COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 16, 2020

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 16, 2020

Hivuliuqtimin nutaamik tuhaqtidjutaa

Ublukkut. Ajuqharnaqpiaktumik havangnaidjutaani, tamaffi ilihimajuhi, piqaliqtugut 26 naunaiqtauhimajut aannialiqtut confirmed cases of COVID-19 qalagjuarnirmik Nunavunmi – siksiujut nutaat aaniaqtut Arviani malrunguktuuk nutaak aannialiqtuuk Kangiqlinirmi aanniaqtuuk tmalrungniklu nutaangnik aannialiqtungnik Kangiqlinirmi. Ihumagijatka inuit tamaita naammakhivalliajukhat imaalu tahapkuat avalingartitaujut.

Attautimun amigaitilangit inuit munarijaujut ublumimun 4089. Tadja 768 inuit tadja munarijaujun.

Dr. Pattersonnaunaijarniaqtait nutaat, avikturnianni-tamaat maliqatqujaujut piliuliqtavut, tadjagunnuaq.

Uqaqtinagu, uqallarumajunga imaatut – Iilihimajunga hamna ajurnaqpiaktuq ihumalungnaqpiakhunillu. Utirumangitkaluaqtugut pittailijaujunik atuqhimjaptingnik uingakhaq. Kihimi aanniaqtailinikkut qajangnaittumiklu tamainut Nunavummiunut, taimailiuriaqaqtugut.

Ihumagilugu pauwatuutinut ikiffaarutikhaq; ihuaqhautikhamik. Kinaliqaak qulaani piqangittuq maliktakhanik. Hamna naunaittiarlaqquto, kangiqhittiarutikhanik: Pulaaruiqluhi. Katimaqatiqaruirlutit ahianit igluqatingnit. Hamna maliqattiaqujaqqut – aihimalutit iglungni aanngiangavjaliruvit mikijugaluamik.

Anginiqaqtuq hivuanit havaktakhaptingni ikajuutikhaptingnik nunaptingnik. Taimailiuqtaaqtugun.

Ihariagijaukpiaktut imaalu ajuqhaqtunut ikajuqtikhat hivulliujut havaktikhat havakpaktut ubluqhiut kaiviikhugu ikajurahuaqhugit Nunavummiut sqajangnaittumik aannialirnaittumiklu – tamaat havakpiakpauhiat tahamungainnaqtitaililaqqut.

Uuturupta tamapta ikajurahuarluta, nakuuhitqijauniaqtugut aturliqqan Ubluiqtirvia. Qujanginnaqtailutit. Pijariaqaqpiaqqan kihiani, aihimalutit iglungni qajangnaittumik.

 

Atanilluaq Nunallaani Aanniaqtailinikkut Havaktimin nutaanik-ilitturipkaidjuti

Ublukkut. Aqaguinnaq baubaiqhijugut siksinik nutaanik aannialiqtunik taffuminga COVID-19 qalagjuarnirmik Arviani imaalu malrungnik Kangiqlinirmi attautimut 26-nguqtut aannialiqtut Nunavunmi.

Amigaqhuutiqaqtumik havaqatigiiktut ikajuqtiujut havakpiakpaktut ubluqhiut kaiviikhugu naunaijainahurittutik ihivriuqtaujukhaniklu uuktuutikhanik naunaijaidjutikhaniklu aktuqtauhimajunik aanniaqtunut hiamittailinahuaqhugu aannialaqidjut.

Qaujihaidjtuiptigut, angiglijuummiqtun ihumaluutivut COVID-19 qalagjuarnirmik hiamitirninganut aallanut nunallaanut taimaittumik uuktuliqtugut avikturnianni tamaat umikhiluta pittailidjutikhaniklu takujaptingnik Qijaijalirviani Qitiqqutaujumillu.

Qajaginahuaqhuta malrungni havainingni atuqtukghangni hiamitiqtailinahuarlugu aanniarut COVID-19 qalagjuarnirmik.

