ᐃᓗᐊᖅᓴᐃᔨ

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ ᒪᒃᑯᒃᑐᓂᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓚᐅᖅᑐᓂᒃ 2023-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᑦᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᑦ ᐆᒻᒪᕆᒃᑐᖅ, ᐱᔪᒪᓂᖃᑦᑎᐊᖅᑐᖅ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ.  ᒐᕙᒪᐅᑎᓪᓗᒋᑦ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᓴᖅᑭᔮᖅᑎᑦᑎᓂᕐᒧᑦ ᐃᓄᒃᑐᑦ ᐅᖃᐅᓯᖓᓐᓂᑦ, ᑭᒡᒐᖅᑐᐃᑦᑎᐊᕐᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓂᑦ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᑲᔪᓯᑎᑦᑎᓂᕐᒧᑦ ᐊᖏᖅᓯᒪᓂᕆᔭᖓᓂᑦ ᓄᓇᕗᒻᒧᑦ. ᑲᔪᓯᓂᖃᑦᓯᐊᖅᑐᑦ ᐃᖅᑲᓇᐃᔮᖅᑖᖅᑐᑦ ᖁᕕᐊᒋᔭᖃᕐᓂᐊᖅᑐᑦ ᐊᑭᓕᖅᑐᖅᑕᐅᑦᓯᐊᕐᓂᕐᒧᑦ, ᐋᓐᓂᐊᕐᕕᓕᐊᕐᓂᕐᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᓂᑦ, ᓇᓗᓇᐃᖅᔭᖅᑕᐅᓯᒪᔪᓂᑦ ᐃᓐᓇᑐᖃᐅᔪᓯᐊᑦᓴᓄᑦ ᐸᕐᓇᐅᑎᓂᑦ, ᓅᑕᐅᓂᕐᒧᑦ ᐱᕕᖃᕐᓂᕐᒧᑦ ᐱᕕᖃᕐᓂᕐᒧᓪᓗ ᐱᓕᒻᒪᑦᓴᕐᓂᕐᒧᑦ ᐃᖅᑲᓇᐃᔮᒥᓪᓗ ᖁᕝᕙᖅᐸᓪᓕᐊᓂᕐᒧᑦ.  

ᐃᓗᐊᖅᓴᐃᔨ ᖃᐅᔨᓴᖅᑎᐅᓗᓂ ᑎᒥᒃᑯᑦ ᖃᓄᐃᓐᓂᐅᔪᓂᑦ, ᐋᓐᓂᐊᕈᑕᐅᔪᓂᑦ ᖃᓄᐃᑦᑑᓂᖏᓐᓂᑦ ᓇᓗᓇᐃᖅᓯᕙᒡᓗᓂ, ᐃᑲᔫᑕᐅᓂᐊᖅᑐᓂᑦ ᐋᖅᑭᔾᔪᑕᐅᔪᓐᓇᖅᑐᓂᑦ ᐊᒻᒪ ᑲᒪᒋᔭᐅᒃᑲᓐᓂᕆᐊᓕᖕᓄᑦ ᓄᓇᓕᖕᓂᑦ ᐃᓗᐊᖅᓴᐃᔨᑦ ᐱᖁᔭᖓ, ᒪᓕᒐᖏᑦ, ᐊᑐᐊᒐᐃᑦ, ᒪᓕᒃᑕᐅᔭᕆᐊᖃᖅᑐᑦ, ᑐᕌᒐᖏᑦ ᐊᒻᒪ ᑎᑭᑕᐅᓇᓱᐊᖅᑐᑦ ᒪᓕᒡᓗᒋᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕕᖓᓂ ᐊᒻᒪ ᓄᓇᕗᑦ ᒐᕙᒪᒃᑯᓐᓂᑦ. ᐋᕿᒃᑕᐅᓯᒪᔪᑦ ᑎᑎᕋᖅᓯᒪᓂᖏᑎᒍᑦ ᐋᓐᓂᐊᖅᑐᓕᕆᓂᕐᒥᑦ ᐃᑲᔫᑎᐅᓂᐊᖅᑐᓄᑦ ᐋᖅᑮᓇᓱᖕᓂᖏᑦ (ᐋᓐᓂᐊᖅᑐᓕᕆᓂᕐᒥᑦ ᐱᕚᓪᓕᖅᑎᑦᑎᓂᖅ, ᐃᖅᑲᓇᐃᔭᕐᕕᒋᔭᒥ ᖃᓄᐃᙱᑦᑎᐊᕐᓂᖅ ᐊᑦᑕᕐᓇᖅᑕᐃᓕᒪᓂᕐᓗ, ᑭᒃᑯᑐᐃᓐᓇᓂᑦ ᖃᓄᐃᙱᑦᑐᓂᑦ, ᓄᓇᓕᖕᓂᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐋᖅᑭᔾᔪᑕᐅᔪᓐᓇᖅᑐᓂᑦ ᐃᓅᓕᓴᐅᑎᓄᑦ) ᑖᓐᓇ ᐃᖅᑲᓇᐃᔮᖅ ᐊᒃᑐᐃᓂᖃᖅᑐᖅ ᐋᓐᓂᐊᖅᑐᑦ ᖃᓄᐃᓐᓂᖏᓐᓂᑦ, ᐃᓚᒌᓂᑦ ᐊᒻᒪ ᓄᓇᓕᖕᓂᑦ; ᑖᓐᓇᓗ ᐊᑐᕐᓂᖃᑦᑎᐊᖅᖢᓂ ᐊᒻᒪ ᐊᑑᑎᖃᑦᑎᐊᖅᑐᖅ ᐋᓐᓂᐊᕕᐅᑉ ᐊᐅᓚᓂᕆᔭᖓᓂ.

