ᐆᒪᔪᕐᓂᐊᖅᑎ II

ᐃᖅᑲᓇᐃᔮᒃᓴᖅ ᑕᑎᒋᔭᐅᔭᕆᐊᖃᕐᓇᖅᑑᓪᓗᓂ ᐱᕋᔭᒃᓯᒪᓂᑰᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᓕᒃ.

ᐅᓇ ᐃᖅᑲᓇᐃᔮᒃᓴᖅ ᐱᓇᔪᒃᑕᐅᔪᓐᓇᖅᑐᖅ ᑭᒃᑯᓕᒫᓄᑦ.

ᐊᕙᑎᓕᕆᔨᒃᑯᑦ ᐱᓕᕆᖃᑎᖃᐃᓐᓇᕆᐊᖃᓲᑦ ᓄᓇᓕᐅᔪᒥ, ᓄᓇᕗᒻᒥ, ᑲᓇᑕᑉ ᐊᕕᑦᑐᖅᓯᒪᔪᖏᓐᓂ, ᑲᓇᑕᒥ ᐊᒻᒪᓗ ᑲᓇᑕ ᓯᓚᑖᓃᑦᑐᓂᑦ ᐊᑦᑐᖅᑕᐅᓂᖃᓲᓂᑦ ᐱᓕᕆᐊᖃᕐᓂᑎᒍᑦ ᐊᑐᕐᓗᑎᑦ ᐅᓪᓗᒥᓕᓴᕐᓂᑦ ᖃᕋᓴᐅᔭᕐᓅᖓᔪᓂᑦ ᐊᑐᖅᑕᐅᓲᓂᓪᓗ ᐊᒻᒪᓗ ᑐᑭᓯᒋᐊᕈᑎᖏᓐᓂᑦ.  ᑕᐃᒫᔅᓴᐃᓐᓇᕐᓗ, ᑲᑐᔾᔨᑎᒌᑦ ᐱᓕᕆᔪᒪᑦᑎᐊᖅᑐᑦ ᐃᖅᑲᓇᐃᔭᕐᕕᓐᓂ ᑭᒡᒐᖅᑐᐃᖁᔨᓗᑎᑦ ᐃᓄᒋᐊᓂᑦ ᐊᐅᓚᑦᑎᖃᑦᑕᖅᑐᓂ ᒪᓕᑦᑐᓂᑦ ᒪᓕᒐᖏᓂ ᐃᓄᐃᑦ ᖃᐅᔨᒪᔭᑐᖃᖏᓐᓂ.

ᐆᒪᔪᕐᓂᐊᖅᑎ II ᐱᓇᓱᐊᖃᑦᑕᖅᐳᖅ, ᐊᐅᓚᑦᑎᓗᓂ ᐊᖏᖅᑕᐅᔪᓂᒡᓗ ᐃᓕᓐᓂᐊᖅᑎᑦᑎᕙᒡᓗᓂ, ᐱᓕᕆᐊᒃᓴᓂᒃ ᐱᔨᑦᑎᕐᓂᕐᓗ ᐆᒪᔪᓕᕆᓂᕐᒧᑦ ᐊᐅᓚᑦᑎᓂᕐᒧᑦ, ᐊᕙᑎᓕᕆᓂᕐᒧᑦ ᓴᐳᒻᒥᓂᖅ ᐊᒻᒪ ᐋᖅᑭᒃᓱᐃᕙᒡᓗᓂ ᐱᕙᓪᓕᐊᓂᖓᓂᒃ ᐊᔾᔨᒌᖏᑦᑐᓂᒃ/ᐱᖅᑯᓯᑐᖃᕐᒨᖓᔪᓂᒃ ᑮᓇᐅᔭᒃᓴᖃᕋᓱᐊᕐᓂᕐᒧᑦ ᐱᖁᔭᐅᔪᒥᒃ ᓄᓇᕗᒥᑦ ᒪᓕᒡᓗᒋᑦ ᐱᖁᔭᓕᒫᑦ, ᐊᑐᐊᒐᕐᓂᒃ ᐊᒻᒪ ᓄᓇᕗᒥᑦ ᓄᓇᑖᕈᑎᒥᒃ ᐊᖏᕈᑖᓂᒃ. ᐱᓇᔪᒃᑕᖏᑦ ᐆᒪᔪᓐᓂᐊᖅᑎᐅᑉ ᓴᕿᓐᓂᖃᕐᓂᐊᖅᐳᖅ ᐊᐅᓚ.ᔭᐅᑦᑎᐊᖅᑐᒥ ᑭᖑᕝᕕᕈᓐᓇᖅᑐᖅ ᑮᓇᐅᔭᓕᕆᓂᕐᒧᓪᓗ ᐱᕙᓪᓕᐊᓂᖅ ᐊᒻᒪᓗ ᐱᖅᑯᓯᓕᕆᓂᕐᒧᑦ ᑲᑎᖅᓱᐃᓂᖅ ᐊᑲᐅᒋᔭᐅᓂᐊᖅᑐᒥᑦ ᐊᑐᖅᑎᓂᑦ.

