕᐅᓂᖏᓐᓄᑦ ᐃᓄᓐᓄᑦ ᑐᑭᓯᒋᐊᕈᑎᔅᓴᓄᑦ, ᑐᑭᓯᒋᐊᕈᑏᑦ ᑐᓂᐅᖅᑲᖅᑕᐅᓂᖏᓐᓄᑦ ᐊᒻᒪ ᑭᐅᔪᔾᑎᓄᑦ ᐊᐱᖅᑯᑎᒋᔭᐅᔪᓄᑦ.

ᐃᖅᑲᓴᐃᔮᖅᑖᕆᓂᐊᕐᓗᒍ ᑐᑭᓯᐅᒪᓂᖃᑦᑎᐊᕆᐊᖃᖅᑐᑎᑦ ᐃᓪᓗᓕᐅᓂᕐᒧᑦ ᐊᑐᖅᑕᐅᓲᓂᑦ, ᐅᑭᐅᑕᖅᑐᒥᑦ ᐃᖅᑲᓇᐃᔭᖃᑦᑕᖅᓯᒪᖁᒥᓇᖅᑐᖅ, ᐊᒻᒪ ᑕᑯᔅᓴᐅᑎᑦᑎᔪᓐᓇᕐᓗᑎ ᐊᔪᖏᓂᕐᒥᑦ ᓇᓗᓇᔭᐃᓂᕐᒥᑦ ᐊᒻᒪ ᐊᑐᖅᑕᐅᓂᖓᓄᑦ ᑲᓴᑕᒥ ᐃᓪᓗᓕᐅᓂᕐᒧᑦ ᒪᓕᒐᐃᑦ ᐃᓱᒪᒋᓪᓗᒋᑦ NBC ᐊᒻᒪ NPC. ᐃᓚᒋᐊᕐᓗᒍ, ᑎᑎᕋᕈᓐᓇᑦᑎᐊᕆᐊᖃᖅᑐᑎᑦ ᐅᖃᕈᓐᓇᑎᐊᕐᓗᑎᓪᓗ

ᐊᑐᐃᓐᓇᕈᐃᓂᕐᒧᑦ ᐊᒻᒪ ᑎᑎᕋᖅᑕᐅᓂᖏᓐᓄᑦ ᐅᓂᒃᑳᑦ , ᑐᓴᕋᔅᓴᓕᐅᓂᕐᒥᑦ ᐊᒻᒪ ᐊᓯᖏᓐᓂᑦ ᑎᑎᖅᑲᓕᕆᓂᕐᒧᑦ ᐊᒻᒪᓗᑦᑕᐅᖅ ᐅᖃᓕᒫᕈᓐᓇᕐᓗᑎ ᐊᒻᒪ ᓇᓗᓇᐃᔭᑦᑎᐊᕈᓐᓇᕐᓗᒋᑦ ᓴᐸᕐᓇᐅᑏᑦ ᐊᒻᒪ ᓇᓗᓇᐃᔭᖅᓯᒪᓂᖏᑦ ᖃᓄᐃᑦᑐᑐᐃᓐᓇᕐᓂᑦ.