ᐱᓕᕆᐊᖑᓪᓗᐊᑕᕐᓂᐊᖅᑐᑦ ᓂᕈᐊᖅᑕᐅᔪᒧᑦ ᐅᑯᓂᖓ ᐃᓚᖃᕐᓂᐊᕆᕗᑦ: 

• ᐃᓗᐊᖅᓴᐃᔨᓂᑦ ᑲᒪᔨᓪᓚᕆᖕᓂᑦ ᐊᑐᐃᓐᓇᐅᑎᑦᑎᕙᒡᓗᓂ ᓄᓇᓕᖕᓂᓗ ᐋᓐᓂᐊᕐᕕᖕᒥ ᐱᔨᑦᑎᕋᐅᑎᓂᒃ ᐋᓐᓂᐊᕐᕕᓕᐊᖅᑐᓄᑦ;
• ᐱᕙᓪᓕᐊᑎᑦᑎᖃᑦᑕᕐᓗᓂ, ᑲᑎᒪᑎᑦᑎᖃᑦᑕᕐᓗᓂ, ᐊᑐᓕᖅᑎᑦᑎᓗᓂ ᐊᒻᒪ ᐋᖅᑭᒋᐊᖅᑎᑦᑎᖃᑦᑕᕐᓗᓂ ᐃᓚᒌᓄᑦ ᐃᑲᔪᕈᑕᐅᔪᓂᑦ ᐃᓕᓐᓂᐊᖅᑎᑦᑎᒍᑕᐅᔪᑦ/ᐃᓕᓴᖅᑎᖃᑦᑕᕐᓗᒋᑦ ᐱᔭᕆᐊᓕᖏᓐᓂᑦ ᖃᓅᒻᒪᖔᖅ ᑖᒃᑯᓄᖓ ᐋᓐᓂᐊᔪᓄᑦ.
• ᖃᐅᔨᓴᖃᑦᑕᕐᓗᓂ ᐋᓐᓂᐊᖅᑕᐃᓕᒪᓂᕐᒥᑦ ᐊᒻᒪ ᐋᓐᓂᐊᑖᖅᑕᐃᓕᒪᓂᕐᒥᑦ ᐱᐅᓯᕚᓪᓕᑎᑦᑎᔪᓂᑦ ᖃᓄᐃᖏᑦᑎᐊᖁᓪᓗᒋᑦ ᐃᓄᐃᑦ;
• ᐊᑐᐃᓐᓇᐅᑎᑦᑎᕙᒡᓗᓂ ᐱᓕᕆᔨᓪᓚᕆᖕᓂᒃ ᐊᒻᒪ ᓇᓗᓇᐃᖅᑕᐅᓯᒪᔪᓂᒃ ᖃᐅᔨᒪᓗᓂ ᐋᓐᓂᐊᕐᕕᖕᒥ ᑲᒪᒋᔭᐅᓪᓗᐊᑕᕆᐊᓕᖕᓂᑦ ᐃᖢᐊᖅᓴᐃᔨᒧᑦ ᐊᒃᑐᐊᓂᓕᖕᓂᒃ ᓄᓇᕗᒻᒥ.

