ᐃᕐᓂᓱᒃᓰᔨ

ᐅᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᐆᒃᑐᕈᒪᔪᓕᒫᓄᑦ.

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ ᒪᒃᑯᒃᑐᓂᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓚᐅᖅᑐᓂᒃ 2023-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᒃᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᑦ ᐆᒻᒪᕆᒃᑐᖅ, ᐱᔪᒪᓂᖃᑦᑎᐊᖅᑐᑦ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ. ᒐᕙᒪᐅᑎᓪᓗᑕ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓂᕐᒧᑦ ᐃᓄᐃᑦ ᐱᖅᑯᓯᖏᓐᓂᒃ, ᓴᖅᑭᔮᖅᑎᑦᑎᓂᕐᒧᑦ ᐃᓄᒃᑐᑦ ᐅᖃᐅᓯᖓᓐᓂᑦ, ᑭᒡᒐᖅᑐᐃᑦᑎᐊᕐᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓄᑦ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᑲᔪᓯᑎᑦᑎᓂᕐᒧᑦ ᐊᖏᖅᓯᒪᓂᕆᔭᖓᓂᑦ ᓄᓇᕗᒻᒧᑦ. ᐃᖅᑲᓇᐃᔮᖅᑖᖅᑎᑕᐅᔪᖅ ᐊᑭᓕᖅᓱᖅᑕᐅᑦᑎᐊᕐᓂᐊᖅᑐᖅ, ᐋᓐᓂᐊᕐᕕᖕᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᓂᑦ, ᓇᓗᓇᐃᔭᖅᑕᐅᓯᒪᔪᓂᑦ ᐃᓐᓇᖅᓯᐅᑎᒃᓴᓄᑦ ᐃᑲᔫᑎᒃᓴᓂᑦ, ᓅᑕᐅᓂᕐᒧᑦ ᐱᔪᓐᓇᐅᑎᓂᑦ ᐃᓕᓐᓂᐊᕈᓐᓇᖅᑎᑕᐅᓗᓂ ᐃᖅᑲᓇᐃᔮᒥᓪᓗ ᖁᕝᕙᖅᐸᓪᓕᐊᓗᓂ.

ᐃᕐᓂᓱᒃᓰᔨ ᑕᒪᐃᓐᓂᑦᑎᐊᖅ ᐃᕐᓂᓱᒃᓰᔨᒧᑦ ᑲᒪᒋᔭᐅᕙᒃᑐᓂᑦ ᑲᒪᔨᐅᓂᐊᖅᐳᖅ ᓄᑕᖅᑭᕆᓂᕐᒥᑦ ᐊᕐᓇᓂᑦ, ᓄᑕᕋᓛᓂᑦ ᐊᒻᒪ ᐃᓚᒌᓂᑦ ᓄᓇᓕᖕᓂᑦ ᓄᓇᓂᓪᓗ ᐊᕕᑦᑐᖅᓯᒪᔪᓂᑦ. ᐃᖅᑲᓇᐃᔭᖅᑎ ᐱᓕᕆᖃᑦᑕᕐᓗᓂ ᒪᓕᑦᑎᐊᕐᓗᓂ ᒫᓐᓇᐅᔪᖅ ᐊᖏᖅᑕᐅᓯᒪᔪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ/ᐃᕐᓂᓱᒃᓰᓂᕐᒧᑦ ᐱᖁᔭᖅ ᐊᒻᒪᓗ ᐊᐅᓚᓂᖃᖅᑐᑦ ᒪᓕᒡᓗᒋᑦ