Atulirniaqtuq Pingatiunmi avikturnianni-tamaat:

• Tamaita katimadjutikhangit atuqtauyukhaungiqtun tallimanik inungnik katimajukhaungitunlu aihimavingmini.
• Ilaujukharnik, tamaita maniliuqhimaaqtun maniliungituniklu nanminiqaqtut umikhimajukhat, talvuunakiak Niqinik niuvvaviit ; Uqhurjualiqijit, akhaluutiliqijutlu najugait; Kanadami Titiraqarvingit; Maniliqivigjuangitlu.
• Niriviit angmaumalutik aighiqtuinarnun.
• Tamaita iliharviit, ilaujurlu Nunavunmi Inirnirit Ilihaapaalirviit, kavamatuqatkut, ukiuqtaqtumi, nunaptingnilu, nunalaanilu kavamangit havagviit umikhimajukhat tapkuat kihimi kivgaqturluaqtiit havaktun.
• Iliharviit tunihiniaqtun ungahiktukkut iliharnirmik atuqtakhanik.
• Inungnut kigaqtuidjutit taimaittut nujaliqijiit, iqaijaqtiujut umikhungujut.
• Tamaita ulapqiviit hulipkaidjutit huliakhallu nutqarniaqtut.
• Iqaijarviit, ulapqiviit puvjarviit umingniaqtut.
• Taiguarviit, ingilrarniitanik qun'ngiarviit titijaujaqarviit umingniaqtut.

Aaiinaqtailitikhanut inirnikhaat najugaait imaalu hivitujumut munaqtauviit nutqanganiaqtut malrungni havainingni kihianik angiqtajariikhimajunut taaktimit. Apiqhujugut inirnikhaat munarittiaquplugit inmingnik naunaitkutikhanik aannialaqidjunmut imaalu hivajarlutik munaqhinut aanniangalirumik. Nunamingni ilaujut munaqhijttiaqtukhat inirnikhaanik, maliqalugit inungni ungahiktilaaqarlutik, igluinnut itiqtailutit.

Munaqhitkut umikhimaliqtut kihiani amigaqhuutaujuinnarnut. Tamna Qikiqtani Aanniarviat itiqtunik ihivriuqhilimaiqtut. Hivajadjavutit ivuagut nanaijaqtauniaqtutit hivajautikkut. Aanniarviliaqtailutit kihimi apirijauguvit qaitqujauguvit. Kinalq=iqaak pullarumajuq aanniarvingmut aturiaqaqtuq matukhamik.

Apiqqutikhaqaruffi pidjutiqaqtunik COVID-19 qalagjuarnikkut imaaluuniit naunaiqhijumaguvit ihivriuqtaujukhauguvit, hivajarlugit COVID-19 qalagjuarnirmikhivajautaanut talvunga 1-888-975-8601. Hivajarlutit hivajautaanut aanniaqtailinikkut havaktivut ihumaginiaqtait munaqhidjutikhatik hiamitirnaianut aanniarunmik. Hivajaqtut munaqhitkunut amikgaqhuutainaujunut pidjutiqaqtunik.
 

Minista Aanniaqtailinkkut nutaaq tuhaqtitakhaa

Ilihimajugut tamna aanniarut COVID-19 qalagjuarniq tikihungujuq qakugu Nunavunmut. Hamunga tikinmat, tamapta uuktuqtukhaujugut ikajurahuaqluta nutaqaqtinnahuarutikhanut hiamitiqtailitikhanik.

Ajuiqhattiaqhimajunik piqaqtugut naunaijaijut aktuqtauhimajunik aanniaqtunit imaalu hivajaqaktut inungnut naunaijaiplutik qanurittaakhainnik. Tadjaungittuq inuit tamarmik Nunavunmi qaujihainahuaqtukhat. Ihumaluutiqaruirlutit kinamikliqaak, qanuqtut hunakkut tikittaakhanik aanniarutimik. Ihumajukhaujugut qanuqtut nutqaqtinnahuarutikhanik hiamitiqtailinahuarutikhanik. YTamna aullaqtiqtukhaq iingnit.

Una hiamitirninga takunnaqtuq qanuqtut anginiqaqtuq malingnahuarlugit inungnut aanniaqtailinikkut maliqatqujauhimajut imaalu itqaumaluta amigaittut maliqajakhavut piliuqtauhimajut pidjutigiplugu.

Uvaptingnik,ilavullu, nunavullu qajangnaittumik pinahuarluta , naliinnik maliqajakhanik pilimaittugut maliktakhaptingnik. Maliqajakhavut tamaita, naunaiqtauhimajut nakuujumit taaktimit.

Hiamitirninga inuit apiqhuqpaktut avalingarvikhat ikajuutaujakhainnik. Iitngujuni tatqiqhiutinni ikajuutauhimajuq . Iitngjni tatqiqhiutinni ikajuutaivakhimajuq aanialaqidjut hamunga tikittailiplugu.

Avalingarniq ikajuutauvaktuq inuit maliqajaraigumikik maliktakhat avalingaqtitautitlutik. Tamna Dr. Patterson uqaqtuq, nakuukpiangittugaluaqtuq, taimaittumik maliqajakhavut maliktakhat.