ᖃᐅᔨᒪᔭᖏᑦ, ᐊᔪᙱᑕᖏᑦ, ᐱᔪᓐᓇᕆᐊᓕᖏᓪᓗ ᑖᔅᓱᒥᖓ ᐃᖅᑲᓇᐃᔮᒃᓴᒧᑦ ᐱᔭᐅᓯᒪᓕᕋᔪᒃᑐᑦ ᐃᓗᐊᖅᓴᐃᔨᐅᓂᕐᒧᑦ ᐃᓕᓐᓂᐊᖅᑕᒥᓂᒃ ᐊᓂᒍᐃᔾᔪᑎᑖᕐᓗᓂ ᐅᕙᓘᓐᓃᑦ ᐃᓕᓴᕆᔭᐅᔾᔪᑎᑖᕐᓗᓂ ᐊᔪᕐᓇᕐᓂᖅᓴᒥᒃ ᐃᓗᐊᖅᓴᐃᔨᐅᓂᕐᒧᑦ − ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᑲᒪᔨᓪᓗᐊᑕᐅᓂᕐᒧᑦ ᐃᓕᓐᓂᐊᕌᓂᒍᓯᐊᖅᓯᒪᓗᓂ.  ᐃᓱᒪᒃᓴᖅᓯᐅᕈᑕᐅᓂᐊᖅᐳᑦ ᐃᖅᑲᓇᐃᔮᖅᑖᕋᓱᒃᑐᑦ ᐱᔭᕇᖅᓯᓯᒪᔪᑦ ᐃᓗᐊᖅᓴᐃᔨᐅᓂᕐᒧᑦ ᐱᔪᓐᓇᑦᑎᐊᕐᓂᕐᒥᑦ ᖃᐅᓴᖅᑕᐅᔾᔪᑎᓂᑦ ᐃᓗᐊᖅᓴᐃᔨᑦ ᒪᓕᒐᖏᓐᓂᑦ/ᓚᐃᓴᑖᖅᑎᑦᑎᔨᓄᑦ ᐱᔪᓐᓇᖅᑎᑕᐅᔪᑦ ᐋᓐᓂᐊᓯᐅᖅᑎᓄᑦ ᑲᑐᔾᔨᖃᑎᒌᓄᑦ ᓄᓇᑦᓯᐊᒥ/ᓄᓇᕗᒻᒥ ᐃᓗᐊᖅᓴᐃᔨᐅᓂᕐᒧᑦ ᐊᑎᓕᐅᖃᑕᐅᓂᕐᒧᑦ ᐃᓱᒪᒋᔭᐅᔪᓐᓇᖅᑐᑦ. ᐃᖅᑲᓇᐃᔮᖅᑖᕋᓱᐊᖅᑐᖅ ᐃᓚᐅᔪᓐᓇᕆᐊᓕᒃ ᐊᑎᓕᐅᖅᑕᐅᔪᓐᓇᕐᓗᓂ ᐃᓕᑕᕆᔭᐅᔾᔪᑎᖃᖅᑐᖅ ᐋᓐᓂᐊᓯᐅᖅᑎᓄᑦ ᑲᑐᔾᔨᖃᑎᒌᓄᑦ ᓄᓇᑦᓯᐊᒥ ᓄᓇᕗᒻᒥᓪᓗ. ᐊᕐᕌᒍᓂᒃ ᒪᕐᕉᖕᓂᒃ ᐃᖢᐊᖅᓴᐃᔨᐅᓯᒪᓗᓂ ᐱᔪᒥᒋᔭᐅᓇᔭᖅᑐᖅ ᑭᓯᐊᓂ ᐃᓱᒪᒃᓴᖅᓯᐅᕈᑎᖃᕐᓂᐊᕆᕗᑦ ᐃᖢᐊᖅᓴᐃᔨᐅᓂᕐᒧᑦ ᐊᓂᒍᐃᓵᖅᓯᒪᔪᓂᑦ ᐊᕐᕌᒍᓂᑦ ᑕᓪᓕᒪᓂᒃ ᐃᖢᐊᖅᓴᐃᔨᐅᖃᑦᑕᖅᓯᒪᓗᓂ ᑲᒪᒋᔭᐅᒋᐊᖃᓪᓚᕆᒃᑐᓄᑦ. ᓇᓗᓇᐃᒃᑯᑕᖃᕆᐊᖃᖅᐳᖅ ᐅᑯᓂᖓ ᑭᓯᐊᓂ ᐃᖅᑲᓇᐃᔭᓕᓵᖅᑎᓪᓗᒍ ᐱᓯᒪᖏᒃᑲᓗᐊᕐᓗᓂ ᖃᓄᐃᙱᓚᖅ: ᐊᒃᓱᕈᕐᓇᖅᑐᒃᑰᖅᑐᓂᑦ ᐃᓅᓕᒃᖠᔪᓐᓇᕐᓗᓂ, ᐆᒻᒪᓯᕆᔪᓂᑦ ᐊᓂᖅᓵᖅᑎᑦᑎᔪᓐᓇᕐᓗᓂ, ᐃᓅᕋᑖᖅᑐᓂᑦ ᐊᓂᓵᖅᑎᑦᑎᔪᓐᓇᕐᓗᓂ, ᖁᐊᖅᓵᕐᓇᖅᑐᓂᑦ, ᓱᕐᕌᙱᑦᑐᓂᑦ, ᓇᔾᔨᐊᓂᑦ ᖃᐅᔨᓴᖅᐸᒡᓗᓂ, ᓯᕝᕕᐊᖏᓐᓂᒃ ᖃᐅᔨᓴᖅᐸᒡᓗᓂ, ᐃᕐᓂᓱᒃᑐᓂᑦ ᐊᒻᒪ ᐃᕐᓂᓱᒃᓰᓂᕐᒥᑦ ᐱᓕᕆᖃᑦᑕᖅᓯᒪᓗᓂ ᖁᕙᓯᖕᓂᖅᓴᒥᑦ ᑲᒪᔪᓐᓇᓂᕐᒥᑦ ᐃᓕᓐᓂᐊᖅᓯᒪᓗᓂ.

