ᐅᐊᔭᓕᕆᔨ (ᓴᖅᑭᔮᖅᑎᑕᐅᒃᑲᓐᓂᖅᑐᖅ)

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ ᒪᒃᑯᒃᑐᓂᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓚᐅᖅᑐᓂᒃ 2022-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᑦᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᑦ ᐆᒻᒪᕆᒃᑐᖅ, ᐱᔪᒪᓂᖃᑦᑎᐊᖅᑐᖅ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ.  ᒐᕙᒪᐅᑎᓪᓗᒋᑦ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᓴᖅᑭᔮᖅᑎᑦᑎᓂᕐᒧᑦ ᐃᓄᒃᑐᑦ ᐅᖃᐅᓯᖓᓐᓂᑦ, ᑭᒡᒐᖅᑐᐃᑦᑎᐊᕐᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓂᑦ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᑲᔪᓯᑎᑦᑎᓂᕐᒧᑦ ᐊᖏᖅᓯᒪᓂᕆᔭᖓᓂᑦ ᓄᓇᕗᒻᒧᑦ. ᑲᔪᓯᓂᖃᑦᓯᐊᖅᑐᑦ ᐃᖅᑲᓇᐃᔮᖅᑖᖅᑐᑦ ᖁᕕᐊᒋᔭᖃᕐᓂᐊᖅᑐᑦ ᐊᑭᓕᖅᑐᖅᑕᐅᑦᓯᐊᕐᓂᕐᒧᑦ, ᐋᓐᓂᐊᕐᕕᓕᐊᕐᓂᕐᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᓂᑦ, ᓇᓗᓇᐃᖅᔭᖅᑕᐅᓯᒪᔪᓂᑦ ᐃᓐᓇᑐᖃᐅᔪᓯᐊᑦᓴᓄᑦ ᐸᕐᓇᐅᑎᓂᑦ, ᓅᑕᐅᓂᕐᒧᑦ ᐱᕕᖃᕐᓂᕐᒧᑦ ᐱᕕᖃᕐᓂᕐᒧᓪᓗ ᐱᓕᒻᒪᑦᓴᕐᓂᕐᒧᑦ ᐃᖅᑲᓇᐃᔮᒥᓪᓗ ᖁᕝᕙᖅᐸᓪᓕᐊᓂᕐᒧᑦ.  

