ᓄᓇᓕᖕᓂ ᐳᓚᕋᖅᑐᓕᕆᔩᑦ ᐊᒻᒪᓗ ᐱᖅᑯᓯᓕᕆᔩᑦ ᐱᓕᕆᐊᖏᑦ
ᓄᓇᓕᖕᓂᑦ, ᐳᓚᕋᑦᑐᓕᕆᓂᖅ ᐃᓕᖅᓯᑯᒨᖓᔪᓂᒡᓗ ᐱᕙᓪᓕᐊᔾᔪᑎᑦ ᓴᙱᓂᖅᑖᖅᑎᑦᑎᓂᕐᒧᑦ ᓄᓇᓕᖕᓂᑦ ᒪᑭᒪᔾᔪᑎᓄᑦ ᐊᑐᐃᓐᓇᐅᑎᑦᑎᓂᕐᒧᓪᓗ ᐳᓚᕋᖅᑐᓕᕆᓂᕐᒧᑦ, ᐊᒻᒪ ᐱᐅᓯᕚᓪᓕᖅᑎᑉᐸᒡᓗᒋᑦ ᐃᖅᑲᓇᐃᔭᕐᕕᖕᓂ ᐱᕙᓪᓕᐊᔪᓕᕆᔨᒃᑯᑦ ᓲᕐᓗ ᓂᔾᔭᐅᓯᔭᕐᓂᕐᒧᑦ, ᖃᕆᑕᐅᔭᓕᕆᓂᕐᒧᑦ, ᑎᑎᕋᕐᓂᕐᒧᑦ ᐊᒻᒪ ᑕᑯᕋᓐᓈᖅᑎᑦᑎᓂᕐᒧᑦ
ᐊᐅᓪᓚᕈᔾᔨᔨᑦ, ᐳᓚᕋᖅᑎᓄᑦ ᐃᓂᒋᔭᐅᔪᑦ, ᓇᖕᒥᓂᖃᖅᑎᑦ, ᓴᓇᙳᐊᖅᑏᑦ ᑲᑐᔾᔨᖃᑎᒌᑦ, ᐊᖑᓇᓱᒃᑐᓕᕆᔨᒃᑯᑦ, ᓴᓇᙳᐊᖅᑎᑦ, ᑲᑐᔾᔨᖃᑎᒌᑦ, ᓴᓇᙳᐊᕐᕖᑦ ᐅᕝᕙᓘᓐᓃᑦ ᓴᓇᙳᐊᖅᑎᓄᑦ ᑲᑐᔾᔨᖃᑎᒌᑦ ᐊᒻᒪ ᕼᐋᒻᒪᓚᒃᑯᑦ ᐱᓇᔪᒍᓐᓇᖅᑐᑦ ᑮᓇᐅᔭᓂᒃ. ᓯᕗᓪᓕᐅᔾᔭᐅᓂᖅ ᒪᓕᒃᖢᒋᑦ ᑖᒃᑯᐊ ᐱᖓᓲᔪᑦ ᑮᓇᐅᔭᖃᖅᑎᑕᐅᓃᑦ ᑐᓂᔭᐅᓂᐊᖅᐳᑦ ᐊᐅᓚᑦᑎᔨᐅᔪᓄᑦ ᑮᓇᐅᔭᖅᑖᕈᓯᐊᓪᓗᐊᑕᖅᓯᒪᙱᑦᑐᓄᑦ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ−ᓂᙶᖅᑐᓂᒃ.
