ᐃᓄᐃᑦ ᐱᓕᒻᒪᑦᓴᕐᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᒃ ᖃᐅᔨᒃᑲᐃᔨ

ᐅᓇ ᐃᖅᑲᓇᐃᔮᒃᓴᖅ ᐃᖃᓗᖕᒥᐅᑕᑐᐊᓄᑦ ᐅᒃᑯᐃᖓᔪᖅ.

ᐅᓂᒃᑳᖅᐸᓪᓗᓂ ᐊᐅᓚᑦᓯᔨᖓᓄᑦ, ᐃᓄᐃᑦ ᐱᓕᒻᒪᑦᓴᕐᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓄᑦ (ᐊᐅᓚᑦᓯᔨ), ᐃᓄᐃᑦ ᐱᓕᒻᒪᑦᓴᕐᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᑦ ᖃᐅᔨᒃᑲᐃᔨ (ᖃᐅᔨᒃᑲᐃᔨ), ᐱᕙᓪᓕᐊᑎᑦᓯᓂᐊᖅᑐᖅ, ᐊᑐᓕᖅᑎᑦᓯᓗᓂ, ᖃᐅᔨᓴᕐᓗᓂ, ᖃᐅᔨᓇᓱᐊᕐᓂᕐᒧᓪᓗ ᐊᑕᖐᑦᓯᐊᖅᑐᓂᑦ ᐱᓕᒻᒪᑦᓴᖅᑎᑦᓯᓂᕐᒧᑦ, ᐃᖅᑲᓇᐃᔭᖅᑐᓕᕆᓂᕐᒧᑦ ᐱᕙᒌᔭᕐᓂᕐᒧᑦ, ᓯᕗᓕᖅᑎᐅᓂᕐᒧᑦ ᐱᓕᕆᐊᑦᓴᓂᒃ, ᓇᓗᓇᐃᒃᑯᑕᕐᑖᕐᓂᕐᒧᓪᓗ ᐱᓕᕆᐊᑦᓴᓂᒃ ᒐᕙᒪᒃᑯᓐᓄᑦ ᓄᓇᕗᒻᒥ (GN) ᑮᓇᐅᔭᖃᖅᑎᑕᐅᓂᕐᒧᑦ, ᐊᓯᖏᓐᓂᓪᓗ ᓯᓚᑖᓂ ᐱᓕᕆᕝᕕᖕᓂ ᑮᓇᐅᔭᖃᖅᑎᑕᐅᔪᑦ ᐱᕝᕕᐅᔪᓐᓇᖅᑐᑦ. ᖃᐅᔨᒃᑲᐃᔨ ᐱᐅᓯᕚᓪᓕᖅᑎᑦᓯᓂᐊᖅᑐᖅ ᐃᖅᑲᓇᐃᔮᕆᔭᐅᔪᒪᔪᓂᒃ ᐱᕙᓪᓕᐊᑎᑦᓯᓂᕐᒧᑦ ᐱᓕᒻᒪᑦᓴᖅᑎᑦᓯᓂᕐᒧᓪᓗ ᐱᕕᑦᓴᖃᕐᓂᐅᔪᓂᒃ ᒐᕙᒪᒃᑯᑦ ᓄᓇᕗᒻᒥ ᐃᖅᑲᓇᐃᔭᖅᑎᓕᒫᖏᓐᓄᑦ, ᐱᓗᐊᖅᑐᒥ ᐊᑦᓱᕉᑎᖃᕐᓂᕐᒧᑦ ᐃᑲᔪᕐᓂᕐᒧᑦ ᐱᓕᕆᕝᕕᐅᔪᓂᑦ ᐊᑐᓕᖅᑎᑦᓯᓂᕐᒧᑦ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐱᕙᒌᔭᐅᑎᓂᑦ ᐅᖃᐅᓯᐅᓯᒪᔪᓂ ᑎᑎᕋᖅᓯᒪᓂᓕᒃ 23 ᓄᓇᕗᒻᒥ ᐊᖏᕈᑎᒥ. ᖃᐅᔨᒃᑲᐃᔨ ᐅᖃᐅᔾᔨᒋᐊᖅᑎᐅᓂᐊᖅᑐᖅ ᐊᐅᓚᑦᓯᔨᒧᑦ, ᑐᑭᒧᐊᑦᑎᑦᓯᔨᒧᑦ, ᒐᕙᒪᒃᑯᑦ ᓴᓇᕝᕕᖏᓐᓂ ᐱᓕᒻᒪᒃᓴᓂᖅ, ᒥᓂᔅᑕᐅᑉ ᑐᓪᓕᐊᑕ ᑐᓪᓕᖓ, ᒥᓂᔅᑕᐅᓪᓗ ᑐᓪᓗᐊᓂᑦ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐃᓘᓐᓇᖏᓐᓄᓪᓗ ᐱᓕᕆᕝᕕᐅᔪᓄᑦ ᐊᑦᑐᐊᓂᖃᖅᑐᓄᑦ ᐃᓘᓐᓇᒍᑦ ᐃᓄᐃᑦ ᐃᖅᑲᓇᐃᔭᖅᑎᓄᑦ ᐱᕙᓪᓕᐊᑎᑦᓯᓂᕐᒧᑦ ᐃᖏᕐᕋᓂᖃᑦᓯᐊᖅᑐᒥ ᐱᓕᒻᒪᑦᓴᕐᓂᕐᒧᑦ ᐱᓕᕆᔾᔪᓯᕐᓂᑦ.

