ᑎᓴᒪᑦ ᓄᑖᑦ ᓄᕙᒡᔪᐊᕐᓇᖅ-19−ᑖᖅᑐᑦ ᐊᕐᕕᐊᓂᑦ
ᐱᕙᓪᓕᐊᔪᑦ ᓴᖅᑭᑕᐅᔪᑦ
ᑎᓴᒪᑦ ᓄᑖᑦ ᓄᕙᒡᔪᐊᕐᓇᖅ-19−ᑖᖅᑐᑦ ᐊᕐᕕᐊᓂᑦ
ᐃᖃᓗᐃᑦ, ᓄᓇᕗᑦ (ᒫᔾᔨ 5, 2021) – ᐅᓪᓗᒥ, ᓄᓇᕗᑦ ᑎᓴᒪᓂ ᓄᑖᓂ ᓄᕙᒡᔪᐊᕐᓇᖅ-19−ᖃᓕᕐᑐᑦ ᐊᑕᐅᓯᕐᓗ ᖃᓄᐃᑦᑐᓐᓃᕐᖢᓂ. 17-ᖑᔪᑦ ᓇᓗᓇᐃᖅᑕᐅᓯᒪᔪᑦ ᓄᕙᕐᔪᐊᓕᖅᑐᑦ ᓄᓇᕗᒻᒥ, ᑕᒪᕐᒥᒡᓗ ᐊᕐᕕᐊᒦᖦᖢᑎᒃ. ᑖᒃᑯᐊ ᑕᒪᕐᒥᒃ ᖃᓄᐃᙱᑦᑐᑦ, ᐅᐸᒃᑕᐅᑦᑕᐃᓕᒪᓪᓗᑎᒃᓗ ᐊᖏᕐᕋᖏᓐᓂ ᑲᑎᙵᖃᑎᒋᔭᐅᓚᐅᖅᑐᓪᓗ ᓱᓕ ᖃᐅᔨᓴᖅᑕᐅᕙᓪᓕᐊᓪᓗᑎᒃ.
“ᓄᑖᓂ ᐱᑕᖃᓕᕋᓗᐊᕐᑎᓪᓗᒋ, ᓄᓇᕗᒻᒥᐅᓕᒫᑦ ᖃᐅᔨᒪᖁᕙᒃᑲ ᑕᒪᓐᓇ ᖃᓂᒪᓂᖅ ᓄᖅᑲᖓᑎᑕᐅᕗᖅ, ᒪᑑᓇ ᑲᐴᑎᓗ ᐊᑑᑎᖃᕐᖢᓂ,” ᐅᖃᓚᐅᕐᑐᖅ ᓘᒃᑖᖅ ᒪᐃᑯ ᐹᑐᓴᓐ, ᓄᓇᕗᒻᒥᑦ ᐋᓐᓂᐊᖃᖕᓇᙱᑦᑐᓕᕆᒻᒪᕆᒃ. “ᐱᓕᕇᓐᓇᕐᑎᓪᓗᑕ ᓯᐊᒻᒪᒃᑎᑦᑎᑦᑕᐃᓕᑎᓪᓗᑕ, ᑭᒃᑯᑐᐃᓐᓇᐃᑦ ᐊᔪᙱᑦᑐᑦ ᑲᐱᔭᐅᖁᕙᕗᑦ, ᕿᓚᒻᒥᐅᔪᒃᑯᑦ.”
"ᒫᓐᓇ ᓇᓚᐅᑦᑖᑲᑕᓪᓗᐊᙱᑦᑐᒍᑦ ᐅᖃᕐᓂᕐᓘᑎᒋᓗᒋᓪᓘᓐᓃᑦ ᓄᕙᕐᔪᐊᕐᓇᖅ-19 ᐊᕐᕕᐊᓂᑦ. ᐱᔭᕆᐊᖃᒻᒪᕆᓕᕐᑐᒍᑦ, ᓇᒡᓕᒍᓱᑦᑎᐊᕐᓗᑕ, ᐃᑲᔪᕐᑐᐃᓗᑕ ᐃᓱᒪᑦᑎᐊᕐᓗᑕᓗ. ᐱᓕᕆᐊᖑᔪᖅ ᓄᓇᓕᖕᓂᑦ ᐅᓪᓗᑦ 112−ᖑᓕᑐᑦ ᑲᒪᓇᕐᐳᑦ. ᑲᔪᓯᑦᑎᐊᖏᓐᓇᕐᓕᑦ ᐊᕐᕕᐊᒥᐅᑦ,” ᐅᖃᓚᐅᕐᑐᖅ ᓯᕗᓕᖅᑎ ᔫ ᓴᕕᑲᑖᖅ.
