ᐱᔪᒪᓂᖅ ᐃᓚᒋᔭᐅᓂᐊᖅᑐᓂᒃ ᓄᓇᕗᒻᒥ ᐃᕐᓂᓱᒃᓰᕙᖕᓂᕐᒧᑦ ᓇᓗᓇᐃᔭᖅᓯᒪᓂᕐᒧᑦ ᑲᑎᒪᔨᕋᓛᓄᑦ

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᐱᔪᒪᓂᖅ ᐃᓚᒋᔭᐅᓂᐊᖅᑐᓂᒃ ᓄᓇᕗᒻᒥ ᐃᕐᓂᓱᒃᓰᕙᖕᓂᕐᒧᑦ ᓇᓗᓇᐃᔭᖅᓯᒪᓂᕐᒧᑦ ᑲᑎᒪᔨᕋᓛᓄᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᕿᓂᖅᐳᑦ ᒪᕐᕉᖕᓂᒃ ᐃᓚᒋᔭᐅᔪᒃᓵᖕᓂᒃ ᑭᒃᑯᑐᐃᓐᓇᓂᑦ ᐱᓕᕆᖃᑕᐅᓂᐊᕐᓗᑎᒃ ᓄᓇᕗᒻᒥ ᐃᕐᓂᓱᒃᑐᓕᕆᔨᐅᓂᕐᒧᑦ ᓇᓗᓇᐃᔭᖅᓯᒪᓂᕐᒧᑦ ᑲᑎᒪᔨᕋᓛᓄᑦ, ᑕᒪᒃᑯᐊᓗ ᓇᓗᓇᐃᔭᖅᓯᒪᙱᖦᖢᑎᒃ ᐃᕐᓂᓱᒃᓰᔨᐅᓪᓗᑎᒃ ᐃᖅᑲᓇᐃᔭᖅᑎᐅᙱᖦᖢᑎᒡᓗ ᓄᓇᕗᑦ ᒐᕙᒪᒃᑯᖏᓐᓄᑦ.

ᓄᓇᕗᒻᒥ ᓯᖓᐃᔪᓕᕆᓂᕐᒧᑦ ᓇᓗᓇᐃᔭᖅᓯᒪᓂᕐᒧᑦ ᑲᑎᒪᔨᕋᓛᑦ ᕿᒥᕐᕈᐊᖅᐸᒃᐳᑦ ᐋᖅᑭᒃᓯᒪᓕᖅᑎᑦᑎᕙᒃᐳᓪᓗ ᐱᓇᔪᒍᑕᐅᔪᒧᓄᑦ ᓚᐃᓴᖃᕈᒪᓂᕐᒧᑦ, ᓄᑖᙳᕆᐊᖅᑎᑦᑎᓂᕐᒧᓪᓗ ᓯᖓᐃᔪᓕᕆᔨᓂᒃ ᐅᑯᑎᒎᓇᖅ, ᓯᖓᐃᔪᓕᕆᕙᖕᓂᕐᒧᑦ ᐱᓕᕆᐊᖃᖅᐸᖕᓂᕐᒧᑦ ᐱᖁᔭᖅ.

ᐱᓇᔪᒃᑐᑦ ᐱᔪᒃᓯᑦᑎᐊᕆᐊᖃᖅᑐᑦ ᐃᕐᓂᓱᒃᓰᔨᓪᓚᕆᐅᓂᕐᒧᑦ ᐊᒻᒪ ᒪᓕᒐᑎᒎᖓᔪᓂᑦ ᐱᓕᕆᐊᒃᓴᓂᑦ ᐊᒻᒪ ᐱᑐᐃᓐᓇᕆᐊᖃᖅᐸᒡᓗᓂ ᐃᑲᕐᕋᓂᒃ ᒪᕐᕉᖕᓂᒃ−ᑎᓴᒪᓄᑦ ᑕᖅᑭᑕᒫ ᐅᖃᓘᑎᒃᑯᑦ ᑲᑎᒪᖃᑕᐅᖃᑦᑕᕐᓂᐊᕐᓗᓂ. ᐃᓄᐃᑦ ᐃᕐᓂᓱᒃᓰᔾᔪᓯᖏᓐᓂᒃ ᖃᐅᔨᒪᒍᓂ ᐃᑲᔪᕐᓂᖃᕋᔭᖅᐳᖅ. ᐃᖅᑲᓇᐃᔭᖅᑎᙳᖅᑐᖅ ᐋᖅᑭᒃᓱᐃᖃᑕᐅᖃᑦᑕᕐᓂᐊᖅᐳᖅ ᐃᕐᓂᓱᒃᓰᔨᑦ ᐱᔪᓐᓇᖅᓯᕙᓪᓕᐊᖏᓐᓇᖁᓪᓗᒋᑦ ᐊᒻᒪ ᐃᖅᑲᓇᐃᔮᒧᑦ ᐃᓕᑉᐸᓪᓕᐊᖁᓪᓗᒋᑦ ᐆᒥᖓᓗ ᐃᓄᐃᑦ ᐃᕐᓂᓱᒃᓰᔾᔪᓯᖓᓂ ᖃᐅᔨᒪᔭᒥᓂᒃ ᐱᔭᕆᐅᖅᓴᕙᒡᓗᑎᒃ.

ᑕᐃᒃᑯᐊ ᑕᒪᑐᒧᖓ ᐱᕕᒃᓴᒧᑦ ᐃᓱᒪᒋᔭᓖᑦ ᑐᓂᓯᓪᓗᐊᖅᐳᑦ ᐱᓕᕆᖃᑦᑕᖅᓯᒪᓂᕐᒧᑦ ᑎᑎᖅᑲᖁᑎᒋᔭᒥᓂᒃ, ᑎᑎᕋᖅᓯᒪᔪᓂᒃ ᑕᒪᑐᒧᖓ ᐃᓱᒪᒋᔭᖃᖅᓯᒪᓂᕐᒧᑦ, ᖃᐅᔨᒋᐊᕐᕕᐅᔪᓐᓇᖅᑐᓄᓪᓗ ᕕᕗᐊᕆ 28, 2021 ᑎᑭᓚᐅᑎᓐᓂᖓᓂ ᐅᕗᖓ:

ᐸᐳᕋ ᕼᐊᕐᕕ
ᓇᓗᓇᐃᔭᕐᕕᐅᕙᒃᑐᖅ, ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ: @email
ᓱᒃᑲᔪᒃᑯᑦ: 867-982-7640

ᐊᔾᔨᖏᑦ ᐱᖁᔭᐃᑉ ᐱᑎᑕᐅᔪᓐᓇᕋᔭᖅᐳᑦ ᐱᔪᒪᔭᐅᒃᐸᑕ, ᐅᕝᕙᓘᓐᓃᑦ ᒪᓂᒪᒋᓪᓗᑎᒃ ᐃᑭᐊᖅᑭᕕᒃᑯᑦ ᐅᕙᓂ: https://www.nunavutlegislation.ca/.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email