ᐱᓕᕆᐊᑦᓴᓄᑦ ᐊᐅᓚᑦᓯᔨ, ᐱᓕᒻᒪᑦᓴᕐᓂᕐᒧᑦ ᐊᑐᓕᖅᑎᑦᓯᓂᕐᒧᑦ
ᐅᓇ ᐃᖅᑲᓇᐃᔮᒃᓴᖅ ᐃᖃᓗᖕᒥᐅᑕᑐᐊᓄᑦ ᐅᒃᑯᐃᖓᔪᖅ.
ᖃᐅᔨᒃᑲᐅᑎᖃᕐᑕᕐᓗᓂ ᑐᑭᒧᐊᑦᑎᑦᓯᔨᖓᓄ, ᐱᓕᕆᐊᑦᓴᓄᑦ ᐊᐅᓚᑦᓯᔨ, ᐱᓕᒻᒪᑦᓴᕐᓂᕐᒧᑦ ᐊᑐᓕᖅᑎᑦᓯᓂᕐᒧᑦ (ᐱᓕᕆᐊᑦᓴᓄᑦ ᐊᐅᓚᑦᓯᔨ) ᑲᒪᒋᔭᖃᕐᓂᐊᖅᑐᖅ ᐊᐅᓚᑦᓯᓂᕐᒧᑦ ᐊᑐᓕᖅᑎᑦᓯᓂᕐᒧᑦ ᒐᕙᒪᒃᑯᑦ ᓄᓇᕗᒻᒥ (GN) ᐃᖅᑲᓇᐃᔭᖅᑐᓕᕆᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ-ᐊᑦᑐᐊᓂᖃᖅᑐᓂᑦ ᐊᖏᖅᓯᒪᓂᖃᕐᓂᕐᒧᑦ ᐋᖅᑭᑦᑕᐅᓯᒪᔪᓂᑦ ᐱᖓᓲᓕᖅᑲᖓᔪᓂᑦ ᐊᓯᔾᔨᖅᐸᓪᓕᐊᓂᕐᒧᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᖃᓄᐃᓕᐅᕈᑕᐅᔪᒪᔪᓄᑦ (ᐊᓯᔾᔨᖅᐸᓪᓕᐊᓂᕐᒧᑦ ᖃᓄᐃᓕᐅᕈᑕᐅᔪᒪᔪᖅ) ᓴᖅᑭᖅᑎᑕᐅᓯᒪᔪᖅ ᓈᓴᐅᑎᓕᒃ 9-ᒥ ᓄᓇᕗᒻᒥ ᓄᓇᓕᕆᓂᕐᒧᑦ ᓄᓇᒦᖔᖓᔪᓂᓪᓗ ᓇᒻᒥᓂᖅᓱᓕᖅᐸᓪᓕᐊᓂᕐᒧᑦ ᐊᖏᖃᑎᒌᒍᑕᐅᒋᐊᙵᖅᓯᒪᔪᖅ (AIP).
ᐱᓕᕆᐊᑦᓴᓄᑦ ᐊᐅᓚᑦᓯᔨ ᐱᔨᑦᓯᕋᕐᓂᐊᖅᑐᖅ ᒐᕙᒪᒃᑯᑦ ᓄᓇᕗᒻᒥ ᐱᓕᕆᓂᒃᑯᑦ ᐅᖃᐅᔾᔨᒋᐊᖅᑎᐅᓗᓂ ᐱᖓᓲᓕᖓᔪᑦ ᐅᖃᐅᔾᔨᒋᐊᕆᕐᒧᑦ ᑲᑎᒪᔨᕋᓛᑦ (TAC) ᓴᖅᑭᑎᑦᓯᓂᕐᒧᑦ ᐊᑖᓂ ᐃᓚᒍᑖ 9.10 (a) ᓄᓇᕗᒻᒥ ᓄᓇᓕᕆᓂᕐᒧᑦ ᓄᓇᒦᖔᖓᔪᓂᓪᓗ ᓇᒻᒥᓂᖅᓱᓕᖅᐸᓪᓕᐊᓂᕐᒧᑦ ᐊᖏᖃᑎᒌᒍᑕᐅᒋᐊᙵᖅᓯᒪᔪᒥ ᐱᓕᕆᖃᑎᖃᕐᓗᓂᓗ ᐱᓕᕆᖃᑎᑦᑎᓐᓂᑦ ᒐᕙᒪᒃᑯᓐᓂᑦ ᑲᓇᑕᒥ ᓄᓇᕗᒻᒥᓪᓗ ᑐᙵᕕᒃᑯᑦ ᖃᐅᔨᒃᑲᐃᓂᕐᒧᑦ ᑲᒪᒋᔭᖃᕐᓂᕐᒧᓪᓗ ᐊᓯᔾᔨᖅᐸᓪᓕᐊᓂᕐᒧᑦ ᖃᓄᐃᓕᐅᕈᑕᐅᔪᒪᔪᓂᑦ ᐊᑐᓕᖅᑎᑦᓯᓂᕐᒧᑦ. ᐃᖅᑲᓇᐃᔭᖅᑎ ᐱᓕᕆᖃᑎᖃᕐᓂᐊᕐᒥᔪᖅ ᓇᒻᒥᓂᖅᓱᓕᖅᐸᓪᓕᐊᓂᕐᒧᑦ ᐋᔩᖃᑎᒌᑦᑎᓂᑦ ᐊᑐᐃᓐᓇᕈᖅᑎᕆᓂᕐᒧᑦ ᐋᔩᖃᑎᒌᓐᓂᐅᓂᐊᖅᑐᓄᑦ ᑭᖑᓪᓕᐹᖅᒥ ᓇᒻᒥᓂᖅᓱᐸᓪᓕᐊᓂᕐᒧᑦ ᐊᖏᖃᑎᒌᒍᑎᒧᑦ, ᐱᓗᐊᖅᑐᒥ ᐱᔾᔪᑎᓕᓐᓂᑦ ᐃᖅᑲᓇᐃᔭᐃᖅᑐᓕᕆᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᖃᓄᐃᓐᓂᐅᔪᓄᑦ.