ᖃᐅᔨᒃᑲᐃᔨ ᓯᕗᒃᑲᖅᑕᐃᓂᐊᖅᑐᖅ ᐱᕙᒌᔭᐃᓂᕐᒧᑦ ᑲᔪᓯᑎᑦᓯᓂᕐᒧᓪᓗ ᒫᓐᓇᐅᔪᖅ ᐱᓕᕆᐊᑦᓴᓂᒃ ᐱᓕᕆᐊᖑᕙᓪᓕᐊᔪᒪᔪᓂᓪᓗ ᐊᑐᐃᓐᓇᐅᑎᑕᐅᔪᓂᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐱᓕᒻᒪᑦᓴᐃᑎᑦᓯᔨᒃᑯᓐᓄᑦ; ᓴᓇᒪᓂᖓ, ᐱᕙᓪᓕᐊᑎᑦᓯᓂᖅ ᐊᑐᓕᖅᑎᑦᓯᓂᕐᒧᑦ ᓄᑖᓄᑦ ᐃᓕᓐᓂᐊᕐᓂᕐᒧᑦ ᐱᕕᑦᓴᖃᕐᓂᐅᔪᓂᑦ ᒐᕙᒪᒃᑯᑦ ᓄᓇᕗᒻᒥ ᐃᖅᑲᓇᐃᔭᖅᑎᖏᓐᓄᑦ; ᐊᐅᓚᑦᓯᓂᕐᒧᑦ ᐱᓕᕆᐊᖏᓐᓂᑦ ᐊᐅᓚᑦᓯᓂᕐᒧᑦ ᐊᐅᓚᓂᖏᓐᓄᑦ ᒐᕙᒪᒃᑯᑦ ᓄᓇᕗᒻᒥ ᐊᑐᐃᓐᓇᐅᑎᑦᓯᓂᕐᒧᑦ ᑐᑭᒧᐊᑦᑎᑦᓯᓂᕐᒧᑦ ᐃᑲᔪᖅᑐᐃᓂᕐᒧᓪᓗ ᐊᐅᓚᑦᓯᔨᓂᑦ/ᐱᓕᒻᒪᖅᓴᖅᑎᑦᓯᔨᓂᑦ ᐱᓕᒻᒪᑦᓴᖅᑐᓂᓪᓗ; ᓴᖅᑭᔮᖅᑎᑦᓯᓂᕐᒧᑦ ᒐᕙᒪᒃᑯᑦ ᓄᓇᕗᒻᒥ ᐃᖅᑲᓇᐃᔭᕐᕕᒋᔭᐅᓂᕐᒧᑦ ᐱᕙᒌᔭᕐᓂᒃᑯᑦ, ᐊᐅᓚᑦᓯᓂᒃᑯᑦ ᖃᐅᔨᓇᓱᐊᕐᓂᒃᑯᓪᓗ ᐊᔾᔨᐅᖏᑦᑐᓄᑦ ᓱᓕᕆᓂᐅᒧᓄᑦ ᓲᕐᓗ ᐃᖅᑲᓇᐃᔮᓂᒃ ᓴᖅᑭᔮᖅᑎᑦᓯᓂᕐᒧᑦ, ᑲᑎᒪᓂᐅᔪᓂᑦ ᐃᓕᓐᓂᐊᖅᓯᓐᓈᕐᓗ ᑲᑎᒪᓂᕐᓄᑦ. ᖃᐅᔨᒃᑲᐃᔨ ᐱᕙᓪᓕᐊᑎᑦᓯᓂᐊᖅᑐᖅ ᐱᓕᕆᖃᑎᖃᕐᓂᕐᒧᑦ ᑐᑦᑕᕐᕕᐅᓗᓂᓗ ᐊᔾᔨᒌᖏᑦᑐᓄᑦ ᐱᖃᖃᑕᐅᔪᓄᑦ (ᒐᕙᒪᑐᖃᒃᑯᑦ ᐊᒻᒪᓗ ᓄᓇᓕᖕᓂ ᒐᕙᒪᖏᓐᓂᒃ, ᓄᓇᓕᓐᓂ ᑲᑎᙵᐅᖅᑐᓂ, ᐱᓕᕆᕝᕕᓐᓂᑦ, ᑲᑎᒪᔨᓂᑦ ᑐᑦᑕᕐᕕᐅᔪᓂᓪᓗ, ᐊᓯᖏᓐᓂᓪᓗ ᐱᔪᓐᓇᕐᓂᖃᖅᕕᒋᔭᐅᔪᓂᑦ) ᑐᓴᐅᒪᖃᑦᑕᐅᑎᓂᕐᒧᑦ ᐱᓕᕆᖃᑎᒌᓐᓂᕐᒧᓪᓗ.  ᐃᓚᒋᓗᒍ ᐃᓚᐅᖃᑕᐅᓂᕐᒧᑦ ᐃᖅᑲᓇᐃᔭᖅᑎᑖᖅᑎᑦᓯᓂᕐᒧᑦ ᐃᓄᓐᓂ ᐱᓕᒻᒪᑦᓴᕐᓂᕐᒧᑦ ᐃᖅᑲᓇᐃᔮᓄᑦ, ᖃᐅᔨᒃᑲᐃᔨ ᐱᕙᓪᓕᐊᑎᑦᓯᓂᐊᖅᑐᖅ ᓇᐃᓈᖅᓯᒪᔪᑦ ᐅᖃᐅᓯᒃᓴᐅᓂᐊᖅᑐᓂᑦ, ᐅᓂᒃᑳᕐᓂᑦ, ᐱᕙᓪᓕᐊᔪᑦ ᓴᖅᑭᖅᑕᐅᔪᑦ ᐊᓯᖏᓐᓂᓪᓗ ᑐᓂᔭᐅᓂᐊᖅᑐᓂ ᓄᑖᙳᕆᐊᕆᓂᕐᒧᑦ ᑐᓪᓕᐊᓄᑦ ᒥᓂᔅᑕᒧᓪᓗ.

