ᐊᑐᖅᑐᐊᕐᕕᒃ ᑲᑐᔾᔨᖃᑎᒌᑦ
ᐊᑐᖅᑐᐊᕐᕕᒃᑯᑦ, ᐃᓄᖕᓄᑦ ᓇᖕᒥᓂᕆᔭᐅᔪᖅ ᑮᓇᐅᔭᓕᐅᕈᑕᐅᒃᑲᓂᕋᓱᒃᑐᓄᑦ ᑎᒥᐅᔪᖅ, ᐃᑲᔪᓲᖅ ᐱᕙᓪᓕᐊᑎᑦᑎᓂᕐᒥᒃ ᒪᑭᒪᔾᔪᑎᒃᓴᓂᒃ ᐊᑐᖅᑐᐊᖅᑎᑦᑎᓂᒃᑯᑦ ᐊᒻᒪᓗ ᓇᖕᒥᓂᖅᑖᕆᓂᐊᕐᓗᒍ ᐱᕈᖅᑎᑦᑎᓇᓱᖕᓂᕐᒧᑦ ᐃᓄᐃᑦ ᓇᖕᒥᓂᖁᑎᖏᓐᓄᑦ.
ᐊᑐᖅᑐᐊᕐᕕᒃ ᑯᐊᐳᕇᓴᓐ ᐃᓄᐃᑦ ᑮᓇᐅᔭᓕᐅᕈᑕᐅᒃᑲᓂᕋᓱᒃᑐᓄᑦ ᑲᒻᐸᓂᐅᕗᖅ ᑎᒥᙳᖅᑎᑕᐅᓚᐅᖅᓯᒪᔪᖅ 2000-ᒥ ᐃᓄᐃᑦ ᐃᓚᐅᑦᑎᐊᖁᓪᓗᒋᑦ ᐊᖏᔫᑎᓂᒃ ᑮᓇᐅᔭᓕᐅᕈᑎᒃᓴᓂᒃ ᓄᓇᕗᒻᒥ. ᐊᑭᓕᒃᓴᖃᖅᑎᑦᑎᖃᑦᑕᖅᐳᑦ ᐊᒻᒪ ᓇᖕᒥᓂᖁᑎᖃᖅᑎᐅᑉ ᓇᖕᒥᓂᖏᓐᓂᑦ ᑮᓇᐅᔭᖃᖅᑎᑦᑎᓪᓗᑎᒃ ᐃᓄᐃᑦ ᓇᖕᒥᓂᖁᑎᖏᓐᓂᒃ ᐱᒋᐊᕈᑎᒃᓴᓄᑦ, ᓂᐅᕕᖅᑕᐅᔪᓄᑦ ᐊᒻᒪ ᐊᖏᒡᓕᒋᐊᕈᑎᓄᑦ. ᑯᐊᐳᕇᓴᒃᑯᑦ ᐱᓕᕆᐊᖃᓪᓗᐊᑕᖅᐸᒃᐳᑦ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᒃ ᓄᓇᕗᒻᒥ ᐱᑎᑦᑎᕙᒃᖢᑎᒃ ᐊᑦᑕᕐᓇᕈᓐᓇᖅᑐᓂᒃ ᐊᑭᑐᔫᑎᓄᑦ ᐃᑲᔪᕐᓗᒋᓪᓗ ᐃᓄᐃᑦ ᓇᖕᒥᓂᕆᔭᖏᑦ ᑮᓇᐅᔭᓂᒃ ᐊᑐᖅᑎᑦᑎᕙᓪᓕᐊᓂᕐᒧᑦ ᐊᓯᖏᓐᓂᑦ ᐱᕝᕕᐅᔪᓐᓇᖅᑐᓂᑦ.
ᑯᐊᐳᕇᓴᒃᑯᑦ ᑮᓇᐅᔭᖃᖅᑎᑦᑎᓲᖑᕗᑦ ᓄᓇᕗᒻᒥ ᐊᒻᒪ ᐃᓄᖕᓄᑦ ᓇᖕᒥᓂᕆᔭᐅᔪᓂᒃ ᐱᓕᕆᐊᓄᑦ $150,000-ᒥ $3,000,000-ᒧᑦ. ᐊᑐᐃᓐᓇᐅᑎᑦᑎᕙᒃᑭᕗᑦ ᐃᓕᓐᓂᐊᕈᑎᒃᓴᓂᒃ ᐃᓄᖕᓄᑦ ᐃᓕᓐᓂᐊᖅᑎᓄᑦ.
ᖃᐅᔨᒃᑲᓐᓂᕈᒪᒍᕕᓪᓗ ᐊᑐᖅᑐᐊᕐᕕᒃ ᑯᐊᐳᕇᓴᓐ ᒥᒃᓵᓄᑦ ᐱᔨᑦᑎᕋᐅᑎᖏᓐᓂᒡᓗ ᐊᑐᒐᒃᓴᖏᓐᓂᒡᓗ ᐊᑐᐃᓐᓇᐅᑎᑕᖏᓐᓂᑦ ᓄᓇᕗᒥᐅᓄᑦ, ᐅᕗᙵᕐᓗᑎᑦ ᐃᑭᐊᖅᑭᕕᖕᒧᑦ.