ᐱᓕᕆᐊᑦᓴᓄᑦ ᐊᐅᓚᑦᓯᔨ ᑲᒪᒋᔭᖃᕐᓂᐊᖅᑐᖅ ᑕᑎᒋᔭᐅᒐᔭᖅᑐᕐᓗ:
- ᐊᐅᓚᑦᓯᓂᕐᒧᑦ ᑐᑭᒧᐊᑦᑎᑦᓯᓂᕐᒧᓪᓗ ᐊᑐᓕᖅᑎᑦᓯᓂᕐᒧᑦ ᒐᕙᒪᒃᑯᓐᓂᑦ ᓄᓇᕗᒻᒥ- ᓇᓗᓇᐃᖅᓯᒪᔪᓂᑦ ᐊᖏᕈᑕᐅᓯᒪᔪᓂᑦ ᐊᑖᓂ ᐊᓯᔾᔨᖅᐸᓪᓕᐊᓂᕐᒧᑦ ᖃᓄᐃᓕᐅᕈᑕᐅᔪᒪᔪᕐᓄᑦ;
- ᐊᑐᐃᓐᓇᐅᑎᑦᓯᓂᕐᒧᑦ ᐱᓕᕆᓂᒃᑯᑦ ᐅᖃᐅᔾᔨᒋᐊᕐᓂᕐᒧᑦ ᐃᑲᔪᖅᑐᕐᓂᕐᒥᑦ ᒐᕙᒪᒃᑯᓐᓂᑦ ᓄᓇᕗᒻᒥ ᐃᑲᔫᑎᓂᑦ ᐃᓚᒋᔭᐅᓂᕐᒧᓪᓗ ᐱᖓᓲᓕᖓᔪᓄᑦ ᐅᖃᐅᔾᔨᒋᐊᕆᕐᒧᑦ ᑲᑎᒪᔨᕋᓛᓄᑦ;
- ᐊᑐᐃᓐᓇᐅᑎᑦᓯᓂᕐᒧᑦ ᐱᓕᕆᓂᒃᑯᑦ ᐅᖃᐅᔾᔨᒋᐊᕐᓂᕐᒧᑦ ᑐᑭᒧᐊᑦᑎᑦᓯᓂᕐᒧᓪᓗ ᖃᐅᔨᑎᑦᓯᓂᕐᒧᑦ ᑲᒪᒋᔭᖃᕐᓂᕐᒧᓪᓗ ᑕᒪᐃᓐᓄᑦ ᐊᓯᔾᔨᖅᐸᓪᓕᐊᓂᕐᒧᑦ ᖃᓄᐃᓕᐅᕈᑕᐅᔪᒪᔪᓄᑦ ᐊᑐᓕᖅᑎᑦᓯᓂᕐᒧᑦ.
ᑕᒪᓐᓇᑎᒋ ᖃᐅᔨᒪᔭᐅᔪᑦ, ᐊᔪᙱᓐᓂᖏᑦ ᐊᒻᒪ ᐱᓕᕆᔪᓐᓇᕐᓂᖏᑦ ᐱᔭᐅᒐᔪᑉᐳᑦ ᐅᑯᑎᒎᓇ ᐱᔭᕇᖅᓯᓂᕐᒧᑦ ᐱᔭᕇᕈᓯᐊᕐᒥᒃ ᐱᓕᕆᐊᓂᑦ ᐊᐅᓚᑦᓯᓂᕐᒧᑦ, ᐃᖅᑲᓇᐃᔭᖅᑐᓕᕆᓂᕐᒧᑦ, ᐊᐅᓚᑦᓯᓂᕐᒧᑦ ᖃᐅᔨᓴᕐᓂᕐᒧᑦ, ᐃᓕᓐᓂᐊᕐᓂᓕᕆᓂᕐᒧᑦ, ᐃᓅᖃᑎᒌᓐᓂᕐᒧᑦ ᖃᐅᔨᓴᕐᓂᕐᒥᑦ, ᐊᑦᑐᐊᓂᕆᔭᖏᓐᓂᓪᓘᓐᓃᑦ. ᓱᓕᑲᓐᓂᖅ, ᐃᖅᑲᓇᐃᔮᖅᑖᕋᓱᐊᖅᑐᖅ ᐊᕐᕌᒍᕐᓄᑦ ᐱᖓᓱᓄᑦ ᐱᕙᓪᓕᐊᓂᕐᒧᑦ ᑲᒪᒋᔭᖃᖅᓯᒪᒋᐊᖃᖅᑐᖅ, ᐊᑦᑐᐊᓂᖃᖅᑐᓂᓗ ᐱᓕᕆᓯᒪᓂᑰᓗᓂ.
ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᓂᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.
ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.
ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
ᑕᔅᓱᒥᖓ ᐃᖅᑲᓇᐃᔮᒃᓴᒧᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.
- ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
- ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ.
- ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ.
- ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
- ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
- ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ. ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᕈᑏᑦ ᐋᒡᒑᖅᑕᐅᑐᐃᓐᓇᕆᐊᓕᒃ.