ᓄᓇᓕᓐᓂᑦ ᐃᓄᓕᕆᔨ (ᐃᖅᑲᓇᐃᔮᖃᑲᐃᓐᓇᕐᓂᖅ)
ᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖏᓐᓄᑦ, ᐃᖅᑲᓇᐃᔭᕐᕕᑦᑎᐊᕙᐅᓛᖑᓂᖓᓄᑦ ᒪᒃᑯᒃᑐᓄᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓵᓚᐅᖅᑐᓄᑦ 2023-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᒃᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᑦ ᐆᒻᒪᕆᒃᑐᖅ, ᐱᔪᒃᓯᑦᑎᐊᖅᑐᑦ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ. ᒐᕙᒪᐅᑎᓪᓗᑕ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓪᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂ, ᐃᓄᒃᑐᑦ ᐅᖃᐅᓯᖓᓂᒃ ᐊᑐᖅᑎᑦᑎᓂᖅᓴᐅᓇᓱᒃᖢᑎᒃ, ᑭᒡᒐᖅᑐᐃᑦᑎᐊᕐᓗᓂ ᒐᕙᒪᒃᑯᓐᓂᑦ ᐱᔨᑦᑎᕋᖅᑎᓂᒃ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᐊᑐᕐᓂᐊᕐᓂᕋᖅᓯᒪᔭᒥᓂᒃ ᑲᔪᓯᑎᑦᑎᖁᓪᓗᒋᑦ ᓄᓇᕗᒻᒥ. ᖁᕕᐊᓱᒍᑎᖃᕆᑦ ᓄᓇᕗᑦ ᐱᐅᔪᓪᓚᕆᐅᓂᐊᓄᑦ ᓄᓇᖓ, ᐱᓕᕆᐊᖃᕐᓇᖅ ᓄᓇᓕᓐᓂᑦ ᐃᓅᓯᕐᒥᑦ, ᐃᓄᓐᓄᓪᓗ ᓴᓇᐅᒐᖃᒻᒪᕆᑦᓱᓂ, ᐆᒪᔪᕐᓂᑦ ᕿᒥᕐᕈᕕᑦᓴᐅᑦᓱᓂ ᐱᓕᕆᐊᖃᕐᓂᕐᒥᓪᓗ ᐃᓄᐃᑦ ᐃᓕᖅᑯᓯᖓᓂᑦ, ᐊᒥᓱᓄᑦ ᐃᑲᔪᖅᑕᐅᔾᔪᑏᑦ ᓄᓇᖃᕐᓂᕐᒥᑦ ᐃᖅᑲᓇᐃᔮᖃᕐᓂᕐᒥᓪᓗ ᓄᓇᕗᒻᒥ 25 ᓄᓇᓕᖏᓐᓂᑦ! ᒐᕙᒪᒃᑯᑦ ᓄᓇᕗᒻᒥᑦ, ᐊᖅᑯᑕᐅᓗᓂ ᐃᓄᓕᕆᔨᒃᑯᑦ, ᐃᖅᑲᓇᐃᔭᖅᑎᑖᕈᒪᒻᒪᑕ ᐃᓄᓕᕆᔨᒥᑦ ᐊᒥᓱᓄᑦ ᐃᖅᑲᓇᐃᔮᓄᑦ ᓄᓇᕗᒻᒥᑦ! ᐱᔪᒪᓂᖃᕈᕕᑦ ᖁᕕᐊᒋᔭᖃᕈᕕᓪᓗ ᖃᓄᐃᓕᐅᕈᓘᔭᕐᓂᕐᒥᒃ, ᑖᓐᓇ ᐊᑦᓱᕈᓐᓇᖅᑐᖅ ᖁᕕᐊᓇᕈᓐᓇᖅᓱᓂᓗ ᐱᕕᖃᕐᓂᐅᔪᖅ ᐅᑕᖅᑭᕗᖅ! ᐃᓚᒋᔭᐅᒋᑦ ᐱᓕᕆᖃᑎᒌᑦᑎᓐᓄᑦ ᐃᑲᔪᕐᓗᑎᓪᓗ ᓴᖅᑭᔮᖅᑎᑦᓯᓂᕐᒥᑦ ᐱᐅᓯᕚᓪᓕᑎᑦᓯᓂᕐᒥᓪᓗ ᑕᒪᐃᓐᓅᖓᔪᓄᑦ ᖃᓄᐃᖏᓐᓂᖏᓐᓄᑦ ᓄᓇᕗᒻᒥᐅ!
