ᐊᒫᖅᑖᕐᓂᖅ ᐃᓕᓐᓂᐊᕐᓂᕐᒧᑦ ᐱᓕᕆᐊᒃᓴᖅ
ᑖᔅᓱᒨᓇ ᑐᕌᕈᑕᐅᔪᖅ ᐊᒫᖅᑖᕐᓂᒃᑯᑦ ᐊᐳᖅᑕᕈᑕᐅᔪᓂᑦ ᓴᓂᕐᕙᐃᔾᔪᑎᒋᓪᓗᒍ ᐃᓕᓐᓂᐊᕆᐊᒃᑲᓐᓂᕋᓱᒃᑎᓪᓗᒋᑦ ᐃᓄᖕᓄᑦ ᐃᖅᑲᓇᐃᔭᖅᑎᓄᑦ ᐊᑐᖅᑕᐅᖃᑦᑕᖅᑐᖅ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔮᒃᓴᖏᑦ ᐱᓕᕆᔨᒻᒪᕆᐅᓂᕐᒧᑦ ᐃᓐᓄᒃᑕᐅᔪᓐᓇᖁᓪᓗᒋᑦ ᐃᓄᖕᓄᑦ ᐊᔪᙱᑦᑐᓄᑦ ᐃᖅᑲᓇᐃᔭᖅᑎᓄᑦ.
ᐊᒫᖅᑖᕐᓂᕐᒧᑦ ᐱᓕᕆᐊᖅ ᐃᑲᔪᓲᖑᕗᑦ ᐊᑯᓂᐅᔪᒃᑯᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᖢᑎᒃ ᓄᖅᑲᖓᔪᓄᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᓄᓇᕗᑦ ᑐᙵᕕᒃᑯᑦ ᑎᒥᖓᑦᑕ ᐃᓄᐃᑦ ᐊᑎᓕᐅᖅᑕᐅᖃᑕᐅᓯᒪᔪᓄᑦ ᐱᓇᔪᖃᑕᐅᔪᒪᔪᓄᑦ ᐃᖅᑲᓇᐃᔮᒃᓴᓄᑦ ᐃᓐᓄᒃᑕᐅᒐᔪᙱᑦᑐᓄᑦ ᓄᓇᕗᑦ ᒐᕙᒪᒃᑯᓐᓂ.
ᐊᖏᖅᑕᐅᔪᑦ ᐊᒫᖅᑖᕐᓂᕐᒧᑦ ᐃᓚᒋᔭᐅᔪᑦ ᐱᓂᐊᖅᑐᑦ ᑮᓇᐅᔭᓂᑦ ᐱᔾᔪᑎᒃᓴᕐᑖᕐᓂᕐᒧᑦ ᐊᔾᔨᓪᓗᐊᑲᓴᖓᓂᑦ 100-ᐳᓴᓐᑎᒥ ᑮᓇᐅᔾᔭᒃᓵᖏᓐᓄᑦ ᐊᑯᓂᐅᓂᖓ ᐊᖏᖃᑎᒌᒍᑎᖓᓄᑦ ᐊᒫᖅᑖᕐᓂᖅ.