ᓄᓇᓕᖕᓂ ᐳᓚᕋᖅᑐᓕᕆᓂᕐᒧᑦ ᐊᒻᒪ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᒃᓴᑦ ᐱᖓᓲᓕᖅᑲᖓᔪᒥᒃ ᐋᖅᑭᒃᑕᐅᓯᒪᕗᑦ:
ᐱᒋᐊᖅᐸᓪᓕᐊᓂᖅ, ᓴᓇᙳᐊᖅᑕᐅᓯᒪᔪᓂᒃ ᓴᖅᑭᑦᑎᓂᖅ ᐊᒻᒪ ᐱᓕᒻᒪᒃᓴᕐᓂᖅ (ᑎᑎᕋᖅᓯᒪᓂᓕᒃ A)
ᑖᒃᑯᐊ ᐋᖅᑭᒃᑕᐅᔪᓂᒃ ᑐᕌᕆᔭᖃᕐᓂᖅ ᐃᑲᔪᖅᑐᐃᓂᕐᒧᑦ ᓇᖕᒥᓂᖁᑎᒋᔭᐅᔪᓂᒃ, ᐃᓛᒃᑰᖅᑐᑦ, ᑲᑐᔾᔨᖃᑎᒌᑦ ᐊᒻᒪ ᓄᓇᓕᖕᓂ ᒐᕙᒪᒋᔭᐅᔪᑦ ᖃᐅᔨᓇᓱᒃᐸᒃᑐᑦ ᐱᒋᐊᕈᑎᒃᓴᓂᒃ, ᑲᔪᓯᑎᑦᑎᔾᔪᑕᐅᔪᓂᒃ, ᐅᕝᕙᓘᓐᓃᑦ ᐱᐅᓯᒋᐊᕈᑕᐅᔪᓐᓇᖅᑐᓂᒃ ᐱᔨᑦᑎᕋᕐᓂᕐᒧᑦ ᐱᔪᓐᓇᕐᓂᕆᔭᐅᔪᓂᒃ ᐅᕝᕙᓘᓐᓃᑦ ᓴᓇᔭᑎᑦ ᓴᓇᙳᐊᖅᑕᑎᓪᓘᓐᓃᑦ ᐊᔪᙱᑕᑎᑦ ᐱᐅᓯᕚᓪᓕᖅᑎᒃᑲᓐᓂᕋᓱᒡᓗᒋᑦ. ᐊᔪᖅᑎᑕᐅᙱᑦᑐᑦ ᐱᓕᕆᐊᖑᕙᒃᑐᑦ ᐃᓚᖃᖅᐳᑦ ᐅᑯᓂᖓ:
- ᓂᐅᕕᕐᓂᖅ ᐃᓚᒃᓴᓂᑦ, ᓴᓇᙳᐊᕈᑎᓂᒃ ᐱᖁᑎᓂᒡᓗ;
- ᓴᖅᑭᑦᑎᓗᓂ ᐅᕝᕙᓘᓐᓃᑦ ᓴᖅᑭᑦᑎᒃᑲᓐᓂᕐᓗᓂ ᑲᔪᓰᓐᓇᕈᓐᓇᖅᑐᒥᒃ ᓇᖕᒥᓂᕆᔭᐅᔪᒥᒃ ᐅᕝᕙᓘᓐᓃᑦ ᐱᔨᑦᑎᕋᐅᑎᓂᒃ;
- ᓴᓇᙳᐊᖅᑎᑦ−ᓄᓇᓕᖕᓂ;
- ᓴᓇᙳᐊᕐᓂᕐᒧᑦ ᐱᓕᒻᒪᒃᓴᕐᓂᖅ, ᐃᓕᓐᓂᐊᖅᑎᑦᑎᒋᐊᒃᑲᓐᓂᕐᓂᖅ, ᐊᒻᒪ ᐃᓕᓐᓂᐊᖅᓯᓐᓈᑦ ᑲᑎᒪᓃᑦ, ᐃᓚᒋᔭᐅᓗᑎᒃ ᒪᒃᑯᒃᑐᓄ−ᑐᕌᖓᔪᑦ ᖃᓄᐃᓕᐅᕈᑕᐅᓇᓱᒃᑐᑦ;
- ᐊᓯᔾᔨᖅᐸᓪᓕᐊᓂᕆᔭᐅᔪᑦ ᐳᓚᕋᖅᑐᓕᕆᓂᕐᒧᑦ ᐊᒻᒪ ᓴᓇᙳᐊᖅᑐᓕᕆᓂᕐᒧᑦ;
- ᐳᓚᕋᕐᓂᕐᒥᑦ ᐸᕐᓇᐃᓂᖅ ᐊᐅᓚᑦᑎᓂᕐᓗ; ᐊᒻᒪᓗ
- ᓇᖕᒥᓂᖃᕐᓂᕐᒧᑦ ᐃᓕᓐᓂᐊᕈᓐᓇᕐᓃᑦ, ᐃᓚᒋᔭᐅᓗᓂ ᑲᒪᔨᐅᓂᕐᒧᑦ ᐱᓕᒻᒪᒃᓴᕐᓂᖅ ᐳᓚᕋᖅᑐᓕᕆᓂᕐᒧᑦ ᓇᖕᒥᓂᖁᑎᖃᕐᓂᖅ.
