ᓄᓇᓕᖕᓂ ᐊᕕᒃᑐᖅᓯᒪᔪᓂ ᐋᓐᓂᐊᕈᑎᐅᔪᓂᒃ ᑎᒥᒥᓂᒃ ᖃᐅᔨᓴᖅᑎ

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᐆᒃᑐᕈᒪᔪᓕᒫᓄᑦ.

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ ᒪᒃᑯᒃᑐᓂᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓚᐅᖅᑐᓂᒃ 2023-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᑦᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᑦ ᐆᒻᒪᕆᒃᑐᖅ, ᐱᔪᒪᓂᖃᑦᑎᐊᖅᑐᖅ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ.  ᒐᕙᒪᐅᑎᓪᓗᒋᑦ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᓴᖅᑭᔮᖅᑎᑦᑎᓂᕐᒧᑦ ᐃᓄᒃᑐᑦ ᐅᖃᐅᓯᖓᓐᓂᑦ, ᑭᒡᒐᖅᑐᐃᑦᑎᐊᕐᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓂᑦ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᑲᔪᓯᑎᑦᑎᓂᕐᒧᑦ ᐊᖏᖅᓯᒪᓂᕆᔭᖓᓂᑦ ᓄᓇᕗᒻᒧᑦ. ᑲᔪᓯᓂᖃᑦᓯᐊᖅᑐᑦ ᐃᖅᑲᓇᐃᔮᖅᑖᖅᑐᑦ ᖁᕕᐊᒋᔭᖃᕐᓂᐊᖅᑐᑦ ᐊᑭᓕᖅᑐᖅᑕᐅᑦᓯᐊᕐᓂᕐᒧᑦ, ᐋᓐᓂᐊᕐᕕᓕᐊᕐᓂᕐᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᓂᑦ, ᓇᓗᓇᐃᖅᔭᖅᑕᐅᓯᒪᔪᓂᑦ ᐃᓐᓇᑐᖃᐅᔪᓯᐊᑦᓴᓄᑦ ᐸᕐᓇᐅᑎᓂᑦ, ᓅᑕᐅᓂᕐᒧᑦ ᐱᕕᖃᕐᓂᕐᒧᑦ ᐱᕕᖃᕐᓂᕐᒧᓪᓗ ᐱᓕᒻᒪᑦᓴᕐᓂᕐᒧᑦ ᐃᖅᑲᓇᐃᔮᒥᓪᓗ ᖁᕝᕙᖅᐸᓪᓕᐊᓂᕐᒧᑦ.  

ᐊᖓᔪᖄᖃᕐᓗᓂ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᕐᕕᒻᒥ ᐊᐅᓚᑦᑎᔨᒥᒃ, ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᖅᑎ ᐱᓕᕆᖃᑦᑕᕋᔭᖅᑐᖅ ᐃᓚᐅᕈᑎᒃᓴᓕᕆᓂᕐᒥᑦ, ᐊᐅᖏᖅᓯᔨᐅᓗᓂ, ᐊᐅᓕᖅᓱᖅᑕᐅᓂᕐᒧᑦ ᐃᓅᓕᓴᐃᔨᐅᐅᓗᓂ, ᖁᐱᕐᕈᐊᕐᔪᓕᕆᓂᖅ, ᖁᐱᕐᕆᔾᔪᑕᐅᔪᓐᓇᖅᑐᓂᒃ ᐊᒻᒪᓗ ᖃᓄᐃᑦᑐᓃᖓᕐᒪᖔᑕ ᖃᐅᔨᓴᖅᑎᐅᓗᓂ. ᐃᓚᒋᓗᒍ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᖅᐸᓪᓗᓂ ᕿᑭᖅᑕᓂ ᐋᓐᓂᐊᕕᖓᓂᑦ, ᖃᐅᔨᓴᕐᕕᒃ ᐊᑐᐃᓐᓇᐅᑎᑦᑎᓲᑦ ᐱᔨᑦᑎᕋᑦᑕᐅᔭᕆᐊᓕᓐᓄᑦ ᐃᖃᓗᓐᓂᑦ ᐋᓐᓂᐊᖃᕐᓇᖏᑦᑐᓕᕆᕕᓐᓂᑦ; ᐋᓐᓂᐊᕕᓐᓂᑦ ᓄᓇᕗᒻᒦᑦᑐᓂᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᑦ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᖅᑎ ᖃᐅᔨᓇᓱᖃᑦᑕᕋᔭᖅᑐᖅ ᖃᐅᔨᓴᕋᒃᓴᓂᑦ ᐊᒻᒪᓗ ᐃᒻᒥᑰᖅᑐᓂ ᐋᓐᓂᐊᕕᓕᐊᖅᓯᒪᔪᓂᒃ ᖃᐅᔨᓴᖃᑦᑕᕐᓗᓂ ᑕᒪᒃᑮᓐᓂᒃ ᖃᐅᔨᓴᐅᑎᖃᕐᓗᓂ ᐱᔭᕐᓂᖏᑦᑐᓂᑦ ᖃᐅᔨᓴᕈᑎᓄᑦ ᖃᐅᔨᓴᖅᐸᓪᓗᓂ ᐊᒻᒪᓗ ᖃᐅᔨᓴᕈᓐᓇᕐᓂᕐᒥᒍᑦ ᐊᑐᖅᐸᓪᓗᓂ. ᖃᐅᔨᓴᕐᓂᕐᒥᓂᒃ, ᐃᖅᑲᓇᐃᔭᖅᑎ ᐅᔾᔨᕈᓱᒋᐊᓕᒃ ᖃᐅᔨᓴᖅᑕᖓ ᑕᐃᒪᐃᑦᑎᐊᕋᓗᐊᕐᒪᖔᑦ ᐊᒻᒪᓗ ᐊᔾᔨᐅᖏᒻᒪᖔᑕ ᐊᒻᒪᓗ ᖃᓄᐃᓕᐅᕆᐊᖃᕐᓂᓂ ᒪᓕᒡᓗᒍ ᐱᒋᐊᖅᑎᑦᑎᕙᓪᓗᓂ.