ᖃᐅᔨᒪᓂᖅ, ᐊᔪᙱᓐᓂᕆᔭᖏᑦ, ᐊᒻᒪ ᐱᔪᓐᓇᕐᓂᕆᔭᖏᑦ ᐱᔭᕆᐊᓕᒃ ᐃᖅᑲᓚᐃᔮᒃᓴᒧᑦ ᐱᔭᐅᒐᔪᒃᑐᖅ ᐃᓕᓴᕆᔭᐅᓯᒪᔪᒥᑦ ᐃᓕᓴᕆᔭᐅᔾᔪᑎᖃᕆᐊᓕᒃ ᓇᖕᒥᓂᖃᖅᑎᐅᓂᕐᒧᑦ ᐊᒡᓚᒡᕕᓕᕆᓂᕐᒧᑦ, ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ, ᐃᓕᓐᓂᐊᕐᓂᓕᕆᓂᖅ, ᐃᓅᖃᑎᒌᖕᓂᕐᒧᑦ ᖃᐅᔨᓴᕐᓂᕐᒥᑦ, ᓄᓇᖃᖄᖅᓯᒪᔪᓕᕆᓂᕐᒧᑦ ᖃᐅᔨᓴᕐᓂᖅ, ᐅᕝᕙᓘᓐᓃᑦ ᐊᔾᔨᖓᓂ ᐱᓕᕆᕝᕕᖕᒥᑦ; ᐱᖃᓯᐅᑎᓗᒍ, ᐱᖓᓱᓂᑦ (3) ᐅᑭᐅᓄᑦ ᐱᓕᕆᓯᒪᓂᑰᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ, ᐱᓕᒻᒪᒃᓴᕐᓂᖅ, ᐊᒻᒪ