ᒫᔾᔨ 5−ᒥ ᐱᒋᐊᖅᖢᓂ, ᐊᕐᕕᐊᓂ ᖃᐅᔨᓴᖅᑕᐅᔪᑦ 2444−ᖑᔪᑦ ᐱᑕᖃᙱᓐᓂᕋᖅᑕᐅᔪᑦ ᖃᐅᔨᓴᖅᑕᐅᔾᔪᑎᖏᑦ. ᐅᓪᓗᒥᒧᑦ, 8767 ᓄᓇᕗᒻᒥᐅᑦ ᐊᒃᓱᓪᓘᓐᓃᑦ ᐊᑕᐅᓯᐊᕐᖢᑎᒃ ᑲᐱᔭᐅᓯᒪᓕᖅᑐᑦ ᒪᑑᓇ ᐋᓐᓂᐊᓕᕇᒃᑯᓯᕐᒧᑦ, ᐊᒻᒪ 5144 ᓄᓇᕗᒻᒥᐅᑦ ᒪᕐᕈᕐᖢᑎᒃ ᑲᐱᔭᐅᓯᒪᓕᖅᑐᑦ ᒪᑑᓇ ᐋᓐᓂᐊᓕᕇᒃᑯᓯᕐᒧᑦ. ᑲᐱᓯᑲᑕᖕᓂᐊᖅᑐᑦ ᑕᒫᓂ ᐅᑭᐅᖅᑕᖅᑐᒥ ᓱᓕ ᑲᔪᓯᕗᑦ. ᓄᓇᕗᒻᒥᐅᑦ ᓄᕙᕐᔪᐊᕐᓇᖅ−19ᒧᑦ ᑲᐱᔭᐅᔪᓐᓇᖅᑎᑕᐅᔪᑦ ᐋᓐᓂᐊᕕᖕᒧᑦ ᐅᖄᓚᔪᓐᓇᖅᐳᑦ ᐃᓂᒃᓴᓕᐅᕈᒪᓗᑎᒃ.
ᑭᓇᑐᐃᓐᓇᑦᑎᐊᑦ ᐅᐸᒍᑎᓯᒪᓚᐅᕋᓱᒋᔪᖅ ᓄᕙᒡᔪᐊᕐᓇᖅ−19-ᓕᖕᒧᑦ ᐅᖄᓚᖁᔭᐅᕗᖅ ᓄᕙᕐᔪᐊᕐᓇᒧᑦ−ᐅᖄᓚᕝᕕᒃᓴᒧᑦ ᐅᕗᖓ 1-888-975-8601 10−ᒥᑦ ᐅᓪᓛᒃᑯᑦ ᐱᒋᐊᕐᓗᓂ 6−ᒧᐊᕋᓱᖕᓂᖓᓄᑦ ᐅᓐᓄᒃᑯᑦ. ᕿᑭᖅᑖᓗᖕᒥᐅᑦ ᖃᐅᔨᓴᐅᑎᖓ ᒪᓕᒡᓗᒍ, ᑐᓴᖅᑎᑦᑎᑲᐅᑎᒋᓗᓂᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓂ, ᐊᓂᑦᑕᐃᓕᒪᓯᑲᐅᑎᒋᓗᓂᓗ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᖕᒥᓂᖅ.
ᓄᑖᖑᓛᑦ ᑐᓴᒐᒃᓴᐃᑦ ᑕᑯᔪᒪᒍᕕᒋᑦ ᓄᓇᕗᒻᒥ ᓄᕙᒡᔪᐊᕐᓇᖅ−19 ᐋᓐᓂᐊᓕᕇᒃᑯᑎᒧᑦ ᐱᓕᕆᐊᖑᔪᓄᑦ, ᐅᕗᙵᕐᓗᑎᑦ: www.gov.nu.ca/health/information/covid-19-vaccination.
ᓄᑖᖑᓛᑦ ᑐᓴᒐᒃᓴᑦ ᑕᑯᔪᒪᒍᕕᒋᑦ, ᐅᑯᐊᓗ ᖃᔅᓯᐅᓂᖏᑦ ᐊᓂᒍᐃᔪᑦ ᐊᒻᒪ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂ ᓄᓇᓕᒃᑎᒍᑦ, ᐅᕗᙵᕐᓗᑎᑦ: www.gov.nu.ca/health/information/covid-19-novel-coronavirus.
ᓄᑖᖑᓛᑦ ᑐᓴᒐᒃᓴᑦ ᑕᑯᔪᒪᒍᕕᒋᑦ ᒫᓐᓇᓗ ᐋᓐᓂᐊᖅᑐᓕᕆᔨᒃᑯᓐᓂ ᑭᒡᓕᖃᖅᑎᑕᐅᔪᑦ, ᐅᕗᙵᕐᓗᓯ: https://www.gov.nu.ca/health/information/nunavuts-path.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
@email
ᑕᐃᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email