ᐃᓕᓐᓂᐊᑎᑦᓯᓂᕐᒧᑦ ᑮᓇᐅᔭᐃᑦ
ᐃᓕᓐᓂᐊᑎᑦᓯᓂᕐᒥᑦ ᑮᓇᐅᔭᐃᑦ
ᐃᓕᓐᓂᐊᑎᑦᓯᓂᕐᒥᑦ ᑮᓇᐅᔭᐃᑦ ᓴᖅᑭᖅᑕᐅᓯᒪᔪᑦ ᐊᑐᐃᓐᓇᐅᑎᑦᓯᓂᕐᒥᑦ ᐃᓕᓐᓂᐊᑎᑦᓯᓂᕐᒥᑦ ᐱᕕᖃᖅᑎᑦᓯᓂᕐᒥᑦ ᓄᓇᕗᑦ ᐃᖅᑲᓇᐃᔭᖅᑎᖏᓐᓂᑦ ᒐᕙᒪᒃᑯᑦ ᓄᓇᕗᒻᒥᑦ ᐃᓄᓐᓄᓪᓗ ᑐᑦᑕᕐᕕᐅᕙᑦᑐᓄᑦ. ᐊᕕᑦᑐᖅᑕᐅᓯᒪᔪᐃᓪᓗ ᐱᑐᐃᓐᓇᐅᖏᑦᑐᓄᑦ ᐃᓕᓐᓂᐊᑎᑦᓯᓂᕐᒥᑦ ᑮᓇᐃᔭᐃᑦ ᐱᓕᕆᐊᓄᓪᓗ ᐱᕙᓪᓕᐊᑎᑦᓯᓂᕐᒧᑦ ᑮᓇᐅᔭᐃᑦ. ᑕᒪᑮᒃ ᐃᓕᓐᓂᐊᕐᓂᕐᒧᑦ ᑮᓇᐅᔭᐃᑦ ᐱᓕᕆᐊᖑᖃᑦᑕᖅᑐᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓄᑦ ᐃᓕᓐᓂᐊᕐᓂᕐᒧᑦ ᐱᓕᕆᕝᕕᖓᓂᑦ ᒐᕙᒪᓕᕆᔨᒃᑯᓐᓄᑦ.
ᐱᓕᕆᐊᓄᑦ ᐱᕙᓪᓕᐊᑎᑦᓯᓂᕐᒥᑦ ᐱᑐᐃᓐᓇᐅᖏᑦᑐᓂᓪᓗ ᐃᓕᓐᓂᐊᕐᓂᕐᒧᑦ ᑮᓇᐅᔭᐃᑦ ᐊᑐᐃᓐᓇᐅᑎᑕᐅᔪᑦ ᐃᑲᔪᕐᓂᖃᖅᑐᖅ ᒪᓕᑦᑐᓂᑦ ᑎᑭᐅᑕᐅᓂᐊᖅᑐᓂᑦ ᒐᕙᒪᒃᑯᓐᓄᑦ ᓄᓇᕗᒻᒥᑦ:
- ᐱᕚᓪᓕᑎᑦᓯᓂᕐᒥᑦ ᐊᑐᓕᖅᑎᑦᓯᓂᕐᒥᓪᓗ ᐱᓕᕆᐊᓂᑦ/ᐱᔨᑦᓯᕋᕐᓂᕐᒥᑦ ᑐᓂᓯᓂᕐᒥᑦ
- < > ᐊᑐᖅᑕᐅᕙᑦᑐᓂᑦ/ᐱᓕᕆᔨᒻᒪᕆᓐᓂᑦ ᖃᐅᔨᒪᓂᖏᓐᓂᑦ ᐊᒻᒪᓗ ᐱᔪᓐᓇᓂᖏᓐᓂᑦ
- ᑲᔪᓯᑎᑦᓯᓂᕐᒥᑦ ᐱᔭᕆᐊᓕᓐᓂᑦ ᓇᓗᓇᐃᒃᑯᑕᕐᓂᑦ, ᐱᔪᓐᓇᐅᑎᓂᑦ, ᐊᒻᒪᓗ/ᐅᕝᕙᓘᓐᓃᑦ ᐃᓕᓐᓂᐊᕐᓂᕐᒥᑦ ᓄᑖᓂᑦ ᐱᓕᕆᔨᒻᒪᕆᓐᓂᑦ ᐊᑐᐊᒐᑦᓴᐃᑦ ᐋᖅᑭᑦᑕᐅᓯᒪᓂᖏᓐᓂᑦ ᐱᐅᓂᖅᐹᓂᓪᓗ ᐊᑐᖅᑕᐅᕙᑦᑐᓂᑦ; ᐊᒻᒪᓗ
- ᐋᖅᑭᑦᓱᐃᓂᖅ ᐊᔪᙱᓐᓂᕆᔭᐅᔪᓐᓇᖅᑐᓂᑦ ᒪᓕᓪᓗᑎᑦ ᐱᓕᕆᕝᕕᓐᓂᑦ.
