ᐃᓐᓇᕐᓄᑦ ᐃᓕᓴᐃᔨ

ᐃᖅᑲᓇᐃᔮᔅᓴᐅᔪᖅ ᐅᑉᐱᕆᔭᐅᔭᕆᐊᓕᒃ ᐊᒻᒪ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ.

ᓄᓇᕗᒻᒥ ᓯᓚᑦᑐᓴᕐᕕᒃ ᐃᖅᑲᓇᐃᔭᖅᑎᑖᕋᓱᐊᖅᑐᑦ ᐃᓐᓇᕐᓄᑦ ᐃᓕᓴᐃᔨᒥᑦ ᓄᓇᓕᓐᓂᑦ ᐃᓐᓇᕐᓄᑦ ᐃᓕᓐᓂᐊᕐᕕᖓ, ᑎᑭᕋᕐᔪᐊᖅ-ᒥ ᓄᓇᕗᑦ. ᐃᓐᓇᕐᓄᑦ ᐃᓕᓴᐃᔨ ᐱᓕᕆᐊᖃᖅᑐᖅ ᐸᕐᓇᐃᓂᕐᒥᑦ, ᐋᖅᑭᔅᓱᐃᓂᕐᒥᑦ, ᐱᔨᑦᑎᓂᕐᒥᑦ ᐊᒻᒪ ᖃᐅᔨᓴᐃᓂᕐᒥᑦ ᐃᓕᓐᓂᐊᕐᓂᓕᕆᓂᕐᒧᑦ ᐃᓐᓇᕐᓄᑦ ᐃᓕᓐᓂᐊᖅᑎᓄᑦ ᓄᓇᓕᒻᒧᑦ.  ᐊᖏᔪᖅᑳᖃᖅᑐᑯᓂ ᐊᐅᓚᑦᑎᔨᒥᑦ ᓄᓇᓕᓐᓄᑦ ᐱᓕᕆᐊᓄᑦ, ᐃᓐᓇᕐᓄᑦ ᐃᓕᓴᐃᔨ ᓇᓗᓇᐃᖅᓯᓂᐊᖅᑐᖅ ᐊᒻᒪ ᑎᑎᕋᕐᓗᒋᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᔭᐅᔭᕆᐊᓖᑦ, ᐃᓕᓐᓂᐊᑎᑦᑎᓗᓂ ᐃᓕᓐᓂᐊᖅᑎᓂᑦ, ᐃᑲᔪᕐᓗᒋᑦ ᐃᓕᓴᔭᐃᔩᑦ ᐃᖅᑲᓇᐃᔭᖅᑏᑦ, ᐱᑕᖃᖅᑎᑦᑎᓗᓂ ᐃᓐᓂᐊᕐᓂᓕᕆᓂᕐᒧᑦ ᐊᒻᒪ ᐃᖅᑲᓇᐃᔮᓄᑦ ᐱᕙᓪᓕᐊᑎᑦᑎᓂᕐᒥᑦ  ᐃᓕᓐᓂᐊᖅᑎᓄᑦ, ᐃᑲᔪᕐᓗᓂᓗ ᐊᐅᓚᑦᑎᓂᕐᒥᑦ ᐃᖅᑲᓇᐃᔭᖅᑎᓂᑦ ᐊᒻᒪ ᐊᐅᓚᔾᔪᑎᖏᓐᓄᑦ ᐃᓐᓇᕐᓄᑦ ᐃᓕᓐᓂᐊᕐᕕᒃ. ᐃᖅᑲᓇᐃᔮᑖᖅᑐᖅ ᐃᖅᑲᓇᐃᔭᖃᑎᖃᓂᐊᖅᑐᖅ ᐊᔾᔨᒌᖏᑦᑐᓂᑦ ᐃᓄᓐᓂᑦ, ᑲᑐᔾᔨᖃᑎᒌᓂᑦ, ᑎᒥᐅᔪᓂᑦ ᐊᒻᒪ ᒐᕙᒪᒃᑯᓐᓂᑦ ᐱᓕᕆᕕᓐᓂᑦ ᓄᓇᓕᒻᒥ ᓇᓗᓇᐃᕐᓗᒍ ᐊᒻᒪ ᐃᓐᓇᕐᓄᑦ ᐃᓕᓐᓂᐊᑎᑦᑎᓗᓂ ᐃᓕᓐᓂᐊᖅᑕᐅᔭᕆᐊᓕᓐᓄᑦ ᐱᑕᖃᕆᐊᓖᑦ.

