ᓱᓪᓗᓕᕆᔨ/ᐅᖅᑰᓴᐅᑎᓕᕆᔨ/ᐊᐅᓚᐅᓯᕆᔨ

ᐅᓇ ᐃᖅᑲᓇᐃᔮᒃᓴᖅ ᑭᒃᑯᑐᐃᓐᓇᓄᑦ ᐱᓇᔪᒍᒪᔪᓄᑦ ᒪᑐᐃᖓᔪᖅ.

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ, ᐃᖅᑲᓇᐃᔭᕐᕕᑦᑎᐊᕙᐅᓛᖑᓂᖓᓄᑦ ᒪᒃᑯᒃᑐᓄᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓵᓚᐅᖅᑐᓄᑦ 2022-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᒃᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᒻᒥ ᐆᒻᒪᕆᒃᑐᖅ, ᐱᔪᒃᓯᑦᑎᐊᖅᑐᑦ ᐊᕕᒃᑐᖅᓯᒪᔪᓂ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ.  ᒐᕙᒪᐅᑎᓪᓗᑕ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓪᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂ, ᐃᓄᒃᑐᑦ ᐅᖃᐅᓯᖓᓂᒃ ᐊᑐᖅᑎᑦᑎᓂᖅᓴᐅᓇᓱᒃᖢᑎᒃ, ᑭᒡᒐᖅᑐᐃᑦᑎᐊᕐᓗᓂ ᒐᕙᒪᒃᑯᓐᓂᑦ ᐱᔨᑦᑎᕋᖅᑎᓂᒃ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᐊᑐᕐᓂᐊᕐᓂᕋᖅᓯᒪᔭᒥᓂᒃ ᑲᔪᓯᑎᑦᑎᖁᓪᓗᒋᑦ ᓄᓇᕗᒻᒥ. ᐃᖅᑲᓇᐃᔮᖅᑖᖅᑐᖅ ᐊᑭᓕᖅᓱᖅᑕᐅᑦᑎᐊᕐᓂᐊᖅᑐᖅ, ᐋᓐᓂᐊᕐᕕᖕᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᖃᕐᓗᓂ, ᓇᓗᓇᐃᔭᖅᑕᐅᓯᒪᔪᓂᑦ ᐃᓐᓇᖅᓯᐅᑎᒃᓴᓄᑦ ᐃᑲᔫᑎᖃᕐᓗᓂ, ᓅᑕᐅᓂᕐᒧᑦ ᐱᔪᓐᓇᐅᑎᓂᑦ ᐃᓕᓐᓂᐊᕈᓐᓇᖅᑎᑕᐅᓗᓂᓗ ᐃᖅᑲᓇᐃᔮᒥᓂᓪᓗ ᖁᕝᕙᖅᐸᓪᓕᐊᓗᓂ.

