Qukiutiliritsiarniq Nunavummi - Firearm Safety Nunavut

ᖁᑭᐅᑎᓕᕆᑦᓯᐊᕐᓂᖅ ᓄᓇᕗᒻᒥ - ᖁᑭᐅᓯᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᖅ ᓄᓇᕗᒻᒥ

ᖁᑭᐅᑏᑦ ᐱᒻᒪᕆᐅᖃᑕᐅᕗᑦ ᓄᓇᕗᒻᒥ ᐊᖑᓇᓱᒍᓯᖏᓐᓄᑦ. ᑭᓯᐊᓂ ᖁᑭᐅᑏᑦ ᐅᓇᑕᕈᑕᐅᔭᕌᖓᑕ, ᓄᓇᓕᓕᒫᕗᑦ ᐊᒃᑑᑎᔭᐅᖃᑦᑕᖅᐳᖅ.

ᖁᑭᐅᑎᓕᕆᑦᓯᐊᕐᓂᖅ ᓄᓇᕗᒻᒥ - ᖁᑭᐅᓯᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᖅ ᓄᓇᕗᒻᒥ ᑐᕌᒐᖃᖅᐳᖅ ᖁᑭᐅᑎᓂᒃ ᐊᑦᑕᕐᓇᖅᑕᐃᓕᒪᑎᑦᑎᒃᑲᓐᓂᕋᓱᖕᓂᕐᒧᑦ ᐅᔾᔨᕈᓱᓕᒃᑲᓐᓂᖁᓪᓗᒋᑦ ᐊᒻᒪ ᐱᐅᔪᒥᒃ ᐊᓯᔾᔩᓗᑎᒃ ᓄᓇᓕᑦᑎᓐᓂ. ᑕᒪᓐᓇ ᐱᓕᕆᐊᖑᔪᖅ ᒪᓂᒪᑎᑦᑎᕗᖅ ᐊᑐᖅᑕᐅᔪᓐᓇᖅᑐᓂᒃ, ᐃᑲᔪᖅᑐᐃᓂᕐᓂᒃ ᐅᔾᔨᕐᓇᖅᓯᑎᑦᑎᓂᕐᒥᒡᓗ ᐃᑲᔪᕈᒪᓂᕐᒧᑦ ᓴᖅᑭᑎᑦᑎᓂᕐᒥᒃ ᐃᓕᖅᑯᓯᕆᔭᐅᔪᒥᒃ ᖁᐊᖅᓵᕐᓇᙱᑦᑐᒃᑯᑦ ᖁᑭᐅᑎᖃᖅᐸᖕᓂᕐᒥᒃ, ᐊᑐᕐᓂᕐᒥᒃ ᑐᖅᑯᖅᓯᓯᒪᓂᕐᒥᒡᓗ ᑕᒪᓐᓇᓗ ᐅᕙᑦᑎᓐᓂᒃ ᐃᑲᔪᕐᓂᖃᓪᓚᕆᓕᕈᓐᓇᖅᖢᓂ.

ᐃᑲᔫᑎᒃᓴᑦ ᐅᔾᔨᕆᔭᐅᓕᖅᑎᓐᓇᓱᒡᓗᒋᑦ ᖁᑭᐅᓯᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᖅ ᓄᓇᔅᓯᓐᓂ:

ᖁᑭᐅᑎᒥᒃ ᐊᑐᓕᕌᖓᕕᑦ:

• ᖁᑭᐅᑎᑦ ᑐᕌᖓᑎᖃᑦᑕᐃᓐᓇᕐᓗᒍᑦ ᐊᑦᑕᖕᓇᙱᑦᑐᒧᑦ.
• ᑕᑎᒋᑦᑕᐃᓕᓗᒍᑦ ᖁᑭᐅᑎᐅᑉ ᐸᑭᓂᒃᑕᐃᓕᔾᔪᑎᖓ.
• ᖁᑭᐅᑎᑦ ᑲᐃᒥᑦᑎᓯᒪᔪᖅᑐᑦ ᑲᒪᒋᑦᑎᐊᖏᓐᓇᐅᔭᕐᓗᒍ.
• ᖁᑭᐅᑎᓕᕆᑎᓪᓗᑎᑦ ᐋᖓᔮᕐᓇᖅᑐᒥᑦ ᐃᒥᐊᓗᖕᒥᓪᓘᓐᓃᑦ ᐱᑦᑕᐃᓕᓗᑎᑦ.