Nutqaqtutaungmijugut aittailijauliripluta, akhuuqhajatka tamaffi maliqattiaquplugit maliktakhavut.

• Pulaaqtaililuhi.
• Ungahikhimaluhi siksinik aplurnirnik inungmit.
• Avalingarvingmi itkuvit, avalingaaqtukhaujutit.
• Aannialiruvit aihimalutit iglungni imaalu hivajarlugit COVID qalagjuaniq hivajautaanut.
• Atuqtitihuirlutit hnavalungnik aallanut inungnut. Inuujugut inungmiujumajuktugut ilihimajunga hamna ajurnarniarmijuq, atuqatigingnik kitaaniklu, uluaraunmik, higadjanik, hunalikluuniit, hiamitirutaujuq aannialaqidjunmik.

Tukliik malruuk havainiik ajurnaq=rniaqtuq inungnut, kihimi nalladjavutit inungnut aanniaqlainikkut maliqatqujaunnik.

Tamapta uuktuqtukhaujugut hiamitiqtailitikhanut aannialaqidjutimik havaqatigiikluta ahiqpangalutallu. Taimailiuqtaaqtugun.] pittaaqtugut.

Kulaisimarniq qilamik tikihainnarniarmijuq imaalu akhuurutivut havakpauhivut nutqaqtinnahuarutikhanut hiamitiqtailinahuaqhugu aannl=ialaqidjut talvattuaq ikiglinahuarutikhaqqut maliqajakhanik hiamitirnaittumiklu. Taman tamaptingnut uvaptingnullu ikajuutauniaqtuq malikluta tamainnk.

Havaqatigiikluta, ikajurniaqtugut inungnik Nunavunmi Kulaisimaqatigiigiaptingni ilagiiktut attautimi niriqatigiikluta.

Taimaililimaittugut nalangitkupta uqaudjidjuhiinnik pitqudjutainniklu taffuma Dr. Patterson.

Qajagilui imaalu aanniaqtailinahuarlutit.

Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havagviit atuqtipkaliqtait hapkuat:

Havagviat Aanniaqtailinirmut

Attautimut (Tamaita Aanniarviliaqtut Avalingarviit Najugait Nunanginni)
Aullaaqtuq Qanurittumik	Inuit Avaliinngaaqtitaujut talvannga Hilkutirvia 16
Aanniarnikkut	520
Inuit Nunalaani	283
Attautimun	803

Aullaqhimajun utiqtun naunaijautaa:

Aullarvia Ublua	Amigaitilaangit Aullaaqtun Avaliingaarvingnin
Hilkutirvia 13	44
Hilkutirvia 14	0
Hilkutirvia 15	20
Hilkutirvia 16	113
Attautimun	177

Ihariagijauqpiaqtuni Havaktini Tukhirutin

Talvannga Hilkutirvia 14, pilik 8815 tukhirutinik, 4121ngujun ihariagijauqpiaqtuni havaktini tukhirutinik.

Tukhiutait Qanurinniit	#	%
Angiqtaujut (ilaujun ihariagijauqpiaqtun ihariagijauqpiangittullu)	5945	67.4%
Qin’ngijaujun	280	3.2%
Ihumaliuqtaujun huli	172	2.0%
Aullauvilluarvigijainni Nunat Aagiqtauhimayut	2418	27.4
Attautimun	8815	100%

 

Umiktut/Taimaaqtut/Nutqaqtitaujut kivgaqtuidjutikhangit (Kivallirmi avikturnianni, Sanikiluarmi):

• Tamaita aallangajut ihivriuqhirvikhangit nutqaqtitaujut kihiani qakugu ilitturipkaqtaugumik.
• Kiguhiqivik kivgaqtuidjutikangit nutqaqtitaujut tahapkuanginnait amigaqhuutaujut.
• Telehealth takuujauvikhangit nutqaqtitaujut kihiani qakugu ilitturipkaqtaugumik.
• Amigaqhuutaungittut tingmijukhat aanniarviliaqtukhatIqalungnut kinguvaktitaujut. Ihivriuqhirvikhangit ihuaqhaqtauffaarniaqtut qakugu naunaiqtauniaqtut.
• Aimaviinnut munaqtiujunit ihivriuqtaujaqtuqpaktut pulaaqtaqhutik nutqaqtitaujut tadja.