ᐃᖅᑲᓇᐃᔭᕐᕕᖕᒥᑦ ᑲᒪᒋᔭᖃᕈᓐᓇᕐᓂᖅ ᐱᔨᑦᑎᕐᓂᖓ ᐊᒃᑑᑎᔪᓐᓇᕐᓂᖓ ᐊᒻᒪ ᐃᓕᓐᓂᐊᕈᑎᐅᖃᑦᑕᖅᑐᓂᒃ. ᐊᑐᕐᑎᑦᑎᑦᑎᐊᖕᓂᖓ ᒪᓕᒐᓂ ᓯᓚᑖᓅᕐᓂᐊᕐᑐᑦ ᑐᑦᑕᕖᑦ (ᓲᕐᓗ ᐃᒪᖕᒥᐅᑕᓕᕆᔨᑦ, CWS, ᐸᓖᓯᒃᑯᑦ) ᐱᔭᐅᓯᒪᓂᖓᑎᒍᑦ ᑎᓕᐅᖅᑕᐅᓯᒪᓂᒃᑯᓪᓗ ᐱᓕᕆᕝᕕᖕᒥᑦ. ᑖᓐᓇ ᐆᒪᔪᕐᓂᐊᖅᑎ II ᐱᓕᕆᖃᑎᖃᑦᑎᐊᖃᑦᑕᖅᐳᖅ ᓄᓇᓕᖕᓂᑦ ᐊᖑᓇᓱᒃᐸᒃᑐᓂᑦ ᓯᕗᓕᖅᑎᐅᕙᒃᓗᓂᓗ ᐊᑐᓕᖅᑎᑦᑎᓂᖕᓂᑦ ᐱᓕᕆᕝᕕᑦ ᑎᑭᓐᓇᓱᐊᖅᑕᖏᓐᓂᑦ ᐱᓇᓱᐊᖅᑕᖏᓐᓂᓪᓗ ᐊᔾᔨᒌᙱᑦᑑᑎᓂᒃ ᑕᐅᑐᒃᑲᓗᐊᕐᓗᑎᒃ ᐊᐅᓚᑦᑎᓂᖕᓂᑦ ᐊᑐᑦᑎᐊᕐᑎᑦᑎᓂᖕᓂᓪᓗ ᐱᐅᖅᓱᐊᖕᓂᖕᒥᓪᓗ ᐃᑲᔪᖅᑐᐃᖑᔭᕐᓗᓂ ᐊᔾᔨᒌᙱᑦᑐᑦ/ᓄᓇᓕᖕᓂᑦ ᐱᕙᓪᓕᐊᔪᓕᕆᓂᖕᒥ ᐃᓅᓯᓕᑦ. ᑖᓐᓇ ᑐᕌᖓᕗᖅ ᐱᖁᔭᖅᑎᒍᑦ, ᐱᓕᕆᐊᖃᕐᓗᓂ ᑭᒃᑯᑐᐃᓐᓇᕐᓄᑦ ᐊᖑᓇᓱᒃᑎᓂᒡᓗ ᐃᓕᓐᓂᐊᖅᑎᑦᑎᓂᖅ ᑐᑭᓯᐅᒪᓕᖁᓗᒋᑦ ᐊᒻᒪ ᐃᑲᔪᕐᓂᖅ ᐊᒃᑐᐃᓂᕆᔭᖏᓐᓂᒃ ᐆᒪᔪᓕᕆᓂᕐᒥᑦ ᐊᐅᓚᑦᑎᓂᕐᒧᑦ.