ᐅᓇ ᐃᖅᑲᓇᐃᔮᒃᓴᖅ ᖃᓄᑐᐃᓐᓇᖅ ᐱᔾᔪᑎᑖᖅᓴᕋᐃᑦᑐᖅ ᓈᒻᒪᒋᔭᐅᔪᒥᒃ ᐱᕋᔭᓚᐅᖅᓯᒪᓂᕐᒧᑦ ᖃᐅᔨᓴᕈᑎᓂᒃ ᐱᕝᕕᐅᔭᕆᐊᖃᕋᔭᖅᑐᖅ, ᐊᒻᒪ ᐱᔭᕆᐊᑭᑦᑐᓂᒃ ᐃᓄᖕᓂ ᑲᒪᔪᓐᓇᕐᒪᖔᑦ ᖃᐅᔨᓴᕈᑎᓂᒃ ᐱᕝᕕᐅᔭᕆᐊᖃᕋᔭᕆᓪᓗᓂ.

ᖃᐅᔨᒪᒋᑦ ᓄᕙᒡᔪᐊᕐᓇᖅ-19−ᒧᑦ ᖃᓂᒻᒪᒌᒃᑯᓯᖅᑕᐅᓯᒪᒋᐊᓕᒃ ᐃᖅᑲᓇᐃᔮᒧᑦ. ᑐᓐᓂᖅᑯᑎᒋᓗᒍᑦ ᓇᓗᓇᐃᕈᑏᑦ ᓄᕙᒡᔪᐊᕐᓇᖅ-19−ᒧᑦ ᖃᓂᒻᒪᒌᒃᑯᓯᖅᓯᒪᓂᕐᓂᑦ ᐃᖅᑲᓇᐃᔮᖅᑖᕋᓱᒍᑎᒋᔭᓪᓗ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᓂᑦ ᐃᑲᔫᑎᖃᑦᑎᐊᕋᔭᖅᑐᖅ. ᖃᐅᔨᒪᒃᐸᑦ ᐃᓄᐃᑦ ᓄᓇᓕᓐᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓪᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᑦ ᑖᑦᓱᒧᖓ ᐃᖅᑲᓇᐃᔮᖅᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᓱᐊᖁᔨᑦᓱᑕ ᐃᓕᓐᓂᑦ ᓇᓕᒧᓱᑦᑐᓂᑦ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᓂᕐᒧᑦ ᐃᓕᓐᓂᐊᖅᓯᒪᓂᕐᒧᑦ ᐱᓕᕆᖃᑦᑕᖅᓯᒪᓂᕐᒧᓪᓗ ᐱᔭᕆᐊᖃᖅᑐᓂᑦ ᖁᓛᓂᑦ ᑎᑎᕋᖅᓯᒪᔪᓂᑦ.