Ihuaqhaqhimajut kivgaqtuutait (Kangiqlinirmi):

• Tamaita hinngaijaujut upautivikhangit takujauvikhanginnik naunaiqtauhimajuinnarnik ubluani ubluqhiutikkullu, talvuuna irniurvikgmi takujauniaqtut.

Ihuaqhaqtauhimajut kivgaqtuutit: (Iqaluit)

• Tamaita munahilirutikhat naunaijaqtauniaqtut. Aanniaqtun hivjaqtukhat munaqhitkunut ihivriuqhiriamingnik imaalu aanniarviliaqtailutit amigaqhuutaukpat kihianik.
• Nutaranihaaqtunut munaqtauviit aullaniaqtut huli.
• Amigaqhuutaujunut Havagviat angmaniaqtuq amigaqhuutaujuinnarnut kihiani.
• Qaujihaqtauvingit imaalu iksulirvingit oijunaittut takuurii=limaittut inungnik.
• Aallangajunut ihvriuqhirviit nutqanganiaqtut.
• Pulaaqtiqalimaittut aanniarvingmi kihimiatauhirmik pulaaqtimik munaqhijukhanik aanniaqpiaktumut, nutaqqanut, imaalu malrungnik pulaaqtiqarlutik OBS aanniaqtumut.
• Kinaliqaak ihivriuqhivianungaugumik atimajukhat matukhamik. Matuhimaitpata tunijauniaqtut matukhamik atimajariaqaqtat.
• Ihivriuqtaujumajunut nampaa una: 975 8600, ext 5425.
  • Aallat hivaujautait nampait ilaujut: 5430, 5431 unalu 5433.

Ihuaqhaqhimajut kivgaqtuutait (avikturnianni tamaat)

• Kiguhiqijiit kivgaqtuidjutikhat amigaqhuutaujuinnarnut.
• Kigikhiurjualiqtunut kiguliqpiaktunut kiguhiqivikhait hailijut Iqaluktuutiami, Kangiqlinirmi, Iqalungnillu.
• Tamaita aanniaqtunut kivgaqtuidjutingit All health services amigaqhuutaujuinnarnut.
• Aanniaqtut hivajaqtukhat munaqhitkunut ijhivriuqtaujamingnik munaqhitkungnungauhimaittumik amigaqhuutaukpat kihianni.
• Kinaliqaak munaqhiliaqtukhaugumik atimajukhat matukhamik.

 

Havagviat Inulirijikut

Ikajuuhialiqijikkut umiktut inungmut upautiviujukhanik. Una umingningat pidjutiqaqtuq COVID-19 qalagjuarnirmik qalagjuarniq nunaptingni imaalu aannialiqtailinahuarutikhanut inungnut tamainut. 

Ikajuuhiakhat tunijauniaqtu ungahiktukkut. Upautivikharnik ihuaqhaijumaguvit ikajuqtaujumaplutit, hivajaq=djavutit nunangni havagvianut imaaluuniit Avikturnianni Havagvianut ihuaqhailutit upautivikharnik. Nipiliudjavutit kiujukhaitpat imaalu hivajaqtauniaqqutin.

Nunaqaqtunut Arviani hivajaqtukhat Ikajuuhialiqijikkunut Inujiliqijikkut Kivgaqtuidjutit Avikturnianni Havagvianut Kangiqlinirmi 1-800-953-8516 ext 1602 hivajarlugitluuniit Kivallirmi Avikturnianni Havagviat: 1-867-645-5040 ext 1602 unaluuniit ext 1600.

Ikajuuhialiqijimit havaktimit hivajarniaqtatit upautivikharni ubluqhiutikkut havagiaminik hivajautikkut naunaijautikharnik. Akiliuhiakpakkuvit hapkuinnga EI, CRB unaluniit CRCB nhanaiqhimalugit aktilangit imaalu kingulirmik akiliuhiarijarnik ubluanik uqaqtakharnik naujnaijaudjutingni.

Sakhanik pilimaittut tunijaulimaittut Inungnut Aanniaqtailinikkut Amigaqhuutajunut atuqtautitlugu nunagani. Ikajuuhialiqijivit Havaktip apiqhurniaqtatit nallianik niuvvavingmik, niuvvavingnik, akiliqtaujukhamik autuqtakharnik nunangni.

Akiliuhiakhat halihungujuq nivvavingmi qangiqqan 11:00 ublaami aqarunguqqan.

Maliglugit niuvvaviup maliktakhangit inungnit ungahiktilakhanik imaalu qaffiujukhat inuit itiqtipkaktaujut niuvvavingmut attautikkut.

