ᓄᓇᓕᖕᓂ ᐱᕙᓪᓕᐊᔪᓕᕆᔨ – ᐱᓕᕆᔾᔪᑎᓕᕆᓂᕐᒧᑦ

ᑖᓐᓇ ᐃᖅᑲᓇᐃᔮᒃᓴᖅ ᑭᒃᑯᑐᐃᓐᓇᓅᖓᔪᖅ.

ᓄᓇᕗᑦ ᒐᕙᒪᖓᑦ ᓂᕈᐊᕐᑕᐅᓚᐅᕐᓯᒪᒻᒪᑦ ᐃᓚᒋᔭᐅᓂᖏᓐᓄᑦ ᑲᓇᑕᒥ ᐊᔾᔨᒌᖏᑦᑐᓂᑦ ᐃᖅᑲᓇᐃᔭᕐᑎᖃᕈᓐᓇᕐᓂᖏᓐᓄᑦ, ᖁᑦᓯᓂᕐᐹᖑᓪᓗᓂ ᐃᓅᓱᑦᑐᓂᑦ ᐃᖅᑲᓇᐃᔭᕐᑎᖃᕐᓂᖏᓐᓄᑦ, ᐊᒻᒪ ᒫᓐᓇᓂᓴᕐᓂᑦ ᐃᓕᓐᓂᐊᕐᕕᒻᒥ ᐱᔭᕇᕋᑖᕐᓂᑯᓂᑦ 2023−ᖑᑎᓪᓗᒍ. ᓄᓇᕗᑦ ᐱᕙᓪᓕᐋᑎᑦᑎᓂᖅᐹᖑᖕᒪᑦ, ᐆᒻᒪᕆᒃᑑᓪᓗᓂ ᓄᓇᓕᖃᕐᕕᒃ, ᐃᒪᓐᓇᐅᔪᒪᓪᓗᓂ ᐱᐅᓂᖅᐹᖑᓕᕈᒪᓪᓗᓂ ᐃᓂᒋᔭᐅᔪᓐᓇᕋᔭᕐᓂᕐᒥ ᓯᕗᓂᒃᓴᒥ ᑭᖑᕚᕆᔭᐅᓂᐊᖅᑐᓄᑦ. ᒐᕙᒪᐅᓂᑦᑎᓐᓄᑦ, ᓴᙱᓂᖅᓴᐅᓕᖅᑎᑦᑎᕙᓪᓕᐊᒐᑦᑕ ᐊᔾᔨᐅᖏᑦᑐᖁᑎᑕ ᐋᖅᑭᒃᓯᒪᓂᖓᓂᑦ ᐊᐅᓚᑦᑎᓂᕐᒥ – ᐃᓚᓕᐅᔾᔨᓪᓗᓂᓗ ᐃᓄᐃᑦ ᐃᓅᖃᑎᒋᖕᓂᕐᒧᑦ ᐱᕕᐋᕐᓇᖅᑐᖁᑎᖏᓐᓂᑦ, ᐊᑐᖅᑕᐅᓂᖅᓴᐅᑎᑦᑎᓪᓗᓂ ᐃᓄᒃᑐᑦ ᐅᖃᓪᓚᒍᓯᖓᓂᑦ, ᐱᕙᒡᓗᓂ ᑭᒡᒐᖅᑐᐃᔪᒥᒃ ᒐᕙᒪᒃᑯᓐᓂ ᐱᔨᑦᓯᕈᑎᒥᒃ, ᐊᒻᒪᓗ ᐃᖃᓇᐃᔭᖃᑎᖃᓲᖑᓪᓗᑕ ᐱᓕᕆᖃᑎᒋᔭᑦᑎᓐᓂᑦ ᐱᔪᓐᓇᖅᓯᖁᓪᓗᒋᑦ ᐱᔭᐅᓂᐋᕐᓂᕋᒃᑕᐅᓯᒪᔪᓂᒃ ᓄᓇᕗᕐᒧᑦ. ᑲᔪᓯᑎᑕᐅᔪᑦ ᐃᖃᓇᐃᔭᖅᑖᕋᓱᐊᖅᑐᑦ ᖁᕕᐋᒋᔭᖃᕋᔭᖅᑐᑦ ᐱᐅᓚᒥᒃ ᑮᓐᓇᐅᔭᒃᓴᓂᕐᒥᑦ, ᐃᓅᓕᓴᐅᑎᓂ ᐊᒻᒪᓗ ᑭᒍᓐᓂᐋᖅᑕᐅᓂᕐᒧᑦ ᐃᑲᔪᖅᑕᐅᔾᔪᑎᓂᒃ, ᓇᓗᓇᐃᖅᑕᐅᓯᒪᓗᓂ ᐃᑲᔪᖅᑕᐅᔾᔪᑎ ᐃᑦᑐᐋᕿᓂᕐᒧᑦ ᐸᕐᓇᒍᑎ, ᓅᑦᑕᕆᐊᖃᑐᖃᑉᐸᑦ ᐱᔪᓐᓇᖅᑎᑕᐅᔾᔪᑎᓂᑦ ᐊᒻᒪᓗ ᐱᔪᓐᓇᖅᑎᑕᐅᓗᑎᒃ ᐊᔪᕈᓐᓃᖅᓴᓂᕐᒥᑦ ᐊᒻᒪᓗ ᐃᖃᓇᐃᔮᒥ ᐊᔪᖏᓐᓂᖅᓴᐅᓕᖅᐸᓪᓕᐋᓂᕐᒥᑦ.

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᕝᕕᐅᕗᖅ ᓄᓇᕗᑦ ᒐᕙᒪᖓᓂ ᐱᔨᑦᑎᖅᖢᑎᒃ ᐃᒡᓗᓕᕆᓂᕐᒥᒃ ᐃᓄᒋᐊᒃᓯᕙᓪᓕᓂᖅᐹᖑᓪᓗᓂ ᐊᕐᕌᒍᑭᓐᓂᖅᐹᖑᓪᓗᑎᒡᓗ ᑲᓇᑕᒥ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᐊᖓ ᓴᖅᑭᑎᑦᑎᓗᑎᒃ, ᐱᓕᕆᐊᖃᑎᖃᕐᓗᑎᒃ, ᐊᒻᒪᓗ ᐊᐅᓚᑦᑎᓗᑎᒃ ᓴᖅᑭᑕᐅᓯᒪᔪᓂᒃ ᓈᒻᒪᒃᑐᓂᒃ ᐊᑐᐃᓐᓇᐅᑎᑕᐅᔪᓂᒃ ᐃᒡᓗᒥᒃ ᐊᑐᖅᑐᐊᖅᑕᒥᓂᒃ ᐊᑭᓕᖅᓱᒐᒃᓴᐅᓂᖅᓴᐅᓗᑎᒃ ᐃᓚᒌᓄᑦ ᑭᓇᑐᐃᓐᓇᕐᒧᓪᓗ ᓄᓇᕗᒻᒥ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᖃᖓᑦᑎᐊᖅ ᓄᓇᕗᒻᒧᑦ 3000 ᐸᕐᓇᒍᑎ, (www.igluliuqatigiingniq.ca) ᐱᓕᕆᖃᑎᒌᖕᓂᒃᑯᑦ ᒐᕙᒪᒃᑯᑎᒍᑦ ᐱᓕᕆᖃᑎᖏᓪᓗ ᓴᖅᑭᑎᑦᑎᓗᑎᒃ 3,000−ᓂᒃ ᓄᑖᓂᒃ ᐃᒡᓗᒋᔭᐅᔪᒃᓴᓂᒃ ᐱᓕᕆᐊᖑᐃᓐᓇᕋᔭᖅᖢᓂ 2030−ᒨᖓᓗᒍ.

