ᑮᓇᐅᔭᓕᕆᔾᔪᑕᐅᔪᓄᑦ ᐅᓂᒃᑳᓕᐅᕐᓂᕐᒧᑦ ᕿᒥᕐᕈᔨ

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᐆᒃᑐᕈᒪᔪᓕᒫᓄᑦ.

ᓄᓇᕗᑦ ᒐᕙᒪᖓᑦ ᓂᕈᐊᕐᑕᐅᓚᐅᕐᓯᒪᒻᒪᑦ ᐃᓚᒋᔭᐅᓂᖏᓐᓄᑦ ᑲᓇᑕᒥ ᐊᔾᔨᒌᖏᑦᑐᓂᑦ ᐃᖅᑲᓇᐃᔭᕐᑎᖃᕈᓐᓇᕐᓂᖏᓐᓄᑦ, ᖁᑦᓯᓂᕐᐹᖑᓪᓗᓂ ᐃᓅᓱᑦᑐᓂᑦ ᐃᖅᑲᓇᐃᔭᕐᑎᖃᕐᓂᖏᓐᓄᑦ, ᐊᒻᒪ ᒫᓐᓇᓂᓴᕐᓂᑦ ᐃᓕᓐᓂᐊᕐᕕᒻᒥ ᐱᔭᕇᕋᑖᕐᓂᑯᓂᑦ 2023−ᖑᑎᓪᓗᒍ. ᓄᓇᕗᑦ ᐱᕙᓪᓕᐋᑎᑦᑎᓂᖅᐹᖑᖕᒪᑦ, ᐆᒻᒪᕆᒃᑑᓪᓗᓂ ᓄᓇᓕᖃᕐᕕᒃ, ᐃᒪᓐᓇᐅᔪᒪᓪᓗᓂ ᐱᐅᓂᖅᐹᖑᓕᕈᒪᓪᓗᓂ ᐃᓂᒋᔭᐅᔪᓐᓇᕋᔭᕐᓂᕐᒥ ᓯᕗᓂᒃᓴᒥ ᑭᖑᕚᕆᔭᐅᓂᐊᖅᑐᓄᑦ. ᒐᕙᒪᐅᓂᑦᑎᓐᓄᑦ, ᓴᙱᓂᖅᓴᐅᓕᖅᑎᑦᑎᕙᓪᓕᐊᒐᑦᑕ ᐊᔾᔨᐅᖏᑦᑐᖁᑎᑕ ᐋᖅᑭᒃᓯᒪᓂᖓᓂᑦ ᐊᐅᓚᑦᑎᓂᕐᒥ – ᐃᓚᓕᐅᔾᔨᓪᓗᓂᓗ ᐃᓄᐃᑦ ᐃᓅᖃᑎᒋᖕᓂᕐᒧᑦ ᐱᕕᐋᕐᓇᖅᑐᖁᑎᖏᓐᓂᑦ, ᐊᑐᖅᑕᐅᓂᖅᓴᐅᑎᑦᑎᓪᓗᓂ ᐃᓄᒃᑐᑦ ᐅᖃᓪᓚᒍᓯᖓᓂᑦ, ᐱᕙᒡᓗᓂ ᑭᒡᒐᖅᑐᐃᔪᒥᒃ ᒐᕙᒪᒃᑯᓐᓂ ᐱᔨᑦᓯᕈᑎᒥᒃ, ᐊᒻᒪᓗ ᐃᖃᓇᐃᔭᖃᑎᖃᓲᖑᓪᓗᑕ ᐱᓕᕆᖃᑎᒋᔭᑦᑎᓐᓂᑦ ᐱᔪᓐᓇᖅᓯᖁᓪᓗᒋᑦ ᐱᔭᐅᓂᐋᕐᓂᕋᒃᑕᐅᓯᒪᔪᓂᒃ ᓄᓇᕗᕐᒧᑦ. ᑲᔪᓯᑎᑕᐅᔪᑦ ᐃᖃᓇᐃᔭᖅᑖᕋᓱᐊᖅᑐᑦ ᖁᕕᐋᒋᔭᖃᕋᔭᖅᑐᑦ ᐱᐅᓚᒥᒃ ᑮᓐᓇᐅᔭᒃᓴᓂᕐᒥᑦ, ᐃᓅᓕᓴᐅᑎᓂ ᐊᒻᒪᓗ ᑭᒍᓐᓂᐋᖅᑕᐅᓂᕐᒧᑦ ᐃᑲᔪᖅᑕᐅᔾᔪᑎᓂᒃ, ᓇᓗᓇᐃᖅᑕᐅᓯᒪᓗᓂ ᐃᑲᔪᖅᑕᐅᔾᔪᑎ ᐃᑦᑐᐋᕿᓂᕐᒧᑦ ᐸᕐᓇᒍᑎ, ᓅᑦᑕᕆᐊᖃᑐᖃᑉᐸᑦ ᐱᔪᓐᓇᖅᑎᑕᐅᔾᔪᑎᓂᑦ ᐊᒻᒪᓗ ᐱᔪᓐᓇᖅᑎᑕᐅᓗᑎᒃ ᐊᔪᕈᓐᓃᖅᓴᓂᕐᒥᑦ ᐊᒻᒪᓗ ᐃᖃᓇᐃᔮᒥ ᐊᔪᖏᓐᓂᖅᓴᐅᓕᖅᐸᓪᓕᐋᓂᕐᒥᑦ.