ᐅᒃᐱᕆᔭᐅᔪᑦ ᐊᒻᒪ ᑎᑭᑕᐅᓇᓱᒃᑐᑦ ᐃᕐᓂᓱᒃᓰᔨᓄᑦ ᐊᐅᓚᑕᐅᓪᓗᑎᒃ ᓯᖓᐃᔪᓕᕆᓂᕐᒧᑦ ᐱᓕᕆᐊᑦ. ᐃᖅᑲᓇᐃᔭᖅᑎ ᐃᓚᒋᔭᐅᔪᑦ ᑲᒪᔨᐅᓪᓗᑕᖅᑐᓄᑦ ᐱᓕᕆᖃᑎᒌᓐᓄᑦ ᐊᒻᒪ ᐃᑲᔪᖃᑦᑕᖅᑐᑦ ᖃᓄᐃᙱᓪᓗᑎᑦ ᓇᔾᔨᖁᓪᓗᒋᑦ, ᐊᑦᑕᕐᓇᖏᑦᑐᒥᑦ ᐃᕐᓂᓱᖁᓪᓗᒋᑦ ᐊᒻᒪ ᐱᒋᐊᖅᐸᓪᓕᐊᑎᓪᓗᒋᑦ ᐊᓈᓇᐅᔪᑦ ᓄᑕᕋᖓᓗ ᓄᓇᓂᑦ ᐊᕕᑦᑐᓯᒪᔪᓂᑦ ᓇᔪᖅᑕᖓᓐᓂᑦ.

ᐋᓐᓂᐊᓯᐅᖅᑎᓪᓗᐊᑕᐅᓗᓂ, ᑖᓐᓇ ᐃᖅᑲᓇᐃᔮᖅ ᑲᒪᒋᔭᖃᕆᐊᓕᒃ ᒪᓕᒋᐊᓕᓐᓂᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᐱᓕᕆᔨᓪᓚᕆᐅᑉ ᐱᔭᒃᓴᕆᔭᖓᓄᑦ ᐱᓕᕆᓂᐅᕙᒃᑐᒧᑦ ᐊᑐᖅᐸᒃᖢᑎᒡᓗ ᖃᐅᔨᔾᔪᑕᐅᔪᓐᓇᖅᑐᓂᒃ−ᑐᙵᕕᓕᖕᒥᒃ ᐱᓕᕆᔾᔪᓯᐅᓂᐊᖅᑐᖅ. ᑖᓐᓇ ᓂᕈᐊᖅᑕᐅᔪᖅ ᐊᔪᙱᔾᔪᑎᖃᕐᓗᓂ ᓘᒃᑖᖑᓗᓂ ᐃᓚᒋᔭᐅᓗᓂᓗ ᐱᓕᕆᔨᒻᒪᕆᐅᓂᕐᒥᒃ ᐃᖅᑲᓇᐃᔭᖅᑎ ᐃᓕᓴᕆᔭᐅᓯᒪᒻᒥᑦ ᐃᓕᓐᓂᐊᖅᓯᒪᔪᖅ ᐊᒻᒪ ᐃᓚᒋᔭᐅᓪᓗᑎ ᐱᓕᕆᔨᒻᒪᕆᓐᓄᑦ ᐃᖅᑲᓇᐃᔭᑎᓄᑦ ᐊᒻᒪ ᐃᓚᔭᐅᓯᒪᔪᖅ ᐸᓯᔭᐅᔪᓐᓇᖅᑐᓄᑦ ᐋᖅᑭᔅᓯᒪᔪᓄᑦ ᐱᖁᔭᖅᑎᒍᑦ, ᒪᓕᒐᓕᐊᖑᓯᒪᔪᖅᑎᒍᑦ, ᐊᒻᒪ ᐃᓕᓴᕆᔭᐅᓯᒪᔾᔪᑎᒋᔭᖏᑕ ᐊᑐᐊᒐᖏᓐᓂᑦ ᐊᒻᒪ ᐊᑐᐊᒐᑦ/ᐱᓕᕆᔾᔪᓯᖏᑦ.