ᐃᖅᑲᓇᐃᔭᐃᓐᓇᖅᑐᓄᑦ, ᐊᑕᐃᓐᓇᕐᓂᐊᖅᑐᓄᑦ ᐃᓗᐊᖅᓴᐃᔨᓄᑦ, ᐃᖅᑲᓇᐃᔮᖃᐃᓐᓇᖅᑐᑦ ᐊᑭᓕᖅᑕᐅᒃᑲᓐᓂᖃᑦᑕᕐᓂᐊᖅᐳᑦ: $5,000 ᐃᖅᑲᓇᐃᔮᒥ ᐱᒋᐊᓕᓵᖅᑎᓪᓗᒋᑦ, $5,000 ᑕᖅᑭᓄᑦ 18−ᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ ᐊᒻᒪ $10,000 ᑕᖅᑭᓄᑦ 30−ᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ. ᐃᓚᓕᐅᔾᔭᐅᓯᒪᔪᑦ ᐊᑭᓕᐅᑎᑦ ᐃᓚᖃᖅᐳᑦ $9,000 ᐊᕐᕌᒍᑕᒫᑦ ᐃᓄᖕᓄᑦ ᐱᔨᑦᑎᕋᖅᑎᐅᓂᕐᒧᑦ ᐃᑲᔫᑕᐅᕙᒃᑐᒥᑦ ᐊᒻᒪ $375 ᑕᖅᑭᑕᒫᑦ ᐃᖅᑲᓇᐃᔮᖃᐃᓐᓇᕐᓂᕐᒧᑦ ᑐᓂᔭᐅᒃᑲᓐᓂᖅᐸᒃᑐᖅ ᑲᑎᓕᒫᖅᖢᒍ $4,500 ᐊᕐᕌᒍᓕᒫᒧᑦ.

ᐱᓕᕆᐊᒃᓴᖅ 1 ᐊᑭᓕᐅᑎᑦ $10/ᐃᑲᕐᕋᒧᑦ ᐊᑕᐅᓯᕐᒧᑦ ᐱᐅᓛᒻᒪᕆᖕᒧᑦ ᐊᑐᐃᓐᓇᐅᕗᑦ ᐅᑯᓄᖓ ᐅᓪᓗᓕᒫᖅ ᐃᖅᑲᓇᐃᔭᖅᑎᐅᔪᓄᑦ, ᐃᖅᑲᓇᐃᔮᖃᐃᓐᓇᖅᑐᓄᑦ, ᐊᒻᒪ ᐃᖅᑲᓇᐃᔭᖃᑎᒌᓄᑦ: ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᖓᔪᖅᑳᓄᑦ, ᓄᓇᓕᖕᓂ ᐃᓗᐊᖅᓴᐃᔨᑦ, ᐃᓗᐊᖅᓴᐃᔨᙳᕆᐅᖅᓴᔪᑦ, ᐃᓄᖕᓄᑦ ᐃᓗᐊᖅᓴᐃᔨᑦ, ᐃᓱᒪᓕᕆᔨᑦ, ᐃᓱᒪᒥᒍᑦ ᐊᔪᕈᑎᓕᖕᓄᑦ ᖃᐅᔨᒃᑲᐃᔨᑦ ᐊᒻᒪ ᐃᕐᓂᓱᒃᓰᔨᑦ. ᐃᖅᑲᓇᐃᔮᒃᓴᑦ ᐊᔪᖅᑎᑕᐅᙱᑦᑐᑦ ᑖᒃᑯᓄᖓ ᐱᐅᑦᑎᐊᖅᑐᓄᑦ ᐅᑯᓇᓂ ᓄᓇᓕᖕᓃᑉᐳᑦ ᓴᓪᓕᖅ, ᓇᐅᔮᑦ, ᐃᖃᓗᒃᑑᑦᑎᐊᖅ, ᑰᒑᕐᔪᒃ, ᑕᓗᕐᔪᐊᖅ ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ, ᐃᖃᓗᐃᑦ, ᑭᒻᒥᕈᑦ, ᕿᑭᖅᑕᕐᔪᐊᖅ, ᖃᐅᓱᐃᑦᑐᖅ.