ᐅᖃᓕᒫᕐᓗᒍ ᓄᓇᓕᖕᓂ ᐳᓚᕋᖅᑐᓕᕆᔨᒃᑯᑦ ᐃᓕᖅᑯᓯᓕᕆᔨᒃᑯᓐᓄᓪᓗ ᑐᕌᖓᔪᑦ ᒪᓕᒃᑕᐅᔪᒃᓴᑦ ᑎᑎᖅᑲᑦ ᐊᑖᓃᑦᑐᑦ ᖃᐅᔨᒋᐊᒃᑲᓐᓂᕈᒪᒍᔅᓯ ᐱᓕᕆᐊᒧᑦ ᐊᔪᙱᑎᑕᐅᔪᓄᑦ ᑕᕝᕘᓇ ᐋᖅᑭᒃᑕᐅᓯᒪᔪᒃᑯᑦ.
ᐱᖁᑎᓂᒃ ᐱᕙᓪᓕᐊᑎᑦᑎᓂᖅ ᐊᒻᒪ ᓂᐅᕐᕈᑎᖃᕐᓂᖅ (ᑎᑎᕋᖅᓯᒪᓂᓕᒃ B)
ᑕᒪᓐᓇ ᐋᖅᑭᒃᑕᐅᓯᒪᔪᖅ ᐃᑲᔪᖅᑐᐃᕗᖅ ᐱᕙᓪᓕᐊᓂᕆᔭᐅᔪᒥᒃ ᓄᓇᕗᒻᒥᐅᑦ ᓴᓇᙳᐊᖅᐸᖕᓂᖏᓐᓄᑦ, ᐃᓕᖅᑯᓯᑐᖃᕐᓄᑦ ᐳᓚᕋᖅᑐᓕᕆᓂᕐᒧᓪᓗ ᐱᓕᕆᓂᕆᔭᐅᕙᒃᑐᓄᑦ. ᑖᓐᓇ ᖃᖓᒃᑰᖅᐸᓪᓕᐊᓂᖓ ᐱᑎᑦᑎᕗᖅ ᐃᑲᔪᖅᑐᐃᓂᕐᒥᒃ ᓄᓇᕗᒻᒥ ᒥᑭᑦᑐᓂᒃ ᓇᖕᒥᓂᕆᔭᐅᔪᓂᒃ, ᑲᑐᔾᔨᖃᑎᒌᓂᒃ, ᐃᓛᒃᑰᖅᑐᓂᒃ ᕼᐋᒻᒪᓚᒋᔭᐅᔪᓂᒡᓗ ᓇᓗᓇᐃᖅᓯᓯᒪᔪᓂᒃ ᐱᔪᒥᓇᖅᑐᓂᒃ ᐱᖁᑎᓄᑦ ᓂᐅᕐᕈᑎᖃᕐᓂᕐᒧᓪᓗ ᐱᕕᒃᓴᓂᒃ. ᐊᔪᖅᑎᑕᐅᙱᑦᑐᑦ ᐱᓕᕆᐊᖑᕙᒃᑐᑦ ᐃᓚᖃᖅᐳᑦ ᐅᑯᓂᖓ:
- ᐱᓕᕆᖃᑎᒌᖕᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᑦ ᐃᓚᓕᐅᔾᔨᓯᒪᔪᓂᒃ ᐅᓄᖅᑐᓂᒃ ᓴᓇᙳᐊᖅᑎᓂᒃ ᐊᑕᐅᓯᕐᒥ ᐊᑕᐅᓯᐅᙱᑦᑐᒥᓪᓘᓐᓃᑦ ᐅᖃᐅᔾᔪᖅᑕᐅᓃᑦ ᐱᐅᓯᖃᖃᑎᒌᙱᑦᑐᓄᑦ ᐳᓚᕋᖅᑎᓄᑦ;
