ᐊᖓᔪᖅᑳᖅ ᐋᓐᓂᐊᖅᑐᓕᕆᓂᕐᒧᑦ

ᐅᓇ ᐃᖅᑲᓇᐃᔮᒃᓴᖅ ᑭᒃᑯᑐᐃᓐᓇᓄᑦ ᐱᓇᔪᒍᒪᔪᓄᑦ ᒪᑐᐃᖓᔪᖅ.

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ, ᐃᖅᑲᓇᐃᔭᕐᕕᑦᑎᐊᕙᐅᓛᖑᓂᖓᓄᑦ ᒪᒃᑯᒃᑐᓄᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓵᓚᐅᖅᑐᓄᑦ 2023-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᒃᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᑦ ᐆᒻᒪᕆᒃᑐᖅ, ᐱᔪᒃᓯᑦᑎᐊᖅᑐᑦ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ.  ᒐᕙᒪᐅᑎᓪᓗᑕ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓂᕐᒧᑦ ᐃᓄᐃᑦ ᐱᖅᑯᓯᖏᓐᓂᒃ, ᓴᖅᑭᔮᖅᑎᑦᑎᓂᕐᒧᑦ ᐃᓄᒃᑐᑦ ᐅᖃᐅᓯᖓᓐᓂᑦ, ᑭᒡᒐᖅᑐᐃᑦᑎᐊᕐᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓂᒃ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᑲᔪᓯᑎᑦᑎᓂᕐᒧᑦ ᐊᖏᖅᓯᒪᓂᕆᔭᖓᓂᑦ ᓄᓇᕗᒻᒧᑦ. ᐊᓂᒍᐃᓯᒪᑦᑎᐊᖅᑐᑦ ᐃᖅᑲᓇᐃᔮᖅᑖᕋᓱᒃᑐᓂᑦ ᖁᕕᐊᒋᔭᖃᕐᓂᐊᖅᑐᑦ ᐊᑭᓕᖅᓱᖅᑕᐅᑦᑎᐊᕐᓂᕐᒥᑦ, ᐋᓐᓂᐊᕐᕕᖕᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᓂᑦ, ᓇᓗᓇᐃᔭᖅᑕᐅᓯᒪᔪᓂᑦ ᐃᓐᓇᖅᓯᐅᑎᒃᓴᓄᑦ ᐃᑲᔫᑎᒃᓴᓂᑦ, ᓅᑕᐅᓂᕐᒧᑦ ᐱᔪᓐᓇᐅᑎᓂᑦ ᐱᕕᖃᕐᓂᕐᒧᓪᓗ ᐱᓕᒻᒪᒃᓴᕐᓂᕐᒧᑦ ᐃᖅᑲᓇᐃᔮᒥᓪᓗ ᖁᕝᕙᖅᐸᓪᓕᐊᓂᕐᒥᑦ.