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᕝᕕᐅᕗᖅ ᓄᓇᕗᑦ ᒐᕙᒪᖓᓂ ᐱᔨᑦᑎᖅᖢᑎᒃ ᐃᒡᓗᓕᕆᓂᕐᒥᒃ ᐃᓄᒋᐊᒃᓯᕙᓪᓕᓂᖅᐹᖑᓪᓗᓂ ᐊᕐᕌᒍᑭᓐᓂᖅᐹᖑᓪᓗᑎᒡᓗ ᑲᓇᑕᒥ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᐊᖓ ᓴᖅᑭᑎᑦᑎᓗᑎᒃ, ᐱᓕᕆᐊᖃᑎᖃᕐᓗᑎᒃ, ᐊᒻᒪᓗ ᐊᐅᓚᑦᑎᓗᑎᒃ ᓴᖅᑭᑕᐅᓯᒪᔪᓂᒃ ᓈᒻᒪᒃᑐᓂᒃ ᐊᑐᐃᓐᓇᐅᑎᑕᐅᔪᓂᒃ ᐃᒡᓗᒥᒃ ᐊᑐᖅᑐᐊᖅᑕᒥᓂᒃ ᐊᑭᓕᖅᓱᒐᒃᓴᐅᓂᖅᓴᐅᓗᑎᒃ ᐃᓚᒌᓄᑦ ᑭᓇᑐᐃᓐᓇᕐᒧᓪᓗ ᓄᓇᕗᒻᒥ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᖃᖓᑦᑎᐊᖅ ᓄᓇᕗᒻᒧᑦ 3000 ᐸᕐᓇᒍᑎ, (www.igluliuqatigiingniq.ca) ᐱᓕᕆᖃᑎᒌᖕᓂᒃᑯᑦ ᒐᕙᒪᒃᑯᑎᒍᑦ ᐱᓕᕆᖃᑎᖏᓪᓗ ᓴᖅᑭᑎᑦᑎᓗᑎᒃ 3,000−ᓂᒃ ᓄᑖᓂᒃ ᐃᒡᓗᒋᔭᐅᔪᒃᓴᓂᒃ ᐱᓕᕆᐊᖑᐃᓐᓇᕋᔭᖅᖢᓂ 2030−ᒨᖓᓗᒍ.