ᐊᐅᓚᑦᑎᔨᒥ ᐊᖓᔪᖅᑳᖃᕐᓗᓂ, ᓄᓇᓕᖕᓂ ᐱᕙᓪᓕᐊᔪᓕᕆᓂᕐᒧᑦ – ᐱᓕᕆᔾᔪᑎᓕᕆᓂᕐᒧᑦ, ᓄᓇᓕᖕᓂ ᐱᕙᓪᓕᐊᔪᓕᕆᔨ – ᐱᓕᕆᔾᔪᑎᓕᕆᓂᕐᒧᑦ ᐃᑲᔪᖃᑦᑕᖅᑐᖅ ᖃᓄᐃᓕᖓᓂᐅᓂᐊᖅᑐᓂᒃ, ᓴᓇᔭᐅᔪᓂᒃ ᐊᒻᒪ ᐱᓕᕆᐊᓂᒃ/ᑳᓐᑐᕌᓂ ᐊᐅᓚᑦᑎᔪᓂᒃ ᐃᒡᓗᓕᕆᔨᒃᑯᑦ ᐃᒡᓗᖏᓐᓂᒃ ᐊᒻᒪ ᐃᖅᑲᓇᐃᔭᖅᑎᐅᔪᑦ ᐃᒡᓗᖏᓐᓂᒃ. ᖃᐅᔨᓴᖃᑦᑕᕐᓂᒃᑯᑦ, ᐸᕐᓇᐅᓯᐅᕐᓂᒃᑯᑦ, ᐊᔪᕈᓐᓃᕐᓴᖃᑦᑕᕐᓂᒃᑯᑦ ᐊᒻᒪ ᐃᑲᔪᖅᑕᐅᓂᒃᑯᑦ ᐅᓇ ᓂᕈᐊᕆᔭᐅᔪᖅ ᐃᑲᔪᖃᑦᑕᕋᔭᖅᑐᖅ ᓄᓇᓕᖕᓂ ᐱᓕᕆᖃᑎᒋᔭᐅᖃᑦᑕᖅᑐᓂᒃ ᐱᓕᕆᐊᖃᕐᓗᑎ ᑕᒪᐃᓐᓂ ᐃᒡᓗᓕᕆᓂᕐᒧᑦ ᐱᓕᕆᔾᔪᑎᒃᓴᓂᒃ ᐃᑲᔫᑎᖃᖅᖢᑎᒃ ᐃᒡᓗᓕᕆᔨᕐᔪᐊᒃᑯᓐᓂᒃ. ᓂᕈᐊᕆᔭᐅᔪᖅ ᐱᓕᕆᔾᔪᑎᓕᕆᓂᒃᑯᑦ ᐃᑲᔪᖃᑦᑕᕐᑐᖅ ᓇᖕᒥᓂᖅ ᐃᒡᓗᒋᔭᐅᔪᓂᒃ ᓱᕋᒃᓯᒪᔪᓕᕆᓂᕐᒧᑦ ᐱᓕᕆᐊᑎᒍᑦ ᐊᒻᒪ ᐱᓕᕆᕙᒡᓗᓂ ᓄᓇᕗᒥᑦ ᒐᕙᒪᒃᑯᑦ ᐊᒻᒪ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᑐᐊᒐᖏᑦᑎᒍᑦ ᐊᒻᒪ ᐊᑐᖃᑦᑕᖅᑕᖏᑦᑎᒍᑦ ᐊᒻᒪᓗ ᐃᒡᓗᓄᑦ ᐊᑐᕆᐊᖃᖅᑐᓂᒃ ᐊᒻᒪ ᐱᖁᔭᓂᒃ.