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ, ᐱᓕᕆᔪᓐᓇᕆᐊᓕᖏᓪᓗ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᑐᑦ ᐃᕐᓂᓱᒃᓰᔨᐅᓂᕐᒧᑦ ᐱᔭᕇᕈᓯᐊᖅᓯᒪᓗᓂ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐊᒻᒪ ᐊᑎᓕᐅᖅᑕᐅᖃᑕᐅᓯᒪᓗᓂ ᓄᓇᕗᒻᒥ ᐃᕐᓂᓱᒃᓰᔨᑦ ᑲᑎᒪᔨᕋᓛᖏᓐᓄᑦ ᐅᕝᕙᓘᓐᓃᑦ ᐊᑎᓕᐅᖅᑕᐅᖃᑕᐅᓯᒪᓗᓂ ᑲᓇᑕᒥ ᓯᓚᑦᑐᖅᓴᕐᕕᖕᒥ ᐃᕐᓂᓱᒃᓰᔨᐅᓂᕐᒧᑦ ᐅᕝᕙᓘᓐᓃᑦ ᐃᓕᓴᕆᔭᐅᓯᒪᔪᒥᒃ ᐃᕐᓂᓱᒃᓰᔨᐅᓂᕐᒧᑦ ᑎᒥᒥᒃ ᐊᒻᒪ ᓄᓇᕗᒻᒥ ᐃᕐᓂᓱᒃᓰᔨᑦ ᐊᑎᓕᐅᕆᔨᑦ ᑲᑎᒪᔨᕋᓛᖏᓐᓂᒃ ᐅᕝᕙᓘᓐᓃᑦ ᐱᔭᕇᖅᓯᑉᐸᑦ ᓯᕗᕐᖓᒍᑦ ᐃᓕᓐᓂᐊᕐᓂᓕᕆᓂᕐᒥᑦ ᐊᒻᒪ ᖃᐅᔨᓴᕈᑕᐅᔪᓂᒃ ᓇᓗᓇᐃᔭᐃᓂᖅ ᐅᕙᓗ ᐊᔾᔨᖏᓐᓂᑦ ᑲᓇᑕᒥ ᒐᕙᒪᐃᑦ ᐊᕕᑦᑐᖅᓯᒪᔪᑦ ᐱᖁᔭᔅᓴᖃᖅᐸᒌᖅᑐᓄᑦ ᐃᕐᓂᓱᒃᓰᔨᐅᓂᕐᒧᑦ ᐊᒻᒪ ᐊᑎᖃᖃᑕᐅᔪᓐᓇᕐᓗᓂ ᑲᓇᑕᒥ ᓯᓚᑦᑐᖅᓴᕐᕕᒃ ᐃᕐᓂᓱᒃᓰᔨᐅᓂᕐᒧᑦ ᐊᒻᒪ ᐊᑎᖃᖃᑕᐅᓗᓂ ᓄᓇᕗᒻᒥ ᐃᕐᓂᓱᒃᓰᔨ ᑲᑎᒪᔨᕋᓛᖏᓐᓄᑦ ᐊᑎᖃᖃᑕᐅᔪᓄᑦ. ᐅᓄᙱᓐᓂᖅᐹᖃᕐᓗᓂ ᒪᕐᕉᖕᓂᒃ (2−ᓂᒃ) ᐊᕐᕌᒎᖕᓂᒃ ᐱᓕᕆᔪᖄᓪᓚᓚᐅᕐᓗᓂ ᓇᓗᓇᐃᔭᕐᓂᕐᒥᒃ ᐱᔭᐅᓯᒪᔭᕆᐊᖃᖅᐳᖅ. ᐱᓇᔪᒃᑐᑦ ᐊᕐᕌᒍᒥᒃ ᐊᑕᐅᓯᕐᒥᒃ ᐊᑎᓕᐅᖃᑕᐅᓯᒪᒃᐸᑕ ᐃᓱᒪᒋᔭᐅᑐᐃᓐᓇᕆᐊᖃᖅᐳᑦ, ᑲᒪᔨᐅᔪᓐᓇᕐᓂᕋᖅᑕᐅᓗᑎᒃ ᐊᕐᕌᒍᒧᑦ ᐊᑕᐅᓯᕐᒧᑦ ᒪᓕᒡᓗᒍ ᓄᓇᕗᒻᒥ ᐊᑎᓕᐅᖅᑕᐅᖃᑕᐅᓂᕐᒧᑦ ᐊᑐᖅᑕᐅᔭᕆᐊᓖᑦ. ᐊᔾᔨᖏᑦ ᐃᓱᒪᒋᔭᐅᓂᐊᕐᒥᑦ ᓄᓇᕗᒻᒥ ᓯᓚᑦᑐᖅᓴᕐᕕᒻᒥ ᐃᕐᓂᓱᒃᓰᔨᐅᓂᕐᒧᑦ ᐃᓕᓐᓂᐊᕌᓂᒃᓯᒪᔪᑦ; S.T.A.B.L.E ᐅᕝᕙᓘᓐᓃᑦ ACoRN−ᒥ ᐃᓕᓐᓂᐊᖅᓯᒪᒍᓂ ᐃᑲᔪᕐᓂᖃᕋᔭᖅᑐᖅ, ᐱᔭᐅᓯᒪᔭᕆᐊᖃᕋᔭᖅᑐᖅ ᐊᕐᕌᒍᒥ ᓯᕗᓪᓕᕐᒥ ᐃᖅᑲᓇᐃᔭᓕᓵᖅᑎᓪᓗᒍ.