ᐃᖅᑲᓇᐃᔭᓕᖅᑐᖅ ᓯᕗᓕᖅᓯᓗᓂ ᖃᐅᔨᓴᕐᓂᕐᓂ ᖃᐅᔨᓇᓱᖕᓂᕐᓂᒃᓗ ᐊᔾᔨᒌᖏᑦᑐᓂᒃ ᑎᒥᓕᕆᓂᕐᓂ ᖃᐅᔨᓴᕈᑎᒃᓴᓂᑦ ᐊᑐᕐᓗᓂ ᐃᓕᓴᕆᔭᐅᓯᒪᔪᒥᒃ ᓄᓇᕐᔪᐊᒥ ᖃᐅᔨᓴᕐᕕᖕᓄᑦ ᐊᑐᖅᑕᐅᓇᓲᓱᓂᒃ. ᕿᒥᕐᕈᕙᒃᓗᓂ, ᓇᓗᓇᐃᖅᓯᕙᒃᓗᓂ ᖃᐅᔨᑎᑦᑎᕙᒃᓗᓂᓗ ᐋᓐᓂᐊᕕᓕᐊᖅᑐᓂᒃ ᖃᓄᐃᓕᖓᔾᔪᑎᖏᓐᓂᑦ ᑕᐃᑰᓇ ᖃᐅᔨᓴᕐᕕᖕᓄᑦ ᓇᓗᓇᐃᔭᐅᑎᑦ ᐊᑐᖃᑦᑕᖅᑐᓂ (ᐋᓐᓂᐊᕕᓕᐊᖅᑐᓄᑦ ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎ) ᖃᐅᔨᒪᒋᐊᖅᐸᒃᓗᓂᓗ ᑕᒪᕐᒥᒃ ᖃᐅᔨᓴᕐᕕᖕᒥ ᖃᓄᐃᓕᖓᓃᑦ ᑕᒻᒪᖓᙱᒃᑲᓗᐊᕐᒪᖔᑕ ᐃᓕᔭᐅᔪᑦ ᖃᐅᔨᓴᕐᕕᖕᓄᑦ ᓇᓗᓇᐃᔭᐅᑎᑦ ᐊᑐᖃᑦᑕᖅᑐᓂ ᖃᐅᔨᒋᐊᕐᕕᐅᔪᓐᓇᖅᑐᓂ ᐋᓐᓂᐊᕕᓕᐊᖅᓯᒪᔪᑦ ᓇᓗᓇᐃᔭᐅᑎᖏᓐᓂ. ᐃᖅᑲᓇᐃᔭᓕᖅᑐᖅ ᐱᓕᕆᐊᖃᕐᐸᒃᓗᓂ, ᑎᑎᕋᖅᐸᓪᓕᐊᕙᒃᓗᓂ, ᖃᐅᔨᓴᐃᓐᓇᕐᓗᓂᓗ ᑕᒪᒃᑭᖅᑐᓂᒃ ᐊᐅᓚᑦᑎᑦᑎᐊᕐᓂᕐᒥᒃ ᐱᖁᑎᓕᒫᓂᑦ ᒪᓕᒋᐊᓕᖕᓂᒃᓗ ᐱᖁᓪᓗᒍ ᖃᓄᐃᑦᑑᓂᕆᔭᖏᑦ ᑕᒻᒪᖓᙱᑦᑐᓂᒃᓗ ᖃᓄᐃᓕᖓᓂᐅᔪᓂ ᑎᑎᕋᖅᑕᓂ. ᐃᖅᑲᓇᐃᔭᓕᖅᑐᖅ ᐊᕝᕗᐃᕙᒃᓗᓂ ᖃᐅᔨᓇᓱᒃᐸᒃᓗᓂᓗ ᖃᐅᔨᓴᕐᕕᖕᒥ ᖃᐅᔨᓴᒐᒃᓴᓂᑦ ᐱᓕᕆᐊᖃᕐᐸᒃᓗᓂᓗ ᑕᕐᕋᖅᑐᖅᑕᐅᔪᓂ ᖃᐅᔨᓴᕐᓂᕐᒥᑦ ᐋᓐᓂᐊᕕᓕᐊᖅᑐᓄᑦ ᐃᓚᒋᓗᓂᐅᒃ ᐋᓐᓂᐊᕕᖕᒥ ᐱᓕᕆᖃᑎᒌᑦ.  ᖃᐅᔨᒪᓂᖃᑦᑎᐊᕐᓗᓂ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᕈᑎᓂᒃ, ᐱᔾᔪᑎᒋᓪᓗᐊᑕᖅᑕᖏᑦ ᐊᒻᒪᓗ ᐊᑐᖅᑕᐅᔭᕆᐊᓕᓐᓂᑦ ᐱᓕᒻᒪᓴᕙᓪᓗᓂ ᐃᓚᒋᓗᒋᑦ ᐊᐅᓕᖅᓱᖅᑕᐅᔾᔪᑎᓂᑦ, ᐋᓐᓂᐊᖃᕐᓇᖏᖅᑐᓕᕆᓂᕐᒧᑦ ᑕᐃᒍᓯᓂᑦ ᐊᒻᒪᓗ ᐊᐅᓚᑦᑎᔪᓐᓇᕐᓗᓂ ᑐᑭᓯᐅᒪᓗᓂᓗ ᐱᔭᕐᓂᖏᑦᑐᓂᑦ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᕈᑎᓂᑦ ᐱᓕᕆᔾᔪᑎᓂᑦ ᐊᑐᕈᓐᓇᑦᑎᐊᕐᓗᓂ.

