ᖃᓄᐃᙱᑦᑎᐊᕐᓂᒧᑦ ᖃᐅᔨᒪᔨᑕᖅ
ᐅᓇ ᐃᖅᑲᓇᐃᔮᒃᓴᖅ ᐃᖃᓗᖕᒥᐅᑕᑐᐊᓄᑦ ᐅᒃᑯᐃᖓᔪᖅ.
ᐅᖃᕐᕕᖃᖅᐸᒡᓗᓂ ᐊᕕᒃᓯᒪᓂᕆᔭᐅᔪᒥ ᑐᑭᒧᐊᖅᑎᑦᑎᔨᒥᒃ, ᑭᒃᑯᑐᐃᓐᓇᓂᒃ ᖃᓄᐃᙱᑎᑦᑎᔪᓐᓇᕐᓂᕐᒧᑦ, ᖃᓄᐃᙱᑦᑎᐊᕐᓂᕐᒧᑦ ᖃᐅᔨᒪᔨᑕᖅ ᐱᑎᑦᑎᕙᒃᐳᖅ ᓯᕗᓕᖅᑎᐅᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᖃᓄᐃᙱᑦᑎᐊᕐᓂᕐᒧᓪᓗ ᐅᔾᔨᕐᓇᖅᓯᑎᑦᑎᓂᕐᒥᒃ ᐃᑲᔪᖅᑐᐃᕙᒃᖢᓂᓗ ᓄᓇᓖᑦ ᐱᕙᓪᓕᐊᓂᖓᓄᑦ. ᑖᓐᓇ ᐃᓂᒋᔭᐅᔪᖅ ᑕᐅᑐᒐᖃᓪᓗᐊᑕᖅᐸᒃᐳᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᓕᓐᓂᐊᖅᑎᑦᑎᓂᕐᒥᒃ ᐃᓅᓯᓕᒫᖏᓐᓂ ᐃᓅᕝᕕᒋᔭᖏᓐᓂ ᓄᓇᕗᒻᒥᐅᑦ, ᐃᓕᓐᓂᐊᕆᐅᖅᓴᓕᓵᖅᑐᓂᑦ, ᐃᓕᓐᓂᐊᕐᕕᖕ ᒦᑦᑐᓐᓇᖅᓯᔪᓂᑦ − ᐊᕐᕌᒍᓕᖕᓂ ᓄᑕᖅᑲᓂ ᐃᓐᓇᐃᑦ ᐃᓕᓐᓂᐊᖅᑎᑕᐅᕙᖕᓂᖏᓐᓄᑦ. ᑖᓐᓇ ᖃᐅᔨᒪᔨᑕᖅ ᑲᒪᒋᔭᒃᓴᖃᖅᐳᖅ ᓇᓗᙱᑦᑎᐊᕐᓂᕐᒥᒃ ᑕᒪᒃᑯᐊ ᐋᖅᑭᒃᑕᐅᓯᒪᕙᒌᖅᑐᑦ ᖃᓄᐃᓕᐅᕐᓂᐅᓂᐊᖅᑐᑦ ᐊᑕᐅᑦᑎᒃᑰᖃᑎᖃᕋᓗᐊᕐᒪᖔᑕ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑲᓇᑕᓕᒫᒥ ᐊᑐᖅᑕᐅᔪᓐᓇᖅᑐᖅᑕᖃᖅᖢᑎᒃ ᐋᖅᑭᒃᑕᐅᓯᒪᔪᓂᒃ ᐱᓪᓗᐊᑕᕐᓂᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ. ᑖᓐᓇ ᐱᑐᐃᓐᓇᐅᙱᑦᑐᓕᕆᔨ ᐱᓕᕆᖃᑎᖃᖃᑦᑕᕐᓂᐊᕆᕗᖅᑕᐅᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓄᓇᓕᖕᓂ ᐃᖅᑲᓇᐃᔭᖅᑎᖏᓐᓂᒃ ᐊᓯᖏᓐᓂᒡᓗ ᐱᓕᕆᐊᖃᖅᐸᒃᑐᓂᒃ ᓄᓇᓕᖕᓂ ᐱᕙᓪᓕᐊᑎᑦᑎᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓗ ᐅᔾᔨᕐᓇᖅᓯᑎᑦᑎᓂᕐᒥᒃ.
