ᖁᕐᓗᖅᑐᕐᒥ ᐳᓪᓚᕐᓗᓕᕐᓇᖅᑐᓕᒃ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᐅᔾᔨᕗᑦ ᖁᕐᓗᖅᑐᕐᒥᐅᓂᒃ ᐱᑕᖃᓕᕐᓂᖓᓂᒃ ᐳᓪᓚᕐᓗᓕᕐᓇᖅᑐᑕᖃᓕᕐᓂᖓᓂ ᓄᓇᓕᖕᓂ. ᑕᒪᓐᓇ ᐊᑐᖅᑕᐅᒐᔪᙱᓚᖅ ᑕᒪᑐᒪᓂ ᐊᕐᕌᒍᒥ. ᓈᙳᓐᓇᖅᑐᖅ ᐊᐃᑦᑐᕐᓘᑕᐅᓴᕋᐃᑦᑐᖅ ᐃᓄᖕᒥᑦ ᐃᓄᖕᒧᑦ, ᓄᓇᓕᖕᓂᓪᓗ ᓱᒃᑲᓕᔪᒥᑦ ᐊᐃᑦᑐᕐᓘᑕᐅᔪᓐᓇᕆᓪᓗᓂ.

ᐃᒪᐃᖃᑦᑕᖅᑐᑦ ᒥᕆᐊᙳᑲᑕᒃᖢᑎᒃ, ᒥᕆᐊᑲᑕᒃᖢᑎᒃ, ᓈᙳᑲᑕᒃᖢᑎᒃ, ᐆᑎᕐᓇᖅᖢᑎᒃ ᐊᒻᒪ ᐊᓇᓚᖦᖢᑎᒃ (ᐊᕿᑦᑐᖅᓱᖅᖢᑎᒃ). ᐃᒪᓐᓇ ᐊᐃᑦᑐᕐᓗᐃᑦᑕᐃᓕᒪᔪᓐᓇᖅᐳᓯ:

• ᐊᒡᒐᓯ ᐅᐊᓴᕋᔪᒡᓗᒋᑦ, ᐱᓗᐊᖅᑐᒥ ᓂᖅᖠᐅᕐᓂᐊᓵᖅᑎᓪᓗᓯ ᐊᒻᒪ ᓄᑕᕋᓛᒥᒃ ᖁᐃᖏᓕᓴᖅᓯᐊᓂᒃᑳᖓᔅᓯ, ᐊᓇᕐᕕᖕᒦᕌᓂᒃᑳᖓᔅᓯᓗ.
• ᑕᖃᐃᖅᓯᕐᓗᓯ ᐃᒥᑲᑕᒡᓗᓯᓗ (ᐃᒥᒐᑲᑕᙱᓪᓗᓯ, ᐆᒻᒪᕆᖕᓇᖅᑐᓂᒃ ᓂᐅᖅᑲᙱᓪᓗᓯ, ᐊᓯᖏᓐᓂᓪᓗ ᓱᑲᖃᓗᐊᖅᑐᓂᒃ).
• ᑭᐳᐃᑦ ᖄᖏᑦ, ᐹᑉ ᑎᒍᓕᖏᑦ ᐊᒻᒪ ᐊᓇᕐᕖᑦ ᓴᓗᒪᑏᓐᓇᖅᐸᒡᓗᒋᑦ ᐆᓇᖅᑐᒧᑦ ᖃᐳᐊᓕᖕᒧᑦ.
• ᐃᓄᖕᓄᑦ ᖃᓂᒪᔪᓄᑦ ᐅᐸᒋᐊᖃᙱᓪᓗᑎᑦ ᐅᐸᒃᐸᙱᓪᓗᑎᑦ.

ᓄᑕᕋᑯᓗᐃᑦ ᐊᒡᒐᖏᑦ ᐅᐊᓴᖅᑎᑉᐸᒡᓗᒋᑦ, ᐊᒻᒪ ᐱᙳᐊᖏᑦ ᐊᓪᓚᖅᑐᑦᑎᐊᖅᐸᒡᓗᒋᑦ ᐊᓯᖏᓐᓂᒃ ᐊᓪᓚᖅᑎᕆᓕᕌᖓᕕᑦ. ᑭᓇᑐᐃᓐᓇᖅ ᐋᓐᓂᐊᑲᑕᒃᑐᖅ ᐊᖏᕐᕋᖅᓯᒪᑲᑕᖁᔭᐅᕗᖅ, ᑕᖃᐃᖅᓯᕐᓗᓂ ᐊᒻᒪ ᐃᒥᑦᑎᐊᑲᑕᒡᓗᓂ.

ᒥᕆᐊᖅᓴᑲᑕᒃᑐᑦ ᐊᒻᒪ ᐊᕿᑦᑐᖅᓱᑲᑕᒃᑐᑦ ᓂᕿᓕᐅᑲᑕᒋᐊᖃᙱᑦᑐᑦ ᖃᑕᙳᑎᖏᓐᓄᑦ ᐊᐃᑦᑐᕐᓗᐃᖁᓇᒋᑦ. ᐊᓐᓄᕌᑦ ᐊᓯᖏᓪᓗ ᐅᐊᓴᒐᒃᓴᐃᑦ ᐆᓇᖅᑐᒧᑦ ᐅᐊᓴᖃᑦᑕᕐᓗᒋᑦ ᐊᒻᒪ ᐆᓇᖅᑐᒧᑦ ᐸᓂᖅᓯᖅᐸᒡᓗᒋᑦ. ᐳᐃᒍᖅᑕᐃᓕᒋᑦ, ᓄᑕᕋᓛᒥᒃ ᑯᓂᒃᓴᑲᑕᒡᓗᓂ ᐊᒃᑐᖅᓯᑲᑕᒡᓗᓂᓗ ᐊᐃᑦᑐᕐᓗᐃᓐᓇᕐᒪᑦ ᖃᓂᒪᓐᓇᒥ. ᖃᓄᐃᙱᑎᓐᓇᓱᒍᓐᓇᖅᑕᑎᑦ ᖃᓂᒪᓕᕈᕕᑦ ᑎᒍᑲᑕᙱᓪᓗᒋᑦ.

ᖃᓂᒪᔪᑦ ᐊᖏᕐᕋᒥᓂ ᑲᒪᒋᔭᐅᔪᓐᓇᖅᐳᑦ ᑭᓯᐊᓂ ᖃᓂᒪᓗᐊᓕᖅᐸᑦ ᓴᙲᓗᐊᓕᕐᓗᓂᓗ ᐊᒻᒪ ᑎᒥᖓ ᐃᒪᖃᙱᓗᐊᓕᕈᓂ. ᐃᓄᐃᑦ ᐋᓐᓂᐊᓗᐊᓕᖅᑐᑦ ᐋᓐᓂᐊᕕᖕᒧᑦ ᖃᐅᔨᒋᐊᕆᐊᖃᖅᐳᑦ ᐃᖢᐊᖅᓴᐃᔨᒥᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐋᓐᓂᐊᓯᐅᑎᔅᓯᓐᓄᑦ ᖃᐅᔨᒋᐊᕐᓗᑎᑦ ᓄᓇᔅᓯᓐᓂᑦ ᐋᓐᓂᐊᕕᖕᒧᑦ.