ᖃᐅᔨᒪᓂᖃᑦᑎᐊᕐᓗᓂ, ᐊᔪᙱᑦᑎᐊᕐᓗᓂ ᐊᒻᒪᓗ ᐱᔪᓐᓇᕐᓂᖃᑦᑎᐊᕆᐊᓕᒃ ᑖᑦᓱᒥᖓ ᐃᖅᑲᓇᐃᔮᓕᒃ ᐃᓕᓐᓂᐊᕐᕕᒻᒥ ᐱᔭᕇᕈᓯᐊᖅᓯᒪᓗᓂ ᐅᕝᕙᓗᓃᑦ ᐋᓐᓂᐊᖃᕐᓇᖏᑦᑐᓕᕆᓂᒃᑯᑦ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓂᒃ ᖃᐅᔨᓴᕈᓐᓇᕐᓂᕐᒧᑦ ᐱᔭᕇᕈᓯᐊᖅᓯᒪᓗᓂ ᑲᓇᑕᒥ ᓯᓚᑦᑐᖅᓴᕐᕕᒻᒥᑦ ᐅᕝᕙᓗᓃᑦ ᓯᓚᑦᑐᖅᓴᕐᕕᔾᔪᐊᒥᑦ. ᐱᓕᕆᖃᖅᑕᕐᓂᑰᓗᓂ ᐋᓐᓂᐊᕈᑎᐅᓇᓱᒋᔭᐅᔪᓂᒃ ᑎᒥᒥᓐᖔᖅᑐᓄᑦ ᖃᐅᔨᓴᕈᑎᓂᒃ ᐱᐅᒐᔭᖅᑐᖅ. ᐃᓕᓴᕆᔭᐅᔾᔪᑎᑖᖅᓯᒪᔭᕆᐊᖃᖅᑐᑎᑦ ᑲᓇᑕᒥ ᑲᑐᔾᔨᖃᑎᒌᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᐅᑎᓂᑦ ᖃᐅᔨᓇᓱᒃᑎᑦ ᐃᓕᓴᕆᔭᐅᔾᔪᑎᖃᕆᐊᓖᑦ. ᐅᓇ ᐃᖅᑲᓇᐃᔮᒃᓴᖅ ᖃᓄᑐᐃᓐᓇᖅ ᐱᔾᔪᑎᑖᖅᓴᕋᐃᑦᑐᖅ ᓈᒻᒪᒋᔭᐅᔪᒥᒡᓗ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᓂᒃ ᐱᕝᕕᐅᔭᕆᐊᖃᕋᔭᖅᑐᖅ, ᐊᒻᒪᓗ ᐱᔭᕆᐊᑭᑦᑐᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᔭᕆᐊᓕᒃ.

ᖃᐅᔨᒪᒋᑦ ᓄᕙᒡᔪᐊᕐᓇᖅ-19−ᒧᑦ ᖃᓂᒻᒪᒌᒃᑯᓯᖅᑕᐅᓯᒪᒋᐊᓕᒃ ᐃᖅᑲᓇᐃᔮᒧᑦ. ᑐᓐᓂᖅᑯᑎᒋᓗᒍᑦ ᓇᓗᓇᐃᕈᑏᑦ ᓄᕙᒡᔪᐊᕐᓇᖅ-19−ᒧᑦ ᖃᓂᒻᒪᒌᒃᑯᓯᖅᓯᒪᓂᕐᓂᑦ ᐃᖅᑲᓇᐃᔮᖅᑖᕋᓱᒍᑎᒋᔭᓪᓗ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᓂᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐋᓐᓂᐊᖃᕐᓇᖏᑦᑐᓕᕆᔩᑦ ᐃᓕᓐᓂᐊᑲᓐᓂᖃᑦᑕᕆᐊᓖᑦ ᐊᑯᓂᐅᖏᑦᑑᒐᓗᐊᖅ ᐊᒻᒪᓗ ᒫᓐᓇᕐᓂᓴᕐᓂᑦ ᐱᓕᒻᒪᒃᓴᖃᑦᑕᕐᓗᑎᒃ ᐊᒻᒪᓗ ᐃᓕᓐᓂᐊᕐᓂᕆᓯᔭᖏᓐᓄ ᐃᓕᓴᕆᔭᐅᔾᔪᑎᖃᕆᐊᓖᑦ ᐃᖅᑲᓇᐃᔭᕐᕕᒻᒥᑦ ᐊᑦᑕᕐᓇᖅᑐᓕᕆᓂᕐᒥᑦ ᖃᒪᒋᔭᖃᕐᓂᕐᒥᑦ ᐃᓕᓐᓂᐊᖅᓯᒪᓗᓂ, ᓇᓗᓇᐃᒃᑯᑕᓕᒫᓄᑦ ᐱᓕᒻᒪᒃᓴᖅᑕᐅᔭᕆᐊᖃᕐᒥᔪᑦ, ᐊᑦᑕᕐᓇᖅᑐᓄᑦ ᐅᓯᔭᐅᔾᔪᑎᖏᓐᓅᖓᔪᓄᑦ ᖃᐅᔨᒪᓂᖃᕐᓗᓂ, ᐃᓅᓕᑦᑎᓂᕐᒥᑦ ᐊᒻᒪᓗ ᐊᒡᒐᒻᒥᓂᒃ ᐅᐊᓴᖃᑦᑕᕐᓂᖅ.

ᐃᖅᑲᓇᐃᔭᐃᓐᓇᖅᑐᓄᑦ, ᓄᓇᓕᖕᓂ ᐊᕕᒃᑐᖅᓯᒪᔪᓂ ᖃᐅᔨᓴᕐᕕᖕᒥ ᐃᖅᑲᓇᐃᔭᐃᓐᓇᖅᑐᑦ, ᐃᖅᑲᓇᐃᔮᖃᕐᓂᕐᒧᑦ ᑐᓐᓂᖅᑯᓯᐊᑦ ᐃᓚᖃᖅᑐᑦ: $3,000 ᐃᖅᑲᓇᐃᔮᒥ ᐱᒋᐊᓵᖅᑎᓪᓗᒋᑦ, $3,000 ᑕᖅᑭᓄᑦ 6-ᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ, $5,000 ᐊᕐᕌᒍᒥ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ ᐊᒻᒪᓗ $7,000 ᐊᕐᕌᒍᓄᑦ ᒪᕐᕉᖕᓄᑦ ᐃᖅᑲᓇᐃᔭᖅᓯᒪᓕᖅᑎᓪᓗᒋᑦ.

ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᑕᔅᓱᒥᖓ ᐃᖅᑲᓇᐃᔮᒃᓴᒧᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
• ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᕈᑏᑦ ᐋᒡᒑᖅᑕᐅᑐᐃᓐᓇᕆᐊᓕᒃ.   

Contact: 

ᐃᖅᑲᓇᐃᔭᖅᑐᓕᕆᔨᒃᑯᑦ (Department of Human Resources, Iqaluit)

ᓄᓇᕗᑦ ᒐᕙᒪᒃᑯᑦ
P.O. Box 1000, Station 430 Iqaluit, Nunavut  X0A 0H0
ᐅᖃᓘᑖ: 867-975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: 867-975-6220
ᐃᕐᖐᓐᓇᖅ: IqaluitApplications@gov.nu.ca 
www.gnu.outcrop.com/iu/public-jobs