ᓯᕗᒧᐊᕈᑎᒋᔭᕗᑦ
ᐃᓄᐃᑦ ᐱᖅᑯᓯᖏᑦ
ᐊᓯᖏᑎᑐᑦ ᒐᕙᒪᐅᓯᒪᔪᑎᑐᑦ ᑭᖑᓂᑦᑎᓐᓂ, ᑐᙵᕕᖃᕐᓂᐊᖅᑐᒍᑦ ᓯᑕᒪᐅᔪᖅᑐᓂᒃ ᐃᓄᐃᑦ ᐱᖅᑯᓯᖏᓐᓂᒃ:
ᐃᓅᖃᑎᒌᑦᓯᐊᕐᓂᖅ:
ᐅᐱᒋᔭᖃᑦᓯᐊᕐᓂᖅ, ᐃᓚᒌᑦᓯᐊᕐᓂᖅ ᐊᓯᒥᓂᓪᓗ ᐃᑉᐱᒋᔭᖃᑦᓯᐊᕐᓂᖅ.
ᑐᙵᓇᕐᓂᖅ:
ᒪᑐᐃᖓᓂᖅ ᐱᑦᓯᐊᓂᒃᑯᑦ, ᐃᓚᕋᓇᙱᓐᓂᖅ ᐊᑕᖏᖅᑎᑦᓯᓂᕐᓗ.
ᐱᔨᑦᓯᕐᓂᖅ:
ᐃᓚᑦᑎᓐᓂᒃ, ᐃᓅᖃᑎᑦᑎᓐᓄᓪᓗ ᐊᒻᒪᓗ ᓄᓇᖅᑲᑎᑦᑎᓐᓂᒃ ᐱᔨᑦᓯᕈᑎᖃᕐᓗᓂ.
ᐋᔩᖃᑎᒌᓐᓂᖅ:
ᐃᓱᒪᓕᐅᖃᑎᒌᓪᓗᓂ, ᐅᖃᖃᑎᒌᓐᓂᒃᑯᑦ ᐊᒻᒪᓗ ᐊᖏᖃᑎᒌᓐᓂᒃᑯᑦ.
ᐱᓕᒻᒪᒃᓴᕐᓂᖅ/ᐱᔭᕆᐅᖅᓴᕐᓂᖅ:
ᐊᔪᕈᓐᓃᖅᓴᕐᓂᖅ ᓱᓇᓕᕆᓗᓂ, ᐱᓇᓱᓐᓂᒃᑯᑦ, ᐆᑦᑐᕋᕐᓂᒃᑯᑦ.
ᐱᓕᕆᖃᑎᒌᓐᓂᖅ/ᐃᑲᔪᖃᑎᒌᓐᓂᖅ:
ᐃᑲᔪᖅᑎᒌᓐᓂᖅ ᐃᓄᑑᔾᔨᖏᓪᓗᓂ ᐃᓕᕆᔭᕆᐊᓕᓐᓂᒃ ᐃᖅᑲᓇᐃᔭᖃᑎᖃᕐᓗᓂ.
ᖃᓄᖅᑑᕐᓂᖅ:
ᐃᓱᒪᑦᓴᖅᓯᐅᕐᓂᖅ ᐋᖅᑭᒋᐊᓕᒻᒥᒃ ᐋᖅᑭᑦᓯᓇᓱᓪᓗᓂ.
ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ:
ᐃᑉᐱᒍᓱᑦᓯᐊᓂᖅ, ᑲᒪᑦᓯᐊᕐᓂᕐᓗ ᓄᓇᒥᒃ, ᓄᕐᔪᑎᓂᒃ ᐊᒻᒪᓗ ᐊᕙᑎᑦᑎᓐᓂᒃ.
ᑲᔪᓯᒍᑎᖃᕐᓂᐊᕐᒥᔪᒍᑦ ᒐᕙᒪᒃᑯᑦ ᐊᑑᑎᖃᑦᓯᐊᕐᓂᖅᓴᐅᖁᓪᓗᒋᑦ ᑐᕌᖓᓂᖃᑦᓯᐊᕐᓗᑎᓪᓗ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ ᐃᓄᐃᓪᓗ ᐱᖅᑯᓯᖏᑎᒍᑦ ᐱᖁᔭᖏᓐᓂᒃ ᐊᑐᐊᒐᖏᓐᓂᓪᓗ.