ᐃᖅᑲᐃᓯᔾᔪᑎ: 2024-ᒥ ᐃᒡᓗᓂᑦ ᓇᖕᒥᓂᖃᖅᑎᐅᔪᓄᑦ ᐅᖅᓱᐊᓗᖕᒧᑦ ᐃᑲᔫᑎᑦ ᐱᓇᔪᖕᓂᐊᕐᓗᒋᑦ ᐃᓱᓕᕝᕕᒃᓴᖃᖅᑐᖅ ᒫᔾᔨ 31-ᒥ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᐅᓪᓗᑐᐃᓐᓇᖅ, ᒫᔾᔨ 8, 2024
ᑮᓇᐅᔭᓕᕆᔨᒃᑯᑦ ᐃᖅᑲᐃᓯᔪᒪᖕᒪᑕ ᓄᓇᕗᒥᐅᓂᒃ 2024-ᒥ ᐃᒡᓗᓂᒃ ᓇᖕᒥᓂᖃᖅᑎᓄᑦ ᐅᖅᓱᐊᓗᖕᒧᑦ ᐃᑲᔫᑎᑦ ᐱᓇᔪᖕᓂᐊᕐᓗᓂ ᐃᓱᓕᕝᕕᒃᓴᖃᕐᒪᑦ ᒫᔾᔨ 31-ᒥ.
ᐃᒡᓗᓂᑦ ᓇᖕᒥᓂᖃᖅᑎᐅᔪᓄᑦ ᐅᖅᓱᐊᓗᖕᒧᑦ ᐃᑲᔫᑎᑦ ᐊᑐᐃᓐᓇᐅᑎᑦᑎᓲᖅ ᐊᔪᙱᑦᑐᓄᑦ ᐃᒡᓗᓂᒃ ᓇᖕᒥᓂᖃᖅᑎᐅᔪᓄᑦ $1,000−ᒥ ᑖᒃᓰᔭᕈᑎᖃᙱᑦᑐᒥᒃ ᐅᑎᕐᕕᐅᔾᔪᑎᒃᓴᑦ ᐃᑲᔫᑕᐅᓗᑎᒃ ᐃᒡᓗᖏᑦᑕ ᐅᖅᑰᓴᐅᑎᒧᑦ ᐊᑭᖏᓐᓄᑦ.
ᐱᓇᔪᒍᓐᓇᑦᑎᐊᕐᓂᐊᖅᑐᓯ ᐃᕐᖐᓐᓈᖅᑕᐅᒃᑯᑦ, ᐅᐸᒍᑎᓗᓯ ᐅᕝᕙᓘᓐᓃᑦ ᑎᑎᖅᑲᒃᑯᕕᒃᑯᑦ. ᑐᑭᓯᒋᐊᒐᒃᓴᑦ ᖃᓄᖅ ᐱᓇᔪᒍᓐᓇᕐᒪᖔᔅᓯ ᐱᔭᒃᓴᐅᔪᑦ ᐃᒡᓗᓂᒃ ᓇᖕᒥᓂᖃᖅᑎᓄᑦ ᐅᖅᓱᐊᓗᖕᒧᑦ ᐃᑲᔫᑎᑦ ᒪᒃᐱᖅᑐᒐᖓᓐᓂ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖕᒥᑦ.
ᐃᒡᓗᖃᖅᑏᑦ ᓇᖕᒥᓂᖁᑎᖃᖅᑐᑦ ᑎᓯᐱᕆ 1, 2023−ᒥ ᐱᓇᔪᒍᓐᓇᖅᓯᔪᑦ ᐅᖅᓱᐊᓗᖕᒧᑦ ᐃᑲᔫᑎᒥᑦ. ᐱᓇᔫᑎᑦ 2024-ᒧᑦ ᐱᓕᕆᐊᕐᒧᑦ ᒪᒃᐱᖅᓯᒪᐃᓐᓇᕐᓂᐊᖅᑐᑦ ᒫᑦᓯ 31, 2024-ᙳᕋᓱᖕᓂᖓᓂ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᐊᑏ ᖃᐅᔨᒋᐊᕐᕕᒋᓗᒋᑦ ᑮᓇᐅᔭᓕᕆᔨᒃᑯᑦ ᐅᕗᖓ @email
ᐅᖄᓚᓗᑎᒡᓘᓐᓃᑦ ᐊᑭᖃᙱᑦᑐᒧᑦ 1-800-316-3324−ᒧᑦ.