Nunavummiut apigijaujut ilaulutik uvani Nunaqjuami Kapuqhingnikkut Ilituqhaidjutit Havainiq

Havagviat Aanniaqtailinikkut apirijait Nunavunmiut aulahimaaquplugit ublumimun pitqujauhimajunik kapuutinik hapumminikkut ilagijamiknik, ilanamingnik nunallaaniklu aanniaqtailijauttaarnikkut aannialaqidjutinik, ilaulutiklu tikittukhami Nunaqjuami Kapuqhingnikkut Havainiq. Una ukiuq tamaat hulilukaarut naunaijaqhimajut aghuurutait kapuqhirnirmun, uvani ukiumi pidjutaa 'Munarilugu hivunighangnun. Kaphiqtauqujaujutin!'

Pidjutihimmaangnikkut kapuutit an’nginiqaqtut tamainnut kihimi taapkualluanut biibinnuanut pihujuqhiliqtutlu. Kapukhirniq munagidjutiqaqtuq nutarat aanniarjuarnirmi aanniarutingniluuniit munagijaangat allat nutaqqat qajangnairutikharnik taima ikiklijumiqtitijaangat ajungnautikharnik hiamitirnaitumik aanniarutingnik nuttaqqanun aalanunlu nutaqqanun.

Amigaittut nutaratit kappuutait iniqtaujut inuulihaaqhimatiatigun ukiuliqtumun siksinik. Amigaittut kapuutit tunijauvaktut amigaittunik, humimi ukiuni aadlatkiingnilu aadlanik.

Nutaqqat an’ngivalliatillugit, aanniaqtailidjutit pigumikkiq aanniaqjuagutimin tahapkunanit kakiliqaqhimaaqtunik pidjutihimaagutainni nutagap kapurhirniit hakuiqpalliavaktut. Pidjutihimmaariami aanniaqtailinirmun, aadlatkiiq ikajuutit kappuutimun pijariaqaqtut.

Naunairiami kitut kappuutiti ihariagijaujut nutaqqanut inirningguliqtunutlu imaa pijaami aanniaqtailinirmun anniarutinit, talvunggaulutit qaritaujakkuugutimun Nunavut Kavamanga qaritaujakkuugutaa uqaqvigiluguluunniit nunalaani munaqhitkut.