 

Havagviat Ilinniaqtuliqijikkut

Umikhimaniaqtun/Nutqaqtitauniaqtun/Taimaaqtitaujut ikajuutikhat:

K-12 Iliharviit

• Malikugu Atanilluaq Inungnun Aanniaqtailinikkut Havakti, tgalvanga Pingattiut, Hikutirvia 18, 2020, tamaita ilihaviit nuutpalliajut talvuna Qanurininga 4: Nanauqtauhimajut Aannialiqtut imaalu Nunangani Hiamitiqtuq aanniarut COVID-19 qalagjuarnirmik Qalagjuarniq hivunirmi ilituripkaktauffaarniaqtugut.
• Talvanga Pingatiunmi, Hikutirvia 18, 2020, tamarmik Nunavut iliharviit atulirniaqtut Qanurininga 4 qanuriliurutikhat upalungaijautikhat, imaali ikajurahuarlugit un'ngahiktukkut iliharnirmik tamaiknut ilihaqtunut. 
• Aullaqtirlutik Pingatiunmi, Hikutirvia 18, Tamita iliharviit Kivallirmi avikturnianni umiktut ilihaqtunut, havaktinut, inungnullu kihiani qakugu ilitturipkaqtaugumik Atanilluaq Nunalaani Aanniaqtailinikkut Havaktimit.
• Tamaita ilihaqtut ilihaudjauniaqtut havaktaulutik unngakhiktukkut.
• Unngahiktukkut iiharniq havaktauniaqtuq maliqalugit qanuriliurutikhat upalungaijautikhat iatuliqtaujut iliharviup havaktiinit, imaalu havaglutik aallatqiiktunik titiqqanik tunngajunik ihariagijainnut iihaqtut.
• Ilihaijiit/iliharviit havaktingit hivajarniaqtait ilihaqtitatik ilagiillu qakugunnuaq.
• Nutaangurniit nunangani qaniriningit takupkaqtauvangniaqtut uvani Havagviat Ilinniaqtuliqijikkut qaritaujakkuurutaani: https://gov.nu.ca/education/information/2020-21-opening-plan-nunavut-sc…
• Una umikhimadjutaa pilimaituq hulaqutauluni havaktit akiliuhianginun.
• DEA-kut havaktingit maliktukhat pitqujainnik CPHO-mitas pidjutiqaqtunik havagiakturvikhanut havagvingmingnut.
• Maniliqtuutikhangit DEA-kut ajurnautiqalimaittut, ukuallu DEA-kut akhuuqhaqtaujut akiliqtuqhimmaarlugit havaktitik pidjuhimiktut.

Ilihalihaaqtut Nutaqqat Nutaqqaniklu Munaqhiviit

• Malikugu Atanilluaq Inungnun Aanniaqtailinikkut Havakti,, talvanga Pingatiunmi, Hikutirvia 18, 2020, tamaita Nunavunmi nutaqqiqiviit umingniaqtun.
• Nunavut Kavamangit maniktaqvikhangit laisiliqiyaangat nutaqqanik munagidjutikharnik igluqpangnik aulaniaqtun.

 

Nunavunmi Inirnirit Iliharviat (NAC) Kivgaqtuutikhait

Umikhimaniaqtun/Nutqaqtitauniaqtun/Taimaaqtitaujut ikajuutikhat:

• Nunavunmi Inirnirit Ilihaapaalirviitnuuniaqtun Qanurininga 4/naunaitkutaa aupajaqaqtuq oumani f its angmaffaarnikkut upalungaijautikhat tamainni avikturnianni.
• NAC igluqpait umikhimahimmaarniaqtun inungnun ilihaqtunullu.
• Ilihaqtakhat nuutauniaqtut unngahiktukkut liharnirmik, pijuminaqqan.
• NAC igluqpait pillaviuniaqtun ihariagijauqpiaktuinnarnit havaktinit. Matukhamik aturiaqaqtut igluqpangni.
• Iniqtiutikhamingnik upalungaijautikhangit ilihaqtunut 2020 nutqaqtaujut pipkaqtauniaqtut qakugunguqqan.
• Ihariagijaungittut aullarniq pitqujaungittut, kitkut ilaujut NAC -kuni havaqatigiiktunut pijariaqarumik aullarnirmik hivah-jaqtujhat atan'ngujamingnut.
• Ilihaqtut akhuuqhaqtaujut auulahimaittumik najugamingni tadjakaffuk.