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᙱᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᖃᐅᔨᒪᒋᑦ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᔭᕆᐊᓕᒃ ᐃᖅᑲᓇᐃᔮᖅᑖᕋᓱᒃᑐᖅ. ᑐᓐᓂᖅᑯᑎᒋᓗᒍ ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔾᔪᑎᒧᑦ ᓇᓗᓇᐃᒃᑯᑕᐃᑦ ᐃᖅᑲᓇᐃᔮᖅᑖᕋᓱᒍᑎᒋᔭᕐᓄᑦ ᖃᖓᑕᓲᒃᑯᑦ ᓄᒃᑕᖅᑎᑦ ᑲᒪᒋᔭᒃᓴᖃᖅᐳᑦ ᐃᓱᒪᓕᐅᕆᒋᐊᖃᖅᖢᑎᒃ ᑭᓱᑦ ᐃᓕᔅᓯᓐᓄᑦ ᓈᒻᒪᖕᒪᖔᑕ ᑐᙵᕕᒋᓗᒋᑦ ᓄᓇᕘᒥ/ᑲᓇᑕᒥ ᐊᕕᒃᑐᖅᓯᒪᔪᓂᒃ ᐱᔭᐅᒋᐊᓕᑦ ᒪᓕᒡᓗᒋᑦ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᖅᑕᓂᒃ ᓄᓇᕗᒻᒥ. ᑐᓴᐅᒪᑎᑦᑎᔪᓐᓇᖅᐸᑦ ᓄᓇᕗᒻᒥ ᐅᖃᐅᓯᖅᑕᕆᔭᐅᔪᓂᒃ ᐊᑕᐅᓯᐅᙱᑦᑐᒥᒃ ᐃᑲᔫᑎᖃᑦᑎᐊᕋᔭᖅᐳᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᕐᒧᑦ. ᑎᓕᐅᕆᒃᑲᓐᓂᖅᑐᒍᑦ ᐱᓇᓱᐊᖁᔨᓪᓗᑕ ᐃᓕᖕᓂᑦ ᓇᓕᒧᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᒍᕕᑦ ᐃᓕᓐᓂᐊᖅᓯᒪᔭᕆᐊᓕᑦ ᐱᓕᕆᖃᑦᑕᖅᓯᒪᔭᕆᐊᓕᓪᓗ ᓇᓕᒧᖓᓂ ᖁᓛᓂᑦ ᑎᑎᕋᖅᓯᒪᔪᓄᑦ.