ᐱᓕᕆᐊᑦᓴᑎᑦ
ᖃᐅᔨᒃᑲᐅᑎᖃᑦᑕᕐᓗᓂ ᐊᖓᔪᖅᑳᖓᓄᑦ ᓱᕈᓯᕐᓄᑦ ᖃᑕᙳᑎᒌᓄᓪᓗ ᐱᔨᑦᑎᕋᖅᑎᒃᑯᓐᓄᑦ ᑭᒡᒐᖅᑐᐃᓂᐊᖅᑐᑎᑦ ᐃᓄᓕᕆᔨᒃᑯᓐᓂᑦ ᐱᔾᔪᑕᐅᔪᓕᒫᓄᑦ ᐊᑦᑐᐊᓂᓕᓐᓄᑦ ᐱᐅᓯᕚᓪᓕᐊᑎᑦᓯᓂᕐᒥᑦ ᑕᒪᐃᓐᓅᖓᔪᓄᑦ ᖃᓄᐃᖏᓐᓂᖏᓐᓄᑦ ᑭᒃᑯᑐᐃᓐᓇᐃᑦ ᐃᓚᒌᓪᓗ ᓄᓇᓕᑦ ᓇᓪᓕᐊᓂᑐᐃᓐᓇᖅ ᐃᓕᔭᐅᓯᒪᕕᒋᔭᖓᓐᓂᑦ. ᐱᓕᕆᔨᒻᒪᕆᐅᓂᐊᕐᓗᓂ ᓄᓇᓕᖕᓂ, ᐃᖅᑲᓇᐃᔭᖅᑎᙳᖅᑐᖅ ᑭᒡᒐᖅᑐᐃᖃᑦᑕᕐᓂᐊᕆᕗᖅ ᐃᓄᓕᕆᔨᒃᑯᓐᓂ ᐊᓯᖏᓐᓂᒃ ᐱᓕᕆᔾᔨᒪᕆᐅᔪᓂᒃ ᐱᓕᕆᖃᑎᖃᖅᐸᒡᓗᓂ ᐅᑯᓂᖓ, ᑖᒃᑯᐊᑐᐊᖑᙱᓪᓗᑎᒡᓗ, ᐸᓖᓯᒃᑯᓐᓂ, ᐃᓱᒪᓕᕆᔨᒥᒃ, ᐃᓗᐊᖅᓴᐃᔨᒥᒃ, ᐃᓕᓐᓂᐊᕐᓂᓕᕆᔨᒃᑯᓐᓂ, ᒪᓕᒐᓕᕆᔨᒃᑯᓐᓂ ᐊᒻᒪ ᐊᔾᔨᒌᙱᑦᑐᓂᒃ ᓄᓇᓕᖕᓂ ᐃᑲᔪᖅᑎᒋᔭᐅᔪᓂᒃ. ᐃᓱᒪᒋᔭᐅᓂᐊᖅᑐᑎᑦ ᐱᒻᒪᕆᐅᓂᕐᒥᒃ ᐱᔨᑦᓯᕋᖅᑎᑦᓯᔨᐅᓂᕐᓄᑦ ᓄᓇᓕᓐᓄᑦ. ᑐᕌᒐᐅᓗᐊᖅᑐᑦ ᑲᒪᒋᒋᐊᓕᑎᑦ ᐃᓚᒋᔭᖃᖅᑐᑦ ᐅᑯᓂᖓ:
- ᐱᓕᕆᐊᑦᓴᓂᑦ ᑲᔪᓯᑎᑦᓯᓂᕐᒥᑦ
- ᓱᕈᓰᑦ ᑲᒪᒋᔭᐅᑦᓯᐊᕐᓂᖏᓐᓄᑦ
- ᐃᓐᓇᕐᓂᑦ ᓴᐳᔾᔨᓂᕐᒧᑦ ᐱᔨᑦᓯᕋᕐᓂᕐᒥᑦ
- ᑭᒃᑯᑐᐃᓐᓇᐃᑦ ᐃᓚᒌᓪᓗ/ᑲᑎᙵᐅᖅᑐᑦ ᐃᓅᓯᓕᕆᓂᕐᒥᑦ
- ᐃᓐᓇᐅᓗᐊᓕᕐᓂᕐᒧᑦ/ᑎᒥᒥᒍᑦ ᖃᓄᐃᔾᔪᑎᖃᖅᑐᓂᑦ ᐱᔨᑦᓯᕋᕐᓂᕐᒥᑦ
- ᐊᑐᐃᓐᓇᐅᑎᑦᓯᓂᕐᒥᒃ ᑐᑦᑕᕐᕕᒋᔭᐅᓂᕐᒧᑦ ᐱᔨᑦᓯᕋᕐᓂᕐᒥᒃ ᓄᓇᓕᓐᓂ