 

Havagviat Pitquhiliqijikkut Kivgaqtuidjutikhait

Umikhimajut kivgaqtuidjutikhat

• Taiguarvik Iqalungi umiktuq inungnut aullaqtirluni Pingatiunmi, Hikutirvia 16.
• Taiguarviat Qamanittuami umikhimajuq tuhaqtitaulraaqtinnatik.

 

Havagviat Nunalingni Kavamatkunillu Pivikhaqautikkut Ikajuutikhainik

• Atulirluni Pingatiunmi, Hikutirvia 18, 2020 tamaita GN-kuni havagviit igluqpait unmingniaqtut inungnut. Kitkutliqaak inuit katimaqatiqaktukhat GN-kunni havaktiuyunnik kivgaqtuutikhainnik havaktimik talvaniittumik GN-kut havagvianni igluqpaani hivajaqqarlugu inuk takujumajaqtik imaalu ihuaqtumik naunaiqhijukhat uparvikhamingnik ubluqhiutikkut naunaiqhilutik.
• Tukhirutit nunamungaujaami nappaqtirinikkut pidjutilingnik havaktakhanik aullaariamiluunniit nunami ukununga nappaqtirinikkut pidjutilingnik havaktakhanik tujuqtauttaaqtun qaritaujakkuurutikkut titiqqidjutikkut uumunga @email
• Nappaqtirinikkut havatiit iniqhimajun avaliingarnikkut ublumimun: 2147

 

Havagvia Maligaliqijikkut

Nunamingni Maligaliqiyit

Inungmik katimaqatiqaqtukhat Nunalaani Maligaliqinikkut pittailijaujut amigaqhuutaujunut kihianik inuk hivajautaitpat imaalu qajangnaittumik najuganik hivajarvikhanik kivagaqtuijunut hivajautikkut. Inuit apirijaujut hivajaquplugit upalungaikhimajumut Ilagiiktut Pimmarlungnikkut Hattumiarutikhainut Maligaq (FAIA) hivajautaanut apiqqutikhaqarumik ikajuqtikhailiurumnikluuniit aturlugu tamna hivajautaa nampaa 1-844-534-1038. Hivajautaa ihivriuqtauqattaqpangniaqtuq naunaittumik ikajuqtaujumajut tunijauniaqtut Nunallaani maligaliqijikkut Ajuiqhattiaqhimajumut ikajuqtaaktumut titiqqanik titiraqtakhainnik imaalu atuqtakhainnik.

Nunallaami Itiqtauvingit

Tamaita Nunamingni Itiqtauviit havagviat umikhimaliqtut inungnut tuhaqtitauniaqtuhi. Tamainni Nunallani Itiqtauviinni inuit unniqtukhaujut hivajautikkut Avikturnianni Ata'nngnujaujunut Itiqtauviit Havaktiinut hapkununga hivajautanut:

 

Itiqtauviiit Igluqpait

Ihuaqhaqtaujukhat ihuaqhaqtauhimmaaqtut malikhugit qajangnaittumik maliqajakhangit aanniaqtailiniktanut COVID-19 qalagjuarnirmik fitiqrunghaungittut igluqpannut imaalu qajangnaitkutikhanik hiamitiqtailinirmut hiamitirniaqqan. Maliqayakhangit havaktauhimajut ilauyut nutqaqtittugit tamaita hilataanit pulaarumayunut imaalu aullagakhaittunut tingmidjutikhainnik. Quyagiyavut utaqqigaffi imaalu ikayuutiffingnik tuniyauyunik itiqtauhimayunit ilagiiktunillu maliqangmagit maliquyauyut qauyimagaptallu ayurnaittungittuq.

Qayangnautaullayut hivuuranaittumiinniqpidjutauyut itiqtauvingnut , naluyugut qanuriliurutikhainnik tadja pidjutigiplugit itiqtauviit upalungaiyautikhaliurutikhainnik. Kihimi, tunihiniaqtugut hapkuninga naunaitkutikhanik pidjutigiplugit atuqtakhaliurutikhangit imaatut:

• Tamaita itiqtauyukhat tikitkaikpata piyariaqaqtuhivituniqaqtumik imaatut 14-ni ubluni itiqtauyarangata.
• Itiqtauviit iliuraiyut aallanik algangnut uaqhitikhanik haluummaqtirutikhanik upaktauqattaqtunni nayugainni.
• Kiudjutikhait/pihimayakhainniklu puukhimayut iliuraiviuyut algakhanik, ivjarutikhanik, akuliangnut pittailitikhanik qalakhuqtuqaqat, aannuranut qaliqtakhanik imaalu maliktakhanik naunaitkutikhanik aturnikhanut.
• Munaqhit akhuuktut ihivriuqhiplutik itiqtauhimajunik tikittarangata itiqtauvingmut mihingnautiqariakhainnik aanniarunmik qalagjuarniq-19.
• Amigaigyuumilugit halummaqtirutikhainnik amaliktaujariaqaqtut halummattiaqtauvagianginni qanngit amihuiqturalugillu ubluraaluk.