ᐊᖏᔪᖅᑳᖃᖅᑐᓂ ᓄᓇᓕᒻᒥ ᓴᓇᔨᒥ ᐊᖏᔪᖅᑳᖓᓂ, ᐃᒡᓗᓂᒃ ᓴᓇᔪᓕᕆᔨ ᓱᕋᓚᐅᖅᑎᓐᓇᒋᑦ ᖃᐅᔨᓴᖃᑦᑕᕐᓂᐊᖅᑐᖅ, ᐱᔨᑦᑎᓂᕐᒥᑦ ᐊᒻᒪ ᓴᓇᓯᓂᕐᒥᑦ ᐊᐅᓚᓂᖃᑦᑎᐊᕋᓗᐊᕐᒪᖔᑕ ᐃᓪᓗᒥ ᐊᐅᓚᔾᔪᑎᓪᓗᐊᑕᖏ, ᐊᑖᓃᑦᑐᑦ ᐊᒻᒪ ᐃᓚᒍᑕᖏᑦ ᐃᓪᓗᓕᒫᓂᑦ ᓇᓗᓇᐃᖅᑕᐅᓯᒪᔪᒥᑦ. ᐃᓚᒋᔭᐅᓪᓗᑎ ᖃᐅᔨᒪᑎᑕᕐᓂᑦ ᐃᖅᑲᓇᐃᔭᖅᑎᓂᑦ, ᐃᖅᑲᓇᐃᔮᑖᖅᑐᖅ ᐃᖅᑲᓇᐃᔭᖃᑦᑕᖅᑐᖅ ᐱᐅᓛᖑᑎᑦᑎᓇᓱᐊᖅᑐᓂ ᐃᓪᓗᓂᑦ ᐊᒻᒪ ᓴᓇᔭᐅᓯᒪᓂᖓ ᒪᑭᒪᑎᑦᑐᒋᑦ ᐃᑲᔪᖅᑐᐃᔪᑦ ᐊᒻᒪ ᐱᔨᑦᑎᖃᑦᑕᕐᓗᒋᑦ ᐸᕕᓴᐃᓗᐊᕐᓂᐊᖏᑦᑐᓂᑦ ᐃᓱᒪᒋᓪᓗᒍ ᐃᓅᓯᕐᒧᑦ ᐊᑦᑕᓇᐃᖅᓯᒪᓂᖅ, ᐃᖅᑲᓇᐃᔮᖑᖅᑳᕆᐊᓕᓐᓂᑦ, ᑭᓱᓕᕆᔾᔪᑎᔅᓴᖃᑦᑎᐊᖏᓐᓂᖅ ᐊᒻᒪ ᐊᑯᓂᐅᓂᖏᓐᓄᑦ ᐊᑭᖏᑦ. ᐃᓚᒍᑕᖓᑎᒍᑦ ᐱᔨᑦᑎᓂᕐᒧᑦ, ᐃᖅᑲᓇᐃᔮᑖᖅᑐᖅ ᐱᓕᕆᐊᖃᖅᑐᖅ ᖃᐅᑕᒫᑦ ᖃᐅᔨᓴᖅᑕᐅᔪᓂᑦ, ᒪᓕᒐᖅᑎᒍᑦ ᐊᒻᒪ ᒪᓕᑦᑕᐅᔭᕆᐊᓕᓐᓂᑦ ᖃᐅᔨᓴᕐᓂᖅ, ᖃᐅᔨᓴᐃᓂᖅ, ᐱᔨᑦᑎᕐᓂᖅ ᐊᒻᒪ ᖃᐅᔨᓴᕐᓂᖅ ᐃᓪᓗᒧᑦ ᐊᑐᖅᑕᓪᓗᐊᑕᖓᓂᑦ, ᐊᑖᓃᑦᑐᑦ ᐊᒻᒪ ᐃᓚᒍᑕᖏᑦ ᐊᒻᒪ ᖃᐅᔨᓴᕐᕕᔅᓴᖏᑦ, ᐱᔨᑦᑎᕐᓂᖅ ᐊᒻᒪ ᐋᖅᑭᔅᓯᒋᐊᕐᓂᖅ ᐃᓪᓗᒧᑦ ᐊᑐᖅᑕᓪᓗᐊᑕᖓᓂᑦ, ᐊᑖᓃᑦᑐᑦ ᐊᒻᒪ ᐃᓚᒍᑕᖏᑦ ᐊᐅᓚᓂᖃᑦᑎᐊᕋᓗᐊᕐᒪᖔᑕ ᐊᐅᓚᓂᒋᓂᐊᕐᕕᒋᓯᒪᔭᖏᓐᓂᑦ ᐊᒻᒪ ᑎᑭᑦᑎᓗᑎᑦ ᐊᑯᓂᐅᓂᐊᕐᓂᕆᓯᒪᔭᖏᓐᓂ.
 ᐃᓚᒍᑕᖓᑎᒍᑦ ᓴᓇᓯᓂᕐᒥᑦ, ᐃᖅᑲᓇᐃᔮᑖᖅᑐᖅ ᓴᓇᖃᑦᑕᖅᑐᖅ ᐊᓯᔾᔩᔪᕐᓘᓐᓃᑦ ᓱᕋᔅᓯᒪᔪᓂᑦ, ᓄᖑᑎᖅᓯᒪᔪᑦ ᐃᓚᔅᓴᖏᑦ ᐱᑕᖃᕆᐊᓖᑦ ᐱᓕᕆᐊᕆᓂᐊᕐᓗᒍ ᓇᓗᓇᐃᖅᑕᐅᔪᑦ ᖃᐅᔨᓴᕐᓂᒃᑯᑦ.

ᐱᓕᕆᐊᖑᔪᑎᒍᑦ ᐱᕙᒌᔭᕐᓂᕐᒧᑦ ᑲᔪᓯᑎᑦᑎᓂᕐᒥᒡᓗ ᐱᓕᕆᐊᒃᓴᕆᔭᐅᔪᓂᒃ, ᐃᓂᑖᖅᑎᑕᐅᔪᖅ ᐱᔾᔪᑎᖃᓪᓚᕆᒃᐸᒃᐳᖅ ᖁᐊᖅᓵᕐᓇᖅᑕᐃᓕᒪᓂᕐᒥᒃ, ᐱᓕᕆᖃᑎᒌᑦ ᑲᔪᓯᓂᖃᑦᑎᐊᕈᓐᓇᕐᓂᖏᓐᓂᒃ, ᐱᓕᕆᕝᕕᒋᔭᐅᔪᑦ ᓈᒻᒪᒃᓴᕈᓐᓇᕐᓂᖏᓐᓂᒃ ᐱᐅᑎᑎᔪᓐᓇᕐᓂᕐᒥᒡᓗ.