ᐃᖅᑲᓇᐃᔭᐃᓐᓇᖅᑐᓄᑦ, ᐊᑕᐃᓐᓇᕐᓂᐊᖅᑐᓄᑦ ᐃᓗᐊᖅᓴᐃᔨᓄᑦ, ᐃᖅᑲᓇᐃᔮᖃᐃᓐᓇᖅᑐᑦ ᐊᑭᓕᖅᑕᐅᒃᑲᓐᓂᖃᑦᑕᕐᓂᐊᖅᐳᑦ: $5,000 ᐃᖅᑲᓇᐃᔮᒥ ᐱᒋᐊᓕᓵᖅᑎᓪᓗᒋᑦ, $5,000 ᑕᖅᑭᓄᑦ 18−ᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ ᐊᒻᒪ $10,000 ᑕᖅᑭᓄᑦ 30−ᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ. ᐃᓚᓕᐅᔾᔭᐅᓯᒪᔪᑦ ᐊᑭᓕᐅᑎᑦ ᐃᓚᖃᖅᐳᑦ $9,000 ᐊᕐᕌᒍᑕᒫᑦ ᐃᓄᖕᓄᑦ ᐱᔨᑦᑎᕋᖅᑎᐅᓂᕐᒧᑦ ᐃᑲᔫᑕᐅᕙᒃᑐᒥᑦ ᐊᒻᒪ $375 ᑕᖅᑭᑕᒫᑦ ᐃᖅᑲᓇᐃᔮᖃᐃᓐᓇᕐᓂᕐᒧᑦ ᑐᓂᔭᐅᒃᑲᓐᓂᖅᐸᒃᑐᖅ ᑲᑎᓕᒫᖅᖢᒍ $4,500 ᐊᕐᕌᒍᓕᒫᒧᑦ.

ᐱᓕᕆᐊᒃᓴᖅ 1 ᐊᑭᓕᐅᑎᑦ $10/ᐃᑲᕐᕋᒧᑦ ᐊᑕᐅᓯᕐᒧᑦ ᐱᐅᓛᒻᒪᕆᖕᒧᑦ ᐊᑐᐃᓐᓇᐅᕗᑦ ᐅᑯᓄᖓ ᐅᓪᓗᓕᒫᖅ ᐃᖅᑲᓇᐃᔭᖅᑎᐅᔪᓄᑦ, ᐃᖅᑲᓇᐃᔮᖃᐃᓐᓇᖅᑐᓄᑦ, ᐊᒻᒪ ᐃᖅᑲᓇᐃᔭᖃᑎᒌᓄᑦ: ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᖓᔪᖅᑳᓄᑦ, ᓄᓇᓕᖕᓂ ᐃᓗᐊᖅᓴᐃᔨᑦ, ᐃᓗᐊᖅᓴᐃᔨᙳᕆᐅᖅᓴᔪᑦ, ᐃᓄᖕᓄᑦ ᐃᓗᐊᖅᓴᐃᔨᑦ, ᐃᓱᒪᓕᕆᔨᑦ, ᐃᓱᒪᒥᒍᑦ ᐊᔪᕈᑎᓕᖕᓄᑦ ᖃᐅᔨᒃᑲᐃᔨᑦ ᐊᒻᒪ ᐃᕐᓂᓱᒃᓰᔨᑦ. ᐃᖅᑲᓇᐃᔮᒃᓴᑦ ᐊᔪᖅᑎᑕᐅᙱᑦᑐᑦ ᑖᒃᑯᓄᖓ ᐱᐅᑦᑎᐊᖅᑐᓄᑦ ᐅᑯᓇᓂ ᓄᓇᓕᖕᓃᑉᐳᑦ ᓴᓪᓕᖅ, ᓇᐅᔮᑦ, ᐃᖃᓗᒃᑑᑦᑎᐊᖅ, ᑰᒑᕐᔪᒃ, ᑕᓗᕐᔪᐊᖅ ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ, ᐃᖃᓗᐃᑦ, ᑭᒻᒥᕈᑦ, ᕿᑭᖅᑕᕐᔪᐊᖅ, ᖃᐅᓱᐃᑦᑐᖅ.