ᐊᑑᑎᖃᓂᖅᐹᑦ ᑲᒪᒋᔭᕆᓂᐋᑦᑕᖏᑦ ᐃᖃᓇᐃᔭᖅᑖᖅᑑᑉ ᐃᖃᓇᐃᔭᑕᕋᓱᐊᖃᑕᐅᓯᒪᔪᓂ ᐃᓚᖃᓂᐋᒻᒥᔪᑦ ᒪᑯᓂᖓ:

• ᑐᑭᒧᐊᖅᑎᑦᑎᔨᐅᕙᒡᓗᓂ ᓄᑖᙳᕆᐊᖅᑎᑦᑎᓂᐅᔪᓂᒃ, ᐱᐅᓯᕚᓕᖅᑎᑦᑎᓂᐅᔪᓂᒃ ᐊᒻᒪᓗ ᐱᐅᑎᑦᑎᓂᕐᓴᐅᓂᕐᒧᑦ ᐱᓕᕆᐊᓂᒃ ᐊᒻᒪᓗ ᓱᕋᒃᓯᒪᔪᓕᕆᓂᕐᒥᒃ ᓴᓇᕝᕕᐅᔪᑦ ᐱᖁᑎᖏᓐᓂᒃ;
• ᐅᖃᖃᑎᖃᕐᐸᒡᓗᓂ ᓄᓇᓕᖕᓂ ᐃᒡᓗᓕᕆᓂᕐᒧᑦ ᐱᓕᕆᐊᓂᒃ ᒪᐅᓇ ᑲᑎᒪᑎᑦᑎᖃᑦᑕᕐᓂᒃᑯᑦ, ᐃᓕᓐᓂᐊᕐᓗᑎᒃ ᑲᑎᒪᓂᑎᒍᑦ, ᐱᓕᕆᖃᑎᖃᕐᓂᒃᑯᑦ ᓄᓇᓕᖕᓂ ᑲᑐᔾᔨᖃᑎᒌᖑᔪᓂᒃ ᐊᒻᒪᓗ ᐱᔨᑦᑎᕋᖅᑕᐅᔪᓂᒃ ᐅᖃᖃᑎᖃᕐᐸᒡᓗᓂ;
• ᖃᐅᔨᓴᖃᑦᑕᕐᓗᓂ ᐊᒻᒪ ᐃᓱᒪᓕᐅᕆᕙᒡᓗᓂ ᐱᐅᓯᕚᓪᓕᕈᑎᐅᔪᓐᓇᖅᑐᓂᒃ ᐱᓕᕆᐊᖃᕐᓂᒃᑯᑦ ᐊᒻᒪᓗ ᓇᓗᓇᐃᕐᓯᕙᒡᓗᓂ ᓈᒻᒪᙱᓕᐅᕈᑎᐅᑐᐃᓐᓇᕆᐊᓕᖕᓂ ᐱᐊᓂᒃᑕᐅᓯᒪᓕᕐᐸᑕ;
• ᖃᐅᔨᓴᖃᑦᑕᕐᓗᓂ ᐃᒡᓗᓕᐅᕐᓂᕐᒧᑦ ᐊᑐᕆᐊᖃᖅᑐᑦ ᒪᓕᒃᑕᐅᒐᓗᐊᕐᒪᖔᑕ ᐊᒻᒪ ᑳᓐᑐᕌᓄᑦ ᑎᑎᕋᖅᑕᐅᓯᒪᔪᑦ;
• ᐋᔩᖃᑎᖃᖅᐸᒡᓗᓂ ᑳᓐᑐᕌᖃᖅᐸᒃᑐᓂᒃ ᐊᒻᒪ ᐊᓯᖏᓐᓂᒃ ᑎᒍᒥᐊᖅᑐᓂᒃ ᑕᐃᒪᐃᖁᔭᐅᒃᐸᑦ.