ᑖᓐᓇ ᖃᐅᔨᒪᔨᑕᖅ ᐱᒻᒪᕆᐊᓘᕗᖅ ᑕᐅᑐᖅᑰᖅᑕᐅᔪᒧᑦ ᓄᓇᕗᒻᒧᑦ − ᐋᖅᑭᒃᓱᐃᕙᓪᓕᐊᓗᓂ ᖃᓄᐃᙱᑦᑎᐊᖅᑐᓂᒃ ᓄᓇᓕᖕᓂᒃ, ᑕᐅᑐᖅᑰᖅᑕᐅᔪᒥᒡᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᑦ ᓅᑉᐸᓪᓕᐊᓂᕐᒧᓪᓗ ᑲᒪᒋᔭᖃᕐᓂᕐᒥᑦ ᐱᑕᖃᓕᖅᑎᑦᑎᑦᑕᐃᓕᒪᓂᕐᒧᑦ ᖃᓄᐃᙱᑦᑎᐊᖅᑐᓕᕆᓂᕐᒥ. ᑖᓐᓇ ᐃᓂᑖᖅᑎᑕᐅᔪᖅ ᑲᒪᒋᔭᒃᓴᖃᖅᐳᖅ ᓇᓗᙱᑦᑎᐊᕐᓂᕐᒥᒃ ᑕᒪᒃᑯᐊᑦ ᐱᓪᓗᐊᑕᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᖃᓄᐃᙱᑦᑎᐊᕈᓐᓇᕐᓂᕐᒥᓗ ᓴᙱᒃᑎᒋᐊᖅᑕᐅᒐᓗᐊᕐᒪᖔᑕ, ᐱᕕᒃᓴᐃᓪᓗ ᐱᓕᕆᖃᑎᖃᕐᓂᕐᒥᒃ ᒐᕙᒪᒃᑯᓐᓂ ᒐᕙᒪᒃᑯᓐᓂᐅᙱᑦᑐᕐᓗ ᑲᔪᓯᑎᑕᐅᕙᒃᑲᓗᐊᕐᒪᖔᑕ ᐱᐅᓯᒋᐊᖅᑎᑕᐅᓗᑎᒡᓗ ᐊᒃᑐᐊᓂᖃᖁᓪᓗᒋᑦ ᐊᔪᕐᓇᕈᔪᒃᑐᓄᑦ ᐃᓂᒋᔭᐅᔪᒥ. ᑖᓐᓇ ᐃᓂᑖᖅᑎᑕᐅᔪᖅ ᐅᖃᖃᑎᖃᖃᑦᑕᕐᓂᐊᖅᐳᖅ ᒐᕙᒪᒃᑯᓐᓂᐅᙱᑦᑐᖅ ᑐᑦᑕᕐᕕᖕᓂᒃ, ᒐᕙᒪᒃᑯᑦ ᐱᓕᕆᕝᕕᒋᔭᖏᓐᓂᒃ ᐊᓯᖏᓐᓂᒡᓗ ᐱᖃᖃᑕᐅᓪᓗᐊᑕᖅᑐᓂᒃ ᓇᓗᙱᑦᑎᐊᕈᒪᓂᕐᒥᓄᑦ ᑕᒪᓐᓇ ᑲᔪᓰᓐᓇᖅᑐᖅ ᐱᓕᕆᐊᖑᔪᖅ ᑲᔪᓯᑎᑕᐅᖃᑦᑕᕋᓗᐊᕐᒪᖔᑦ ᑭᖑᓕᕇᒃᑎᑕᐅᕙᓪᓕᐊᑦᑎᐊᖅᖢᓂ, ᓴᖅᑭᑦᑎᔪᖃᖅᐸᒃᖢᓂ ᓄᑖᒐᙳᕆᐊᖅᓯᒪᔪᓂᒃ ᐱᓕᕆᐊᖑᔪᓄᑦ ᑲᔪᓰᓐᓇᖅᑐᒧᓪᓗ ᐱᓕᕆᐊᖑᔪᒧᑦ.