ᐱᓕᕆᐊᒃᓴᖅ 2−ᒧᑦ ᐊᑭᓕᐅᑎᑦ $15/ᐃᑲᕐᕋᒧᑦ ᐊᑕᐅᓯᕐᒧᑦ ᐱᐅᓛᒻᒪᕆᖕᒧᑦ ᐊᑐᐃᓐᓇᐅᕗᑦ ᐅᑯᓄᖓ ᐅᓪᓗᓕᒫᕐᒧᑦ ᐃᖅᑲᓇᐃᔮᓕᖕᓄᑦ, ᐃᖅᑲᓇᐃᔮᖃᐃᓐᓇᖅᑐᓄᑦ, ᐊᒻᒪ ᐃᖅᑲᓇᐃᔭᖃᑎᒌᓄᑦ: ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᖓᔪᖅᑳᓄᑦ, ᓄᓇᓕᖕᓂ ᐃᓗᐊᖅᓴᐃᔨᑦ, ᐃᓗᐊᖅᓴᐃᔨᙳᕆᐅᖅᓴᔪᑦ, ᐃᓄᖕᓄᑦ ᐃᓗᐊᖅᓴᐃᔨᑦ, ᐃᓱᒪᓕᕆᔨᑦ, ᐃᓱᒪᒥᒍᑦ ᐊᔪᕈᑎᓕᖕᓄᑦ ᖃᐅᔨᒃᑲᐃᔨᑦ ᐊᒻᒪ ᐃᕐᓂᓱᒃᓰᔨᑦ. ᐃᖅᑲᓇᐃᔮᒃᓴᑦ ᐊᔪᖅᑎᑕᐅᙱᑦᑐᑦ ᑖᒃᑯᓄᖓ ᐱᐅᓛᒻᒪᕆᖕᓄᑦ ᐅᑯᓇᓂ ᓄᓇᓕᖕᓃᑉᐳᑦ ᐊᕐᕕᐊᑦ, ᖃᒪᓂ'ᑐᐊᖅ, ᐃᒡᓗᓕᒑᕐᔪᒃ, ᐅᖅᓱᖅᑑᖅ, ᐊᐅᓱᐃᑦᑐᖅ, ᐃᒡᓗᓕᒃ, ᑭᙵᐃᑦ, ᖁᕐᓗᖅᑐᖅ, ᐸᖕᓂᖅᑑᖅ, ᒥᑦᑎᒪᑕᓕᒃ, ᑲᖏᖅᖠᓂᖅ, ᓴᓂᑭᓗᐊᖅ, ᑎᑭᕋᕐᔪᐊᖅ.

ᐃᖅᑲᓇᐃᔮᖅᑖᕋᓱᒃᑐᓄᑦ ᐊᑏᑦ ᐃᓚᔭᐅᑐᐃᓐᓇᕆᐊᓕᒃ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᐃᓐᓄᒃᑕᐅᔭᕆᐊᖃᓕᕐᓂᖅᐸᑦ ᓇᐅᑦᑎᐅᒪᖃᑕᐅᓛᕐᒪᑦ.

ᐱᓇᔪᒍᒪᒍᕕᑦ ᐃᖅᑲᓇᐃᔮᒃᓴᒧᑦ, ᓇᒃᓯᐅᑎᓗᒍ ᐃᕐᖐᓐᓈᖅᑕᐅᒃᑯᑦ ᑎᑎᖅᑲᖃᕐᓗᓂᓗ ᐃᖅᑲᓇᐃᔭᖅᑖᕋᓲᑎᑦ ᐅᕗᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
• ᒐᕙᒃᑯᓐᓂ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᑦ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᓄᓇᕗᒻᒥ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᖅᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.