ᖃᐅᔨᒪᓂᐅᔪᑦ, ᐊᔪᙱᓐᓂᐅᔪᓪᓗ ᐊᒻᒪ ᐱᔪᓐᓇᕐᓂᐅᔪᑦ ᐃᖅᑲᓇᐃᔮᒥᒃ ᐱᔭᐅᕙᒃᑐᑦ ᒪᐅᓇ ᐱᐊᓂᒃᓯᓯᒪᓗᓂ ᓇᓗᓇᐃᒃᑯᑎᑖᕈᑎᒥᒃ (Red Seal Endorsement) ᐊᖏᕐᕋᕆᔭᐅᔪᓂᒃ ᓴᓇᔪᓐᓇᓕᕐᓂᕐᒧᑦ ᒪᑯᓂᖓ ᓇᓕᐊᓐᓂ ᕿᔪᓕᕆᔨ, ᓱᓪᓗᓕᕆᔨ, ᐅᕐᓱᐊᓗᒃᒨᖅᑐᓂᒃ ᐅᖅᑰᓴᐅᑎᓂᒃ ᐱᓕᕆᔾᔪᑎᓕᕆᓂᕐᒥᒃ, ᐅᐊᔭᓕᕆᓂᖅ, ᐊᓯᖏᓐᓂᓪᓗ. ᐊᕐᕌᒍᓂ ᑕᓪᓕᒪᓂᒃ (5) ᑕᒪᐅᓇ ᐃᖅᑲᓇᐃᔮᖃᓕᒪᓗᓂ ᐃᒪᐃᑦᑑᓗᓂ ᐃᒡᓗᓂ ᖃᐅᔨᓴᖅᑎ, ᓴᓇᕝᕕᒃᒥ ᑲᒪᔨ, ᐃᒡᓗᓕᐅᖅᑐᓂᒃ ᑐᑭᒧᐊᖅᑎᑦᑎᔨ, ᐱᓕᕆᐊᒃᓴᓕᕆᔨ, ᐱᓕᕆᐊᒃᓴᓄᑦ ᐊᐅᓚᑦᑎᔨ ᐅᕝᕙᓘᓐᓃᑦ ᑕᒪᐅᖔᖓᔪᓂ, ᐃᓚᖃᕐᒥᓗᓂ ᐱᓕᕆᐊᖃᓕᒪᓂᕐᒥᒃ ᐱᓕᕆᐊᓂᒃ ᐱᓕᕆᖃᑎᒌᒃᑐᓂᒃ ᐃᒡᓗᓕᐅᕐᓂᕐᒥᓪᓘᓐᓃᑦ ᖃᓄᐃᓕᖓᓂᒃᓴᖏᓐᓂᓪᓘᓐᓃᑦ, ᐊᐅᓚᑕᐅᔾᔪᑎᓂᒃ ᐊᒻᒪ ᓱᕋᒃᓯᒪᔪᓕᕆᓂᕐᒥᒃ ᐅᕝᕙᓘᓐᓃᑦ ᐃᒡᓗᓕᐅᓂᕐᒥ ᐱᐊᓂᒃᓯᓂᕐᒥᒃ. ᐊᔪᕈᓐᓃᕐᓯᒪᓗᓂ ᐋᖅᑭᒃᓱᐃᔪᓐᓇᕐᓂᕐᒥᒃ ᐱᓕᕆᐊᖑᓂᐊᖅᑐᓂᒃ ᐊᒻᒪ ᖃᔅᓯᑐᕋᔭᕐᓂᖏᓐᓂᒃ ᐊᒻᒪ ᐃᒡᓗᒥ ᖃᐅᔨᓴᕐᓂᕐᒥᒃ. ᓂᒡᓚᓱᒃᑐᒥ ᐃᒡᓗᐃᑦ ᖃᓄᐃᓕᖓᓂᒃᓴᖏᓐᓂᒃ ᐊᒻᒪ ᐃᒡᓗᓕᐅᖃᑕᐅᓯᒪᓂᖅ ᐱᐅᒋᔭᐅᓂᐊᕐᒥᔪᑦ. ᕿᔪᓕᕆᓂᕐᒥᒃ ᐱᓕᕆᖃᑦᑕᖅᓯᒪᒃᐸᑦ ᐱᔪᒥᒋᔭᐅᓂᖅᓴᐅᕗᖅ.