ᐱᓕᕆᐊᒃᓴᖅ 2−ᒧᑦ ᐊᑭᓕᐅᑎᑦ $15/ᐃᑲᕐᕋᒧᑦ ᐊᑕᐅᓯᕐᒧᑦ ᐱᐅᓛᒻᒪᕆᖕᒧᑦ ᐊᑐᐃᓐᓇᐅᕗᑦ ᐅᑯᓄᖓ ᐅᓪᓗᓕᒫᕐᒧᑦ ᐃᖅᑲᓇᐃᔮᓕᖕᓄᑦ, ᐃᖅᑲᓇᐃᔮᖃᐃᓐᓇᖅᑐᓄᑦ, ᐊᒻᒪ ᐃᖅᑲᓇᐃᔭᖃᑎᒌᓄᑦ: ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᖓᔪᖅᑳᓄᑦ, ᓄᓇᓕᖕᓂ ᐃᓗᐊᖅᓴᐃᔨᑦ, ᐃᓗᐊᖅᓴᐃᔨᙳᕆᐅᖅᓴᔪᑦ, ᐃᓄᖕᓄᑦ ᐃᓗᐊᖅᓴᐃᔨᑦ, ᐃᓱᒪᓕᕆᔨᑦ, ᐃᓱᒪᒥᒍᑦ ᐊᔪᕈᑎᓕᖕᓄᑦ ᖃᐅᔨᒃᑲᐃᔨᑦ ᐊᒻᒪ ᐃᕐᓂᓱᒃᓰᔨᑦ. ᐃᖅᑲᓇᐃᔮᒃᓴᑦ ᐊᔪᖅᑎᑕᐅᙱᑦᑐᑦ ᑖᒃᑯᓄᖓ ᐱᐅᓛᒻᒪᕆᖕᓄᑦ ᐅᑯᓇᓂ ᓄᓇᓕᖕᓃᑉᐳᑦ ᐊᕐᕕᐊᑦ, ᖃᒪᓂ'ᑐᐊᖅ, ᐃᒡᓗᓕᒑᕐᔪᒃ, ᐅᖅᓱᖅᑑᖅ, ᐊᐅᓱᐃᑦᑐᖅ, ᐃᒡᓗᓕᒃ, ᑭᙵᐃᑦ, ᖁᕐᓗᖅᑐᖅ, ᐸᖕᓂᖅᑑᖅ, ᒥᑦᑎᒪᑕᓕᒃ, ᑲᖏᖅᖠᓂᖅ, ᓴᓂᑭᓗᐊᖅ, ᑎᑭᕋᕐᔪᐊᖅ.

ᐃᖅᑲᓇᐃᔮᖅᑖᕋᓱᒃᑐᓄᑦ ᐊᑏᑦ ᐃᓚᔭᐅᑐᐃᓐᓇᕆᐊᓕᒃ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᐃᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᖃᑕᐅᓛᕐᒪᑦ

ᑕᔅᓱᒥᖓ ᐃᖅᑲᓇᐃᔮᒃᓴᒧᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
• ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