ᖁᑭᐅᑎᑦ ᐊᑐᖅᑕᐅᙱᑎᓪᓗᒍ:

• ᖁᑭᐅᑎᑦ ᑮᒃᑕᐅᑎᓕᖅᓯᒪᕙᒡᓗᒍ.  
• ᖁᑭᐅᑎᑦ ᑐᖅᑯᑦᑎᐊᖅᐸᒃᓗᒋᑦ ᑮᒍᑎᓕᒃ ᖁᑭᐅᑎᒃᑯᕕᖕᒧᑦ ᓄᑕᖅᑲᓄᓪᓗ ᐃᓄᖅᑕᐅᓗᑎᒃ.
• ᓱᓇᒃᑲᑦ ᐊᓯᐊᓄᑦ ᑐᖅᑯᖅᓯᒪᕙᒡᓗᒋᑦ.
• ᖁᑭᐅᑎᑦ ᕿᒪᒃᑕᐃᓕᓗᒍᑦ ᑲᐃᓪᓗᐃᓯᒪᑎᓪᓗᓂᑦ.
• ᖁᑭᐅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᕐᓗᑎᑦ ᐊᑐᐃᓐᓇᐅᓕᕈᓂᑦ.

ᖁᑭᐅᓯᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᖅ ᓄᓇᕗᒻᒥ ᐱᓕᕆᖃᑎᖃᖅᑐᑦ ᖁᑭᐅᓯᕆᓂᕐᒥᒃ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᓐᓂᑦ, ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᓂᑦ, ᓄᓇᓕᖕᒥ ᒪᓕᒐᓕᕆᓂᕐᒧᑦ ᐃᖅᑲᓇᐃᔭᖅᑎᓂᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᑦ ᐃᓕᓐᓂᐊᕐᓂᓕᕆᔨᒃᑯᓐᓂᓗ ᐊᒻᒪᓗ ᐱᕈᕐᕕᒃᑯᓐᓂᑦ, ᐊᑦᑕᕐᓇᖅᑕᐃᓕᒪᓂᕐᒧᑦ ᐅᔾᔨᕈᓱᒃᑎᑦᑎᓂᕐᒧᑦ ᖃᓄᐃᓕᐅᖅᑎᑦᑎᖃᑦᑕᕋᓱᐊᖅᖢᑎᒃ ᐅᑭᐅᑉ ᐃᓗᐊᓂ.

ᐱᓕᕆᐊᖑᖃᑦᑕᕐᓂᐊᖅᑐᑦ ᐅᑯᐊᖑᓂᐊᖅᐳᑦ:

• ᑐᓐᓂᖅᓴᐃᓗᑎᒃ ᐃᓕᓐᓂᐊᕈᑎᒃᓴᓂᒃ ᖁᕝᕙᕆᐊᕈᑎᒃᓴᓂᓪᓗ ᓄᓇᕗᓕᒫᒥ;
• ᓄᓇᓕᖕᓂ ᐱᓕᕆᐊᑦ ᐊᒻᒪ ᐅᖃᐅᓯᒃᓴᑦ, ᐱᓕᕆᖃᑎᒋᓪᓗᒋᑦ ᐸᓖᓯᒃᑯᑦ ᐊᒻᒪ ᓄᓇᓕᖕᓂ ᒪᓕᒐᓕᕆᔨᒃᑯᓐᓂ ᐱᑖᖃᑕᐅᓯᒪᔪᑦ;
• ᖁᑭᐅᑎᑖᕈᓐᓇᐅᑎᓄᑦ ᐃᓕᓐᓂᐊᖅᑎᑦᑎᓂᖅ ᐊᑕᐅᑦᑎᒃᑰᖃᑎᖃᕐᓗᓂ ᐅᔾᔨᕈᓱᒃᑎᑦᑎᓂᕐᒧᑦ ᓄᓇᕗᒻᒥ ᓄᓇᓕᖕᓂ;
• ᖁᑭᐅᑎᓂᒃ ᐊᑦᑕᕐᓇᖅᑐᒦᑦᑕᐃᓕᒪᓂᕐᒧᑦ ᐅᔾᔨᕆᔭᐅᓕᖅᑎᑦᑎᓇᓱᖕᓂᖅ ᓄᑲᖅᖡᑦ ᐊᒻᒪ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑎᓄᑦ;
• ᓯᐊᒻᒪᒃᑎᖅᑕᐅᓂᖏᑦ ᐸᑭᓂᒐᖏᓐᓄᑦ ᑮᒃᑕᐅᑎᑦ ᓇᒧᕈᓘᔭᖅ ᓄᓇᕗᒻᒥ, ᐱᓕᕆᖃᑎᒋᓗᒋᑦ ᖁᑭᐅᓯᕆᔨᒃᑯᑦ ᐊᑦᑕᕐᓇᖅᑎᑦᑎᑦᑕᐃᓕᓂᕐᒧᑦ ᑎᑎᕋᕐᕕᖕᒥᐅᑕᑦ.

ᑐᑭᓯᒋᐊᕈᒪᒍᕕᑦ:

ᐃᕐᖐᓈᖅᑕᐅᑦ: @email

ᐅᖄᓚᐅᑎᖓ: 867-975-6563