ᐊᖓᔪᖅᑳᕆᓪᓗᓂᐅᒃ ᐊᐅᓚᑦᑎᔨ, ᑮᓇᐅᔭᓕᕆᔾᔪᑕᐅᔪᓄᑦ ᐅᓂᒃᑳᓕᐅᕐᓂᕐᒧᑦ ᐊᒻᒪᓗ ᐅᖃᐅᔾᔨᓂᕐᒧᑦ ᐱᔨᑦᑎᖅᑏᑦ, ᑮᓇᐅᔭᓕᕆᔾᔪᑕᐅᔪᓄᑦ ᐅᓂᒃᑳᓕᐅᕐᓂᕐᒧᑦ ᕿᒥᕐᕈᔨ ᐱᒻᒪᕆᐅᔪᒥᒃ ᑲᒪᒋᔭᖃᓲᖑᕗᖅ ᐸᕐᓇᒃᑕᐅᓂᖏᓐᓂᒃ ᐋᖅᑭᒃᓱᐃᓂᕐᒥᒡᓗ ᐅᒃᐱᕆᔭᐅᔪᓐᓇᖅᑐᓂᒃ ᑮᓇᐅᔭᓕᕆᔾᔪᑕᐅᔪᓄᑦ ᑎᑎᕋᖅᑕᐅᓯᒪᔪᓂᒃ ᑐᓂᓯᖃᑦᑕᕐᓂᕐᒥᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ. ᐃᖅᑲᓇᐅᔮᖃᖅᑐᖅ ᑲᒪᒋᔭᖃᓛᖅᑐᖅ ᑕᒪᐃᓐᓂᒃ ᑕᒻᒪᖅᓯᒪᔪᖅᓯᐅᕐᓂᕐᒧᑦ ᐱᔭᐅᔭᕆᐊᓕᖕᓂᒃ ᒐᕙᒪᑐᖃᒃᑯᑦ ᑮᓇᐅᔭᖅᑖᖅᑎᑦᑎᓂᕐᒧᑦ ᐱᓕᕆᐊᒃᓴᖏᓐᓄᑦ ᒪᓕᒃᖢᒋᑦ ᐋᖅᑭᒃᓯᒪᕙᒌᖅᑐᑦ ᐊᖏᕈᑏᑦ, ᐅᓂᒃᑳᓕᐅᕐᓂᕐᒧᑦ ᓈᒻᒪᖕᓂᖃᕆᐊᓖᑦ, ᐅᓂᒃᑳᓕᐅᕐᓂᕐᒧᑦ ᓈᒻᒪᖕᓂᖃᕆᐊᓖᑦ, ᑮᓇᐅᔭᓕᕆᓂᕐᒥᒃ ᐊᐅᓚᑦᑎᓂᕐᒧᑦ ᐱᖁᔭᖅ (FAA), ᑮᓇᐅᔭᓕᕆᓂᕐᒥᒃ ᐊᐅᓚᑦᑎᓂᕐᒧᑦ ᐊᑐᖅᑕᐅᔪᒃᓴᑦ (FAM), ᐸᕐᓇᐃᓂᕐᒧᑦ ᐊᒻᒪᓗ ᑭᐅᔪᓐᓇᕆᐊᖃᕐᓂᕐᒧᑦ ᐋᖅᑭᒃᓯᒪᓂᖓ, ᐊᒻᒪᓗ ᒐᕙᒪᒃᑯᓐᓄᑦ ᑮᓇᐅᔭᓕᕆᓂᕐᒧᑦ ᓈᒻᒪᖕᓂᖃᕆᐊᓖᑦ (PSAS). ᐃᓗᓕᑯᓘᔭᖃᐅᖅᑐᓄᑦ ᑮᓇᐅᔭᓕᕆᓂᕐᒧᑦ ᐊᒻᒪᓗ ᐅᓂᒃᑳᓕᐅᕐᓂᕐᒧᑦ ᐅᖃᐅᔾᔨᖃᑦᑕᕐᓂᐊᖅᑐᖅ, ᑕᒻᒪᖅᓯᒪᔪᖃᖅᑎᑦᑕᐃᓕᓗᓂᒋᑦ ᐃᓚᐃᓐᓈᖅᓯᒪᑎᓪᓗᓂᒋᓪᓗ ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐊᑦ, ᐱᓕᒻᒪᒃᓴᐃᖃᑦᑕᕐᓗᓂ ᐊᒻᒪᓗ ᑐᑭᓕᐅᕆᖃᑦᑕᕐᓗᓂ ᒪᓕᒐᕐᓂᒃ.