ᐃᓐᓇᕐᓄᑦ ᐃᓕᓴᐃᔨ ᐃᓕᓐᓂᐊᑎᑦᑎᔭᕆᐊᖃᖅᑐᖅ ᐃᓐᓇᕐᓂᑦ ᐊᔾᔨᒌᖏᑦᑐᓂᑦ ᐃᓕᓐᓂᐊᕋᔅᓴᐅᔪᓂᑦ. ᐃᖅᑲᓇᐃᔮᑖᕋᓱᐊᖅᑐᑦ ᐃᓕᓐᓂᐊᕐᕕᐊᓗᒻᒥᑦ ᐱᔭᕇᖅᓯᓯᒪᔭᕆᐊᓖᑦ ᐊᒻᒪ ᓇᓗᓇᐃᒃᑯᑕᖃᕐᓗᑎ ᐃᓐᓇᕐᓄᑦ ᐃᓕᓐᓂᐊᑎᑦᑎᓂᕐᒥᑦ ᐊᒻᒪᓗ ᐊᑕᐅᓯᕐᒥᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᕐᕌᒍᒥ ᐃᓕᓐᓂᐊᑎᑦᑎᓯᒪᓗᓂ ᐃᓐᓇᕐᓄᑦ ᐃᓕᓴᐃᔨᐅᓗᓂ ᐃᓕᓐᓂᐊᕆᐊᒃᑲᓂᖅᑐᓄᑦ. ᐃᓕᓴᐃᔨᐅᓂᐊᖅᑐᖅ ᐃᑲᔪᖅᑐᐃᖃᑦᑕᕆᐊᓕᒃ ᐃᒻᒥᑰᖅᑐᓂᑦ, ᐃᖅᑲᓇᐃᔮᓄᑦ, ᐊᒻᒪ ᐃᓕᓐᓂᐊᓂᕐᒧᑦᓕᓐᓂ. ᖃᐅᔨᒪᓂᖃᕐᓗᓂ ᓈᓴᐅᓯᕆᓂᕐᒥᑦ, ᖃᓪᓗᓈᑎᑐᑦ, ᐊᒻᒪ/ᐅᕝᕙᓘᓐᓃᑦ

ᖃᐅᔨᓴᓂᕐᒥᑦ, ᐃᓄᓐᓂᑦ ᐃᓕᓐᓂᐊᕐᓃᑦ ᐊᒻᒪ ᖃᕋᓴᐅᔭᓕᕆᔪᓐᓇᕆᐊᓕ.  ᐱᔪᓐᓇᕐᓂᐅᔪᑦ ᑖᒃᑯᓄᖓ ᐱᔭᐅᒐᔪᓲᑦ ᐃᓕᓐᓂᐊᕐᕕᐊᓗᒃᑯᑎᒍᑦ. ᖃᕋᓴᐅᔭᓕᕆᔪᓐᓇᕆᐊᖃᖅᑐᖅ ᑎᑎᖅᑲᓕᐅᕈᓐᓇᖅᑐᓂᑦ ᐊᒻᒪ ᓈᓴᐅᓯᕆᔾᔪᑎᓂᑦ. ᐅᖃᕈᓐᓇᕆᐊᓕᒃ ᑎᑎᕋᕈᓐᓇᕐᓗᓂᓗ ᖃᓪᓗᓈᑎᑐᑦ. ᐃᓄᑦᑎᑑᕈᓐᓇᕆᐊᖃᕐᓂᖓ ᐊᒻᒪ ᑎᑎᕋᕈᓐᓇᕐᓂᖓ ᐃᓄᑦᑎᑐᑦ ᐱᑕᖃᕆᐊᖃᓪᓚᕆᑦᑐᑦ. ᐃᖅᑲᓇᐃᔭᕈᓐᓇᑎᐊᕐᓗᓂ ᐊᒻᒪ ᓯᕗᓕᖅᑎᐅᖃᑦᑕᖅᓯᒪᔭᕆᐊᓕ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ.

