ᐃᖅᑲᓇᐃᔮᓂᒃ ᐱᕙᓪᓕᐊᑎᑦᑎᓂᕐᒥᒃ ᐃᓕᓐᓂᐊᖅᑕᐅᔪᒃᓴᖅ
ᐃᖅᑲᓇᐃᔮᓂᒃ ᐱᕙᓪᓕᐊᑎᑦᑎᓂᕐᒥᒃ ᐱᓕᕆᐊᒃᓴᑦ ᑐᕌᖓᑎᑕᐅᔪᑦ ᐊᔾᔨᒌᙱᑦᑐᓂᑦ ᐃᖅᑲᓇᐃᔮᒃᓴᓂᑦ ᐱᓕᕆᖃᑦᑕᖅᓯᒪᖁᓪᓗᒋᑦ ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᖏᑦ. ᐱᓕᕆᐊᖑᑎᓪᓗᒋᑦ ᐃᓕᓐᓂᐊᖃᑕᐅᔪᓂᑦ ᐱᓕᕆᖃᑕᐅᑎᑦᑎᖃᑦᑕᖅᐳᑦ ᓂᕈᐊᕆᔭᒥᓂᒃ ᑕᖅᑭᑦ 12-ᓄᑦ ᑎᑭᖦᖢᒍ ᐊᑐᓂ ᐱᓕᕆᐊᒃᓴᓂᑦ ᐊᒻᒪ ᐱᓕᕆᖃᑕᐅᔪᖅ ᐱᖓᓱᓄᑦ ᑎᑭᓪᓗᒍ ᐱᓕᕆᐊᒃᓴᖃᕈᓐᓇᖅᖢᓂ. ᐊᑐᓂ ᐱᓕᕆᐊᒃᓴᖏᑦ ᒪᓕᒃᐳᑦ ᐃᓕᓐᓂᐊᒐᒃᓴᑦ ᐸᕐᓇᒃᑕᐅᓯᒪᔪᓂᑦ ᐊᒻᒪ ᓴᖅᑭᑦᑎᒋᓪᓗᓂ ᐃᖅᑲᓇᐃᔭᖅᑎᐅᑉ ᐊᔪᕈᓐᓃᖅᓴᕈᒪᔭᖏᓐᓂᒃ ᖃᐅᔨᒪᓕᕈᒪᔭᖏᓐᓂᒡᓗ.
ᐃᖅᑲᓇᐃᔮᓂᒃ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᖑᔪᖅ ᐱᕕᒃᓴᖃᖅᑎᑦᑎᖃᑦᑕᖅᑐᑦ ᐃᖅᑲᓇᐃᔭᖅᑎᓂᑦ ᐃᒪᓐᓇ:
- ᐃᖅᑲᓇᐃᔮᒥᑦ ᐱᓕᕆᔪᓐᓇᕐᓂᖅᓴᐅᓕᕐᓗᑎᑦ ᐊᔪᕈᓐᓃᖅᐸᓪᓕᐊᑎᓪᓗᒋᑦ.
- ᐊᐅᓚᑦᑎᔪᓐᓇᖅᓯᕙᓪᓕᐊᓗᑎᑦ ᐊᒻᒪ ᐊᑐᓕᒪᓕᖅᐸᓪᓕᐊᓗᒍ ᐃᑲᔪᕐᓂᖃᕐᓂᐊᖅᑐᖅ ᐃᖅᑲᓇᐃᔮᖅᑖᕋᓱᒃᑎᓪᓗᒋᑦ ᐊᐅᓚᑦᑎᔨᐅᓂᕐᒥᑦ, ᐅᕙᓘᓐᓃᑦ ᐊᐅᓚᑦᑎᔨᐅᒃᐸᑕ ᑐᑭᒧᐊᖅᑎᑦᑎᔨᙳᖔᕐᓗᑎᑦ.
- ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᐅᓂᕐᒧᑦ ᐊᔪᕈᓐᓃᖅᐸᓪᓕᐊᓗᑎᑦ ᐊᒻᒪ ᐊᑐᓕᒪᓕᖅᐸᓪᓕᐊᓗᒍ ᑕᒪᓐᓇ ᐱᔭᐅᓯᒪᒋᐊᖃᓲᖑᒻᒪᑦ ᐃᖅᑲᓇᐃᔮᖅᑖᕋᓱᒃᑎᓪᓗᒋᑦ ᐊᑕᐃᓐᓇᕐᓂᐊᖅᑐᒧᑦ.
- ᐊᓯᖏᑦ ᐱᓕᕆᐊᒃᓴᓕᓂᕐᒧᑦ ᓯᕗᓕᖅᑎᐅᓂᕐᒥᑦ ᑲᒪᖃᑦᑕᕈᓐᓇᖅᓯᓗᑎᑦ ᐃᖅᑲᓇᐃᔮᓂᑦ.
ᐊᔪᕈᓐᓃᖅᐹᓪᓕᕐᓗᑎᒃ ᖃᐅᔨᒪᓕᖅᐹᓪᓕᕐᓗᑎᒡᓗ ᐃᓄᐃᑦ ᐃᖅᑲᓇᐃᔭᖅᑏᑦ, ᐱᓕᕆᐊᒃᓴᖅ ᐊᐅᓪᓚᕝᕕᐅᓂᐊᕐᒥᔪᖅ ᒐᕙᒪᐅᑉ ᐱᓕᕆᕝᕕᖏᓐᓂᑦ ᑎᒥᖁᑎᖏᓐᓂᓗ [ᑕᐃᔭᐅᔪᑦ "ᐱᓕᕆᕝᕕᒃ" ᖃᐅᔨᒪᔾᔪᑎᒥᒃ] ᑎᑭᐅᑎᖁᓪᓗᒋᑦ ᐃᓄᖕᓂ ᐃᖅᑲᓇᐃᔭᖅᑎᖃᕐᓂᖕᒧᑦ ᐱᕙᒌᔭᐅᑎᖏᓐᓂᑦ.
