ᖃᐅᔨᓇᐊᕐᓂᕐᒧᑦ ᓇᒧᙵᐅᓂᕐᐊᕐᓂᕐᒧᑦ ᐱᓕᕆᐊᖅ: ᐅᐃᕖᑎᑐᑦ ᐱᓕᕆᐊᒃᓴᖓᑦ ᑐᙵᓱᒃᑎᑦᑎᕗᖅ ᑐᒃᓯᕋᖅᑐᓂ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᖃᐅᔨᓇᐊᕐᓂᕐᒧᑦ ᓇᒧᙵᐅᓂᕐᐊᕐᓂᕐᒧᑦ ᐱᓕᕆᐊᖅ: ᐅᐃᕖᑎᑐᑦ ᐱᓕᕆᐊᒃᓴᖓᑦ ᑐᙵᓱᒃᑎᑦᑎᕗᖅ ᑐᒃᓯᕋᖅᑐᓂ
ᐃᓕᓐᓂᐊᖅᑐᓕᕆᔨᒃᑯᑦ ᑐᙵᓱᒃᑎᑦᑎᕗᑦ ᒪᒃᑯᒃᑐᓂ ᐅᑭᐅᓕᖕᓂᑦ 13−ᒥᑦ 18−ᒧᑦ ᐊᒻᒪ ᓯᓚᑦᑐᖅᓴᕐᕕᖕᒥᑦ ᐃᓕᓐᓂᐊᖅᑐᓂ ᐱᓇᓱᐊᖁᔨᕗᑦ ᖃᐅᔨᓇᐊᕐᓂᕐᒧᑦ ᓇᒧᙵᐅᓂᕐᐊᕐᓂᕐᒧᑦ ᐱᓕᕆᐊᖅ ᐱᓕᕆᐊᒃᓴᓂᑦ.
ᖃᐅᔨᓇᓱᐊᕐᓂᕐᒧᑦ ᐱᖓᓱᓄᑦ ᑕᓪᓕᒪᓄᑦ ᐱᓇᓱᐊᕐᕈᓯᕐᓄᑦ ᐅᐱᕐᖓᑦᓵᒃᑯᑦ ᐅᐱᕐᖔᖅᑯᓪᓘᓐᓃᑦ ᐅᐃᕖᑎᑐᑦ ᖃᕆᑕᐅᔭᒃᑯᑦ ᐱᓕᕆᐊᖃᕐᓂᕐᒧᑦ. ᐃᓕᓐᓂᐊᖅᑎᑦ ᐃᓕᑦᑎᓗᑎᒃ ᐱᓕᒻᒪᒃᓴᕐᓗᑎᒃᓗ ᐅᐃᕖᑦ ᐅᖃᐅᓯᖏᓐᓂ ᐊᒻᒪᓗ ᓴᙱᒃᑎᔾᔪᑕᐅᔪᓐᓇᖅᐳᖅ ᑐᑭᓯᐅᒪᑦᑎᐊᕐᓂᕐᒧᑦ ᐅᐃᕖᑦ ᐃᓕᖁᓯᖓᓂ. ᐅᐃᕖᑐᑦ ᐅᖃᐅᓯᓕᕆᓯᒪᓂᑰᔭᕆᐊᖃᙱᑦᑐᑦ. ᐃᓱᓕᕕᒃᓴᖃᖅᑐᖅ ᐱᓇᔪᒍᒪᔪᓄᑦ ᒪᐃ 31, 2021.
ᓇᒧᙵᐅᓂᐊᕐᓂᕐᒧᑦ ᐱᓕᕆᐊᖅ ᐱᖓᓱᓂᑦ ᐱᓇᓱᐊᕈᓯᕐᓄᑦ ᐅᐱᕐᖔᒃᑯᑦ ᐱᓕᕆᐊᖅ ᐋᖅᑭᑕᐅᓯᒪᔪᖅ ᐃᑲᔪᕐᓂᕐᒧᑦ ᐅᐃᕖᑦ ᒪᒃᑯᑦᑐᖏᓐᓂᑦ ᑲᒪᒋᔭᖃᑦᓯᐊᕐᓂᕐᒧᑦ ᐃᓚᒋᔭᐅᓂᕐᒥᒃ ᑭᓇᐅᓂᖏᓐᓂᓪᓗ ᐅᐃᕖᒃᑯᑦ ᓄᓇᓕᖓᓐᓂᑦ ᐊᓯᐊᓂᓪᓗ ᑲᓇᑕᒥ. ᐱᓇᓱᐊᖅᑐᖅ ᐃᓕᓐᓂᐊᑎᐅᔭᕆᐊᓕᒃ ᐊᑎᓕᐅᖅᑕᐅᖃᑕᐅᓯᒪᓗᓂ ᐅᐃᕖᑎᑐᑦ ᐅᖃᐅᓯᕐᖓᐅᑕᐅᔪᖅ ᐃᓕᓐᓂᐊᕐᕕᒻᒥ ᐱᓕᕆᐊᖅ ᐱᖃᑕᐅᔪᓐᓇᖅᑐᑦ. ᐃᓱᓕᕕᔅᓴᖃᖅᑐᖅ ᐱᓇᓱᐊᕈᒪᔪᓄᑦ ᒫᑦᓯ 31, 2021.
ᖃᐅᔨᓇᐊᕐᓂᕐᒧᑦ ᓇᒧᙵᐅᓂᕐᐊᕐᓂᕐᒧᑦ ᐱᓕᕆᐊᖅ ᐱᓕᕆᐊᒃᓴᖏᑦ ᐊᑐᖅᑎᑕᐅᓗᑎᒃ ᖃᕆᑕᐅᔭᒃᑯᑦ ᐱᔾᔪᑎᒋᓪᓗᒍ ᓄᕙᒃᔪᐊᕐᓇᖅ−19 ᐊᒥᓱᓄᑦ ᖃᓂᒪᓐᓇᐅᔪᖅ. ᒫᓐᓇ ᐱᓇᔪᒋᑦ ᐱᕕᖃᖅᑎᑕᐅᑦᑎᐊᕐᓂᐊᕋᕕᑦ ᐃᓂᒃᓴᒧᑦ!
ᑐᓴᕆᐊᒃᑲᓐᓂᕈᑎᓄᑦ, ᖃᐅᔨᒋᐊᕐᓗᒍ ᕗᕌᓐᓱᐊ ᐆᓚᑦ, ᐅᐃᕖᑐᑦ ᐱᓕᕆᐊᒃᓴᓄᑦ ᖃᐅᔨᒪᔨᑕᖅ, ᐅᕗᖓ 867-975-5677 or @email, ᐅᐸᒃᓗᒍᓘᓐᓃᑦ www.englishfrench.ca.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑐᕋᐃ ᕉᑦᔅ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓄᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5680
@email