ᐊᖓᔪᖅᑳᖃᕐᓗᓂ ᑐᑭᒧᐊᑦᑎᑦᓯᔨᖓᓄᑦ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᑦ; ᐊᖓᔪᖅᑳᖅ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᖅ (SHP) ᐊᑐᐃᓐᓇᐅᑎᑦᓯᓂᐊᖅᑐᖅ ᓯᕗᓕᖅᑎᐅᓂᕐᒧᑦ, ᑐᑭᒧᐊᑦᑎᑦᓯᓂᕐᒧᑦ, ᐃᑲᔪᖅᑐᐃᓂᕐᒧᓪᓗ ᐃᓘᓐᓇᖏᓐᓂᒃ ᐋᓐᓂᐊᖅᑐᓕᕆᓂᕐᒧᑦ ᐃᖅᑲᓇᐃᔭᖅᑎᓄᑦ. ᐊᖓᔪᖅᑳᖅ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᑦ ᐃᖅᑲᓇᐃᔭᖃᑎᖃᕐᓂᐊᖅᑐᖅ ᓄᓇᓕᓐᓂ ᐋᓐᓂᐊᓯᐅᖅᑎᓂᑦ (CHNs), ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑭᒡᒐᖅᑐᐃᔨᓂᑦ ᐊᓯᖏᓐᓂᓪᓗ ᐋᓐᓂᐊᓯᐅᖅᑎᓕᕆᔨᒻᒪᕆᓐᓂᓪᓗ ᐊᑐᐃᓐᓇᐅᑎᑦᓯᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᐅᑎᓂᑦ ᓄᓇᓕᓕᒫᓄᑦ ᐱᔨᑦᓯᕋᖅᑕᐅᔪᓄᑦ ᒪᓕᓪᓗᒍ ᐋᖅᑭᑦᑕᐅᓯᒪᔪᖅ ᒪᓕᒐᑦᓴᖏᑦ ᐋᓐᓂᐊᓯᐅᖅᑎᓄᑦ ᐊᑐᖅᑕᐅᖃᑦᑕᖅᑐᓄᑦ ᐃᓱᒪᒋᔭᐅᔪᓄᓪᓗ ᑐᕌᒐᒃᓴᖏᓐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ. ᐃᖅᑲᓇᐃᔭᖅᑏᑦ ᐃᖅᑲᓇᐃᔮᖅᑖᖅᑐᑦ ᐋᓐᓂᐊᓯᐅᖅᑎᙳᕆᐅᖅᓴᔪᓄᑦ (NPs) ᐊᑐᐃᓐᓇᐅᑎᑦᓯᓂᐊᖅᑐᑦ ᐋᓐᓂᐊᕐᕕᒻᒥ ᐃᑲᔪᖅᑐᐃᓂᕐᒧᑦ ᑐᑭᒧᐊᑦᑎᑦᓯᓂᕐᒧᓪᓗ ᓄᓇᓕᓐᓂ ᐋᓐᓂᐊᓯᐅᖅᑎᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᓕᕆᖃᑎᒌᑦ ᐱᓯᒪᑦᓯᓂᕐᒧᑦ ᐃᓕᓐᓂᐊᕐᓂᕐᒧᑦ ᐊᑐᐃᓐᓇᐅᓂᕐᒧᑦ ᐋᓐᓂᐊᓯᐅᖅᑎᙳᕆᐅᖅᓴᔪᓄᑦ ᐱᓕᕆᔪᓐᓇᕐᓂᖓᓃᑉᐸᑦ.

ᑖᓐᓇ ᐊᖓᔪᖅᑳᖑᓂᐊᖅᑐᖅ ᐋᓐᓂᐊᕐᕕᒻᒥ, ᑲᒪᒋᔭᖃᕆᐊᓕᒃ ᐊᐅᓚᑦᓯᓂᕐᒧᑦ ᐊᑐᐃᓐᓇᐅᑎᑦᓯᓂᕐᒧᓪᓗ ᐋᓐᓂᐊᕐᕕᒻᒥ ᐊᓪᓚᕝᕕᓕᕆᓂᕐᒧᓪᓗ ᖃᐅᔨᓴᕐᓗᓂ ᐱᓕᒻᒪᑦᓴᖅᑎᑦᓯᓂᕐᒧᓪᓗ ᓄᓇᓕᓐᓂ ᐋᓐᓂᐊᓯᐅᖅᑎᓂᑦ ᐃᑲᔪᖅᑐᐃᓂᕐᒧᓪᓗ ᐃᖅᑲᓇᐃᔭᖅᑎᓂᑦ. ᐊᖓᔪᖅᑳᖅ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᑦ ᐊᐅᓚᑦᑎᖃᑦᑕᕐᓂᐊᖅᑐᖅ ᐅᔾᔨᕐᓇᖅᑐᓂ ᑮᓇᐅᔭᓂ ᐊᑐᖅᑐᒃᓴᓂ ᑮᓇᐅᔭᓕᕆᓐᓇᐅᑉ ᐊᕐᕌᒍᖓᓂ ᒪᓕᒡᓗᓂ ᓈᒪᔪᓂ ᐋᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᐅᑎᓂᒃ ᓄᓇᓕᖕᓂ. ᐊᐅᓚᑦᑎᓂᖅ ᓇᓗᓇᐃᖅᑕᐅᓯᒪᔪᓂ ᑮᓇᐅᔭᓂ ᐊᑐᖅᑐᒃᓴᓂ, ᐊᖓᔪᖅᑳᖅ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᑦ ᐊᑐᖃᑦᑕᕆᐊᖃᕐᓂᐊᖅᑐᖅ ᐃᓱᒪᒃᓴᖅᓯᐅᑦᑎᐊᕐᓂᕐᒥᒃ ᓴᓂᕐᕙᐃᕙᓪᓕᐊᑎᓪᓗᒍ ᑮᓇᐅᔭᖁᑎᓂᒃ ᓈᒻᒪᓛᒃᑯᑦ. ᐊᖓᔪᖅᑳᖅ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᑦᓴᓄᑦ ᐃᑲᔪᖅᓱᐃᖃᑦᑕᕐᓂᐊᖅᑐᖅ ᒪᓕᒋᐊᓕᖕᓂ ᐱᐅᔪᓂ ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᐊᒃᓴᓂ.

ᖃᐅᔨᒪᔭᖏᑦ, ᐊᔪᙱᑕᖏᑦ ᐱᓕᕆᔪᓐᓇᕐᓂᖏᓪᓗ ᐱᔭᕆᐊᖃᖅᑐᑦ ᑖᑦᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᑦᑐᑦ ᐱᔭᕇᕈᓯᐊᖅ ᓯᕗᓪᓕᖅ ᐋᓐᓂᐊᓯᐅᖅᑎᐅᓂᕐᒧᑦ ᐋᓐᓂᐊᓯᐅᖅᑎᐅᓂᕐᒧᓪᓘᓐᓃᑦ ᐱᔭᕇᕈᓯᐊᖅᒥ ᑕᓪᓕᒪᓄᑦ ᐊᕐᕌᒍᓄᑦ (5) ᐋᓐᓂᐊᓯᐅᖅᑎᐅᓯᒪᓗᓂ ᐊᑕᐅᓯᕐᒧᓪᓗ (1) ᐊᕐᕌᒍᒧ ᐅᑭᐅᖅᑕᖅᑐᒥ ᐋᓐᓂᐊᓯᐅᖅᑎᐅᓂᕐᒧᑦ, ᐊᒻᒪᓗ ᒪᕐᕉᓐᓄᑦ (2) ᐊᕐᕌᒍᓄᑦ ᐊᖓᔪᖅᑳᖑᖃᑦᑕᖅᓯᒪᓗᓂ. ᐊᑎᓕᐅᖅᓯᒪᖃᑕᐅᔪᓐᓇᕐᓗᓂ ᐋᓐᓂᐊᓯᐅᖅᑏᑦ ᑲᑐᔾᔨᖃᑎᒌᖏᓐᓄᑦ ᓄᓇᑦᓯᐊᕐᒥ/ᓄᓇᕘᒥ. ᐱᔪᓐᓇᐅᑎᖃᕆᐊᖃᖅᑐᑎᑦ ᐃᓚᒋᔭᐅᑦᓯᐊᕐᓂᕐᒧᓪᓗ ᐋᓐᓂᐊᖅᓯᐅᖅᑎᓄᑦ ᑲᑐᔾᔨᖃᑎᒌᒃᑯᖏᓐᓄᑦ/ᓄᓇᕗᒻᒥᑦ. ᐋᓐᓂᐊᓯᐅᖅᑎᙳᕆᐅᖅᓴᔪᑦ ᐱᔭᕇᖅᓯᒪᔭᕆᐊᓖᑦ ᐋᓐᓂᐊᕐᕕᓕᐊᕆᐅᖅᑐᓄᑦ ᑲᒪᔨᐅᓂᕐᒧᑦ NP ᐅᕝᕙᓘᓐᓃᑦ ᐃᓐᓇᖅ/ᐃᓚᒌᑦ, ᖃᓄᑐᐃᓐᓇᖅ ᐊᕌᒍᓕᓐᓄᑦ ᓇᓗᓇᐃᒃᑯᑕᕐᒥ. ᐆᒻᒪᑎᓕᕆᓂᕐᒧᑦ ᐆᒪᑎᑦᑎᓇᓱᖕᓂᕐᒧᑦ ᐃᑲᔪᖅᑐᐃᔪᓐᓴᕐᓂᖅ ᐊᕐᕌᒍᑕᒫᓪᓗ ᓄᑖᖑᕆᐊᖅᑎᑦᓯᓂᕐᒧᑦ ᐱᒻᒪᕆᐊᓘᕗᖅ.