ᖃᓄᐃᑐᐃᑦ ᐃᓕᓐᓂᐊᕆᐊᖃᕐᓃᑦ ᐱᔪᓐᓇᖅᑲᑦ ᐊᑖᓂᑦ ᐃᓕᓐᓂᐊᑎᑦᓯᓂᕐᒧᑦ ᑮᓇᐅᔭᓂᑦ?
- ᑐᕌᖓᔪᓄᑦ ᐃᓕᓐᓂᐊᑎᑦᓯᓂᕐᒥᑦ ᑮᓇᐅᔭᐃᑦ: ᓇᓗᓇᐃᔭᖅᓯᒪᔪᓂᑦ ᐃᓕᓐᓂᐊᕐᓂᖅᐱᓕᕆᔨᒻᒪᕆᐅᓂᕐᒧᓪᓘᓐᓃᑦ ᐱᕙᓪᓕᐊᓂᕐᒧᑦ ᐃᓕᓐᓂᐊᕐᓂᕐᒥᑦ ᐅᖃᐅᓯᖃᕐᓂᖅ ᐃᓕᓐᓂᐊᑎᑦᓯᓂᕐᒧᑦ ᐱᔭᕆᐊᓕᓐᓂᑦ ᒐᕙᒪᒃᑯᑦ ᓄᓇᕗᒻᒥ ᐃᖅᑲᓇᐃᔭᖅᑎᖏᑦ ᐊᔾᔨᒌᑦᑐᓂᑦ ᐃᖅᑲᓇᐃᔮᖏᓐᓂᑦ ᑲᑎᖓᐅᖅᑐᓂᑦ ᐊᔾᔨᒌᖏᑦᑐᓂᑦ ᐱᓕᕆᕝᕕᓐᓂᑦ ᐊᒻᒪᓗ ᑐᑦᑕᕐᕕᒋᔭᐅᔪᓂᑦ (ᓲᕐᓗ ᓇᓗᓇᐃᖅᑕᐅᓯᒪᔪᓂᑦ ᖃᕆᑕᐅᔭᑎᒍᑦ ᑐᑦᓯᕋᐅᑎᓂᑦ, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐃᓕᓐᓂᐊᕐᓂᖅ, ᑮᓇᐅᔭᓕᕆᓂᕐᒥᑦ, ᒪᓕᒐᓕᕆᓂᕐᒥᑦ ᐃᓕᓐᓂᐊᕐᓂᖅ, ᐊᓯᖏᓪᓗ.)
- ᐱᓕᕆᐊᓄᑦ ᐱᕙᓪᓕᐊᑎᑦᓯᓂᕐᒥᑦ ᑮᓇᐃᔭᐃᑦ: ᐃᓕᓐᓂᐊᑎᑦᓯᓂᕐᒥᑦ ᑲᔪᓯᑎᑦᓯᓂᖅ ᓄᑖᓄᑦ ᐱᓕᕆᐊᓄᑦ/ᐃᓕᓐᓂᐊᑎᑦᓯᓂᕐᒥᑦ, ᐱᕚᓪᓕᑎᑦᓯᓂᕐᒥᓪᓘᓐᓃᑦ ᐱᓕᕆᔾᔪᑎᓂᑦ, ᐃᖅᑲᓇᐃᔮᓄᑦ-ᑐᕌᖓᔪᓄᑦ ᐱᔪᓐᓇᐅᑎᖏᓐᓄᑦ ᐅᖃᐅᓯᖃᖅᑐᓂᖅ ᐃᓕᓐᓂᐊᑎᑦᓯᓂᕐᒧᑦ ᐱᔭᕆᐊᓕᓐᓂᑦ ᒐᕙᒪᒃᑯᑦ ᓄᓇᕗᒻᒥ ᐃᖅᑲᓇᐃᔭᖅᑎᖏᑦ ᐊᔾᔨᒌᑦᑐᓂᑦ ᐃᖅᑲᓇᐃᔮᖏᓐᓂᑦ ᑲᑎᖓᐅᖅᑐᓂᑦ ᐊᔾᔨᒌᖏᑦᑐᓂᑦ ᐱᓕᕆᕝᕕᓐᓂᑦ ᐊᒻᒪᓗ ᑐᑦᑕᕐᕕᒋᔭᐅᔪᓂᑦ (ᓲᕐᓗ., ᐊᐅᓚᑦᓯᓂᕐᒧᑦ ᐱᓕᕆᐊᓂᑦ, ᑐᓴᐅᒪᖃᑦᑕᐅᑎᓂᕐᒧᑦ ᐱᓕᕆᐊᓂᑦ, ᐊᑐᐊᒐᕐᓂᑦ ᐱᓕᕆᐊᓂᑦ, ᐊᓯᖏᓪᓗ.)