ᐱᕙᓪᓕᐊᑎᑦᑎᓂᖅ, ᐅᕝᕙᓘᓐᓃᑦ ᐊᓯᖓᓂ ᐊᔾᔨᖓᓂ ᐱᓕᕆᓯᒪᓂᑰᓗᓂ. ᐱᐅᔪᒥᒃ ᑎᑎᕋᕈᓐᓇᕐᓗᓂ ᐅᖃᕈᓐᓇᕐᓗᓂᓗ ᑐᓴᐅᒪᔪᓕᕆᔾᔪᑎᓄᑦ ᐊᔪᙱᑦᑕᕆᐊᓕᒃ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᐊᑐᕐᓗᑎᒃ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᑖᓐᓇ ᐃᓱᓕᕝᕕᒃᓴᖃᕐᓂᖓᓄᑦ ᒫᑦᓯ 31, 2026−ᒥ, ᒫᓐᓇᐅᔪᖅ ᐃᖅᑲᓇᐃᔭᐃᓐᓇᖅᑐᑦ ᓄᓇᕗᑦ ᒐᕙᒪᖓᓐᓄᑦ ᐃᖅᑲᓇᐃᔭᖅᑏᑦ ᒪᓂᒪᑎᑕᐅᑐᐃᓐᓇᕆᐊᓖᑦ ᓅᑕᐅᕝᕕᐅᔪᓐᓇᖅᑐᒧᑦ ᐃᖅᑲᓇᐃᔮᒧᑦ ᐃᓱᓕᕝᕕᒃᓴᖓᓄᑦ ᑎᑭᓪᓗᒍ ᐃᓱᒪᒋᔭᐅᑦᑎᐊᕆᐊᖃᕐᓂᖓᓄᑦ ᓂᕈᐊᖅᑕᐅᔪᒧᑦ, ᑭᓯᐊᓂ ᑕᒪᓐᓇ ᐱᔾᔪᑎᖃᖅᑐᖅ ᐊᐅᓚᑦᑎᔨᒧᑦ ᐊᖏᖅᑕᐅᔭᕆᐊᖃᕐᓂᖓᓄᑦ.

ᐱᔪᓐᓇᖅᑐᓂᑦ ᐊᑎᕐᓂᑦ ᑲᑎᖅᓱᐃᓂᐊᖅᑐᑦ ᓯᕗᓂᒃᓴᑦᑎᓐᓂᑦ ᐃᓐᓄᒃᑕᐅᔭᕆᐊᓕᖕᓄᑦ.

ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᐸᑎᑦ ᑎᑎᕋᖅᑕᕕᑦ ᖄᖓ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᐅᕗᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑕᖓᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᔨᓂᒃ ᐃᖅᑲᓇᐃᔭᖅᑎᓂᒃ; ᑕᐃᒪᐃᒻᒪᑦ, ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᖅ ᒪᓕᒡᓗᒍ.
• ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔪᑦ ᐱᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᖅᑎᑕᐅᓂᕐᒧᑦ ᑎᑎᖅᑲᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᒥᒃ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐃᓚᓕᐅᑎᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐊᑐᕆᐊᖃᖅᐳᖅ ᑭᓯᐊᓂ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᓴᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᖅᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.