ᐅᖃᕐᕕᖃᖅᐸᒡᓗᓂ ᐱᓕᕆᕝᕕᖕᒥ ᐊᐅᓚᑦᑎᔨᒧᑦ, ᓱᓪᓗᓕᕆᔨ/ᐊᐅᓚᐅᓯᕆᔨ ᑲᒪᒋᔭᖃᓪᓗᐊᑕᖃᑦᑕᕐᓂᐊᖅᐳᖅ ᐱᓕᕆᔾᔪᑎᓄᑦ, ᐊᐅᓚᑦᑎᔾᔪᑎᓄᑦ, ᐊᒻᒪ ᐋᖅᑭᐅᒪᔾᔪᑎᓄᑦ ᐱᔨᑦᑎᕋᐅᑎᓄᑦ ᐊᒻᒪ ᐃᑲᔪᖅᑐᐃᔾᔪᑎᓄᑦ ᐃᒥᖅᑕᖅᑕᐅᓂᕐᒧᑦ/ᑭᓈᓗᖃᕐᕕᖕᒧᑦ, ᓱᓪᓗᓕᒃᑯᑦ ᐃᒪᕐᒧᑦ/ᒥᓪᓗᐊᖅᑕᐅᓂᕐᒧᑦ ᑐᓂᐅᖅᑲᐃᔾᔪᑎᒧᑦ, ᓱᕋᓗᐊᖅᑕᐃᓕᒪᑎᑦᑎᓂᕐᒧᑦ ᐋᖅᑭᐅᒪᑎᑦᑎᓂᖅ, ᐊᒻᒪ ᓱᕋᒃᓯᒪᔪᑦ ᓴᓇᔭᐅᒃᑲᓐᓂᕆᐊᓖᑦ ᓄᓇᕗᑦ ᒐᕙᒪᒃᑯᑦ ᐃᒡᓗᖁᑎᓕᒫᖏᓐᓄᑦ ᓲᕐᓗ ᓱᓪᓗᓕᖕᓄᑦ, ᐃᓕᓐᓂᐊᕐᕕᓕᒫᓄᑦ, ᑭᕙᓪᓕᕐᒥ ᐊᕕᒃᑐᖅᓯᒪᔪᓂ ᐋᓐᓂᐊᕐᕕᖕᓄᑦ, ᐊᓯᖏᓐᓄᑦ ᐱᕐᔪᐊᖑᓪᓗᑎᒃ ᓄᓇᕗᑦ ᒐᕙᒪᒃᑯᑦ ᐱᖁᑎᖏᓐᓄᑦ ᑲᖏᖅᖠᓂᕐᒥ ᐊᒻᒪ ᐊᕕᒃᑐᖅᓯᒪᔪᓂ. ᐃᖅᑲᓇᐃᔮᖅᑖᖅᑐᖅ ᑲᒪᒋᔭᖃᕐᓂᐊᖅᑐᖅ ᑲᒪᒋᔭᖃᕐᓂᕐᒥᑦ ᐅᖅᑰᓴᐅᑎᓂᑦ ᐊᐅᓪᓚᖃᑦᑕᕐᓂᕐᒥᓪᓗ ᐊᓯᖏᓐᓄᑦ ᓄᓇᓕᓐᓄᑦ ᐱᔭᕇᖅᓯᓂᕐᒧᑦ ᖃᐅᔨᓴᖅᑕᐅᓂᕐᒥᑦ ᓴᓇᓂᕐᒥᓪᓗ.  ᑖᓐᓇ ᐃᖅᑲᓇᐃᔮᖅ ᐊᑦᑐᐃᓂᖃᖅᑐᖅ ᑲᔪᓯᓂᖃᑦᓯᐊᖅᑐᒥᑦ ᒐᕙᒪᒃᑯᓐᓂᑦ ᓄᓇᕗᒻᒥᑦ ᐱᔨᑦᓯᕋᕐᓂᕐᒥᓪᓗ ᐊᓯᖏᓐᓄᑦ ᐱᓕᕆᕝᕕᐅᔪᓄᑦ ᑭᒃᑯᑐᐃᓐᓇᕐᓂᓪᓗ ᓇᓗᓇᐃᖅᓯᓂᕐᒥᑦ ᐊᑲᐅᙱᓪᓕᐅᕈᑎᓂᑦ ᓴᓇᓂᕐᒥᓪᓗ ᑕᒻᒪᖅᓯᒪᖏᑦᑐᓂᑦ ᓄᖅᑲᖓᑎᑦᓯᓂᕐᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐅᓗᕆᐊᓇᖅᑐᓂᑦ ᒐᕙᒪᒃᑯᓐᓄᑦ ᓄᓇᕗᒻᒥ ᑭᒃᑯᑐᐃᓐᓇᕐᓂᓪᓗ.