- ᑎᒍᐊᕐᓃᑦ
ᑭᒃᑰᕕᑕ
ᐱᓕᕆᕝᕕᕗᑦ ᑲᒪᒋᔭᓕᒃ ᐱᕙᓪᓕᐊᑎᑦᓯᓂᕐᒥᑦ ᐊᑐᓕᖅᑎᑦᓯᓂᕐᒥᓪᓗ ᖃᓄᖅᑑᕈᑎᓂᑦ ᐱᓕᕆᐊᓂᑦ ᐱᓕᕆᐊᖑᕙᓪᓕᐊᑎᑦᓯᓂᕐᒥᓪᓗ ᓄᓇᓕᓕᓐᓄᑦ ᓄᓇᕗᒻᒥᑦ ᓱᕈᓯᕐᓄᑦ ᖃᑕᙳᑎᒌᓄᓪᓗ ᐱᔨᑦᑎᕋᖅᑎᓂᕐᒥᑦ,
ᐃᖅᑲᓇᐃᔮᓂᑦ ᐱᕙᓪᓕᐊᑎᑦᓯᓂᕐᒥᑦ ᐃᓕᓐᓂᐊᑎᑦᓯᓂᕐᒥᓪᓗ, ᑎᒍᐊᕐᓃᑦ, ᐃᑲᔫᓯᐊᓂᕐᒥᑦ, ᐊᔪᖅᓴᕈᓐᓃᖅᐸᓪᓕᑎᑦᓯᓇᓱᐊᕐᓂᕐᒧᑦ. ᑕᒪᒃᑯᐊ ᐱᔨᑦᑎᕋᕐᓃᑦ ᑐᕌᕆᔭᖃᖅᐳᑦ ᓴᙱᓕᑎᑦᓯᓂᕐᒥᑦ ᓇᓗᓇᐃᖅᓯᓂᕐᒧᓪᓗ ᖃᓄᐃᙱᑦᓯᐊᕐᓂᖏᓐᓄᑦ ᓄᓇᓕᒻᒥᐅᑦ ᓄᓇᕗᒻᒥ ᓄᓇᓕᖏᓐᓂᓗ.
ᓄᓇᓕᓐᓂᑦ ᐃᓄᓕᕆᔨᒃᑯᑦ ᐱᒻᒪᕆᐊᓗᖕᒥᒃ ᐱᓕᕆᐊᖃᖅᐸᒃᐳᑦ ᑖᒃᑯᓇᓂ ᐃᓄᓕᕆᓂᕐᒧᑦ ᐱᓕᕆᕝᕕᒋᔭᐅᕙᒃᑐᒥ. ᑖᒃᑯᐊ ᐃᖅᑲᓇᐃᔮᑦ ᐃᓂᖃᖅᑐᑦ ᐊᑐᓂᑦ ᓄᓇᕗᒻᒥ 25 ᓄᓇᓕᖏᓐᓂᑦ.
ᓱᓇᓂᑦ ᐊᑐᐃᓐᓇᐅᑎᑦᓯᕕᑕ
- ᐊᑐᐃᓐᓇᐅᑎᑦᓯᕕᐅᓂᐊᖅᑐᑎᑦ ᑮᓇᐅᔭᑦᓵᖃᑦᓯᐊᕐᓂᐊᖅᑐᑎᑦ ᐊᑭᓕᖅᑐᖅᑕᐅᓂᐊᖅᑐᑎᑦ ᐃᑲᕐᕋᑕᒫᑦ $46.83-ᒥ $56.37-ᒧ ᐊᕐᕌᒍᑕᒫᑦ. ᐊᒻᒪᓗᑦᑕᐅᖅ, ᐊᑐᐃᓐᓇᐅᑎᑦᓯᕕᐅᓂᐊᖅᑐᑎᑦ ᐱᔪᒥᓇᖅᑐᒥᑦ ᐅᑭᐅᖅᑕᖅᑐᒥᐅᖑᓂᕐᒧᑦ ᐃᓚᒋᐊᕈᑎᓂᑦ ᐃᒪᓐᓇᐃᑦᑐᓂᑦ $8.20-ᒥ $22.35-ᒧᓄ ᐃᑲᕐᕋᑕᒫᑦ, ᑐᙵᕕᒋᓗᒍ ᓇᒥ ᓄᓇᓕᓐᓂᒥᐅᑕᐅᓃᑦ.