ᐃᖅᑲᓇᐃᔮᖅᑖᖅᑐᖅ ᐊᒃᑑᑎᓯᒪᓂᐊᖅᐳᖅ ᐃᖏᕐᕋᑦᑎᐊᕐᓂᕆᔭᖏᓐᓂᑦ ᓄᓇᕗᑦ ᒐᕙᒪᐅᑉ ᐱᓕᕆᕝᕕᖏᑦ ᑐᑦᑕᕐᕕᖏᓪᓗ ᓇᓗᓇᐃᖅᐸᒡᓗᓂᑦ ᐃᖏᕐᕋᑦᑎᐊᕐᓂᕆᔭᖏᓐᓂᑦ ᐃᒡᓗᐊᓗᐃᑦ ᐊᒻᒪ ᐊᕙᑎᓕᐊᑦ ᐱᔨᑦᑎᕋᕈᑕᐅᔪᑦ ᐱᓕᕆᕝᕕᖕᓂᑦ ᐊᒻᒪᐃᓛᒃ ᓄᓇᕗᒻᒥᐅᓂᑦ ᑎᒃᑯᐊᖅᑕᐅᓯᒪᔪᑦ ᐃᓂᐅᔪᓂᑦ.

ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ ᐅᑯᐊᖑᕗᑦ:

• ᖃᐅᔨᓴᖅᐸᒃᓗᓂ ᐱᓕᕆᕝᕕᖕᒥ ᐊᑐᖃᑦᑕᖅᑐᓂ ᐃᓗᓕᖏᓐᓂᒃᓗ ᐱᖁᓪᓗᒍ ᐱᓕᕆᔭᐅᒐᓗᐊᕐᒪᖔᑕ ᐱᓇᓱᒃᑕᖏᑦ ᑎᑭᐅᑎᓗᑎᒃᓗ ᐱᕙᒌᔭᖅᓯᒪᔭᖏᓐᓂ ᐱᔨᑦᑎᕋᐅᑎ ᐊᑐᕐᓂᓕᒫᖓᓂ;
• ᖃᐅᔨᓴᖅᐸᒃᓗᓂ ᐱᓕᕆᕝᕕᖕᒥ ᐊᑐᖃᑦᑕᖅᑐᓂ ᐃᓗᓕᖏᓐᓂᒃᓗ ᐱᖁᓪᓗᒍ ᐱᓕᕆᔭᐅᒐᓗᐊᕐᒪᖔᑕ ᐱᓇᓱᒃᑕᖏᑦ ᑎᑭᐅᑎᓗᑎᒃᓗ ᐱᕙᒌᔭᖅᓯᒪᔭᖏᓐᓂ ᐱᔨᑦᑎᕋᐅᑎ ᐊᑐᕐᓂᓕᒫᖓᓂ;
• ᖃᐅᔨᒋᐊᖅᐸᒃᓗᓂ ᐱᓕᕆᐊᒥ ᐱᓕᕆᕝᕕᖕᒥ ᐊᑐᖃᑦᑕᖅᑐᓂ, ᐊᑐᒃᑲᓐᓂᕐᓂᐊᖅᑐᓂᒃ ᐊᒻᒪ ᐃᓗᓕᖏᓐᓂ ᐱᓕᕆᐊᖑᔫᑉ ᐊᖏᕈᑎᒃᑯᑦ ᐱᓕᕆᐊᖃᖅᑎᑕᐅᔪᓄᑦ ᐱᖁᓪᓗᒍ ᒪᓕᑦᑎᐊᕐᓗᑎᒃ ᐱᕙᒌᔭᐅᒻᒥᒃ ᑖᒃᑯᓄᖔᑦᑎᐊᖅᑐᓂᒃᓗ ᐊᒻᒪ ᒐᕙᒪᐅᑉ ᒪᓕᒃᑕᐅᔭᕆᐊᓕᖏᓐᓂ;
• ᐱᔭᕇᖅᓯᕙᒃᓗᓂ ᐱᓕᕆᐊᒃᓴᓄᑦ ᑎᑎᖅᑲᖏᓐᓂ ᐱᓕᕆᐊᒃᓴᓕᒫᓄᑦ;
• ᐱᑎᑦᑎᕙᒃᓗᓂ ᓈᒻᒪᒃᑐᓂᒃ ᐊᑐᒐᒃᓴᓂᑦ, ᐱᖁᑎᓂᑦ ᓱᓇᒃᑯᑖᓂᒃᓗ ᐊᑐᐃᓐᓇᐅᓗᑎᒃ ᐱᕕᒃᓴᐅᑲᐅᑎᒋᓗᑎᒃᓗ ᑕᒪᐃᙵᓕᒫᖅ;
• ᖃᐅᔨᒪᒋᐊᕐ;ᓂ ᑕᒻᒪᖓᙱᑦᑐᒃᑯᑦ ᐱᓕᕆᐊᑦ ᐊᑦᑕᕐᓇᖅᑕᐃᓕᒪᓂᕐᓗ ᐊᑐᐊᒐᖏᑦ ᒪᓕᒃᑕᐅᕙᒃᓗᑎᒃ ᑕᐃᒪᙵᓕᒫᖅ;
• ᐱᓕᕆᐊᖃᖅᐸᒃᓗᓂ ᐊᓯᖏᓐᓂᒃ ᐱᓕᕆᐊᒃᓴᓂᑦ ᓲᕐᓗ: ᑕᑯᓇᒃᐸᒃᓗᓂ ᐊᐅᓚᑦᑎᕙᒃᓗᓂᓗ ᐱᓕᕆᐊᖏᓐᓂ ᐊᓯᖏᑕ: ᑕᑯᓇᒃᐸᒃᓗᓂ ᐱᓕᒻᒪᓴᐃᕙᒃᓗᓂᓗ ᓴᓇᔪᓕᕆᓂᕐᒧᑦ ᐃᓕᓐᓂᐊᖅᑐᓂᒃ ᐃᖅᑲᓇᐃᔭᓚᐅᑲᒃᑐᓂᒃᓗ ᐃᖅᑲᓇᐃᔭᖅᑎᓂᑦ. ᐃᑲᔪᖅᐸᒃᓗᓂ ᐊᓯᖏᓐᓂᒃ ᓴᓇᔪᓕᕆᓂᕐᒧᑦ ᐱᓕᕆᔨᓂᑦ ᐱᔭᕆᐊᖃᖅᑎᓪᓗᒍ ᐱᔭᕆᐊᖃᕋᖓᓪᓗ. ᐊᐅᓪᓚᖅᐸᒃᓗᓂ ᓄᓇᓕᕋᓛᓄᑦ ᐱᓕᕆᐊᖃᕆᐊᖅᑐᕐᓗᓂ ᑐᐊᕕᕐᓇᖅᑐᓂ ᖃᐅᔨᓴᕐᓂᕐᓂ ᐋᖅᑭᒋᐊᕆᓂᕐᓂᒃᓘᓐᓃᑦ; ᐱᔭᕇᖅᓯᕙᓪᓗᓂ ᐱᓕᕆᕝᕕᖕᒥ ᖃᓄᐃᓕᖓᓂᖓᓂᒃ ᖃᐅᔨᓴᕐᓂᕐᓂ. 

