ᐱᙳᐊᖅᑎᓄᑦ ᑐᓂᕐᕈᓯᐊᑦ ᐱᙳᐊᖅᑐᓕᕆᓂᒧᓪᓗ ᑭᐱᙳᐃᔭᖅᑎᑦᑎᓂᕐᒧᑦ ᑮᓇᐅᔭᖅᑖᕈᓯᐊᑦ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᐅᓪᓗᑐᐃᓐᓇᖅ, ᒪᐃ 3, 2024
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᐱᙳᐊᖅᑐᓕᕆᔨᒃᑯᑦ ᐱᔪᓐᓇᖅᓯᖕᒪᑕ ᐱᓇᔫᑎᓂᒃ ᓂᕈᐊᕈᑎᓂᒡᓗ ᐅᑯᓄᖓ ᐱᓕᕆᐊᓄᑦ:
• ᐱᙳᐊᖅᑐᓕᕆᓂᕐᒧᑦ ᑐᓐᓂᖅᑯᓯᐊᑦ − ᖃᐅᔨᒪᔭᖃᖅᐱᑦ ᐊᔪᙱᑦᑐᒻᒪᕆᖕᒥᑦ ᐱᙳᐊᖅᑎᒥᑦ, ᐱᙳᐊᖅᑎᓄᑦ ᑲᒪᔨᒥᑦ, ᐊᒡᓚᕝᕕᓕᕆᔨᒥᑦ, ᐃᑲᔪᓲᒥᒡᓘᓐᓃᑦ ᓄᓇᔅᓯᓐᓂᑦ? ᓂᕈᐊᒐᒃᓴᓕᐅᕐᓂᖅ ᐅᒃᑯᐃᖓᔪᖅ ᐃᓕᓴᕆᔭᐅᖁᓪᓗᒋᑦ ᐃᓄᐃᑦ ᐃᑲᔪᒃᑲᒻᒪᕆᐅᓂᖏᓐᓄᑦ ᐱᙳᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ ᓄᓇᕗᒻᒥᑦ.
• ᐃᓕᓐᓂᐊᕈᑎᒃᓴᖅᑖᕈᓯᐊᓄᑦ ᐱᓕᕆᐊᒃᓴᑦ − ᓄᓇᕗᒥᑦ ᐃᓕᓐᓂᐊᖅᑎᐅᕖᑦ ᓯᓚᑦᑐᖅᓴᕐᕕᖕᒥᑦ ᐃᓕᓐᓂᐊᕆᐊᖃᑕᐅᓗᑎᑦ ᐃᖃᐃᓕᓴᕐᕕᖕᒥᑦ ᐃᓕᓐᓂᐊᖅᑕᐅᒋᐊᖃᖅᑐᓂᒃ, ᑎᒥᓕᕆᓂᕐᒥ, ᐱᙳᐊᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥ, ᐱᙳᐊᖅᑐᓕᕆᓂᕐᒧᑦ ᖃᐅᔨᓴᖅᑐᓕᕆᓂᕐᒥᒃ ᐅᕝᕙᓘᓐᓃᑦ ᐱᙳᐊᖅᑐᓕᕆᓂᕐᒧᑦ ᐃᓕᑕᕆᔭᐅᓯᒪᔪᒥᒃ ᓯᓚᑦᑐᖅᓴᕐᕕᖕᒥ ᓯᓚᑦᑐᖅᓴᕐᕕᒡᔪᐊᕐᒥᓪᓘᓐᓃᑦ? ᐱᓇᔫᑎᑦ ᒫᓐᓇ ᐊᑐᐃᓐᓇᐅᓕᖅᑐᑦ ᐱᓇᔪᒍᓐᓇᖅᖢᑎᒃ ᐃᓕᓐᓂᐊᕈᑎᒃᓴᖅᑖᕈᑎᒃᓴᓄᑦ.
ᓂᕈᐊᒐᒃᓴᙳᖅᑎᑦᑎᔾᔪᑏᑦ ᐊᒻᒪ ᐱᓇᔫᑎᑦ ᐱᔭᐅᓯᒪᔭᕆᐊᓖᑦ ᓇᒡᒐᔾᔭ, ᒪᐃ 20, 2024.
ᑐᒃᓯᕋᕈᒪᒍᕕᑦ ᐱᓇᔫᑎᒥᑦ ᑐᑭᓯᒋᐊᕈᑎᓂᒡᓗ, ᐃᕐᖐᓈᖅᑕᐅᒃᑯᑦ @email.
ᑐᑭᓯᒋᐊᒃᑲᓐᓂᕈᒪᒍᕕᑦ ᐳᕙᒡᓗᖕᓇᖅ ᒥᒃᓵᓄᑦ ᐊᒻᒪ ᐃᑲᔪᖅᑕᐅᔪᓐᓇᕐᓂᕐᒧᑦ, ᖃᐅᔨᒋᐊᕐᓗᑎᑦ ᓄᓇᕗᑦ ᒐᕙᒪᖓ ᐃᑭᐊᕿᕕᖓᒍᑦ.