ᐊᑑᑎᖃᓂᖅᐹᑦ ᑲᒪᒋᔭᕆᓂᐋᑦᑕᖏᑦ ᐃᖃᓇᐃᔭᖅᑖᖅᑑᑉ ᐃᖃᓇᐃᔭᑕᕋᓱᐊᖃᑕᐅᓯᒪᔪᓂ ᐃᓚᖃᓂᐋᒻᒥᔪᑦ ᒪᑯᓂᖓ:

• ᐱᒻᒪᕆᐅᔪᒥᒃ ᐃᑲᔪᖅᓱᖃᑦᑕᕐᓗᓂ ᐅᖃᐅᔾᔨᖃᑦᑕᕐᓗᓂᓗ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑮᓇᐅᔭᓕᕆᔨᒃᑯᖏᓐᓄᑦ ᐊᕐᕌᒍᑕᒫᑦ ᑐᓂᔭᐅᖃᑦᑕᕐᓂᖏᓐᓄᑦ ᑲᑎᖅᓱᖅᑕᐅᓯᒪᔪᑦ ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐊᑦ;
• ᐃᑲᔪᖅᓱᖃᑦᑕᕐᓂᐊᖅᑐᖅ ᑮᓇᐅᔭᑦ ᐊᐅᓚᑕᐅᓂᖏᓐᓄᑦ ᑲᑎᒪᔨᓄᑦ (FMB) ᐊᒻᒪᓗ ᒪᓕᒐᓕᐅᕐᕕᖕᒧᑦ ᑐᓂᔭᐅᔪᓄᑦ, ᐱᓕᕆᐊᖑᔪᒃᓴᑦ ᐊᒻᒪᓗ ᖃᐅᔨᓴᕐᓂᖅ;
• ᑲᓇᑕᐅᑉ ᐃᒡᓗᓕᕆᔨᕐᔪᐊᒃᑯᖏᑦᑕ ᑮᓇᐅᔭᓕᕆᔨᖏᓐᓂᒃ ᐋᖅᑭᒃᓱᐃᖃᑎᒋᕙᒃᖢᓂᒋᑦ ᖃᖓᒃᑰᕐᕕᒃᓴᓂᒃ ᐅᓂᒃᑳᓕᐊᕐᓂᒃ; ᐊᒻᒪᓗ
• ᕿᒥᕐᕈᐊᖏᓐᓇᖃᑦᑕᕐᓗᓂ, ᖃᐅᔨᓴᐃᓐᓇᖃᑦᑕᕐᓗᓂ ᐊᒻᒪᓗ ᐋᖅᑭᒋᐊᕈᑎᖃᐃᓐᓇᕐᓗᓂ ᐊᔾᔨᒌᙱᑦᑑᑕᐅᔪᓂᒃ ᑮᓇᐅᔭᓕᕆᓂᕐᒨᖓᔪᓂᒃ.

ᖃᐅᔨᒪᔭᕆᐊᖃᖅᑕᑦ, ᐱᔪᓐᓇᕐᓂᕆᔭᐊᖃᖅᑕᑦ ᐊᒻᒪᓗ ᐊᔪᙱᓐᓂᕆᔭᕆᐊᖃᖅᑕᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᑐᑦ ᓯᓚᑦᑐᖅᓴᕐᕕᒡᔪᐊᕐᒥᑦ ᐃᓕᓴᖅᓯᔾᔪᑎᑖᕐᓂᒃᑯᑦ ᓂᐅᕐᕈᑎᖃᖅᑐᓕᕆᓂᕐᒧᑦ, ᐱᓕᕆᐊᖑᔪᒃᓴᓕᕆᓂᕐᒧᑦ, ᐊᒃᑐᐊᔪᒥᒡᓘᓐᓃᑦ ᐃᓕᓐᓂᐊᕐᓂᑰᓂᕐᒧᑦ ᐊᒃᓱᓪᓘᓐᓃᑦ ᒪᕐᕉᖕᓂᒃ (2) ᖃᓄᐃᓕᐅᕐᓂᖅᓴᐅᕙᓪᓕᐊᖃᑦᑕᕐᓂᑰᓗᓂ ᑮᓇᐅᔭᓕᕆᓂᕐᒥᒃ ᐅᓂᒃᑳᓕᐅᕐᓂᕐᒥᒡᓗ ᐃᓚᒋᔭᐅᓪᓗᓂ ᐊᑐᖃᑦᑕᕐᓂᑰᓂᖓᓂᒃ ᑮᓇᐅᔭᓕᕆᔾᔪᓯᕆᔭᐅᕙᒃᑐᓂᒃ. ᒫᓐᓇᐅᔪ ᐊᑎᓕᐅᖅᑕᐅᓯᒪᓂᖓ ᐃᓕᓴᕆᔭᐅᓯᒪᒻᒪᕆᒃᑐᓄᑦ ᑮᓇᐅᔭᓕᕆᔨᐅᔪᓄᑦ (CPA) ᐃᑲᔪᕋᔭᖅᑐᖅ.