ᓈᒻᒪᒋᔭᐅᒐᔭᕐᒪᑕ ᐊᑕᐅᑦᑎᒃᑰᖅᓯᒪᒃᐸᑕ ᐃᓕᓐᓂᐊᖅᓯᒪᓂᖅ ᐊᒻᒪᓗ ᐃᖃᓇᐃᔭᖅᓯᒪᓂᑦ ᐃᓱᒪᒋᔭᐅᖃᓯᐅᑎᔪᓐᓇᕋᔭᕐᒥᔪᑦ ᑖᔅᓱᒧᖓ ᐃᖃᓇᐃᔭᒧᑦ. ᐃᓕᖕᓂᑦ ᑲᔪᖏᖅᓴᐃᕗᒍᑦ ᐃᖃᓇᐃᔭᖅᑖᕋᓱᐋᖁᓪᓗᑎᑦ ᐱᖃᑐᐋᕈᕕᑦ ᑕᐃᒪᓗᐊᐸᓘᖃᑎᖏᓐᓂᑦ ᐊᕐᕌᒍᓂ ᐃᓕᓐᓂᐊᖅᓯᒪᓂᖃᕈᕕᑦ ᐊᒻᒪᓗ/ᐅᕝᕙᓘᓐᓃᑦ ᐃᖃᓇᐃᔭᖅᓯᒪᓗᑎᑦ ᑕᐃᒫᓪᓗᐊᖃᑕᐅᓗᑎᒃ ᐃᓕᓐᓂᐊᖅᓯᒪᓂᕐᒧᑦ ᐊᒻᒪᓗ ᐃᖃᓇᐃᔭᖅᓯᒪᓂᕐᒧᑦ ᐱᔭᐅᓯᒪᖁᔭᐅᓪᓗᑎᒃ ᑎᑎᖅᑕᐅᓯᒪᔪᓂᑦ ᑕᑉᐸᒃᑯᓇᓃᑦᑐᓂᑦ.

ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓃᑦ ᓄᓇᕗᕐᒥ ᒪᑯᐊᖑᖕᒪᑕ ᐃᓄᒃᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᕕᒃᑯᑎᑐᑦ. ᐃᖃᓇᐃᔭᖅᑖᕋᓱᐋᖅᑐᑦ ᑐᓂᓯᔪᓐᓇᖅᐳᑦ ᐃᖃᓇᐃᔮᖅᑕᕋᓱᐊᕈᑎᒥᖕᓂᑦ ᓇᓪᓕᐋᓄᑐᐃᓐᓇᖅ ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓂᕐᒧᑦ ᓄᓇᕗᕐᒥ. ᐅᖃᕈᓐᓇᑦᑎᐊᕐᓗᓂ ᑎᑎᕋᕈᓐᓇᑦᑎᐊᕐᓗᓂᓗ ᐅᓄᕐᓂᖅᓴᐅᔪᒥ ᐊᑕᐅᓯᕐᒥ ᓄᓇᕘᑉ ᒪᓕᒐᑎᒍᑦ ᐊᑐᖅᑕᐅᖁᔭᐅᓯᒪᔪᑦ ᐅᖃᐅᓯᓂᑦ ᐃᓱᒪᒋᔭᐅᓇᔭᖅᐳᖅ ᐱᒻᒪᕆᐅᓂᖓᓂ. ᖃᐅᔨᒪᓗᓂ ᐃᓄᖕᓄᑦ ᓄᓇᓕᖕᓂᑦ, ᐃᓕᖅᑯᓯᖏᓐᓂᑦ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᐊᒻᒪᓗ ᐃᖃᓇᐃᔭᖅᓯᒪᓗᓂ ᐃᖃᓇᔭᓪᓗᓂ ᐅᑭᐅᖅᑕᖅᑐᕐᒥ ᐊᔾᔨᒌᖏᑦᑐᓂᒃ−ᐃᓕᖅᑯᓯᓕᖕᓄᑦ ᐃᖃᓇᐃᔭᕐᕕᖕᒥ ᐃᓱᒪᒋᔭᐅᖃᓯᐅᑎᖕᒪᑕ ᐊᑑᑎᖃᓂᖏᓐᓂᑦ.

ᐱᔪᓐᓇᖅᑎᑕᐅᓂᕐᒧᑦ ᑎᑎᖅᓯᒪᔪᑦ ᓴᓇᔭᐅᔪᓐᓇᖅᓯᔪᓐᓇᖅᑐᑦ ᐃᓐᓄᒃᑕᐅᖁᓪᓗᒋᑦ ᒫᓐᓇ ᐊᒻᒪᓗ
ᓯᕗᓂᒃᓴᒥ ᐃᖃᓇᐃᔭᖅᑎᖃᖏᑦᑐᖃᓕᕐᓂᖅᐸᑦ ᓇᓪᓕᐋᖕᓂᑐᐃᓐᓇᖅ
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑎᒥᖁᑖᓂ ᐃᓘᓐᓇᖏᓐᓂ ᓄᓇᓕᓕᒫᓂ.