ᖃᐅᔨᒪᓂᖃᕆᐊᓕᖃᓪᓚᕆᑦᑐᖅ ᐃᓄᐃᑦ ᐅᖃᐅᓯᖓᓂᑦ, ᐱᖅᑯᓯᖏᓐᓂᑦ, ᓄᓇᓕᖏᓐᓂᑦ, ᓄᓇᖏᓐᓂᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ.

ᐊᔾᔨᐸᓗᖏᑦ ᓈᒻᒪᒋᔭᐅᔪᓂᑦ ᑲᑎᓐᖓᔪᓂᑦ ᐃᓕᓐᓂᐊᖅᓯᒪᓂᖓ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᖓ, ᖃᐅᔨᒪᓂᖓ, ᐊᔪᖏᓐᓂᖏᑦ ᐊᒻᒪ ᐱᔪᓐᓇᕐᓂᖏᑦ ᐃᓱᒪᒋᔭᐅᓂᐊᖅᑐᑦ.

ᒫᓐᓇᐅᔪᒥᑦ ᓇᓗᓇᐃᖅᓯᒪᓪᓚᕆᖏᑦᑐᑦ ᓄᓇᕗᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑏᑦ, ᐱᓇᓱᐊᖅᑐᑦ ᐃᖅᑲᓇᐃᔮᑖᕐᓗᑎᓪᓗ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ ᑐᓂᔭᐅᓂᐊᖅᑐᖅ ᐊᐅᓪᓛᖅᑕᐅᓗᓂ ᐊᑯᓂᐅᓂᖓᓄᑦ ᐃᖅᑲᓇᐃᔮᖑᑲᐃᓐᓇᓂᐊᖅᑐᒧᑦ.

ᑖᓐᓇ ᐃᖅᑲᓇᐃᔮᖅᑖᕆᒐᓱᐊᕈᒪᒍᕕᐅᒃ, ᖃᕋᓴᐅᔭᒃᑯᑦ ᐊᐅᓪᓚᖅᑎᒍᑦ ᑎᑎᖅᑲᒥᑦ ᓯᕗᓕᐊᕈᑕᖓ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᔭᑎᑦ ᐅᕗᖓ @email. ᐱᖃᓯᐅᑎᓗᒍ ᖃᐅᔨᒋᐊᕈᑎᖓ # ᐱᔾᔪᑎᒋᔭᖓᓂ ᑎᑎᖅᑲᕕᑦ ᖃᕋᓴᐅᔭᒃᑯᑦ.

• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᒻᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᓪᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖃᓇᐃᔭᑖᕐᓂᕐᒧᑦ ᐊᑐᐊᒐᖅ.
• ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᓯᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᓪᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᓪᓕᐊᑕ ᐊᖓᔪᖅᑳᖓᓄᑦ ᐊᑕᔭᕆᐊᓕᒃ ᐱᓇᓱᐊᕈᑎᓐᓄᑦ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᓐᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ.  ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐃᓄᓐᓂ ᐱᔭᕆᐊᑭᑦᑐᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᕈᑎᓄᑦ. 
• ᐃᖅᑲᓇᐃᔭᖅᑖᕋᓱᐊᖅᑐᑦ ᐃᖅᑲᓇᐃᔭᖅᑖᕋᓱᐊᕈᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᕈᑏᑦ ᐋᒡᒑᖅᑕᐅᑐᐃᓐᓇᕆᐊᓕᒃ.