Uqausirmut Quviasuutiqarniq 2024
Ajungnangituq angunianahuagiangat nattirmik ukiuk tamaat niqikhagiangani aanugaarharniklu ilatiptingnun Nunavunmi. Ukiuq tamaat, Uqausirmut Quviasuutiqarniq, kangiqhidjutaa “quviahuutaujuq uqauhiptingnut,” uqautaujuq akhuurutit Inuit pitquhiinnut avaliqangitumiklu pitquhiq pidjutiqaqtuq Inuktut. Uqausirmut Quviasuutiqarniq aulaniaqtuq tatqikhiutmi Qitiqqautijuq, uvani ukiumilu ihumagijauniaqtuq 'Nattiq', nattiq kitu angujaunginaqtuq Inuinarnun kinguliptingnun.
Nattiit ilaujut Inuit pitquhiinun uvalu ingilgaaqnitangnik, uvalu nakuujumik tunihijut niqinik, aanuraanik, hanalrutinik, amigaituniklu. Tamaita ilangit nattiit atuqtaujut, taimaali iqakukvingmungaujuitait. Ihuaqtumik anguniarut atuqhimmaaqtaat ikajuutigivlugu hakugikhijuumiutauvlunilu pitquhirmun, ilitquhiq, inmikkullu pittaarutikhainun. Nunavummiut aghuuqhajaujut ilihaqlutik uvalu atuqhimajamingnik qanuq anguniaqlutik uvalu ihuaqtumik anguniaqlutik nattingnik, taidjuhiit timingmiitunik nattip, pitquhitigun havaktakhangit anguniarniq, hanaqijaangat upalungaijaijaangatlu nattiiq pitquhitigunlu hanalrutaliurnikkut ajuittiagiikhimajut atuqtauvakhimajut hanaqijaujaangat nattiit.
Talvuuna hulilukaaktunik tatqikhiunmi, Havagviat Pitquhiliqijitkut, iliqatigiikhugit allat Nunavut Kavamangit havagviingit, atuquniaqtun allatqiinik hulilukaarutikharnik ilihairutikharniklu quviahuutikharnik Inuktut. Pikpat attauhiinaqmik uqauhiqaqtunun iningnikhat uvaluuniin ilihaqlutit hivulirmik tainiinik, Inuktut ilihangnikkut atuqtat tungahuktitijut najugahait tamainun.
Qiniqlugit Uqausirmut Quviasuutiqarniq makpirnia nutaanun hulidjutinun quviahuutinun Inuktut uqauhiinun pitquhirmunlu. Qaumaluta qaumanikkut uvalu akhuugutait Inuktut!