ᐱᔪᓐᓇᖅᑎᑕᐅᔪᑦ
ᐊᔪᙱᑦᑐᑦ ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᖅᑏᑦ:
- ᐃᓄᓐᓂᑦ ᐃᖅᑲᓇᐃᔭᖅᑐᖃᖅᐹ ᐱᓕᕆᕝᕕᓐᓂᑦ;
- ᐃᖅᑲᓇᐃᔮᖃᓪᓚᕆᒡᓗᓂᑦ, ᐃᓱᓕᕝᕕᒃᓴᓕᖕᒥᑦ, ᐃᖅᑲᓇᐃᔭᑲᐃᓐᓇᕐᓗᒍᓘᓐᓃᑦ ᓄᓇᕗᑦ ᒐᕙᒪᖓᓂ ᕿᓚᒻᒥᐅᓛᒃᑯᑦ ᐊᕐᕌᒍ ᐱᖓᓱᓄᑦ (ᓄᖅᑲᙲᓐᓇᕐᓗᒍᑦ ᐅᕝᕙᓗ ᐃᖅᑲᓇᐃᔭᕐᓇᐅᑎᓪᓗᒍᑦ ᑕᖅᑭᑦ 36-ᓄᑦ ᑲᑎᓪᓗᒋᑦ).
- ᐱᒪᒋᔭᐅᔪᒪᓂᖃᕐᓗᑎᑦ ᐃᖅᑲᓇᐃᔭᖅᐸᓪᓕᐊᓂᕐᒧᑦ ᓄᓇᕗᑦ ᒐᕙᒪᖓᓄᑦ.
- ᐱᔭᕇᖅᓯᓯᒪᓗᑎᑦ ᐃᖅᑲᓇᐃᔮᒃᓴᖅᑖᕋᓱᖕᓂᕐᒧᑦ ᐱᕙᒌᕐᓂᕐᒧᑦ ᑎᑎᖅᑲᑦ (CAR) ᐊᒻᒪᓗ ᐃᖅᑲᓇᐃᔭᕐᓂᕐᒧᑦ ᑐᕌᒐᕆᔭᐅᔪᓄᑦ ᐅᖃᓪᓚᖃᑎᒋᓗᒋᑦ ᐃᖅᑲᓇᐃᔮᓄᑦ ᐸᕐᓇᐃᔨᒻᒪᕆᒃ ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ;
- ᐱᐅᔫᖃᑦᑕᕈᑎᒃ ᐱᕙᓪᓕᐊᓂᕐᒧᑦ ᕿᒥᕐᕈᔭᐅᖃᑦᑕᕐᓂᖏᑦ.
- ᐃᑲᔪᖅᓯᖅᑕᐅᓗᓂᑦ ᒫᓐᓇᐅᔪᖅ ᒥᓂᔅᑕᐅᑉ ᑐᒡᓕᖓᓂ ᐃᓚᐅᖃᑕᐅᔪᓐᓇᕐᓂᖕᒧᑦ ᐃᖅᑲᓇᐃᔮᓄᑦ ᐱᕙᓪᓕᐊᔾᔪᑎᓄᑦ ᐃᓕᓐᓂᐊᕈᑎᓂᒃ.
ᓯᕗᓪᓕᐅᔾᔭᐅᓂᐊᖅᑐᑦ ᐃᓄᐃᑦ ᐊᑯᓂᐅᔪᖅ ᐃᓱᓕᕝᕕᒃᓴᓕᖕᒥᑦ ᐃᖅᑲᓇᐃᔮᖃᖅᑐᑦ.
ᐃᓄᐃᑦ ᐃᖅᑲᓇᐃᔭᖅᑏᑦ ᐃᓚᐅᖃᑕᐅᔪᑦ ᐊᓯᖏᓐᓂᒃ ᓄᓇᕗᑦ ᒐᕙᒪᐅᑉ ᐃᖅᑲᓇᐃᔮᓄᑦ ᐱᕙᓪᓕᐊᔾᔪᑎᖏᓐᓂᒃ ᐃᓚᐅᖃᑕᐅᔪᓐᓇᕆᕗᑦ ᐃᖅᑲᓇᐃᔮᓄᑦ ᐱᕙᓪᓕᐊᔾᔪᑎᑦ ᐃᓕᓐᓂᐊᕈᑎᓂᒃ.
ᐱᓇᔪᖕᓂᐊᕐᓗᓂ, ᒥᓇᕆᓗᒍ ᑎᑎᕋᕐᕕᒃᓴᑦ ᐊᑐᕐᓗᑎᑦ ᑲᓱᕐᕕᖕᓂᑦ ᐅᓇᓂ
Career Broadening Request Form 2020 IU Career Goals CAR Updated 2020 IU CAR Participants Consent IU Confirm Employment and Performance Review Updated August 2020 IU Career Broadening Guidelines IU
ᖃᐅᔨᒋᐊᕐᕕᖃᕐᓂᕐᒧᑦ ᑐᓴᖅᑕᐅᔪᒃᓴᑦ
ᓯᕗᒻᒧᐊᖃᑎᒌᓄᑦ
ᐃᖅᑲᓇᐃᔭᖅᑐᓕᕆᔨᒃᑯᑦ
@email
1-855-628-6200