ᖃᐅᔨᒪᓂᕆᔭᐅᔪᑦ, ᐊᔪᕈᓐᓃᖅᑕᐅᓯᒪᔪᑦ, ᐊᔪᙱᓐᓂᕆᔭᐅᔪᓪᓗ ᐱᔭᐅᓯᒪᔭᕆᐊᓖᑦ ᑕᕝᕙᓂ ᐃᖅᑲᓇᐃᔮᒥ ᐱᔭᐅᒐᔪᒃᐸᒃᐳᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᕌᓪᓚᓚᐅᕐᓗᓂ ᐃᓕᓐᓂᐊᒃᑲᓐᓂᕐᓂᕐᒧᑦ ᐱᔭᐅᓕᖅᐸᒃᑐᒥᒃ ᐃᓕᓴᕆᔭᐅᓯᒪᔪᒥᑦ ᓯᓚᑦᑐᖅᓴᕐᕕᒡᔪᐊᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᒃ ᖃᐅᔨᓴᖅᑐᓕᕆᓂᕐᒧᑦ, ᐃᓕᓐᓂᐊᕐᓂᕐᒧᑦ ᐊᒃᑐᐊᓂᓕᖕᒧᓪᓘᓐᓃᑦ ᐱᓕᕆᖃᑦᑕᖅᓯᒪᓂᑰᓗᓂ ᐃᓚᖃᕐᓗᓂᓗ ᑕᒪᓐᓇ ᒪᕐᕉᖕᓂᒃ (2−ᓂᒃ) ᐊᕐᕌᒎᖕᓂᒃ ᐊᒃᑐᐊᓂᓕᖕᒥᒃ ᐱᓕᕆᖃᑦᑕᖅᓯᒪᓂᑰᓗᓂ. Master’s Degree−ᖑᓂᕋᖅᑕᐅᔪᒥᒃ ᑭᒃᑯᑐᐃᓐᓇᓄᑦ ᖃᓄᐃᙱᑎᑦᑎᔪᓐᓇᕐᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓘᓐᓃᑦ ᐊᒃᑐᐊᓂᓕᖕᒧᑦ ᐱᓕᕆᖃᑦᑕᖅᓯᒪᓂᑰᓂᒃ ᐃᑲᔪᕐᓂᖃᓪᓚᕆᒐᔭᖅᑐᖅ.
ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᑦ ᑖᑦᓱᒧᖓ ᐃᖅᑲᓇᐃᔮᖅᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᓱᐊᖁᔨᑦᓱᑕ ᐃᓕᓐᓂᑦ ᓇᓕᒧᓱᑦᑐᓂᑦ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᓂᕐᒧᑦ ᐃᓕᓐᓂᐊᖅᓯᒪᓂᕐᒧᑦ ᐱᓕᕆᖃᑦᑕᖅᓯᒪᓂᕐᒧᓪᓗ ᐱᔭᕆᐊᖃᖅᑐᓂᑦ ᖁᓛᓂᑦ ᑎᑎᕋᖅᓯᒪᔪᓂᑦ.
ᐃᖅᑲᓇᐃᔮᖅᑖᕋᓱᒃᑐᓄᑦ ᐊᑏᑦ ᐃᓚᔭᐅᑐᐃᓐᓇᕆᐊᓕᒃ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᐃᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᖃᑕᐅᓛᕐᒪᑦ.
ᑕᔅᓱᒥᖓ ᐃᖅᑲᓇᐃᔮᒃᓴᒧᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.
• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
• ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ.
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ.
• ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ. ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᕈᑏᑦ ᐋᒡᒑᖅᑕᐅᑐᐃᓐᓇᕆᐊᓕᒃ.