ᐱᓯᒪᔪᑦ ᐊᑕᐅᓯᕐᒥ ᐅᖓᑖᓄᓪᓘᓐᓃᑦ ᐅᑯᓂᖓ ᐱᕚᓪᓕᕈᑕᐅᓇᔭᖅᑐᑦ: ᐊᔪᕐᓇᕐᓂᖅᓴᖅ ᐆᒻᒪᑎᓄᑦ ᑎᒡᓕᖅᑎᕈᑎᓄᑦ ᑲᑉᐳᔾᔭᖅ, ᓄᑕᕋᓛᓄᑦ ᐊᓂᖅᓵᖅᑑᑎᓄᑦ ᑲᑉᐳᔾᔭᖅ, ᐊᓂᖅᑎᕆᔪᓐᓃᖅᑐᓄᑦ ᐊᓂᖅᓵᖅᑎᑦᑎᒃᑲᓐᓂᕐᓂᕐᒧᑦ ᐱᓕᕆᐊᖅ, ᐃᕐᓂᓱᒃᑐᓕᕆᓂᖅ ᖁᐊᖅᓵᕐᓇᖅᑎᑦᑎᑦᑕᐃᓕᒪᓂᕐᓗ, ᑐᐊᕕᕐᓇᖅᑐᓕᕆᓂᕐᒧᑦ ᓄᑕᖅᑲᓂᒃ ᐃᖢᐊᖅᓴᐃᔨᐅᔪᓐᓇᖅᓯᓂᕐᒧᑦ ᐃᓕᓐᓂᐊᒐᒃᓴᖅ ᐊᒻᒪᓗ/ᐅᕝᕙᓗᓃᑦ ᕿᒃᓵᒃᑐᓄᑦ/ᐃᓱᒪᒃᑯᑦ ᐋᓐᓂᖅᑐᓄᑦ ᐃᖢᐊᖅᓴᐃᔨᙳᖅᓴᓂᖅ.