ᐱᔪᓐᓇᖅᑎᑕᐅᔪᑦ
- ᐃᓄᐃᑦ ᐃᖅᑲᓇᐃᔭᖅᑐᑦ ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᐃᓐᓇᖅᑐᑦ, ᐃᓱᓕᕝᕕᒃᓴᖃᖅᑐᑦ ᐃᖅᑲᓇᐃᔭᓚᐅᑲᒃᑐᓪᓘᓐᓃᑦ ᐱᓇᓱᐊᕈᓐᓇᖅᑐᑦ, ᐱᔪᓐᓇᕐᓂᐊᖅᖢᓂᓗ ᐊᒫᖅᑖᕐᓂᖕᒥᑦ ᐃᒪᐃᒃᑯᓂ:
- ᐱᔭᕇᖅᓯᓯᒪᓗᓂ ᐅᑭᐅᕐᓄ ᐱᖓᓱᓄᑦ ᐃᖅᑲᓇᐃᔭᐃᓐᓇᕐᓗᓂ ᓄᓇᕗᑦ ᒐᕙᒪᒃᑯᓐᓂ,
- ᐱᖃᕐᓗᓂ ᐱᔭᕆᐊᓕᖏᓐᓂ ᐱᓯᒪᔭᐅᕙᒌᕆᐊᓕᖕᓂᑦ ᐃᓯᖅᑎᓪᓗᓂ ᓯᓚᑦᑐᖅᓴᕐᕕᖕᒧᑦ,
- ᐱᖃᕐᓗᓂ ᓱᓕᔪᒥᒃ ᐱᓕᕆᔾᔪᓯᕐᓄᑦ ᖃᐅᔨᓴᕈᑎᓂᑦ ᐊᔾᔨᕐᓚᖓᓂᓘᓐᓃᑦ, ᓲᕐᓗ ᓱᓕᔪᖅ ᖃᐅᔨᒪᔨᑕᕐᒧᑦ ᑎᑎᖅᑲᖅ ᒫᓐᓇᐅᔪᒥ ᑭᖑᓂᑦᑎᓐᓂᓘᓐᓃᑦ ᑲᒪᔨᖏᓐᓂᑦ; ᐊᒻᒪᓗ
- ᐱᑖᖃᑕᐅᓛᕈᒪᑐᐊᖅᐸᑕ ᐱᔭᕇᕈᓯᐊᖅᑖᕐᓂᕐᒧᑦ ᐃᓕᓐᓂᐊᖅᑕᐅᔪᒃᓴᒥᒃ ᐃᒪᐃᑦᑐᒥᒃ:
- ᐊᑐᑦᑎᐊᖅᑐᖅ ᓄᓇᕗᒻᒥ ᒐᕙᒪᖓᑦᑕ ᐱᒻᒪᕆᖓ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᒥᒃ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᖃᓄᐃᓕᐅᕈᑕᐅᔪᒪᔪᕐᒧᑦ, ᐊᒻᒪᓗ
- ᐱᔭᕆᐊᖃᕐᓂᕐᒦᑦᑐᖅ ᓄᓇᕗᒻᒥ ᒐᕙᒪᖓᓄᑦ, ᐃᓚᐅᓗᓂ ᐃᓄᖕᓄᑦ ᑎᒥᖁᑎᒋᔭᐅᔪᓄᑦ.
- ᐃᓕᓐᓂᐊᕐᓂᕐᒧᑦ ᐱᓕᕆᐊᒃᓴᑦ ᑐᕌᖅᑎᑦᑎᔭᕆᐊᓕᑦ ᐃᓕᓐᓂᐊᕌᓂᒍᓯᐊᕐᒧᑦ ᐅᕝᕙᓘᓐᓃᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖃᑕᐅᔪᓄᑦ ᐃᖅᑲᓇᐃᔮᖅᑖᖅᐸᓪᓕᐊᔪᓄᑦ, ᐱᓕᕆᔨᒻᒪᕆᐅᓂᕐᒧᑦ ᐅᕝᕙᓘᓐᓃᑦ ᐃᓕᓐᓂᐊᖅᓯᓐᓈᑦ ᐃᖅᑲᓇᐃᔭᕐᓂᖅ ᐱᔭᕆᐊᖃᖅᑎᑕᕐᒧᑦ ᓄᓇᕗᒻᒥ ᒐᕙᒪᒃᑯᓐᓄᑦ ᐱᔪᓐᓇᕈᑎᖃᕈᓐᓇᖅᓯᓇᓱᖕᓂᕐᒧᑦ, ᐃᓚᐅᑎᑦᑎᔪᓐᓇᖅᖢᓂᓗ:
- ᖃᕆᑕᐅᔭᒃᑯᑦ ᐃᓕᓐᓂᐊᒐᒃᓴᑦ ᑐᕌᖅᑎᑦᑎᔪᑦ ᓯᓚᑦᑐᖅᓴᕐᕕᖕᒥ ᐃᓚᐅᖃᑕᐅᔾᔪᑎᒥᒃ, ᐃᓕᓐᓂᐊᕇᖅᓯᒪᙱᑦᑐᓄᑦ ᐃᓕᓐᓂᐊᕌᓂᒍᓯᐊᖅ ᐊᒻᒪ ᐃᓕᓐᓂᐊᕌᓂᖕᓂᑰᓗᓂ ᐃᓕᓐᓂᐊᕌᓂᒍᓯᐊᑦ,