ᖃᓄᐃᑦᑐᐃᑦ ᐃᓕᓐᓂᐊᕐᓃᑦ ᐱᔪᓐᓇᖏᓪᓚᑦ ᐊᑖᓂᑦ ᐃᓕᓐᓂᐊᑎᑦᓯᓂᕐᒧᑦ ᑮᓇᐅᔭᓂᑦ?
- ᑲᔪᓯᖏᓐᓇᓂᕐᒥᑦ/ᐱᑕᖃᐃᓐᓇᓂᕐᒥᑦ ᐃᓕᓐᓂᐊᑎᑦᓯᓂᕐᒥᑦ ᐱᓕᕆᐊᑦ ᐊᑐᐃᓐᓇᐅᑎᑕᐅᔪᑦ ᒐᕙᒪᓕᕆᔨᒃᑯᓐᓄᑦ, ᐊᓯᖏᓐᓄᓪᓗ ᒐᕙᒪᒃᑯᓐᓄᑦ ᐱᓕᕆᕝᕕᓐᓂᑦ ᑎᒥᐅᔪᓄᓪᓘᓐᓃᑦ ᓲᕐᓗ ᓄᓇᕗᒻᒥᑦ ᐅᑭᐅᖅᑕᖅᑐᒥᑦ ᓯᓚᑦᑐᓴᕐᕕᒃ;
- ᐊᔪᕈᓐᓃᖅᓴᖅᑐᖅ, ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᕋᑦᓴᖅ, ᐊᒻᒪᓗ/ᐅᕝᕙᓘᓐᓃᑦ ᓴᓇᔪᓕᕆᓂᕐᒧᑦ ᐃᖅᑲᓇᐃᔮᓄᑦ
- ᐃᓕᓐᓂᐊᕐᓂᕐᒧᑦ ᐃᖅᑲᓇᐃᔭᖏᓐᓂᖅ ᐊᒻᒪᓗ ᐃᓕᓐᓂᐊᑎᑦᓯᔾᔪᑎᑦᓴᓄᑦ ᐅᑎᕐᕕᐅᓂᖅ (ᓲᕐᓗ ᐅᖓᓯᑦᑐᒥᑦ ᐃᓕᓐᓂᐊᕐᓂᒃᑯᑦ);
- ᐃᓛᒃᑰᖅᑐᓄᑦ ᐃᓕᓐᓂᐊᕋᑦᓴᐃᑦ/ᐱᓕᕆᔨᒻᒪᕆᓐᓂᑦ ᐱᕙᓪᓕᐊᓂᕐᒥᑦ ᑐᑦᓯᕋᐅᑎᓂᑦ (ᐃᖅᑲᓇᐃᔮᓕᒃ ᐱᕐᔪᐊᖑᑉᐸᑦ ᒐᕙᒪᒃᑯᑦ ᓄᓇᕗᒻᒥᑦ)
- ᑭᒃᑯᑐᐃᓐᓇᕐᓄᑦ ᐃᓕᓐᓂᐊᕐᓂᖅ ᓲᕐᓗ Office 2010, ᐃᓚᒌᑦᓯᐊᐸᓪᓕᐊᓂᖅ, ᑲᒪᒋᔭᖃᕐᓂᕐᒥᑦ ᐱᔭᕆᐊᑐᔪᓂᑦ ᐃᓄᓐᓂᑦ, ᐊᖓᔪᖅᑳᖑᓂᕐᒧᑦ ᐱᔪᓐᓇᕐᓂᖅᒥᑦ, ᐊᓯᖏᓐᓂᓪᓗ (ᐅᕝᕙᓘᓐᓃᑦ ᐃᓕᓐᓂᐊᕋᑦᓴᐃᑦ ᑎᑎᕋᖅᑕᐅᓯᒪᔪᑦ ᐃᓕᓐᓂᐊᕐᓂᕐᒧᑦ ᐅᓪᓗᑕᒫᖅᓯᐅᑎᓂᑦ)
- ᐃᖅᑲᓇᐃᔭᖅᑎᓄᑦ ᐱᖅᑯᓯᕐᓂᓪᓘᓐᓃᑦ ᖃᐅᔨᒪᓕᖅᑎᑦᓯᓂᕐᒥᑦ;