ᐃᖅᑲᓴᐃᔮᑖᖁᒥᓇᖅᑐᖅ ᓇᓗᓇᐃᒃᑯᑕᓕᒃ, ᓚᐃᓴᓐᓯᖃᖅᑐᓂ ᕝᕙᓘᓐᓃᑦ ᐃᓪᓗᓂᑦ ᖃᐅᔨᓴᖅᑎᓪᓚᕆᐅᓗᓂ ᐃᓕᓴᕆᔭᐅᓯᒪᔪᓂᑦ ᐊᑕᐅᓯᕐᒥᑦ ᐊᑕᐅᓯᐅᓗᐊᖅᑐᒥᓪᓘᓐᓃᑦ ᑲᓇᑕᒥ ᐊᒡᒍᑐᖅᓯᒪᔪᓂᑦ ᐊᒻᒪ ᑎᓴᓂᑦ ) ᐊᕐᕌᒍᓂᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᖃᐅᔨᓴᓂᕐᒥᑦ ᐅᕝᕙᓘᓐᓃᑦ ᒪᓕᑦᑕᐅᔭᕆᐊᓕᓐᓂᑦ. ᐱᖁᑎᒋᔭᐅᔪᑦ ᐱᖃᓯᐅᔾᔭᐅᔪᑦ ᓇᓗᓇᐃᒃᑯᑕᕐᓗᓂ ᐃᓪᓗᐃᑦ ᓴᓇᓯᒪᓂᖏᓐᓄᑦ ᐅᕝᕙᓘᓐᓃᑦ ᓴᓇᓯᒪᔪᓕᕆᓂᕐᒧᑦ; ᓇᓗᓇᐃᒃᑯᑕᖃᕐᓗᓂ ᐱᔭᕇᖅᓯᓯᒪᓂᕐᒧᓘᓐᓃᑦ ᓇᓗᓇᐃᒃᑯᑕᖃᕐᓗᓂ ᐃᓪᓗᓄᑦ ᓴᓇᓯᒪᓂᖏᓐᓄᑦ ᐅᕝᕙᓘᓐᓃᑦ ᓴᓇᓯᒪᔪᓕᕆᔨᐅᓂᕐᒧᑦ ᐱᓕᕆᔨᐅᓗᓂᓘᓐᓃᑦ; ᓴᓇᔨᐅᓂᕐᒧᑦ ᓇᓗᓇᐃᒃᑯᑕᖃᕐᓗᓂ ᐃᓪᓗᓕᐅᓂᕐᒧᑦ ᐊᑦᑐᐊᓂᓕᓐᓄᑦ ᐅᕝᕙᓘᓐᓃᑦ ᓇᓗᓇᐃᒃᑯᑕᖃᕐᓂᖅ ᐱᔪᓐᓇᓂᕐᒧᑦ ᐃᓪᓗᓕᐅᓂᕐᒧᑦ ᐊᑦᑐᐊᓂᓕᓐᓄᑦ ᓴᓇᔨᐅᓂᕐᒧᑦ ᑐᓂᔭᐅᔪᑦ ᐊᑖᓂ “ᓴᓇᔨᕈᕆᐅᖅᓴᓂᕐᒧᑦ, ᓴᓇᔨᐅᓂᕐᒧᑦ ᐊᒻᒪ ᐃᖅᑲᓇᐃᔮᓄᑦ ᓇᓗᓇᐃᒃᑯᑕᖃᓂᕐᒧᑦ ᐱᖁᔭᖅ”.

ᓈᒻᒪᒋᔭᐅᔪᒥᑦ Class 5 ᐊᖁᑦᑐᖅᓯᐅᑎᖃᕐᓗᓂ ᖃᓄᐃᓕᓂᖃᓚᐅᖅᓯᒪᖏᓪᓗᓂ ᐱᑕᖃᕆᐊᖃᖅᑎᑕᐅᒻᒥᔪᖅ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐃᖅᑲᓇᐃᔭᖅᑖᕋᓱᐊᖅᑐᑦ ᐃᖅᑲᓇᐃᔭᖅᑖᕋᓱᐊᕈᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᑦᑎᐊᕈᓂ ᐃᓄᒃᑎᑐᑦ/ᐃᓄᐃᓐᓇᖅᑐᑦ ᐅᐃᕖᑐᓪᓘᓐᓃᑦ ᐊᑲᐅᒋᔭᐅᓇᔭᖅᐳᖅ.

 ᖃᐅᔨᒪᒃᐸᑦ ᐃᓄᐃᑦ ᓄᓇᓕᓐᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓪᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐃᖅᑲᓇᐃᔮᖅᑖᕋᓱᒃᑐᓄᑦ ᐊᑏᑦ ᐃᓚᔭᐅᑐᐃᓐᓇᕆᐊᓕᒃ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᐃᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᖃᑕᐅᓛᕐᒪᑦ

ᑕᔅᓱᒥᖓ ᐃᖅᑲᓇᐃᔮᒃᓴᒧᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
• ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᕈᑏᑦ ᐋᒡᒑᖅᑕᐅᑐᐃᓐᓇᕆᐊᓕᒃ.