- ᐱᔭᕆᐊᖃᕐᓂᕐᒦᑦᑐᒥᒃ ᐃᓕᓐᓂᐊᖅᓯᓐᓈᖅ ᐃᖅᑲᓇᐃᔭᕐᓂᕐᒧᑦ ᐊᒻᒪ ᐃᓕᓐᓂᐊᕐᓂᕐᒥᒃ ᐃᖅᑲᓇᐃᔮᒃᓴᒧᑦ ᓇᓗᓇᐃᒃᑯᑕᖅᑖᕈᑎᒥᒃ,
- ᐅᐸᒍᑎᓯᒪᓗᓂ ᐅᐸᖃᑦᑕᕐᓂᖅ ᐊᒻᒪ ᖃᕆᑕᐅᔭᒃᑯᑦ ᐃᓕᑉᐸᓕᐊᓂᖅ, ᐊᒻᒪᓗ
- ᐅᓪᓗᓕᒫᖅ ᐊᒻᒪ ᐅᓪᓘᑉ ᓇᑉᐸᖓᒍᑦ ᐃᓕᓐᓂᐊᕐᓂᖅ.
ᐊᒫᖅᑖᕐᓂᖅ ᐃᑲᔪᖅᑐᐃᔪᖅ ᐊᑯᓂᐅᔪᒃᑯᑦ ᐃᓕᓐᓂᐊᕐᓂᕐᒧᑦ ᓄᖅᑲᖓᓂᕐᒥᒃ ᐃᓕᓐᓂᐊᕐᓗᓂ ᐃᓕᓐᓂᐊᕐᕕᒃ ᐱᓕᕆᕝᕕᖏᓐᓂ ᓄᓇᕗᒻᒥ ᓇᓂᑐᐃᓐᓇᕐᓗ ᑲᓇᑕᒥ.
ᐃᓱᓕᕝᕕᖓ
ᐱᓇᔪᒍᓐᓇᐅᑏᑦ ᐃᓱᓕᕝᕕᒃᓴᖓ ᐊᒫᖅᑖᕐᓂᖅ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᒃᓴᒧᑦ ᕕᕝᕗᐊᕆ 26, 2021ᒥᑦ. ᑐᓴᐅᒪᔾᔪᑏᑦ, ᑐᒃᓯᕋᐅᑎᐅᖏᑦᑐᓄᑦ, ᓇᒃᓯᐅᔾᔭᐅᔪᓐᓇᕐᑐᑦ ᐃᓱᓕᕝᕕᒃᓴᖅ ᖄᖏᕋᓗᐊᖅᑎᓪᓗᒍ.
ᐱᒻᒪᕆᐅᓪᓗᑎᒃ ᑎᑎᖅᑲᑦ
Amaaqtaarniq Education Program Form Fillable IU Amaaqtaarniq Applicant Checklist Fillable IU Amaaqtaarniq FAQs IU Amaaqtaarniq Guidelines June 2019 IU Amaarqtaarniq Education Leave Program Policy IU CAR Consent Form IU Career Goals Achievement Record Fillable Form IU Amaaqtaarniq Financial Information Worksheet Fillable IU Amaaqtaarniq Financial Information Worksheet Local Fillable IU Amaaqtaarniq Education Program - Confirm Employment and Performance review IU
ᑐᑭᓯᒋᐊᕐᕕᒃᓴᐃᑦ ᑐᕌᕈᑎᖏᑦ
ᓯᕗᒻᒧᐊᖃᑎᒌᓄᑦ
ᐃᖅᑲᓇᐃᔭᖅᑐᓕᕆᔨᒃᑯᑦ
@email
1-855-628-6200