ᐃᖅᑲᓇᐃᔮᖅᑖᖅᑐᖅ ᖃᐅᔨᒪᑦᑎᐊᕆᐊᓕᒃ ᖃᕆᑕᐅᔭᓕᕆᔾᔪᑎᓂᒃ ᑐᓴᐅᒪᔾᔪᑎᓕᕆᓂᖕᓂᓪᓗ (ᐃᕐᖐᓐᓇᖅᑕᐅᑦ), ᐱᓕᕆᐊᖃᖕᓂᖅ, ᑮᓇᐅᔭᓕᕆᔾᔪᑎᓂᒃ ᑎᑎᖅᑲᓂᒡᓗ, ᖃᐅᔨᒪᓗᓂ ᑎᑎᕋᕐᕕᐅᑉ ᐃᓕᖓᓂᖓᓂ, ᑎᑎᖅᑭᕆᓂᖕᓂᑦ ᑐᑭᓯᐅᒪᓗᓂᓗ ᐱᒻᒪᕆᐅᓂᖓᓂᑦ ᖃᐅᔨᓴᑦᑎᐊᖅᐸᖕᓂᖅ ᐅᔾᔨᖅᓱᑦᑎᐊᕐᓂᕐᓗ ᑭᓱᒐᓛᑯᓗᖕᓂ ᓄᓇᓕᖕᓂᓪᓗ ᐱᕙᓪᓕᐊᑎᑦᑎᔪᓐᓇᕐᓗᑎ ᑭᖑᕝᕕᕈᓐᓇᐃᓂᖕᒧᑦ ᐱᕙᓪᓕᐊᓂᖕᒥᑦ, ᒥᕐᖑᐃᕐᓯᕐᕕᖕᒥᑦ ᐊᐅᓚᑦᑎᓂᖕᒥᑦ ᑲᒪᒋᔭᖃᖕᓂᖕᒥᓪᓗ. ᐆᒪᔪᕐᓂᐊᖅᑎ II ᐊᑐᖃᑦᑕᕐᓂᐊᖅᑐᖅ ᐃᑲᔫᑎᒃᓴᓂᒃ ᐃᑲᔪᖅᐸᒡᓗᓂᓗ ᐊᑲᐅᙱᓕᐅᕈᑎᓂᒃ ᐋᖅᑭᒋᐊᖅᓯᓂᕐᒥᒃ ᓄᖑᕋᐃᓗᐊᖅᑕᐃᓕᓂᕐᒧᑦ ᐊᑐᒐᒃᓴᓂᑦ, ᑮᓇᐅᔭᖃᖅᑎᑦᑎᓂᖅ ᐊᑐᒐᒃᓴᓕᐅᖅᑐᓄᑦ ᐊᒻᒪᓗ ᓇᓗᓇᐃᕆᕙᒡᓗᓂ ᐳᓚᕋᖅᑐᓕᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᒻᒪᒃᓴᕈᑕᐅᔭᕆᐊᓕᖕᓂᑦ.

ᐃᖅᑲᓇᐃᔮᒥᓂᒃ ᖃᐅᔨᒪᔭᕆᐊᓖᑦ, ᐊᔪᙱᑦᑕᕆᐊᓖᑦ, ᐱᔪᓐᓇᕐᓂᕆᔭᕆᐊᓖᑦ ᐱᓯᒪᔭᐅᓕᕋᔭᖅᐳᑦ ᐃᓕᓴᕆᔭᐅᓯᒪᔾᔪᑎᑎᒍᑦ ᐃᓕᓴᕆᔭᐅᓯᒪᔪᒥᑦ ᐃᓕᓐᓂᐊᕐᕕᖕᒥᑦ ᐅᑭᐅᒥᒃ ᐊᑕᐅᓯᕐᒥᒃ ᑕᒪᑐᒥᖓ ᐱᓕᕆᖃᑦᑕᖅᓯᒪᓗᓂ. ᐊᑐᕐᑐᒥᑦ ᐊᖁᑦᑐᓐᓇᐅᑎᖃᕆᐊᓕᒃ ᐊᑐᕐᑐᒥᒡᓗ ᖁᑭᐅᑎᖃᕈᓐᓇᐅᑎᖃᕐᓗᓂᓗ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑐᑦ ᐊᒻᒪ ᐅᐃᕖᑐᑦ.

ᓄᓇᕗᒻᒥ ᐅᖃᐅᓯᖅᑕᕆᔭᐅᔪᒥᒃ ᐊᑕᐅᓯᐅᙱᑦᑐᒥᒃ ᐅᖃᕈᓐᓇᖅᐸᑦ ᓂᕈᐊᖅᑕᐅᓂᖅᓴᐅᓇᔭᖅᑐᖅ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᖅᑕᖏᑦ ᐃᓱᒪᒋᔭᐅᓇᔭᕐᒥᔪᑦ.

−ᐃᓕᓐᓂᐊᕐᑎᑦᑎᔪᓐᓇᕐᓗᓂ ᐊᑐᑦᑎᐊᕐᑎᑦᑎᓂᖕᒥᑦ, ᐱᔪᓐᓇᐅᑎᓕᕆᓂᖕᓂᑦ ᖃᐅᔨᓴᖕᓂᖕᓂᓪᓗ.