ᓈᒻᒪᒋᔭᐅᒐᔭᕐᒪᑕ ᐊᑕᐅᑦᑎᒃᑰᖅᓯᒪᒃᐸᑕ ᐃᓕᓐᓂᐊᖅᓯᒪᓂᖅ ᐊᒻᒪᓗ ᐃᖃᓇᐃᔭᖅᓯᒪᓂᑦ ᐃᓱᒪᒋᔭᐅᖃᓯᐅᑎᔪᓐᓇᕋᔭᕐᒥᔪᑦ ᑖᔅᓱᒧᖓ ᐃᖃᓇᐃᔭᒧᑦ. ᐃᓕᖕᓂᑦ ᑲᔪᖏᖅᓴᐃᕗᒍᑦ ᐃᖃᓇᐃᔭᖅᑖᕋᓱᐋᖁᓪᓗᑎᑦ ᐱᖃᑐᐋᕈᕕᑦ ᑕᐃᒪᓗᐊᐸᓘᖃᑎᖏᓐᓂᑦ ᐊᕐᕌᒍᓂ ᐃᓕᓐᓂᐊᖅᓯᒪᓂᖃᕈᕕᑦ ᐊᒻᒪᓗ/ᐅᕝᕙᓘᓐᓃᑦ ᐃᖃᓇᐃᔭᖅᓯᒪᓗᑎᑦ ᑕᐃᒫᓪᓗᐊᖃᑕᐅᓗᑎᒃ ᐃᓕᓐᓂᐊᖅᓯᒪᓂᕐᒧᑦ ᐊᒻᒪᓗ ᐃᖃᓇᐃᔭᖅᓯᒪᓂᕐᒧᑦ ᐱᔭᐅᓯᒪᖁᔭᐅᓪᓗᑎᒃ ᑎᑎᖅᑕᐅᓯᒪᔪᓂᑦ ᑕᑉᐸᒃᑯᓇᓃᑦᑐᓂᑦ.

ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓃᑦ ᓄᓇᕗᕐᒥ ᒪᑯᐊᖑᖕᒪᑕ ᐃᓄᒃᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᕕᒃᑯᑎᑐᑦ. ᐃᖃᓇᐃᔭᖅᑖᕋᓱᐋᖅᑐᑦ ᑐᓂᓯᔪᓐᓇᖅᐳᑦ ᐃᖃᓇᐃᔮᖅᑕᕋᓱᐊᕈᑎᒥᖕᓂᑦ ᓇᓪᓕᐋᓄᑐᐃᓐᓇᖅ ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓂᕐᒧᑦ ᓄᓇᕗᕐᒥ. ᐅᖃᕈᓐᓇᑦᑎᐊᕐᓗᓂ ᑎᑎᕋᕈᓐᓇᑦᑎᐊᕐᓗᓂᓗ ᐅᓄᕐᓂᖅᓴᐅᔪᒥ ᐊᑕᐅᓯᕐᒥ ᓄᓇᕘᑉ ᒪᓕᒐᑎᒍᑦ ᐊᑐᖅᑕᐅᖁᔭᐅᓯᒪᔪᑦ ᐅᖃᐅᓯᓂᑦ ᐃᓱᒪᒋᔭᐅᓇᔭᖅᐳᖅ ᐱᒻᒪᕆᐅᓂᖓᓂ. ᖃᐅᔨᒪᓗᓂ ᐃᓄᖕᓄᑦ ᓄᓇᓕᖕᓂᑦ, ᐃᓕᖅᑯᓯᖏᓐᓂᑦ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᐊᒻᒪᓗ ᐃᖃᓇᐃᔭᖅᓯᒪᓗᓂ ᐃᖃᓇᔭᓪᓗᓂ ᐅᑭᐅᖅᑕᖅᑐᕐᒥ ᐊᔾᔨᒌᖏᑦᑐᓂᒃ−ᐃᓕᖅᑯᓯᓕᖕᓄᑦ ᐃᖃᓇᐃᔭᕐᕕᖕᒥ ᐃᓱᒪᒋᔭᐅᖃᓯᐅᑎᖕᒪᑕ ᐊᑑᑎᖃᓂᖏᓐᓂᑦ.

