ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ − ᐊᕐᕕᐊᓂ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᐱᖓᔪᐊᑦ, ᕖᕝᕗᐊᕆ 14, 2024
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᕐᕕᐊᓂ ᑐᓴᖁᔨᕗᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓪᓗᑎᒃ ᐃᒪᕐᒥᒃ ᖃᓛᖅᑎᑦᑎᓚᐅᙱᓐᓂᖏᓐᓂᒃ ᑭᓯᐊᓂ ᓂᖅᖠᐊᒃᑲᓐᓂᖅᐸᑕ. ᑖᓐᓇ ᐅᓗᕆᐊᓇᖅᑐᒦᑦᑐᖃᖁᓇᒍ ᒪᓕᒃᓗᑎᒃ ᐊᑦᑎᒃᑐᒥᑦ ᐊᒻᒪ ᐊᓯᔾᔨᖅᑕᖅᑐᒥᑦ ᓴᓗᒻᒪᕐᓴᐅᑎᒥᑦ ᐃᒪᖃᐅᑎᒥᑦ.
ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᑎᓪᓗᒋᑦ ᐃᒥᖅᑕᐅᓂᐊᖅᑐᓕᒫᑦ ᖃᓛᖅᑎᓯᒪᔭᕆᐊᖃᖅᐳᑦ
1 ᒥᓂᑦᒥᒃ ᒥᑭᓛᒥᒃ.
ᐃᒪᓕᒫᑦᑎᐊᑦ ᖃᓛᖅᑎᑕᐅᔭᕆᐊᖃᓪᓚᕆᒃᐳᑦ ᐅᑯᓄᖓ ᐊᑐᖅᑕᐅᓂᐊᑐᐊᕈᑎᒃ:
- ᐃᒥᕐᓂᐊᕐᓗᒍ.
- ᐊᒫᒪᒃᑎᑦᑎᓂᐊᖅᑎᓪᓗᑎᑦ ᓄᑕᕋᓛᒥᒃ.
- ᐃᒥᒐᒃᓴᓕᐅᕐᓂᐊᕐᓗᑎᑦ ᓂᓚᓕᐅᕐᓂᐊᕈᕕᓪᓘᓐᓃᑦ.
- ᓰᕐᓇᖅᑐᓂᒃ ᐱᕈᖅᑐᓂᒡᓗ ᐃᕐᕈᖅᑐᐃᓂᐊᕈᕕᑦ.
- ᓂᖅᖠᐅᕐᓂᐊᕈᕕᑦ.
- ᑭᒍᑎᓯᐅᕐᓂᐊᕈᕕᑦ.
ᐃᒪᕐᒥᒃ ᖃᓛᖅᑎᑦᑎᔪᓐᓇᖅᑐᑎᑦ ᐅᒃᑯᓯᒻᒧᑦ ᑐᖅᖢᐊᓕᖕᒧᓪᓘᓐᓃᑦ ᐃᒐᐅᑉ ᖄᖓᒍᑦ ᐅᕝᕙᓘᓐᓃᑦ ᑲᑉᐳᔾᔭᖅᑐᒧᑦ ᐆᓇᖅᓯᑦᑎᔾᔪᑎᒧᑦ ᐃᒻᒥᓂᒃ ᖃᒥᓲᖑᙱᑦᑐᒧᑦ.
ᖁᓛᓂ ᓇᓗᓇᐃᖅᓯᒪᔪᑦ ᐊᓯᖏᓐᓂᒃ ᐊᑐᖅᑕᐅᓂᐊᖅᑐᓄᑦ ᐃᒥᖅ ᖃᓛᖅᑎᑕᐅᔭᕆᐊᖃᙱᑦᑐᖅ.