Havaktuliqinirmut Atuqtakhainut Katimayiit
Havaktuliqinirmut Atuqtakhainut Havagviat uqarviunginariaqaqtuq hivajautikkut nallianut nampainnut:

• Hivayautaa 1-867-975-6322  
• Akiittukkut: 1-877-806-8402    
• Kajumiktukkut: 1-867-975-6367

Havagvik hailijuq huli kiulugit apiqqutainnik Nunavummiut pidjutiqaqtunik talvuuna Havaktuliqinirmut Atuqtakhainut Maligaq imaalu Maliruagakait.

Apiqhuiviit Havagutit

Apiqhuirviat umikhimaniaqtuq inungnut.

Apirhuivikkut atiliurvik hailihimaniaqtuq ikajurumaplugin inuit hivajautikkut qaritaukkulluunniit titirarutikkut. Atuqlugin hapkuat uqaqatigivikhakkut naunaitkutit ikajuqtaujaami.

• Pidjutit ilaqaqqat ihuinaarnikkut inulrammikkulluunniit havagutikhanik, uqaqatigidjavan ihuinaarnikkut Atiliuqvik uvani 867-975-6101; @email.
• Pidjutit ilaqaqqat inungni, ilagiiktuni nutaqqaniluunniit maligakkut havagutikhat hivajadjavin Inungnun Atiliuqvik 867-975-6102; @email.
• Pidjutit ilaqaqqat inungni maliktitaunikkut, uqaqatigidjavan paliihimaujumi havagvia uvani 867-975-6103; @email

Maligatigut Atiliuqtiujut

Maligakkut Atiliuqvia umikhimaniaqtuq inungnut.

Inuit huli pijaaqtait hulidjutikhat uqaqtigilugin uvani 867-975-6590 titiqqilugilluunniit qaritaujakkut @email.

Ajuqhaqtitauvakhimajut Kivgaqtuutit

Ajuqhaqtitauvakhimajut Havagvia umikhimajuq inungnut tadja. Kihimi, Nunavummiut hivajariaqaqtut havagvianut hivajainnariaqaqtut Akiitukkut hivajaugtanut 1-866-456-5216 qaritaujakkut titirarvigilugit @email.

Ikajuutikhat tunijauttaaqtut qanurinniitigut.

Akilikhivikhat Havakti

Aturnikkut Havagvik umikhimaniaqtuq inungnun. Uqarvigil]jumagupkit Haagviat hivajarlutit 867-975-6314 qaritaujakkut titirarvikhat @email.

Havagviat Inungnun Munaqtiuyunut Munagiyutlu Tamayangnik Manigingniklu

Havagviat uumannga Munaqtiujunun Munagijullu Tamajanik umikhimajut inungnut.

Atuqlugin hapkuat uqaqatigivikhakkut naunaitkutit ikajuqtaujaami.

• Piqutinut pidjutiqaqtunik uqarvigilugut1-866-294-2127 qaritaujakkut titirarvikhat @email
• Nutaqqanik pidjutiqaqtunut hivajarlutit 867 222-1805 qaritaujakkut titirarvikhat @email

Inuliqijikkut Ikajurutikkut

Inuliqijikkut Ikajurutikkut havagutin aulahimmaaqtun. Havagvik umikhimaniaqtuq inungnun.

Naunaitkutikhanik pidjutiqaqtunut titraqarvikkut, uqarvigilugu 867-975-6112 akiitukkut 1-800-792-4183, qaritaujakkut @email.

 

Havagviat Pivalliayuliqiyitkut Ingilrayuliqiyitkullu kivgaqtuutikhait

Aulahimaaqtun kivgaqtuutit:

• EDT Havagviit tamainni Nunavunmi nuutpallianialiqtut havaglutik aimavingmingni uumani Hikutirvia 17, tamaita havaktaaktut iglumingnit havag=ngniaqtut aimavingmingnit taffumani Hikutirvia 18.
• Milviit atuqpagainut aulapkaininngit unalu munarijakhangit aullahimmaarniaqtut.
• Pivikangit \tamaita Milvianni Igluqpaanuttahapkuanginnarnut havaktiinainnun, aullaqtukhanut, imaalu inungnut ikajuqtiujunut aullaqtukhanut.
• Matukhat atuqtaujariaqaqtut tamaat Nunavunmi Milvianni Igluqpangmi.