- ᓄᓇᓕᖕᒥᑦ ᐃᓚᐅᖃᑕᐅᑎᑦᑎᓂᖅ ᐊᒻᒪᓗ ᐱᕙᓪᓕᐊᑎᑦᑎᓂᖅ. ᑕᒪᓐᓇ ᐃᓚᖃᑐᐃᓐᓇᕆᐊᓕᒃ ᐃᖅᑲᓇᐃᔭᖅᑎᑦᑎᓂᖅ ᓄᓇᓕᖕᓂ ᐳᓚᕋᖅᑐᓕᕆᔨᓂᒃ, ᐱᕙᓪᓕᐊᑎᑦᑎᓂᕐᒥᑦ ᐳᓚᕋᖅᑐᓕᕆᓂᕐᒧᑦ ᐸᕐᓇᐅᑎᒥᒃ, ᐅᕝᕙᓘᓐᓃᑦ ᑲᒪᔨᐅᓂᕐᒧᑦ ᐋᖅᑭᒃᓱᐃᓂᕐᒥᑦ ᐅᒥᐊᕐᔪᐊᓂᑦ ᐳᓛᖅᑕᐅᔪᓐᓇᖅᑐᓕᕆᓂᕐᒥᑦ;
- ᐱᕙᓪᓕᐊᑎᑦᑎᓂᖅ ᓂᐅᕐᕈᑎᖃᕐᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᒃ;
- ᑕᑯᔭᒐᖃᖅᑎᑦᑎᓂᖅ, ᑕᑯᕋᓐᓈᖅᑎᑦᑎᓂᖅ, ᑕᐅᑐᑲᑕᖕᓂᖅ ᓴᖅᑭᔮᖅᑎᑕᐅᔪᓂᒃ, ᐅᐸᒍᑎᓂᖅ ᑕᑯᒃᓴᐅᑎᑦᑎᔪᓂᒃ;
- ᓂᐅᕕᐊᒃᓴᙳᖅᑎᕆᓂᖅ ᐳᓚᕋᖅᑐᓕᕆᓂᕐᒧᑦ ᖃᓄᐃᓕᐅᖅᑎᑦᑎᓂᖏᑦ, ᐱᖁᑏᑦ ᐊᒻᒪᓗ ᑕᑯᔭᐅᔪᒪᔪᒃᓴᐅᑎᖏᑦ;
- ᐱᖁᑎᓂᒃ ᐱᕙᓪᓕᐊᑎᑦᑎᔭᕆᐊᖃᕐᓂᖅ ᐊᒻᒪ ᐱᐅᓯᕚᓪᓕᖅᑎᑦᑎᓂᖅ, ᐃᓚᒋᓗᒍ ᑲᑎᖅᓱᖅᓯᒪᔪᓂᑦ ᒪᓂᒪᑎᑕᐅᔪᑦ; ᐊᒻᒪᓗ
- ᓂᐱᓕᐅᕆᓂᖅ.