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᙱᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᖃᐅᔨᒪᒋᑦ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᔭᕆᐊᓕᒃ ᐃᖅᑲᓇᐃᔮᖅᑖᕋᓱᒃᑐᖅ. ᑐᓐᓂᖅᑯᑎᒋᓗᒍ ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔾᔪᑎᒧᑦ ᓇᓗᓇᐃᒃᑯᑕᐃᑦ ᐃᖅᑲᓇᐃᔮᖅᑖᕋᓱᒍᑎᒋᔭᕐᓄᑦ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᓂᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᒃᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᖕᓂᑦ ᑕᐃᒪᓐᓇᓪᓗᐊᖅ ᐅᑭᐅᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᒍᕕᑦ ᐃᓕᓐᓂᐊᖅᓯᒪᔭᕆᐊᓕᑦ ᐱᓕᕆᖃᑦᑕᖅᓯᒪᔭᕆᐊᓕᓪᓗ ᐊᔾᔨᖓᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐃᖅᑲᓇᐃᔭᐃᓐᓇᖅᑐᓄᑦ, ᐊᑕᐃᓐᓇᕐᓂᐊᖅᑐᓄᑦ ᐃᓗᐊᖅᓴᐃᔨᓄᑦ, ᐃᖅᑲᓇᐃᔮᖃᐃᓐᓇᖅᑐᑦ ᐊᑭᓕᖅᑕᐅᒃᑲᓐᓂᖃᑦᑕᕐᓂᐊᖅᐳᑦ: $5,000 ᐃᖅᑲᓇᐃᔮᒥ ᐱᒋᐊᓕᓵᖅᑎᓪᓗᒋᑦ, $5,000 ᑕᖅᑭᓄᑦ 18−ᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ ᐊᒻᒪ $10,000 ᑕᖅᑭᓄᑦ 30−ᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ. ᐃᓚᓕᐅᔾᔭᐅᓯᒪᔪᑦ ᐊᑭᓕᐅᑎᑦ ᐃᓚᖃᖅᐳᑦ $9,000 ᐊᕐᕌᒍᑕᒫᑦ ᐃᓄᖕᓄᑦ ᐱᔨᑦᑎᕋᖅᑎᐅᓂᕐᒧᑦ ᐃᑲᔫᑕᐅᕙᒃᑐᒥᑦ ᐊᒻᒪ $375 ᑕᖅᑭᑕᒫᑦ ᐃᖅᑲᓇᐃᔮᖃᐃᓐᓇᕐᓂᕐᒧᑦ ᑐᓂᔭᐅᒃᑲᓐᓂᖅᐸᒃᑐᖅ ᑲᑎᓕᒫᖅᖢᒍ $4,500 ᐊᕐᕌᒍᓕᒫᒧᑦ.

ᐱᓕᕆᐊᒃᓴᖅ 1 ᐊᑭᓕᐅᑎᑦ $10/ᐃᑲᕐᕋᒧᑦ ᐊᑕᐅᓯᕐᒧᑦ ᐱᐅᓛᒻᒪᕆᖕᒧᑦ ᐊᑐᐃᓐᓇᐅᕗᑦ ᐅᑯᓄᖓ ᐅᓪᓗᓕᒫᖅ ᐃᖅᑲᓇᐃᔭᖅᑎᐅᔪᓄᑦ, ᐃᖅᑲᓇᐃᔮᖃᐃᓐᓇᖅᑐᓄᑦ, ᐊᒻᒪ ᐃᖅᑲᓇᐃᔭᖃᑎᒌᓄᑦ: ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᖓᔪᖅᑳᓄᑦ, ᓄᓇᓕᖕᓂ ᐃᓗᐊᖅᓴᐃᔨᑦ, ᐃᓗᐊᖅᓴᐃᔨᙳᕆᐅᖅᓴᔪᑦ, ᐃᓄᖕᓄᑦ ᐃᓗᐊᖅᓴᐃᔨᑦ, ᐃᓱᒪᓕᕆᔨᑦ, ᐃᓱᒪᒥᒍᑦ ᐊᔪᕈᑎᓕᖕᓄᑦ ᖃᐅᔨᒃᑲᐃᔨᑦ ᐊᒻᒪ ᐃᕐᓂᓱᒃᓰᔨᑦ. ᐃᖅᑲᓇᐃᔮᒃᓴᑦ ᐊᔪᖅᑎᑕᐅᙱᑦᑐᑦ ᑖᒃᑯᓄᖓ ᐱᐅᑦᑎᐊᖅᑐᓄᑦ ᐅᑯᓇᓂ ᓄᓇᓕᖕᓃᑉᐳᑦ ᓴᓪᓕᖅ, ᓇᐅᔮᑦ, ᐃᖃᓗᒃᑑᑦᑎᐊᖅ, ᑰᒑᕐᔪᒃ, ᑕᓗᕐᔪᐊᖅ ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ, ᐃᖃᓗᐃᑦ, ᑭᒻᒥᕈᑦ, ᕿᑭᖅᑕᕐᔪᐊᖅ, ᖃᐅᓱᐃᑦᑐᖅ.