ᖃᐅᔨᒪᓂᖏᑦ, ᐊᔪᙱᑕᖃᕐᓂᖏᑦ, ᐱᔪᓐᓇᖅᑕᖏᑦᓪᓗ ᑖᔅᓱᒧᖓ ᐃᖅᑲᓇᐃᔮᕐᒧᑦ ᐱᔭᐅᔪᓐᓇᖃᑦᑕᖅᑐᑦ ᐃᓕᓴᕆᔭᐅᔾᔪᑎᑖᕈᑎᒃᑯᑦ ᓇᓗᓇᐃᒃᑯᑕ ᐊᐅᐸᖅᑐᒧᑦ ᓇᕿᑕᐅᓯᒪᔪᖅ ᓴᓪᓗᓕᕆᔨᐅᓂᕐᒧᑦ, ᐊᕐᕌᒎᓐᓂᒃ ᒪᕐᕉᓐᓂᒃ ᑕᒪᒃᑯᓂᖓ ᐃᖅᑲᓇᐃᔮᖃᖃᑦᑕᖅᓯᒪᓗᓂ ᐊᐅᓚᔾᔪᑏᑦ ᐊᒻᒪ ᐋᖅᑭᐅᒪᔾᔪᑎᓪᓗ ᐊᒻᒪ ᐃᖅᑲᓇᐃᔭᖅᑎᐅᓯᒪᓗᓂ ᐊᔾᔨᒌᙱᑦᑐᓂᑦ ᐃᓪᓗᓕᕆᓂᕐᒥᑦ ᐊᖏᓂᖏᓐᓂᓪᓗ ᐊᔾᔨᒌᙱᑦᑐᓂᑦ ᓄᓇᓕᓐᓂᑦ ᒐᕙᒪᒃᑯᖏᑕ ᐱᖁᑎᖏᓐᓂᑦ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᓂᑦ ᐃᑲᔫᑎᖃᑦᑎᐊᕋᔭᖅᑐᖅ. ᖃᐅᔨᒪᒃᐸᑦ ᐃᓄᐃᑦ ᓄᓇᓕᓐᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓪᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐃᖅᑲᓇᐃᔭᕈᓐᓇᑐᐃᓐᓇᕆᐊᓕᖕᓂᑦ ᓯᕗᓂᒃᓴᒧᑦ ᓴᓇᔪᖃᑐᐃᓐᓇᕆᐊᓕᒃ.

ᑕᔅᓱᒥᖓ ᐃᖅᑲᓇᐃᔮᒃᓴᒧᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
• ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᕈᑏᑦ ᐋᒡᒑᖅᑕᐅᑐᐃᓐᓇᕆᐊᓕᒃ.