Ihuaqhaqhimajut kivgaqtuutait:

• Tamaita aallat havagviujut kivgaqtuutikhait nuutirnialiqtut havaktaulutik aimaviinnit, Aulapkaijit aallallu havaktukhaujut havaktit havangniaqtut havgvingmingni.
• Akhaluutiliqinikkut Atiliurnikkut imaalu amihunut Laisikhanik nutannguqtirutikhat havaktauhimmaaktut huli.
• Inuup Naunaitkutait piksalik tunijauttaaqtut qilamiurutaukpata.
• Nutaanik Akhaluutituutikhanik Aqudjutikhanik Laisikhanik havaktaujunaittut kihiani qakugu ilitturipkaqtaugumik.
• Uuktuutikhat hapkuninga kivgaqtuidjutikhanik paqitaulajut uvani https://www.gov.nu.ca/motor_vehicles :
  • Aqutiujup Laisit Nutannguqtiutikhat
  • Nunavunmin Naunaitkutikhaq Ilitaridjutikharnik Piannannuat Nutannguqtiutikhat
  • Akhaluutinut Atiliurutikhanik Nutannguqtiutikhat
  • Tukhiutit Aqutip Aqudjutainnik Naunaitkutinik, Akhaluutinik Qiniqhiadjutit, imaalu Pijaqtuqhikapat Unniudjutit

Umikhimaniaqtun/Nutqaqtitauniaqtun/Taimaaqtitaujut ikajuutikhat:

• AllTamita amigaqhuutaungittut Akhaluutikkut Kivgaqtuidjutikhangit ilaujut Aqudjutikhanik Ajuittakhanik Naunaijautikhat, tamaita Pulaaqtinut Havagvinganut Pinahuarutikhat, tamaita havagviujunut katimaplaiviit imaalu inungnik ajuiqhaudjidjutit.  

 

Havagviat Avatiliqiyitkut Kivgaqtuutikhait

Aulahimaaqtun kivgaqtuutit:

Havagvik aulahimaarniaqtun kiudjutikharnik ayungnautiqaqtunik uumayunik kuvihimayuniklu. Tamaita kuvijuqaqqan unniqtaujukhat taffumunga Nunavunmi Kuvijuqaqqan Hivajautaanut uvani 867-920-8130, 24 ikarniinni ublumi: https://www.gov.nu.ca/environment/documents/spill-response  

Nanunik munaqhidjutikhangit aullahimmarniaqtut munarilugit nunallaani tikitauqattaqtut nanunit amihuarjunit (ukuat. Arviat hamanillu Tikirarjuami), maliktakhainnik inungmut qaniklittaililutik inungullu maliklugillu maliqatqujauhimajut naunaiqtauhimajunik Atanilluaq Nunalaani Aanniaqtailinikkut Havaktimit.

Umikhimaniaqtun/Nutqaqtitauniaqtun/Taimaaqtitaujut ikajuutikhat

• Tamaita uumajuliqijikkut havagviit Kivallirmi avikturnianni umiktaujut inungnut kihiani qakugu ilitturipkaqtaugumik. Uumaljuliqinikkut kiudjutikhat 24 ikaartniinni ublurmi, hivajarlutit:

• (* nampaa rurraqtitauniaqtuq avikturnianni havagvianut)

 

Havagviat Kavamaliqijikkut

Aulahimaaqtun kivgaqtuutit:

The Government of Nunavut continues to meet its privacy obligations under the Access to Information and Protection of Privacy Act. ATIPP Tutiqhaijit havakpaktut nutaanik tukhiutiniklu naunaitkutikhanut imaalu kiuvangniaqtut naatinnagit 25-havangnaqtitlugu ublunni, kihianni angiqtauhimaut naunaiqtauhimakpata ataani Maligarmi. Uqarvikharnik naunaitkutait titirarumaguvit taffuminga ATIPP tukhiut, takulugu qaritaujakkut atani: https://www.gov.nu.ca/executive-and-intergovernmental-affairs/informati…

Ihuaqhaqhimajut kivgaqtuutait:

Kavamatku Kigaqtuijiit Havagviit umiktut inungnut. Kavamatkut Kivgaqtuijiit Havagviit havangniaqtut unahiktukkut. Hivluguajautainik naunaitkutikhat takulugu una https://www.gov.nu.ca/executive-and-intergovermental-affairs/informatio….

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.