ᐅᖃᓕᒫᕐᓗᒍ ᓄᓇᓕᖕᓂ ᐳᓚᕋᖅᑐᓕᕆᔨᒃᑯᑦ ᐃᓕᖅᑯᓯᓕᕆᔨᒃᑯᓐᓄᓪᓗ ᑐᕌᖓᔪᑦ ᒪᓕᒃᑕᐅᔪᒃᓴᑦ ᑎᑎᖅᑲᑦ ᐊᑖᓃᑦᑐᑦ ᖃᐅᔨᒋᐊᒃᑲᓐᓂᕈᒪᒍᔅᓯ ᐱᓕᕆᐊᒧᑦ ᐊᔪᙱᑎᑕᐅᔪᓄᑦ ᑕᕝᕘᓇ ᐋᖅᑭᒃᑕᐅᓯᒪᔪᒃᑯᑦ.
ᓄᓇᓕᖕᓂᑦ ᐊᐅᓚᔪᓐᓇᐅᑏᑦ ᐱᐅᓯᒋᐊᖅᑕᐅᓂᖏᑦ (ᐋᖅᑭᒃᑕᐅᓯᒪᓂᖓ C)
ᐅᑯᐊ ᐋᖅᑭᒃᑕᐅᓯᒪᔪᑦ ᐃᑲᔪᖅᑐᐃᕗᑦ ᐊᐅᓚᔪᓐᓇᐅᑎᓄᑦ ᐱᕙᓪᓕᐊᓂᕆᔭᐅᔪᒥᒃ ᐃᓚᓯᓂᐊᖅᖢᓂᓗ ᐊᓐᓂᕐᓇᕐᓂᕆᔭᖏᓐᓄᑦ ᐃᓕᖅᑯᓯᑐᖃᕐᓄᑦ ᐳᓚᕋᖅᑐᓕᕆᓂᕐᒧᓪᓗ ᐱᓕᕆᓂᐅᕙᒃᑐᓄᑦ. ᑮᓇᐅᔭᖃᖅᑎᑕᐅᓂᖅ ᑐᕌᒐᖃᖅᐳᖅ ᒥᑭᑦᑐᓄᑦ ᓇᖕᒥᓂᖁᑎᒋᔭᐅᔪᓄᑦ, ᓴᓇᙳᐊᕐᕕᖕᓄᑦ, ᓄᓇᓕᖕᓄᑦ ᒐᕙᒪᒋᔭᐅᔪᓄᑦ, ᐊᒻᒪ ᐊᓯᖏᓐᓄᑦ ᑲᑐᔾᔨᖃᑎᒌᒡᕕᖕᓄᑦ ᐃᑲᔪᖅᑐᐃᓂᐊᕐᓗᓂᓗ ᓄᓇᓕᖕᓂ ᐳᓛᕆᐊᖅᑐᓄᑦ ᑐᙵᓴᐃᕝᕕᖓᑕ ᐱᐅᓯᒋᐊᖅᑕᐅᓂᖏᑦ ᐊᒻᒪ ᐃᓕᐅᖅᑲᖅᑕᐅᓂᖏᑦ ᑭᒃᑯᑐᐃᓐᓇᓄᑦ ᓴᓇᙳᐊᖅᑕᐅᔪᓂᑦ ᓴᖅᑭᔮᖅᑎᑦᑎᓂᖅ ᐱᓕᕆᐊᖅᑎᒍᑦ ᓲᕐᓗ:
- ᓄᑖᙳᕆᐊᖅᑎᑦᑎᕙᒡᓗᓂ ᐊᒻᒪ ᐋᖅᑭᒋᐊᖅᓯᕙᒡᓗᓂ/ᐱᐅᓯᒋᐊᖅᑎᑦᑎᕙᒡᓗᓂᓗ ᒫᓐᓇ ᐊᑐᖅᑕᐅᔪᓂᒃ ᓴᓇᙳᐊᕐᓂᕐᒧᑦ, ᐱᖅᑯᓯᓕᕆᓂᕐᒧᑦ ᐊᒻᒪ ᐳᓚᕋᖅᑐᓕᕆᓂᕐᒧᑦ ᐊᐅᓚᔪᓐᓇᐅᑎᓕᕆᓂᕐᒧᑦ;