ᓱᓪᓗᓕᕆᔨ/OBM/ᐊᐅᓚᐅᓯᕆᔨ ᖃᐅᑕᒫᑦ ᖃᐅᔨᓴᖃᑦᑕᕐᓂᐊᖅᑐᖅ ᒥᓪᓗᐊᕈᑎᓂᒃ ᐃᒡᓗᓂᒃ, ᑭᓈᓗᖃᕐᕕᖕᓂ, ᑭᕕᒃᓯᓯᓕᕆᕝᕕᖕᓂ, ᐋᓐᓂᐊᕕᖕᓂ, ᐃᓕᓐᓂᐊᕐᕕᖕᓂ, ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐊᓯᖏᓐᓂᒡᓗ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ.  ᑕᑕᑎᕐᓗᒋᑦ ᐊᐅᓚᑦᑎᔨᐅᑉ ᐅᓂᒃᑳᖏᑦ ᖃᐅᔨᓴᕈᑎᖏᓪᓗ, ᖃᐅᔨᒋᐊᕐᓗᒋᑦ ᐊᑐᖃᑦᑕᖅᑐᓄᑦ ᐊᐅᓚᓃᑦ ᐃᒡᓗᕐᔪᐊᓄᑦ DDC ᐊᐅᓚᑦᑎᔾᔪᑎᖏᓐᓂᒃ, ᐲᔭᕐᓗᒋᑦ ᐊᒃᑕᑯᑦ ᑭᓈᓗᖃᕐᕕᖕᓂ, ᐃᒪᕐᒥᒃ ᖃᐅᔨᓴᒐᒃᓴᓂᒃ ᑲᑎᖅᓱᐃᓗᑎᒃ ᖁᐱᕐᕈᐊᕐᔪᖕᓂᒃ ᖃᐅᔨᓴᒐᒃᓴᓂᒃ, ᐱᓕᕆᖃᑎᒋᓗᒋᑦ ᓴᓇᔨᑦ ᐃᖅᑲᓇᐃᔭᖅᑎᖏᓐᓂᒃ ᑲᒪᒋᔭᖃᕐᓗᑎᒡᓗ ᐃᖅᑲᓇᐃᔭᓚᐅᑲᒃᑐᓂᒃ ᑳᓐᑐᐊᒃᓯᔨᓂᒡᓗ, ᑕᒪᒃᑭᑦᑎᐊᕐᓗᑎᒃ ᐱᑎᑦᑎᑦᑕᐃᓕᒪᓂᕐᒧᑦ ᐋᖅᑭᐅᒪᑎᑦᑎᓂᕐᒥ ᖃᐅᔨᓴᕈᑎᑦ, ᑎᑭᓴᐃᓂᖅ ᐱᖁᑎᓂᒃ, ᖃᐅᔨᓴᖅᑎᑦᑎᓗᓂ ᐱᓕᕆᐊᖑᔪᓂᒃ ᑳᓐᑐᐊᒃᓯᔨᓄᑦ, ᐱᓯᒪᐃᓐᓇᕐᓗᒋᓪᓗ ᓈᓴᖅᓯᒪᔪᑦ ᓇᖕᒥᓂᖁᑎᒋᔭᑦ ᐱᖁᑎᖏᑦ ᑕᒪᐃᓐᓄᑦ ᐃᒡᓗᕐᔪᐊᓄᑦ ᐱᖁᑎᓄᓪᓗ.  ᑖᔅᓱᒥᖓ ᐃᖅᑲᓇᐃᔮᓕᒃ ᑲᒪᔨᐅᖃᑦᑕᕐᓂᐊᖅᐳᖅ ᐊᒻᒪ ᐊᔪᕈᓐᓃᖅᓴᖅᑎᑦᑎᕙᒡᓗᓂ ᐃᓕᓐᓂᐊᖅᐸᓪᓕᐊᔪᓂᒃ ᐃᖅᑲᓇᐃᔮᖅᑖᖅᐸᓪᓕᐊᔪᓂᒃ ᐊᒻᒪ ᐃᖅᑲᓇᐃᔭᓚᐅᑲᒃᑐᓂᒃ,

ᐊᖓᔪᖅᑳᒥᓂᒃ ᐱᓕᕆᖃᑎᖃᖅᐸᒡᓗᓂ ᓇᓗᓇᐃᖅᓯᓇᓱᒃᑎᓪᓗᒋᑦ ᐅᒥᐊᕐᔪᐊᒃᑰᖅᑐᒃᓴᓂᒃ ᐱᖁᑎᓂᒃ, ᓴᓗᒻᒪᖅᓴᐃᕙᒡᓗᓂ ᐃᖅᑲᓇᐃᔭᕐᕕᖕᒥ, ᒪᑐᓯᕙᒡᓗᓂ, ᐊᒻᒪ ᑮᒃᑕᖅᑐᓂᒃ ᐃᓯᖅᑎᑦᑎᕙᒡᓗᓂ ᓄᖅᑲᖅᑎᑦᑎᓇᓱᒡᓗᓂ ᐊᒻᒪ ᐊᑦᑕᕐᓇᙱᑦᑐᒦᑎᑦᑎᑦᑕᐃᓕᓗᓂ ᖃᓂᒋᔭᖏᓐᓂᒃ ᓄᑕᖅᑲᓂᒃ, ᒪᓕᒡᓗᑎᒡᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᕐᓂᒃ ᐊᒻᒪ ᒪᓕᒋᐊᓕᖕᓂᒃ.  