ᐱᔪᓐᓇᖅᑎᑕᐅᓂᕐᒧᑦ ᑎᑎᖅᓯᒪᔪᑦ ᓴᓇᔭᐅᔪᓐᓇᖅᓯᔪᓐᓇᖅᑐᑦ ᐃᓐᓄᒃᑕᐅᖁᓪᓗᒋᑦ ᒫᓐᓇ ᐊᒻᒪᓗ ᓯᕗᓂᒃᓴᒥ ᐃᖃᓇᐃᔭᖅᑎᖃᖏᑦᑐᖃᓕᕐᓂᖅᐸᑦ ᓇᓪᓕᐋᖕᓂᑐᐃᓐᓇᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑎᒥᖁᑖᓂ ᐃᓘᓐᓇᖏᓐᓂ ᓄᓇᓕᓕᒫᓂ.

ᑖᔅᓱᒥᖓ ᐃᖅᑲᓇᐃᔮᖅᑖᕈᒪᓐᓂᕈᕕᑦ, ᖃᕆᑕᐅᔭᒃᑯᑦ ᐃᕐᖐᓐᓈᕈᑎᒃᑯᑦ ᓇᒃᓯᐅᑎᔪᓐᓇᖅᑕᑦ ᑎᑎᖅᑲᓕᐊᑦ ᐃᖅᑲᓇᐃᔭᖅᑖᕋᓱᐊᕈᑎᒥᒡᓗ ᐅᕗᖓ @email. ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᖃᕆᑕᐅᔭᒃᑯᑦ ᐃᕐᖐᓐᓈᕈᑎᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᔪᒪᖕᒪᑦ ᓴᕿᑎᑦᑎᔪᒪᓪᓗᓂ ᑭᒡᒐᖅᑐᐃᓂᕐᒧᑦ ᐃᖃᓇᐃᔭᖅᑎᐅᖃᑎᒌᓂᑦ; ᑕᐃᒪᐃᒻᒪᑦ, ᓯᕗᓪᓕᐅᑎᑕᐅᓇᓱᖕᓂᐋᖅᑐᑦ ᓄᓇᕗᑦ ᐃᓄᖏᑦ ᑕᐃᒃᑯᐊ ᓇᖕᒥᓂᖅ−ᓇᓗᓇᐃᖅᑐᑦ ᐊᑎᓕᐅᖅᑕᐅᓯᒪᓂᕋᕐᓗᑎᒃ ᓄᓇᕗᒻᒥ ᓄᓇᕗᑦᑖᕈᑎᑦ ᐊᖏᖃᑎᒋᒍᑎᖏᓐᓂ ᒪᓕᒡᓗᒍ ᓯᕗᓪᓕᐅᑎᑕᐅᔭᕆᐊᖃᕐᓂᖏᓐᓄᑦ ᐃᖃᓇᐃᔭᓕᖅᑎᑦᑎᓂᕐᒧᑦ ᐊᑐᐊᒐᕐᒧᑦ.
• ᓄᓇᕗᑦ ᒐᕙᒪᒃᑯᑦ ᐃᖃᓇᐃᔭᖅᑎᖏᑦ ᐃᖃᓇᐃᔭᖅᑐᑦ ᖃᐅᔨᓴᖅᑕᐅᓗᑎᒃ ᐃᖃᓇᐃᔭᖅᑎᑕᐅᔪᑦ ᐱᔭᕆᐊᖃᒃᑎᑕᐅᕗᑦ ᐊᒻᒪᓗ ᑐᓂᓯᓗᑎᒃ ᑎᑎᕋᒃᓯᒪᔪᓂᒃ ᐱᓕᕆᔪᓐᓇᖅᑎᑦᑎᔾᔪᑎᓂᒃ ᑐᖓᓂᖅ ᓂᐊᖁᕆᔭᐅᔪᒦᙵᕐᓗᑎᒃ ᐃᖃᓇᐃᔭᖅᑎᑦᑎᔨᒋᔭᖏᓐᓅᕐᓗᑎᒃ ᐱᓕᕆᕕᖕᒧᑦ. ᐱᓕᕆᔪᓐᓇᖅᓯᑎᑦᑎᔪᑦ ᑐᖓᓕᖅ ᓂᐊᖁᕆᔭᐅᔪᒦᖓᖅᑐᑦ ᐱᖃᓯᐅᔾᔨᓯᒪᔭᕆᐋᓕᑦ ᐃᖃᓇᐃᔮᖅᑖᕋᓱᐋᕈᑎᖕᓂᑦ ᑐᒃᓯᕋᐅᑎᒋᔭᑎᑦ ᐃᓱᒪᒃᓴᖅᓯᐅᕈᑕᐅᔪᓐᓇᖅᓯᖁᓪᓗᒍ.