ᑖᔅᓱᒥᖓ ᐃᖅᑲᓇᐃᔮᖅᑖᕈᒪᓐᓂᕈᕕᑦ, ᖃᕆᑕᐅᔭᒃᑯᑦ ᐃᕐᖐᓐᓈᕈᑎᒃᑯᑦ ᓇᒃᓯᐅᑎᔪᓐᓇᖅᑕᑦ ᑎᑎᖅᑲᓕᐊᑦ ᐃᖅᑲᓇᐃᔭᖅᑖᕋᓱᐊᕈᑎᒥᒡᓗ ᐅᕗᖓ @email. ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᖃᕆᑕᐅᔭᒃᑯᑦ ᐃᕐᖐᓐᓈᕈᑎᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᔪᒪᖕᒪᑦ ᓴᕿᑎᑦᑎᔪᒪᓪᓗᓂ ᑭᒡᒐᖅᑐᐃᓂᕐᒧᑦ ᐃᖃᓇᐃᔭᖅᑎᐅᖃᑎᒌᓂᑦ; ᑕᐃᒪᐃᒻᒪᑦ, ᓯᕗᓪᓕᐅᑎᑕᐅᓇᓱᖕᓂᐋᖅᑐᑦ ᓄᓇᕗᑦ ᐃᓄᖏᑦ ᑕᐃᒃᑯᐊ ᓇᖕᒥᓂᖅ−ᓇᓗᓇᐃᖅᑐᑦ ᐊᑎᓕᐅᖅᑕᐅᓯᒪᓂᕋᕐᓗᑎᒃ ᓄᓇᕗᒻᒥ ᓄᓇᕗᑦᑖᕈᑎᑦ ᐊᖏᖃᑎᒋᒍᑎᖏᓐᓂ ᒪᓕᒡᓗᒍ ᓯᕗᓪᓕᐅᑎᑕᐅᔭᕆᐊᖃᕐᓂᖏᓐᓄᑦ ᐃᖃᓇᐃᔭᓕᖅᑎᑦᑎᓂᕐᒧᑦ ᐊᑐᐊᒐᕐᒧᑦ.
• ᓄᓇᕗᑦ ᒐᕙᒪᒃᑯᑦ ᐃᖃᓇᐃᔭᖅᑎᖏᑦ ᐃᖃᓇᐃᔭᖅᑐᑦ ᖃᐅᔨᓴᖅᑕᐅᓗᑎᒃ ᐃᖃᓇᐃᔭᖅᑎᑕᐅᔪᑦ ᐱᔭᕆᐊᖃᒃᑎᑕᐅᕗᑦ ᐊᒻᒪᓗ ᑐᓂᓯᓗᑎᒃ ᑎᑎᕋᒃᓯᒪᔪᓂᒃ ᐱᓕᕆᔪᓐᓇᖅᑎᑦᑎᔾᔪᑎᓂᒃ ᑐᖓᓂᖅ ᓂᐊᖁᕆᔭᐅᔪᒦᙵᕐᓗᑎᒃ ᐃᖃᓇᐃᔭᖅᑎᑦᑎᔨᒋᔭᖏᓐᓅᕐᓗᑎᒃ ᐱᓕᕆᕕᖕᒧᑦ. ᐱᓕᕆᔪᓐᓇᖅᓯᑎᑦᑎᔪᑦ ᑐᖓᓕᖅ ᓂᐊᖁᕆᔭᐅᔪᒦᖓᖅᑐᑦ ᐱᖃᓯᐅᔾᔨᓯᒪᔭᕆᐋᓕᑦ ᐃᖃᓇᐃᔮᖅᑖᕋᓱᐋᕈᑎᖕᓂᑦ ᑐᒃᓯᕋᐅᑎᒋᔭᑎᑦ ᐃᓱᒪᒃᓴᖅᓯᐅᕈᑕᐅᔪᓐᓇᖅᓯᖁᓪᓗᒍ.