- ᐃᖅᑲᓇᐃᔭᖅᑎᐅᓂᕐᒧᑦ ᐱᖁᑎᖃᖅᑎᑕᐅᔪᕐᓇᖅᑐᒥᑦ ᐊᑐᐃᓐᓇᖅᑕᖃᕈᓐᓇᖅᑐᖅ
- ᐊᓯᐊᓄᑦ ᓅᓐᓂᕐᒧᑦ ᐃᑲᔪᖅᑕᐅᓂᖅ
- ᐱᕕᖃᕐᓂᐅᔪᒥᑦ ᐃᖅᑲᓇᐃᔮᒥᑦ ᓯᕗᒧᐊᑦᑎᑦᓯᒋᐊᕈᑎᑦᓴᒥᑦ
- ᐱᔪᒥᓇᖅᑐᒥᑦ ᐃᑲᔪᖅᑕᐅᔾᔪᑎᑖᕐᓂᖅ ᓄᖅᑲᖓᑲᐃᓐᓇᕐᓂᕐᒧᓪᓗ ᐱᔪᓐᓇᖅᑎᑕᐅᓂᖅ
- ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᔪᖅ ᓄᓇᕗᒻᒥ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᓄᑦ
ᓱᓇᓂᑦ ᐊᑐᕆᐊᓕᑦᑕᖃᖅᑲ?
- ᐃᓕᑕᕆᔭᐅᔾᔪᑎᖃᕐᓗᓂ ᐃᓄᓕᕆᓂᕐᒧᑦ / ᐱᔭᕇᕈᐊᕐᒥᑦ ᐃᓄᓕᕆᓂᕐᒧᑦ
- ᐊᕐᕌᒍᓕᒪᕐᒧᑦ ᓄᑕᕋᕐᓂᑦ ᓴᐳᔾᔨᓂᕐᒥᑦ ᐱᓕᕆᖃᑦᑕᖅᓯᒪᓂᑰᓗᓂ
- ᖁᕝᕙᓯᖕᓂᓕᖕᒥᒃ 5-ᒥᒃ ᐊᖁᑦᑐᓐᓇᐅᑎᖃᕐᓗᓂ ᐱᑖᕋᓱᓪᓗᓂᓘᓐᓃᑦ ᐃᖅᑲᓇᐃᔮᖃᓕᕐᓗᓂ ᑕᖅᑭᓂᑦ ᓯᑕᒪᓂᑦ
- ᐱᕋᔭᒃᓯᒪᓂᑰᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔾᔪᑎᒥᒃ ᐊᑦᑕᕐᓇᖅᑐᒦᑎᑦᑎᓂᐊᙱᒃᑲᓗᐊᕐᒪᖔᕐᓗ ᖃᐅᔨᓴᖅᑕᐅᔾᔪᑎᒥᒃ
ᑭᓪᓕᖃᖅᑎᑕᐅᓂᓕᒃ ᑎᑎᖅᑲᕐᒥᑦ ᐱᔪᓐᓇᕐᓂᖃᖅᑎᑕᐅᓂᕐᒥᑦ ᐱᓕᕆᐊᖃᕐᓂᕐᒥᑦ ᓄᓇᕗᒻᒥᑦ ᐊᑐᐃᓐᓇᐅᑎᑕᐅᔪᖅ ᐃᖅᑲᓇᐃᔮᖃᑲᐃᓐᓇᕐᓂᕐᒧᑦ ᐃᖅᑲᓇᐃᔮᖅᑖᖅᑐᓂᑦ, ᐊᖏᖅᑕᐅᓚᐅᖅᑎᓪᓗᒍ ᑐᑭᒧᐊᑦᑎᑦᓯᔨᒧᑦ.
ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᐊᑐᕐᓗᑎᒃ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.
ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᓱᐊᖁᔨᓪᓗᑕ ᐃᓕᖕᓂᑦ ᑕᐃᒪᓐᓇᓪᓗᐊᖅ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᓂᕐᒧᑦ ᐃᓕᓐᓂᐊᖅᓯᒪᓂᕐᒧᑦ ᐱᓕᕆᖃᑦᑕᖅᓯᒪᓂᑰᒍᕕᑦ ᐱᔭᕆᐊᖃᖅᑐᓂᑦ ᖁᓛᓂᑦ ᑎᑎᕋᖅᓯᒪᔪᓂᑦ.
ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᐸᑎᑦ ᑎᑎᕋᖅᑕᕕᑦ ᖄᖓ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᐅᕗᖓ @email.
- ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᔨᓂᒃ ᐃᖅᑲᓇᐃᔭᖅᑎᓂᒃ; ᑕᐃᒪᐃᒻᒪᑦ, ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᖅ ᒪᓕᒡᓗᒍ.
- ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
- ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
- ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᓴᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ. ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᖅᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.