• ᐃᖅᑲᖅᑐᐃᕕᒃᑯᑦ ᐸᓯᔭᒃᓴᕕᓃᑦ ᐃᖅᑲᓇᐃᔮᖅᑖᕋᓱᒃᑐᓄᑦ ᐃᓱᒪᒃᓴᖅᓯᐅᔾᔪᑕᐅᒐᔭᖅᐳᑦ. ᖃᐅᔨᓴᖅᓯᓂᖅ ᐱᕋᔭᒃᓯᒪᓂᕐᒧᑦ ᐅᓂᑳᓕᐊᖑᓯᒪᔪᓂᒃ ᖃᐅᔨᓴᖅᑕᐅᒐᔭᕐᒪᑕ ᖃᐅᔨᒋᐋᕈᑕᐅᓗᑎᒃ ᑎᑭᐅᒪᔭᖏᑦ ᐊᒻᒪᓗ ᐃᖃᓇᐃᔮᕆᔭᐅᒐᔭᖅᑐᓂᑦ ᐃᖃᓇᐃᔮᒧᑦ. ᑕᒪᓐᓇ ᒪᑯᓂᖓᑐᐋᖅ ᐱᓕᕆᐋᖑᔭᕆᐊᖃᒃᑎᑦᑎᖕᒪᑦ ᐃᖃᓇᐃᔭᑦ ᑕᐃᒃᑯᐊ ᓈᒻᒪᒋᔭᐅᔭᕆᐊᖃᒃᑎᑦᑎᔪᑦ ᐱᕋᔭᒃᓯᒪᔪᖅᓯᐅᑎᑦ ᐅᓂᑳᓕᐊᖑᓯᒪᓂᖏᓐᓂᑦ ᐅᕝᕙᓘᓐᓃᑦ ᐱᓂᕐᓗᒃᑕᐅᑐᐃᓐᓇᕆᐊᖃᓂᖓᓄᑦ ᐃᖃᓇᐃᔭᕐᕕᖁᑎ ᖃᐅᔨᓴᖅᑕᐅᓗᓂ.
• ᐃᖃᓇᐃᔭᖅᑖᕋᓱᐋᖅᑐᑦ ᑐᓂᓯᔪᓐᓇᖅᐳᑦ ᐃᖃᓇᐃᔮᖅᑕᕋᓱᐊᕈᑎᒥᖕᓂᑦ ᓇᓪᓕᐋᓄᑐᐃᓐᓇᖅ ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓂᕐᒧᑦ ᓄᓇᕗᕐᒥ.
• ᐃᖅᑲᓇᐃᔮᖅᑖᕋᓱᒃᑐᑦ ᓈᒻᒪᒋᔭᐅᒍᑎᒃ ᐊᐱᖅᓱᖅᑕᐅᒐᔭᖅᑐᑐᐊᑦ.
• ᐃᖅᑲᓇᐃᔮᖅᑖᕋᓱᒃᑐᖅ ᑲᒪᒋᔭᕆᐊᖃᖅᐸᐅᒃ ᐃᓕᓐᓂᐊᒃᑲᓐᓂᕐᓂᕆᓯᒪᔭᖓᓂᒃ ᓇᓗᓇᐃᒃᑯᑕᕐᓂᒃ ᑕᕆᐅᑉ ᐊᑭᐊᓂᕐᒥᐅᓂᒃ ᐱᔪᓐᓇᕐᓂᕋᖅᑕᐅᓯᒪᔪᓂᒃ ᖃᐅᔨᓴᖅᑕᐅᔭᕆᐊᖃᖅᑐᓂᒃ ᐃᓕᓴᕆᔭᐅᓯᒪᔪᒥᒃ ᑲᓇᑕᐅᑉ ᐃᓕᓐᓂᐊᖅᑐᓕᕆᔨᒃᑯᖏᑎᒍᑦ. ᑖᓐᓇ ᐱᓕᕆᐊᖑᖏᑉᐸᑦ ᐃᖅᑲᓇᐃᔮᖅᑖᕋᓱᒃᑐᖅ ᑕᑯᓇᒃᑕᐅᙱᑐᐃᓐᓇᕆᐊᓕᒃ ᖁᔭᓈᖅᑕᐅᓗᓂ.