ᐃᖅᑲᓇᐃᔭᑯᑖᑦᑐᓄᑦ ᐃᓕᑕᕆᔭᐅᔾᔪᓯᐊᕐᓂᕐᒧᑦ ᖁᕕᐊᓲᑎᖃᕐᓂᖅ ᑭᙵᕐᓂᑦ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᓇᒡᒐᔾᔭ, ᒫᔾᔨ 25, 2024
ᒪᓕᒐᓕᐅᖅᑎ ᑕᐃᕕᑎ ᔪᐊᓇᓯ, ᒪᓕᒐᓕᐅᖅᑎ ᕿᑭᖅᑖᓘᑉ ᓂᒋᐊᓄᑦ ᐊᒻᒪ ᐃᖅᑲᓇᐃᔭᖅᑐᓕᕆᔨᒃᑯᑦ ᒥᓂᔅᑕᐅᑉ ᑐᓪᓕᐊ ᑯᕆᔅᑎ ᑯᕉᓐ ᑭᙵᕐᓃᓛᖅᑑᒃ ᒫᑦᓯ 27, 2024−ᒥ, ᑐᓂᓯᔭᖅᑐᕐᓗᑎᒃ ᐃᖅᑲᓇᐃᔭᑯᑖᑦᑐᓄᑦ ᐃᓕᑕᕆᔭᐅᔾᔪᑎᓂᒃ ᐅᐱᒍᓱᓐᓂᕐᒧᑦ ᐃᖅᑲᓇᐃᔭᖅᑎᓂᒃ ᐊᕐᕌᒍᓐᓄᑦ ᑕᓪᓕᒪᓄᑦ, ᖁᓕᓄᑦ ᐊᒻᒪ 15−ᓄ ᐱᔨᑦᓯᕋᖅᓯᒪᔪᓄᑦ 2020−ᒥ ᒫᓐᓇᒧᑦ ᑎᑭᓪᓗᒍ.
ᐃᖅᑲᓇᐃᔭᑯᑖᑦᑐᓄᑦ ᐃᓕᓴᕆᔭᐅᔾᔪᓯᐊᑦ ᐃᓕᑕᕆᔭᐅᖃᑦᑕᖅᐳᑦ ᐱᔪᓐᓇᖅᑎᑕᐅᔪᓂᑦ ᐃᖅᑲᓇᐃᔭᖅᑎᓂᒃ ᐃᖅᑲᓇᐃᔭᐃᓐᓇᖃᑦᑕᖅᑐᓂᑦ ᐊᕐᕕᐊᕈᑎᖃᕋᓂ ᑎᑎᖅᑲᖁᑎᖏᓐᓂ ᐃᖅᑲᓇᐃᔮᖏᓐᓂ. ᐃᓕᑕᕆᔭᐅᔾᔪᑎ ᐊᑐᐃᓐᓇᐅᑎᑕᐅᔪᖅ ᐊᕐᕌᒍᓐᓄᑦ ᑕᓪᓕᒪᓅᖓᔪᑦ ᐱᔨᑦᓯᕋᐃᓐᓇᕐᓂᕐᒧᑦ.
ᖃᓄᐃᓕᐅᕐᓂᐅᔪᖅ ᐃᓚᒋᔭᐅᕗᖅ ᐊᔾᔨᒌᖏᑦᑐᑦ ᐊᕕᑦᑐᖅᓯᒪᐅᖅᑐᓂ ᓄᓇᕘᓕᒫᒥ. ᑲᑎᓐᓂᖅᑕᖃᕐᓂᐊᖅᑐᖅ ᑕᒪᑐᒪᓂ ᐊᕐᕌᒍᕐᒥ ᐅᐱᒍᓱᓐᓂᕐᒧᑦ ᐃᖅᑲᓇᐃᔭᑯᑖᑦᑐᓄᑦ ᐃᖅᑲᓇᐃᔭᖅᑎᓂᒃ 20, 25, 30, 35, 40, ᐊᒻᒪ 45-ᓂ ᐊᕐᕌᒍᓐᓂᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᑯᑖᓐᓂᕐᒧᑦ.