ᐱᓕᕆᐊᒃᓴᖅ 2−ᒧᑦ ᐊᑭᓕᐅᑎᑦ $15/ᐃᑲᕐᕋᒧᑦ ᐊᑕᐅᓯᕐᒧᑦ ᐱᐅᓛᒻᒪᕆᖕᒧᑦ ᐊᑐᐃᓐᓇᐅᕗᑦ ᐅᑯᓄᖓ ᐅᓪᓗᓕᒫᕐᒧᑦ ᐃᖅᑲᓇᐃᔮᓕᖕᓄᑦ, ᐃᖅᑲᓇᐃᔮᖃᐃᓐᓇᖅᑐᓄᑦ, ᐊᒻᒪ ᐃᖅᑲᓇᐃᔭᖃᑎᒌᓄᑦ: ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᖓᔪᖅᑳᓄᑦ, ᓄᓇᓕᖕᓂ ᐃᓗᐊᖅᓴᐃᔨᑦ, ᐃᓗᐊᖅᓴᐃᔨᙳᕆᐅᖅᓴᔪᑦ, ᐃᓄᖕᓄᑦ ᐃᓗᐊᖅᓴᐃᔨᑦ, ᐃᓱᒪᓕᕆᔨᑦ, ᐃᓱᒪᒥᒍᑦ ᐊᔪᕈᑎᓕᖕᓄᑦ ᖃᐅᔨᒃᑲᐃᔨᑦ ᐊᒻᒪ ᐃᕐᓂᓱᒃᓰᔨᑦ. ᐃᖅᑲᓇᐃᔮᒃᓴᑦ ᐊᔪᖅᑎᑕᐅᙱᑦᑐᑦ ᑖᒃᑯᓄᖓ ᐱᐅᓛᒻᒪᕆᖕᓄᑦ ᐅᑯᓇᓂ ᓄᓇᓕᖕᓃᑉᐳᑦ ᐊᕐᕕᐊᑦ, ᖃᒪᓂ'ᑐᐊᖅ, ᐃᒡᓗᓕᒑᕐᔪᒃ, ᐅᖅᓱᖅᑑᖅ, ᐊᐅᓱᐃᑦᑐᖅ, ᐃᒡᓗᓕᒃ, ᑭᙵᐃᑦ, ᖁᕐᓗᖅᑐᖅ, ᐸᖕᓂᖅᑑᖅ, ᒥᑦᑎᒪᑕᓕᒃ, ᑲᖏᖅᖠᓂᖅ, ᓴᓂᑭᓗᐊᖅ, ᑎᑭᕋᕐᔪᐊᖅ.

ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᐱᓇᔪᒍᒪᒍᕕᑦ ᐃᖅᑲᓇᐃᔮᒃᓴᒧᑦ, ᓇᒃᓯᐅᑎᓗᒍ ᐃᕐᖐᓐᓈᖅᑕᐅᒃᑯᑦ ᑎᑎᖅᑲᖃᕐᓗᓂᓗ ᐃᖅᑲᓇᐃᔮᖅᑖᕋᓲᑎᑦ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᔨᓂᒃ ᐃᖅᑲᓇᐃᔭᖅᑎᓂᒃ; ᑕᐃᒪᐃᒻᒪᑦ, ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᖅ ᒪᓕᒃᖢᒍ.
• ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔪᑦ ᐱᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᖅᑎᑕᐅᓂᕐᒧᑦ ᑎᑎᖅᑲᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᒥᒃ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐱᓇᔪᒍᒪᔪᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑐᑭᓯᔪᓐᓇᖅᑐᑦ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᖅᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.