- ᐳᓚᕐᕖᑦ ᐱᐅᓯᒋᐊᖅᑕᐅᓂᖏᓐᓄᑦ ᐊᒻᒪ ᑐᙵᓱᑎᑦᑎᓂᕐᒧᑦ ᑎᑎᖅᑲᖏᑦ ᓄᓇᕗᒻᒥ ᒥᑦᑕᕐᕕᖕᓄᑦ;
- ᓄᑖᙳᕆᐊᖅᑎᑦᑎᔾᔪᑎᓄᑦ ᐊᒻᒪ ᓴᓇᒋᐊᖅᑕᐅᔾᔪᑎᓄᑦ/ᓄᑖᙳᕆᐊᕈᑎᓄᑦ ᓴᓇᐅᒐᕐᓂᑦ ᑕᑯᒃᓴᐅᑎᑦᑎᕕᖏᓐᓂᑦ;
- ᓄᓇᓕᖕᓂ ᓴᓗᒻᒪᖅᓴᐃᔾᔪᑎᒃᓴᑦ; ᐊᒻᒪ
- ᓴᖅᑭᑦᑎᓂᖅ ᓴᓇᙳᐊᒐᒃᓴᓂᒃ ᑭᒃᑯᑐᐃᓐᓇᓄᑦ ᐃᓂᒋᔭᐅᒋᐊᓕᖕᓄᑦ.
ᐅᖃᓕᒫᕐᓗᒍ ᓄᓇᓕᖕᓂ ᐳᓚᕋᖅᑐᓕᕆᔨᒃᑯᑦ ᐃᓕᖅᑯᓯᓕᕆᔨᒃᑯᓐᓄᓪᓗ ᑐᕌᖓᔪᑦ ᒪᓕᒃᑕᐅᔪᒃᓴᑦ ᑎᑎᖅᑲᑦ ᐊᑖᓃᑦᑐᑦ ᖃᐅᔨᒋᐊᒃᑲᓐᓂᕈᒪᒍᔅᓯ ᐱᓕᕆᐊᒧᑦ ᐊᔪᙱᑎᑕᐅᔪᓂᒃ ᑕᕝᕘᓇ ᐋᖅᑭᒃᑕᐅᓯᒪᔪᒃᑯᑦ.
ᐊᐅᓚᑦᑎᓂᕐᒧᑦ ᑎᑎᖅᑲᑦ
ᓄᓇᓕᓐᓂ ᓂᐅᕐᕈᔪᓕᕆᓂᒃᑯᑦ ᐊᒻᒪ ᐃᓕᖅᑯᓯᓕᕆᓂᒃᑯᑦ ᑐᕌᖓᔪᓄᑦ ᒪᓕᒃᑕᐅᔪᒃᓴᐃᑦ
ᓄᓇᓕᓐᓂ ᓂᐅᕐᕈᔪᓕᕆᓂᒃᑯᑦ ᐊᒻᒪ ᐃᓕᖅᑯᓯᓕᕆᓂᒃᑯᑦ ᑐᕌᖓᔪᒧᑦ ᒪᓕᒃᑕᐅᔪᒃᓴᐃᑦ - ᓴᓇᙳᐊᕐᓂᕐᒧᑦ
ᓄᓇᓕᓐᓂ ᓂᐅᕐᕈᔪᓕᕆᓂᒃᑯᑦ ᐊᒻᒪ ᐃᓕᖅᑯᓯᓕᕆᓂᒃᑯᑦ ᑐᕌᖓᔪᖅ ᐊᑐᐊᒐᖅ
ᐊᑐᖅᑎᑕᐅᓂᖓ
ᑲᑐᔾᔨᖃᑎᒌᒡᕕᒃᓯ ᑮᓇᐅᔭᓂᒃ ᑐᒃᓯᕋᕈᒪᒃᐸᑕ ᓄᓇᓕᖕᓂ ᐳᓚᕋᖅᑐᓕᕆᔨᒃᑯᑦ ᐃᓕᖅᑯᓯᓕᕆᔩᓪᓗ ᐱᓕᕆᐊᒃᑯᑦ, ᐱᓇᔫᑎ ᑕᑕᑎᕆᐊᓕᒃ ᑎᑎᕋᖃᓯᐅᑎᓗᒍ ᐊᑖᓂ.