• ᐃᖅᑲᖅᑐᐃᕕᒃᑯᑦ ᐸᓯᔭᒃᓴᕕᓃᑦ ᐃᖅᑲᓇᐃᔮᖅᑖᕋᓱᒃᑐᓄᑦ ᐃᓱᒪᒃᓴᖅᓯᐅᔾᔪᑕᐅᒐᔭᖅᐳᑦ. ᖃᐅᔨᓴᖅᓯᓂᖅ ᐱᕋᔭᒃᓯᒪᓂᕐᒧᑦ ᐅᓂᑳᓕᐊᖑᓯᒪᔪᓂᒃ ᖃᐅᔨᓴᖅᑕᐅᒐᔭᕐᒪᑕ ᖃᐅᔨᒋᐋᕈᑕᐅᓗᑎᒃ ᑎᑭᐅᒪᔭᖏᑦ ᐊᒻᒪᓗ ᐃᖃᓇᐃᔮᕆᔭᐅᒐᔭᖅᑐᓂᑦ ᐃᖃᓇᐃᔮᒧᑦ. ᑕᒪᓐᓇ ᒪᑯᓂᖓᑐᐋᖅ ᐱᓕᕆᐋᖑᔭᕆᐊᖃᒃᑎᑦᑎᖕᒪᑦ ᐃᖃᓇᐃᔭᑦ ᑕᐃᒃᑯᐊ ᓈᒻᒪᒋᔭᐅᔭᕆᐊᖃᒃᑎᑦᑎᔪᑦ ᐱᕋᔭᒃᓯᒪᔪᖅᓯᐅᑎᑦ ᐅᓂᑳᓕᐊᖑᓯᒪᓂᖏᓐᓂᑦ ᐅᕝᕙᓘᓐᓃᑦ ᐱᓂᕐᓗᒃᑕᐅᑐᐃᓐᓇᕆᐊᖃᓂᖓᓄᑦ ᐃᖃᓇᐃᔭᕐᕕᖁᑎ ᖃᐅᔨᓴᖅᑕᐅᓗᓂ.
• ᐃᖃᓇᐃᔭᖅᑖᕋᓱᐋᖅᑐᑦ ᑐᓂᓯᔪᓐᓇᖅᐳᑦ ᐃᖃᓇᐃᔮᖅᑕᕋᓱᐊᕈᑎᒥᖕᓂᑦ ᓇᓪᓕᐋᓄᑐᐃᓐᓇᖅ ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓂᕐᒧᑦ ᓄᓇᕗᕐᒥ.
• ᐃᖅᑲᓇᐃᔮᖅᑖᕋᓱᒃᑐᑦ ᓈᒻᒪᒋᔭᐅᒍᑎᒃ ᐊᐱᖅᓱᖅᑕᐅᒐᔭᖅᑐᑐᐊᑦ.
• ᐃᖅᑲᓇᐃᔮᖅᑖᕋᓱᒃᑐᖅ ᑲᒪᒋᔭᕆᐊᖃᖅᐸᐅᒃ ᐃᓕᓐᓂᐊᒃᑲᓐᓂᕐᓂᕆᓯᒪᔭᖓᓂᒃ ᓇᓗᓇᐃᒃᑯᑕᕐᓂᒃ ᑕᕆᐅᑉ ᐊᑭᐊᓂᕐᒥᐅᓂᒃ ᐱᔪᓐᓇᕐᓂᕋᖅᑕᐅᓯᒪᔪᓂᒃ ᖃᐅᔨᓴᖅᑕᐅᔭᕆᐊᖃᖅᑐᓂᒃ ᐃᓕᓴᕆᔭᐅᓯᒪᔪᒥᒃ ᑲᓇᑕᐅᑉ ᐃᓕᓐᓂᐊᖅᑐᓕᕆᔨᒃᑯᖏᑎᒍᑦ. ᑖᓐᓇ ᐱᓕᕆᐊᖑᖏᑉᐸᑦ ᐃᖅᑲᓇᐃᔮᖅᑖᕋᓱᒃᑐᖅ ᑕᑯᓇᒃᑕᐅᙱᑐᐃᓐᓇᕆᐊᓕᒃ ᖁᔭᓈᖅᑕᐅᓗᓂ.