- ᑎᒃᑯᐊᖅᑕᐅᓯᒪᔪᓄᑦ ᓇᓗᓇᐃᒃᑯᑕᖅᑖᑲᓐᓂᕐᓂᖅ (ᓲᕐᓗ. ᐋᓐᓂᐊᖅᑐᓕᕆᓂᕐᒧᑦ ᐊᓯᖏᓐᓂᓪᓘᓐᓃᑦ ᓇᓗᓇᐃᖅᑕᐅᓯᒪᖏᑦᑐᓂᑦ ᓇᓗᓇᐃᒃᑯᑕᕐᓂᑦ); ᐊᒻᒪᓗ
- ᐊᑐᖅᑕᐅᑲᓐᓂᖅᑐᓂᑦ ᐊᔪᙱᓐᓂᕆᔭᐅᔪᓂᑦ ᓴᓇᓂᕐᒥᑦ (ᑮᓇᐅᔭᖃᖅᑎᑦᓯᓂᖅ ᐱᓕᕆᕝᕕᒻᒥᖔᖅᑐᑦ ᐊᑐᖅᑕᐅᑲᓐᓂᖅᑐᑦ ᓴᓇᓂᕐᒥᑦ ᐊᔪᖏᓐᓂᕆᔭᐅᔪᓂᑦ ᓇᓗᓇᐃᖅᑕᐅᓯᒪᔪᖅ ᓴᓇᓯᒪᔪᖅ ᐊᕐᕌᒍᒻᒧᑦ ᐱᓕᕆᐊᓄᑦ ᐸᕐᓇᐅᑎᓂᑦ ᐊᑐᓂᑦ ᐱᓕᕆᕝᕕᒻᒥᑦ).
ᖃᖓ ᒪᑐᕕᑦᓴᖃᖅᑲ ᑐᓂᓯᓂᕐᒥᑦ ᑐᑦᓯᕋᐅᑎᓂᑦ?
ᐊᕐᕌᒍᑕᒫᑦ, ᑐᑦᓯᕋᖅᑕᐅᖃᑦᑕᖅᑐᑦ ᑐᑦᓯᕋᐅᑏᑦ ᐱᒋᐊᖓᕐᓂᖓᓂᑦ ᑮᓇᐅᔭᓕᕆᓂᕐᒧᑦ ᐊᕐᕌᒎᑉ ᐱᔭᕇᖅᑕᐅᓯᒪᔪᓄᑦ ᑎᑎᕋᖅᓯᒪᔪᓂᑦ ᐊᑐᐊᒐᕐᓂᑦ ᑐᑦᓯᕋᐅᑎᓄᓪᓗ ᐋᖅᑭᑦᓯᒪᔪᓂᑦ. ᐱᓕᕆᕝᕕᒻᒥᐅᖃᑎᒌᖏᑦᑕ ᕿᒥᕐᕈᔩᑦ ᑲᑎᒪᔨᖏᑦ ᖃᐅᔨᓴᕐᓂᐊᖅᑐᑦ ᐃᓘᓐᓇᖏᓐᓂᑦ ᑐᑦᓯᕋᐅᑎᓂᑦ ᑐᙵᕕᒋᓗᒋᑦ ᐊᑐᖅᑕᐅᒐᔪᓐᓂᐊᖅᑐᓂᑦ ᒪᓕᒐᑦᓴᐅᔪᓂᑦ.
ᐃᓛᒃᑰᖓᔪᑦ ᐃᓕᓐᓂᐊᕐᓂᕐᒧᑦ ᑮᓇᐅᔭᑦ ᑐᓴᒐᒃᓴᑦ ᐊᒻᒪ ᖃᐅᔨᒪᔭᐅᔭᕆᐊᓖᑦ
ᑐᕌᖓᓪᓚᕆᖕᓂᖃᖅᖢᓂ ᐊᔪᕈᓐᓃᖅᓴᕐᓂᕐᒧᑦ ᑮᓇᐅᔭᖁᑎᒋᔭᐅᔪᓄᑦ ᐱᓇᔪᒍᑕᐅᔪᖅ
ᐱᓕᕆᐊᒃᓴᓂᒃ ᐱᕙᓪᓕᐊᑎᑦᑎᓂᕐᒧᑦ ᑮᓇᐅᔭᑦ: ᑐᓴᖅᑕᐅᑎᑦᑎᔾᔪᑎᑦ ᖃᐅᔨᒪᔾᔪᑏᓪᓗ
ᐱᓕᕆᐊᒃᓴᓂᒃ ᐱᕙᓪᓕᐊᑎᑦᑎᓂᕐᒧᑦ ᑮᓇᐅᔭᑦ ᑐᒃᓯᕋᐅᑎ
ᑭᓇᒥ ᖃᐅᔨᒃᑲᐃᒍᓐᓇᖅᑯᖓ ᑐᑭᓯᒋᐊᑲᓐᓂᕈᒪᒍᒪ?