−ᓄᒃᑕᕈᓐᓇᑦᑎᐊᕈᓂ ᐆᒪᓇᓱᐊᕈᓐᓇᕈᓂᓗ ᐊᑲᐅᓗᐊᕋᔭᖅᑐᖅ.

−ᐋᓐᓂᖅᑐᓕᕆᓂᖕᒧᑦ ᐊᓂᖅᓵᖅᑎᑦᑎᓇᓱᖕᓂᖕᒧᓪᓗ ᓇᓗᓇᐃᒃᑯᑕᖃᕈᓂ ᐊᑲᐅᓇᔭᖅᑐᖅ.

−ᐃᖅᑲᓇᐃᔭᖅᑏᑦ ᐊᑦᑕᓇᖅᑐᓕᕆᓂᕐᒥᑦ ᐊᐅᓚᑦᑎᓂᕐᒧᑦ ᑐᑭᓯᒋᐊᕈᑎᒃᓴᑦ ᐋᖅᑭᒃᓯᒪᓂᖓ 2015−ᒧᑦ ᓇᓗᓇᐃᒃᑯᑕᖃᕈᓂ ᐊᑲᐅᓇᔭᖅᑐᖅ.

−ᖁᑭᐅᑎᑖᕈᓐᓇᐅᑎᖃᕆᐊᓕᒃ (PAL)

-ᐊᖁᑦᑐᓐᓇᐅᑎᖃᕐᓗᓂᑦ ᐊᖁᑦᑐᓐᓇᕐᓗᓂᑦ ᓄᓇᓯᐅᑎᓂᒃ, ᓯᑭᑑᕐᓂᒃ, ᑎᓴᒪᓕᖕᓂᓪᓗ

−ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᓐᓂᑦ, ᐱᖅᑯᓯᑐᖃᕐᒥᑦ, ᓄᓇᒥᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᒻᒪᕆᐅᕗᖅ.

ᐱᔪᓐᓇᖅᑐᓂᑦ ᐊᑎᕐᓂᑦ ᑲᑎᖅᓱᐃᓂᐊᖅᑐᑦ ᓯᕗᓂᒃᓴᑦᑎᓐᓂᑦ ᐃᓐᓄᒃᑕᐅᔭᕆᐊᓕᖕᓄᑦ.

ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᒧᑦ ᐱᔪᒥᓴᐅᑦ ᓇᒃᓯᐅᑎᓗᒍ ᐅᕗᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᒻᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᓪᓗ ᓄᓇᕗᒥᐅᑦ ᐱᔭᕆᐊᖃᖅᑕᖏᓐᓄᑦ. ᓄᓇᕗᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑖᕋᓱᓐᓂᕐᒧᑦ ᐊᑐᐊᒐᖅ ᒪᓕᓪᓗᒍ.
• ᐃᖅᑲᓇᐃᔮᖅᑖᖅᑐᑦ ᐃᓚᖏᓐᓂ ᖃᐅᔨᓴᖅᑕᐅᔭᕆᐊᖃᓲᖑᖕᒪᑕ ᐱᕋᔭᓚᐅᖅᓯᒪᔪᕕᓂᐅᓂᕐᒧᑦ ᑎᑎᖅᑲᖁᑎᓕᔭᙱᒃᑲᓗᐊᕐᒪᖔᑕ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᓕᖅᑎᑕᐅᓪᓚᑦᑖᔾᔮᙱᑦᑐᑦ ᐆᒃᑐᖅᑐᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓗᑎᓪᓗ.
• ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᑐᓂᓯᔭᕆᐊᓕᑦ ᐅᖃᐅᓯᖅ ᓇᓕᐊᑐᐃᓐᓇᖅ ᐃᓕᓴᕆᔭᐅᓯᒪᔪᖅ ᐊᑐᕐᓗᒍ.
• ᐃᖅᑲᓇᐃᔭᕈᓐᓇᑐᓂᑦ ᓯᕗᓂᒃᓴᒥ ᓴᖅᑭᑎᑕᐅᔪᖃᑐᐃᓐᓇᕆᐊᓕᒃ.
• ᐃᖅᑲᓇᐃᔮᒃᓴᑦ ᓇᓗᓇᐃᔭᖅᓯᒪᔪᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᒃᑯᑦ ᐃᑭᐊᕿᕕᒃᑯᓪᓘᓐᓃᑦ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.