ᓄᓇᓕᖕᓂ ᐳᓚᕋᖅᑐᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓪᓗ ᐱᓕᕆᐊᑦ ᑐᒃᓯᕋᐅᑎᑦ
ᖃᐅᔨᒋᐊᕐᕕᒃᓴᖅ
ᓄᓇᓕᖕᓂ ᐊᐅᓚᑦᑎᕕᑦ ᕿᑭᖅᑖᓘᑉ ᐅᐊᖕᓇᖓᓂ
ᒥᑦᑎᒪᑕᓕᒃ, ᐊᐅᓱᐃᑦᑐᖅ, ᖃᐅᓱᐃᑦᑐᖅ, ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᐃᒡᓗᓕᒃ, ᓴᓂᕋᔭᒃ
ᑎᑎᖅᑲᒃᑯᕕᐊ 389,
ᒥᑦᑎᒪᑕᓕᒃ, ᓄᓇᕗᑦ X0A 0S0
ᐅᖃᓘᑖ: 867-899-7338
ᐊᑭᖃᙱᑦᑐᖅ: 1-888-899-7338
ᓱᒃᑲᔪᒃᑯᑦ: 867-899-7348
ᓄᓇᓕᖕᓂ ᐊᐅᓚᑦᑎᕕᑦ ᕿᑭᖅᑖᓘᑉ ᓂᒋᐊᓂ
ᐸᓐᓂᖅᑑᖅ, ᕿᑭᖅᑕᕐᔪᐊᖅ, ᐃᖃᓗᐃᑦ, ᑭᙵᐃᑦ, ᑭᒻᒥᕈᑦ, ᓴᓂᑭᓗᐊᖅ
ᑎᑎᖅᑲᒃᑯᕕᐊ 612,
ᐸᓐᓂᖅᑑᖅ, ᓄᓇᕗᑦ X0A 0R0
ᐅᖃᓘᑖ: 867-473-2679
ᐊᑭᖃᙱᑦᑐᖅ: 1-844-737-8628
ᓱᒃᑲᔪᒃᑯᑦ: 867-473-2663
ᓄᓇᓕᖕᓂ ᐊᐅᓚᑦᑎᕕᑦ ᕿᑎᕐᒥᐅᓂ
ᐃᖃᓗᒃᑑᑦᑎᐊᖅ, ᖁᕐᓗᖅᑐᖅ, ᐅᖅᓱᖅᑑᖅ, ᑰᒑᕐᔪᒃ, ᑕᓗᕐᔪᐊᖅ
ᑎᑎᖅᑲᒃᑯᕕᐊ 316,
ᖁᕐᓗᒃᑑᖅ, ᓄᓇᕗᑦ X0B 0E0
ᐅᖃᓘᑖ: 867-982-7453
ᐊᑭᖃᙱᑦᑐᖅ: 1-844-475-1166
ᓱᒃᑲᔪᒃᑯᑦ: 867-982-3204
ᓄᓇᓕᖕᓂ ᐊᐅᓚᑦᑎᕕᒃ ᑭᕙᓪᓕᕐᒥ
ᑲᖏᖅᖠᓂᖅ, ᐊᕐᕕᐊᑦ, ᑎᑭᕋᕐᔪᐊᖅ, ᖃᒪᓂ'ᑐᐊᖅ, ᐃᒡᓗᓕᒑᕐᔪᒃ, ᓴᓪᓕᖅ, ᓇᐅᔮᑦ
ᑎᑎᖅᑲᒃᑯᕕᐊ 979,
ᑲᖏᖅᖠᓂᖅ, ᓄᓇᕗᑦ X0C 0G0
867-645-8450
ᐊᑭᖃᙱᑦᑐᖅ: 1-844-737-8627
ᓱᒃᑲᔪᒃᑯᑦ: 867-645-8455