ᖃᐅᔨᒪᓂᖅ, ᐊᔪᙱᑕᖃᕐᓂᖅ, ᐊᒻᒪᓗ ᐱᔪᓐᓇᐅᑎᖃᕐᓂᖅ ᐱᔪᖃᕆᐊᖃᖅᐳᖅ ᐃᖅᑲᓇᐃᔮᑦᓴᒧᑦ ᖃᐅᔨᔭᐅᓪᓗᓂ ᐃᓕᓴᕆᔭᐅᔾᔪᑎᒃᑯᑦ ᓴᓇᔨᒻᒪᕆᒃ ᓴᓇᔨᐅᓂᕐᒥᑦ ᐱᔪᓐᓇᐅᑎᒃᑯᑦ ᐃᖅᑲᓇᐃᔭᕐᓂᒃᑯᑦ ᐃᕐᕌᒍᓂ 3-ᓂᒃ ᓇᖕᒥᓂᕆᔭᐅᔪᓂ ᐃᓚᒋᔭᐅᓪᓗᓂ ᐅᕝᕙᓘᓐᓂᑦ ᓯᕗᓕᖅᑎᒋᔭᐅᓪᓗᓂ ᐱᓕᕆᖃᑎᒌᓄᑦ.   ᑕᓪᓕᒪᖓᓂᑦ ᐊᐅᓚᐅᓯᕆᔨᐅᓂᕐᒧᑦ ᓇᓗᓇᐃᒃᑯᑕᖃᕆᐊᓕᒃ ᑎᑭᐅᒪᔪᒪᓗᓂᑦ ᐊᑦᑎᓛᖓᓂ ᒪᓕᒐᑎᒍᑦ ᑎᑭᐅᒪᔭᐅᔭᕆᐊᓕᖕᒥᑦ ᐅᖅᑰᓴᐅᑎᓕᕆᔨᐅᓂᕐᒧᑦ 750K-ᒥᑦ ᓴᙱᓂᓕᖕᒥᑦ ᐅᖓᑖᓄᓪᓗ; ᐊᖓᔪᖅᑳᖑᖃᑦᑕᕐᓂᑰᓗᓂᑦ ᐃᖅᑲᓇᐃᔭᖅᑎᓄᑦ ᐅᕝᕙᓘᓐᓃᑦ ᑳᓐᑐᓛᒃᑎᓄᑦ; ᖃᓄᐃᑦᑐᑯᓘᔭᕐᓂᑦ ᐃᒡᓗᐊᓗᖕᓂᑦ ᑲᒪᒋᔭᖃᖃᑦᑕᕐᓂᑰᓗᓂᑦ ᕼᐋᒻᒪᓚᒥᓪᓘᓐᓃᑦ; ᐊᖁᑦᑐᓐᓇᐅᑎᖃᕐᓗᓂᑦ ᓈᓴᐅᑎᓕᖕᒥ 5; ᐊᕐᕌᒍᒐᓴᖕᓄᑦ DDC-ᖑᓂᕋᖅᑕᐅᔪᓂᑦ ᐊᐅᓚᑦᑎᖃᑦᑕᕐᓂᑰᓗᓂᑦ, ᖃᐅᑕᒫᖅ ᐊᐅᓚᑦᑎᖃᑦᑕᕐᓂᑰᓗᓂᑦ ᐊᓯᔾᔩᖃᑦᑕᕐᓂᑰᓗᓂᓗ ᐊᓯᔾᔨᕆᐊᓕᖕᓂᑦ. 

ᖃᐅᔨᒪᓗᓂ ᓂᒡᓚᓱᒃᑐᒥᑦ ᐃᒡᓗᓕᐅᕐᓂᕐᒥᑦ, ᐱᓕᕆᔾᔪᑎᓄᑦ ᑐᙵᕕᖏᓐᓂᑦ, ᒪᓕᒋᐊᓕᖕᓂᑦ ᒪᓕᑦᑎᐊᕐᓂᕐᒥᑦ, ᒪᓕᒋᐊᓕᖕᓂᑦ ᐊᑐᐊᒐᕐᓂᓪᓗ ᐊᒃᑑᑎᔪᓂᑦ ᐃᒡᓗᓕᐅᕐᓂᕐᒥᑦ ᐊᐅᓚᓂᕐᓂᒡᓗ ᐃᑲᔫᑎᖃᕋᔭᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᐊᑐᕐᓗᑎᒃ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ. ᖃᐅᔨᒪᒃᐸᑦ ᐃᓄᐃᑦ ᓄᓇᓕᓐᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓪᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᑦᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᐱᓇᔪᒍᒪᒍᕕᑦ ᐃᖅᑲᓇᐃᔮᒃᓴᒧᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᓗᒍ ᑎᑎᖅᑲᓕᐊᑦ ᐃᖅᑲᓇᐃᔮᖅᑖᕋᓲᑎᓪᓗ ᐅᑯᓄᖓ [email protected]. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᒃᓴᒃᑯᑦ ᐃᕐᖐᓐᓈᖅᑕᐅᕈᑎᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᔨᓂᒃ ᐃᖅᑲᓇᐃᔭᖅᑎᓂᒃ; ᑕᐃᒪᐃᒻᒪᑦ, ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᖅ ᒪᓕᒡᓗᒍ.
• ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔪᑦ ᐱᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᖅᑎᑕᐅᓂᕐᒧᑦ ᑎᑎᖅᑲᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᒥᒃ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐃᓚᓕᐅᑎᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐊᑐᕆᐊᖃᖅᐳᖅ ᑭᓯᐊᓂ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᓴᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᖅᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.